ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-071600666656 %44 %
2019-12-082923931263 %37 %
2019-12-0939864354 %46 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 11:00 - 2019/08/14

قوستانايلىق پوليتسەيلەر تۇرعىنداردى اشىق اڭگىمەگە شاقىردى

قوستاناي. قازاقپارات – قوستاناي وبلىسىندا وسى اپتانىڭ سوڭىنا قاراي كەزەكتى «جولدا قابىلداۋ» اكتسياسى وتەدى، دەپ حابارلايدى قازاقپارات وبلىستىق پوليتسيا دەپارتامەنتى ءباسپاسوز قىزمەتىنە سىلتەمە جاساپ.

حالىقپەن كەرى بايلانىس جاساۋ، اشىق اڭگىمە ورناتۋ – مەملەكەت باسشىسىنىڭ ءتارتىپ ساقشىلارىنا قويعان تاپسىرماسى. سوعان بايلانىستى وبلىستىڭ پوليتسيا بولىمشەلەرى باسشىلارى «جولدا قابىلداۋ» رەسپۋبليكالىق اكتسياسىنىڭ 5-كەزەڭىن باستاماق. شارا 16-17 تامىز كۇندەرى ساعات 09:00-دەن 19:00-گە دەيىن دەپارتامەنت، اكىمشىلىك پوليتسيا، جەرگىلىكتى جانە كوشى-قون قىزمەتى باسشىلىعى، سونداي-اق قالالىق باسقارمالار مەن اۋداندىق پوليتسيا بولىمدەرىندە وتەدى. بۇدان باسقا، تۇراقتى رەجىمدە 8 (7142) 52-57-58 قاۋىرت جەلى تەلەفونى جۇمىس ىستەيدى، ول بويىنشا ءقازىر ازاماتتار وزدەرىن تولعاندىرىپ جۇرگەن سۇراقتارىن قويىپ، كاسىبي كەڭەس الا الادى.

«جولداعى قابىلداۋ» مامانداندىرىلعان اۆتوبۋستارى مىنا ماسەلەلەر بويىنشا قىزمەت كورسەتەدى: اۆتوكولىكتى تىركەۋ، جۇرگىزۋشى كۋالىكتەرىن، پاسپورتتار مەن جەكە كۋالىكتەردى بەرۋ، جول قوزعالىسىن ۇيىمداستىرۋ، كوشى-قون زاڭناماسىن ساقتاۋ، كولىك قۇرالدارىن قايتا جابدىقتاۋ، اكىمشىلىك قۇقىق بۇزۋشىلىق ءۇشىن ايىپپۇل تولەۋ، شاعىمدار، جول-پاترۋلدىك پوليتسياسى قىزمەتكەرلەرىنىڭ ىس-ارەكەتتەرىنە شاعىمدانۋ، ۋچاسكەلىك جانە مەكتەپ ينسپەكتورلارىنىڭ جۇمىسى. ماۋسىم ايىنان باستاپ تۇرعىنداردى قابىلداۋ جاڭا فورماتتا جۇمىس ىستەيدى. پوليتسيا قىزمەتكەرلەرىنە ارنايى ۇيىمداستىرىلعان ۇيىشىلىك قابىلداۋ بولمەلەرى ارقىلى حابارلاسۋعا دا بولادى»، - دەيدى وبلىستىق پوليتسيا دەپارتامەنتى باستىعىنىڭ مىندەتىن اتقارۋشى نىعمەت ىسماعۇلوۆ.

ونىڭ ايتۋىنشا، وبلىستا 40 «اۋلاداعى قابىلداۋ» نۇكتەسى ۇيىمداستىرىلعان. وندا ۋچاسكەلىك پوليتسيا ينسپەكتورلارى پيك-پەن جانە تۇرعىن ءۇي ينسپەكتسيالارىمەن بىرلەسىپ تۇرعىنداردى جەرگىلىكتى جەرلەردە موبيلدىك رەجىمدە قابىلدايتىن بولادى. ءقازىردىڭ وزىندە تۇرعىنداردان 3 700 ارىز-شاعىم تۇسكەن.


كەلۋ قاينارى: http://www.elarna.net/koru.php?tur=3&id=1034164

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى