ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-20544275358 %42 %
2019-08-21580410755 %45 %
2019-08-22320118552 %48 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 21:54 - 2019/08/13

«100 جاڭا وقۋلىق» -تۇبەگەيلى قوزعالىس

الەمدەگى ەڭ كوپ تارالعان ءتىل – اعىلشىن ءتىلى. تۋرا وسى زاڭدىلىق بويىنشا ءىلىم-عىلىمنىڭ دا نەگىزگى ءتىلى – اعىلشىن ءتىلى. عىلىمي جۇمىستار، جاڭالىقتار، زەرتتەۋلەر اۋەلى وسى تىلدە جاريالانادى. ءقايبىر كەزدەرى وسى تىلدەردەگى ءبىلىمدى الۋ ءۇشىن ءتىلدى مەڭگەرۋ، شەتەلگە بارىپ وقۋ كەرەك بولدى. ال ءقازىر شە؟

ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا دارىگەرلەر مەن مۇعالىمدەر عانا ەمەس، بولاشاقتى تۇسىنەتىن، زاماناۋي كوزقاراستارىن قالىپتاستىرعان مامانداردىڭ اۋاداي قاجەت ەكەنىن دە ايتا كەتەدى. بۇل – داۋسىز. جاھاندانعان زامان وزگەرىستەرىنەن حابارى بار، بولاشاعىن ناق باعدارلاي الاتىن، جاڭاشىلدىقتاردان حابارى بار، ءوزى تاڭداعان سالانىڭ «قۇلاعىندا وينايتىن» ماماندار قاي قوعامعا بولماسىن، قاي ۋاقىتتا بولماسىن اۋاداي قاجەت-اق. وسىنداي مامانداردى دايىنداۋ ءۇشىن، الەمنىڭ ۇزدىك وقۋ قۇرالدارىن كەز-كەلگەن جوو-دا وقيتىن ستۋدەنتكە قولجەتىمدى ەتۋ ءۇشىن، الەمدىك ارەناداعى ءىلىم مەن ءبىلىمدى ءار اۋىلدىڭ كوللەدج ستۋدەنتتەرى تەگىن الا الۋى ءۇشىن «100 جاڭا وقۋلىق» جوباسى ىسكە اسىرىلىپ كەلەدى. پسيحولوگيا، مەنەدجمەنت، كاسىپكەرلىك، فيلوسوفيا جانە ت.س.س. جاڭا زامان ماماندىقتارىنا ارنالعان الەمنىڭ وزىق وقىتۋ قۇرالدارى ەندى قازاق تىلىندە سويلەيدى. Ruh.kzسايتىنىڭ جوبا تۋرالى، جوبانىڭ ناقتى قانداي وقۋلىقتاردى، قالاي اۋدارىپ جاتقاندارى تۋرالى «ۇلتتىق اۋدارما بيۋروسى» قوعامدىق قورىنىڭ باس رەداكتورى – مۇحتار سەڭگىرباي مىرزامەن سۇقباتىن ءجاريالايمىز.

جۇز جاڭا وقۋلىقتىڭ جاڭاشىلىعى نەدە؟

مۇحتار سەڭگىرباي: ەلباسى نۇرسۇلتان نازارباەۆتىڭ 2017 جىلى جارىق كورگەن «بولاشاققا باعدار: رۋحاني جاڭعىرۋ» ماقالاسىنان باستاۋ العان بۇل جوبانىڭ جاڭالىعى تۋرالى كوپ ايتىلدى. بۇل – گۋمانيتارلىق ءبىلىم سالالارىنىڭ ەڭ وزىق وقۋلىقتارى مەن عىلىمي ەڭبەكتەرىن مەملەكەتتىك تىلگە اۋدارىپ، قازاقستاننىڭ جوعارى وقۋ ورىندارىنا تەگىن تاراتىپ بەرۋدى ماقسات ەتكەن ەلىمىزدەگى بىردەن-بىر جوبا. بۇل عىلىم ءتىلىن قازاقشالاندىرىپ قانا قويماي، قوعامداعى كۇردەلى ماسەلەلەردى كەشەندى تۇردە شەشۋگە مۇمكىندىك بەرەدى. ەڭ الدىمەن جاس وسكىندەردىڭ الەمدەگى كوپ سۇرانىسقا يە وقۋلىقتارعا قول جەتكىزىپ، سونىڭ ارقاسىندا ءبىلىم نارىنەن سۋسىنداۋىنا مۇمكىندىك بەرەدى. اۋدارىلاتىن كىتاپتاردى تاڭداۋدا ولاردىڭ ءتۇرلى يدەولوگيالىق دوگماتتاردان ادا، بەيتاراپ عىلىمي ستيلدە جازىلۋىنا ءمان بەرىلەدى. سوندىقتان، وندا بۇرىنعى-سوڭعى ءتۇرلى عىلىمي تۇجىرىمدار مەن كوزقاراستار ايتىلادى، ەشقايسىسىنا باسىمدىق بەرىلمەيدى. بۇل وقىرماننىڭ عىلىم سالاسىنان جالپى ماعلۇمات الىپ، ءارى قاراي ىزدەنۋىنە، سىني ويلاۋىنا مۇمكىندىك بەرەدى. ەلباسى ن.نازارباەۆ ايتقان «سانانىڭ اشىقتىعى» دەگەن وسى بولۋى كەرەك.

باعدارلاما اياسىندا اۋدارىلىپ جاتقان وقۋلىقتاردىڭ كوبى ءتيىستى عىلىم سالاسىنداعى تەرمينولوگيانى قالىپتاستىرۋعا جول اشىپ جاتىر. سالا ماماندارى، بەدەلدى عالىمدار مەن بىلىكتى فيلولوگتار جاڭا تەرميندەردى قالىپتاستىرۋعا كوپ كۇش سالىپ جاتىر. بۇل جوبا ءبىراز كىبىرتىكتەپ قالعان ۇلتتىق تەرمينجاسام پروتسەسىنە قوزعاۋ سالا السا، بۇل دا – ۇلتتىڭ رۋحاني جاڭعىرۋىنىڭ ءبىر بەلگىسى بولسا كەرەك.

بىز بايقاعان ءۇشىنشى جاڭالىعى – بۇل جوبا جالپى قازاق تىلىندەگى كىتاپ يندۋسترياسىنا، عىلىمي-كوپشىلىك اۋدارما ىسىنە سەرپىن اكەلىپ جاتقان سياقتى. ءقازىردىڭ وزىندە ءتۇرلى عىلىمي، عىلىمي-كوپشىلىك، ادەبي جانە موتيۆاتسيالىق كىتاپتار شىعارۋعا بەت تۇزەگەن ۇيىمدار بوي كوتەرىپ جاتىر. بۇل دا بولاشاقتا تىلدىك ورتانىڭ ساپالى، مازمۇندى بولۋىنا، سول ارقىلى جالپى قازاق ءتىلىنىڭ مارتەبەسىن كوتەرۋگە سەپ بولادى دەپ ۇمىتتەنەمىز.

رۋحاني جاڭعىرۋ جوباسىنىڭ ءىس جۇزىندە جالپى ۇلتتىق سيپات الۋى ءۇشىن نەگە كوڭىل اۋدارۋىمىز قاجەت؟

مۇحتار سەڭگىرباي: مەنىڭشە، ەڭ الدىمەن ءار ازامات بۇل جوبانى ناۋقانشىلدىق، الدەبىر ساياسي كونيۋنكتۋرانىڭ وتپەلى ءبىر بولىگى دەپ ەمەس، ۇنەمى جۇرەتىن، تۇراقتى، تۇبەگەيلى قوزعالىس دەپ ءتۇسىنىپ، ونى وزىنەن باستاۋى كەرەك. جەكە ءوز تۇسىنىگىمدە رۋحاني جاڭعىرۋ – كەڭەستىك وتكەننىڭ بارىنەن كوزسىز باس تارتۋ ەمەس، ءححى عاسىردىڭ ادامىنا ساي تالعاممەن، سىني كوزقاراسپەن قاراپ، ادامزاتتىڭ وسى كەزگە دەيىنگى جەتكەن جەتىستىكتەرىن ەكشەپ پايدالانۋ، ونى وزىڭە، اينالاڭا، ستۋدەنتتەرىڭە، وتباسىڭا تاراتۋ. كوپ ماسەلەگە باسقا ۇلتتىڭ كوزقاراسى ارقىلى قاراۋ، ءوز ءتىلىڭدى، رۋحانياتىڭدى قور ساناۋ سياقتى كولونيالدىق سانا-سەزىمنەن ارىلۋ، ماڭايىڭدى دا سوعان شاقىرۋ. بۇل – ۇلتتىق ۇستەمدىك ەمەس، ناعىز ليبەرالدىق تۇسىنىك، ياعني كوپ بىلمەككە ۇمتىلۋ، الەمگە ءتۇرلى كوزقاراستار تۇرعىسىنان قاراۋ جانە مۇنى ءوز ۇلتىڭنىڭ دۇنيەتانىمىمەن قابىستىرا ءبىلۋ.

جوبا ءقازىردىڭ وزىندە جالپىۇلتتىق سيپات الدى دەپ ويلايمىن. ونىڭ ناتيجەسى وسى جوبانىڭ اياسىندا تاربيەلەنىپ، وسى وقۋلىقتاردى وقىپ جاتقان ۇرپاق ءوسىپ، قوعامعا تولىق ارالاسقاندا ايقىن كورىنەدى دەپ ءۇمىت ەتەمىز.

100 جاڭا وقۋلىقتىڭ كەلەسى ساندارى لاتىن قارپىندە جاريالانۋى مۇمكىن بە؟

مۇحتار سەڭگىرباي: قازاق ءتىلىن لاتىن قارپىنە كوشىرۋ – رۋحاني جاڭعىرۋ جوباسىنىڭ اسا ماڭىزدى بولىگى. بۇل اسىرەسە سانانىڭ اشىقتىعى، باسەكەگە قابىلەتتىلىك، ۇلتتىق بىرەگەيلىكتى قالىپتاستىرۋ تۇرعىسىنان وتە قاجەت شارا.

العاشقى 18 وقۋلىق شىققان كەزدە-اق كىتاپتاردى لاتىن قارپىمەن شىعارۋ تۋرالى يدەيا بولعان. مۇنداي پىكىرلەر ءقازىر دە كوپ ايتىلادى. دەگەنمەن، جاڭا ءقارىپتىڭ ەملە ەرەجەلەرى ءالى بەكىتىلمەگەنىن، ونىڭ اپروباتسيادان وتپەگەنىن ەسكەرىپ، ازىرگە لاتىن قارپىنە كوشۋدى كەيىنگە شەگەرىپ وتىرمىز. ءقارىپ دايىن بولعانشا عالىمدار، ستۋدەنتتەر مەن وقۋشىلار قازىرگى الىپبيمەن وقىپ، تانىسا بەرەدى. بولاشاقتا بۇل كىتاپتاردىڭ لاتىن قارپىمەن جاڭارىپ، قايتا باسىلارىنا سەنەمىز.

وقۋلىقتار اۋىل وقۋشىلارىنا قولجەتىمدى مە؟

مۇحتار سەڭگىرباي: وقۋلىقتار 130 جوعارى وقۋ ورنى مەن 130 كوللەدجگە 10 مىڭ دانامەن تاراتىلدى. ونىڭ ۇستىنە openu.kz سايتىنان «ۇلتتىق اۋدارما بيۋروسىندا» شىققان بارلىق كىتاپتىڭ ەلەكتروندى نۇسقاسىن اشىپ، وقۋعا بولادى. ياعني، كىتاپتاردى ينتەرنەتى بار كەز كەلگەن ادام اشا الادى. بۇعان قوسا، سالا عالىمدارىنىڭ قاتىسۋىمەن بارلىق وقۋلىققا قازاق، ورىس تىلدەرىندە ۆيدەولەكتسيالار ازىرلەنىپ، سول رەسۋرسقا سالىنىپ جاتىر. كىتاپتاردىڭ كەيبىرىنىڭ اۋديونۇسقالارى ازىرلەنىپ، ولاردى دا جۇكتەپ جاتىرمىز. حالىقتان سۇرانىس بولعاندىقتان، كەي وقۋلىقتاردى كىتاپ دۇكەندەرىنە شىعاردىق. قىسقاسى، وقۋلىقتار قالىڭ وقىرمانعا جەتۋى ءۇشىن قولدان كەلگەن مۇمكىندىكتىڭ ءبارىن جاساۋعا تىرىسىپ جاتىرمىز.

سۇقباتىڭىزعا راقمەت! ەڭبەگىڭىز جەمىستى بولسىن!

«ەلدىڭ بولاشاعى – جاستار» دەگەن ءسوزدىڭ ايتىلا-ايتىلا ءقادىرى كەتكەن سەكىلدى. دەسە دە بۇل – اقيقات. جاستارعا جاسالعان جاقسىلىق – ەل ەرتەڭىنە جاسالعان، بولاشاققا جاسالعان ەڭ ءتيىمدى ينۆيستيتسيا. جاستارىمىزدىڭ ساۋاتتى بولۋى، جاستارىمىزدى جاھاندانعان جاڭا زامانعا ساي بولۋى – ۇلكەن ماسەلە. سوندىقتان تۇتاس ۇلت بولىپ قولعا الىنعان جوبالاردى، يگى ىستەردى بارىنشا قولداۋعا، بارىنشا ءتيىمدى پايدالانۋعا شاقىرامىن. جارقىن قازاقستاننىڭ التىن بولاشاعىن بىرگە جاسالىق!


كەلۋ قاينارى: http://www.elarna.net/koru.php?tur=3&id=1034065

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


رەسەيدىڭ يركۋتسك وبلىسى 1 مينوت
وترازياتسيا لي نا دەتيا 1 مينوت
ء«ازىلىڭ جاراسسا...». ا 1 مينوت
الماتىدا ءدامحانا ورتەن 6 مينوت
پارتيانىڭ جاڭا باعىتى: 6 مينوت
وسى ارانى باسىپ كورىڭىز 6 مينوت
فۋتبول: قازاقستان كۋبوگ 7 مينوت
رەسەيدىڭ يركۋتسكى وبلىس 16 مينوت
جاستاردىڭ ۇلتتىق رۋح يم 16 مينوت
اياقتالماعان تۋىندىلار: 16 مينوت
جۇڭگو تىلشىلەر بىرلەستى 16 مينوت
الەمدەگى 500 مىقتى سەرى 16 مينوت
روبوتتاردىڭ «باس قوسۋى» 16 مينوت
قانات ومار ەۋروپاداعى ح 16 مينوت
سىچۋان ولكەسىنىڭ ابا دە 16 مينوت
قوستاناي وبلىسىندا ءورت 16 مينوت
ەدينىي سوۆوكۋپنىي پلاتە 16 مينوت
اقتوبەدە وزبەكستان ازام 22 مينوت
الماتى وزەندەرى ءبىز ءس 26 مينوت
وسى ارانى باسىپ كورىڭىز 26 مينوت
الپينيستەردى ىزدەۋ جۇمى 1 ساعات
ولگەن ادامنىڭ بولمەسىنە 1 ساعات
قوزى مەن بايان بولىپ تا 1 ساعات
ءKASE-نىڭ تاڭعى سەسسياس 1 ساعات
رەسەيلىك باق: ۋكراين تە 1 ساعات
قىزىلوردادا قۇرىلىس سال 1 ساعات
الپينيستەردى ىزدەۋ جۇمى 1 ساعات
روبوت فيودور بايقوڭىردا 1 ساعات
ءيزرايلدىڭ پالەستينالىق 1 ساعات
«حالىق گازەتىنىڭ»: «ا ق 1 ساعات