تاراز. قازاقپارات –جامبىلدىق قۇرىلىسشىلار ارىس قالاسىنداعى 300 ءۇيدى جوندەپ، پايدالانۋعا بەرىپ ۇلگەردى، دەپ حابارلايدى قازاقپارات ءتىلشىسى.

ايتا كەتەيىك، ارىس قالاسىنىڭ اۋماعى 17 سەكتورعا بولىنگەن بولسا، جامبىل وبلىسىنا ء3-شى سەكتورداعى 11 كوشەدە ورنالاسقان 312 جەكە تۇرعىن ۇيلەردى قالپىنا كەلتىرۋ جۇمىستارى جۇكتەلگەن.

بۇگىندە وبلىسقا تيەسىلى بولىنىستەگى ورنالاسقان 312 جەكە تۇرعىن ءۇيدىڭ ء2-ۋى قايتا سوعىلىپ جاتىر. قالعان 310 تۇرعىن ءۇيدىڭ 300-ىندە جوندەۋ جۇمىستارى اياقتالىپ، 12 تۇرعىن ءۇي بويىنشا قالپىنا كەلتىرۋ شارالارى اتقارىلۋدا.

3-شى سەكتور بويىنشا جامبىل وبلىسىنان 4 قۇرىلىس كومپانياسى، 10 تەحنادزور ونىڭ ء5-ۋى تۇركىستان وبلىسى اكىمدىگى تاراپىنان جانە 500-گە جۋىق قۇرىلىسشى، 20 تەحنيكا جۇمىلدىرىلعان.

سونداي-اق، وبلىستىق ءبىلىم باسقارماسىنىڭ مالىمەتىنشە، بۇعان دەيىن ارىس قالاسىنىڭ 423 بالاسى جامبىلداعى جازعى ساۋىقتىرۋ لاگەرلەرىندە دەمالعان. قازىرگى تاڭدا ارىستىق 25 بالا جازعى دەمالىستارىن ءوڭىر لاگەرىندە قىزىقتى وتكەرۋدە.