الماتى. قازاقپارات – ەكى اياقسىز دۇنيەگە كەلگەن ءالي تۇرعانبەكوۆ «چەلسي» جانە «ليۆەرپۋل» فۋتبول كوماندالارىنىڭ جۇلدىزدارىمەن كەزدەسەدى. بۇل تۋرالى 11 جاستاعى قازاقستاندىقInstagram-داجازدى، دەپ حابارلايدىقازاقپارات.
«دوستار، مەن ۋەفا-نىڭ سۋپەركۋبوگىنا شاقىرۋ الدىم. وندا چەمپيوندار ليگاسى مەن ەۋروپا ليگاسىنىڭ وتكەن ماۋسىمداعى جەڭىمپازدارى - «ليۆەرپۋل» مەن «چەلسي» كەزدەسەدى. قۋانىشىمدا شەك جوق»، - دەپ ءبولىستى ءالي.
ول سونداي-اق بۇل ساپاردى ۇيىمداستىرعان ۋەفا-نىڭ باسشىلىعى مەن قورىنا، سونداي-اق «قايرات» فۋتبول كلۋبىنىڭ بايقاۋشى كەڭەسىنىڭ ءتوراعاسى قايرات بورانباەۆقا العىسىن ءبىلدىردى.
«بارشاڭىزعا جانە ءارقايسىڭىزعا جەكە ايتارىم: عاجايىپتار بولادى جانە ارماندار ورىندالادى. ەڭ باستىسى، جاقسىلىققا سەنۋ، ىس-ارەكەت ەتۋ، ارمانداۋ جانە تاڭىرگە ءۇمىت ارتۋ! بارلىق ادامدار مەن بالالاردى سپورتقا، بەلسەندىلىككە، پوزيتيۆكە، ارماندارعا، ماقساتقا جانە مەيىرىمگە ۇمتىلۋعا ىنتالاندىرعىم كەلەدى. بۇگىن مەن اتالعان كوماندالاردىڭ جابىق جاتتىعۋىنا قاتىسامىن!»، - دەپ قوستى ول.
ەسكە سالايىق، «ليۆەرپۋل» وتكەن ماۋسىمدا چەمپيوندار ليگاسىنىڭ، ال «چەلسي» ەۋروپا ليگاسىنىڭ جەڭىمپازدارى بولدى. كوماندالاردىڭ كەزدەسۋى 14 تامىز – سارسەنبىدەن بەيسەنبىگە قاراعان ءتۇنى تۇركيانىڭ ىستانبۇل قالاسىنداعى 43500 ادام سياتىن «ۆودافون ارەنا» ستاديونىندا وتەدى. قازاقستاندا تىكەلەي كورسەتىلىمدى «Qazsport» ارناسى جۇزەگە اسىرادى. باستالۋى – 00:45.
ايتا كەتەيىك، ءالي تۇرعانبەكوۆ بيىلعى كوكتەمدە فۋتبول الەمنىڭ جۇلدىزدارى ليونەل مەسسي مەن «بارسەلونا» ويىنشىلارىمەن كەزدەسكەن بولاتىن. بۇدان بولەك، قازاقستاندىق وقۋشى ونىڭ الدىندا وزگە دە بەلگىلى فۋتبولشىلار - اندرەي شەۆچەنكومەن، نەيمارمەن، كيلليان مباپپەمەن، ەدينسون كاۆانيمەن، ديەگو مارادونامەن، سونداي-اق ءوزىنىڭ كۋميرى، ەكى اياقسىز جانە ەكى قولسىز دۇنيەگە كەلگەن نيك ۆۋيچيچپەن جۇزدەسكەن ەدى.
ءتۇرى: قازاقپارات جاڭالىقتارى
جولدانعان ۋاقىتى: 00:57 - 2019/08/14
