ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-151110375335 %65 %
2019-09-161515454335 %65 %
2019-09-17677203038 %62 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: «ارعىماق» تورابى

جولدانعان ۋاقىتى: 19:57 - 2018/11/10

Kokparshy kelinshek

…نامىسىن بەرمەۋ ءۇشىن جاتقا قولدان

ارۋلار از بولدى ما اتقا قونعان؟… – دەپ جۇبان مولداعاليەۆ «مەن قازاق قىزدارىنا قايران قالام؟»  اتتى  جىرىندا قازاق قىزدارىنىڭ ەرلىگىنە ءتانتى بولادى.  ەل باسىنا كۇن تۋعان زامانداردا ەركەكتەرمەن تىزە قوسا شايقاسقا تۇسكەن انالارىمىز، اپكەلەرىمىز از ەمەس. ارىگە سۇڭگىسەك توميريس، بەرىگە قاراي جاقىنداساق بوپاي قاسىمقىزى، جۇبان اقىنشا ايتار بولساق «ەرلىكتىڭ قوس قاناتىنداي» بولعان ء اليا مەن مانشۇك، حيۋاز دوسپانوۆا، جەلتوقسان كوتەرىلىسى كەزىندە كوزگە تۇسكەن ءلاززات پەن ءسابيرا باستاعان جۇزدەگەن قاراكوز قىزدارىمىز بۇل سوزىمىزگە دالەل.

بۇگىنگىدەي بەيبىت زاماندا ونەرىمەن، يا بولماسا بىلىمىمەن اتىمىزدى الەمگە تانىتىپ جۇرگەن اپكە-قارىنداستارىمىز جەتەرلىك. الدىڭعى ءبىر ماقالامىزدا ايگەرىم اتتى شاباندوز قىز جايلى جازعان بولاتىنبىز. ماقالا بارىسىندا  «قىزدار ارالاسپاعان ءبىر عانا سپورت ءتۇرى بار. ول – كوكپار» دەگەنىمىز دە بار ەدى. دەسەك تە، جەكەلەي كوكپار تارتقان قىز-كەلىنشەكتەردىڭ بار ەكەنىن جوققا شىعارمادىق.  ايگەرىم جايلى ماقالامىز جاريالانعان كۇنى-اق، ءبىر وقىرمانىمىز ءوز اۋىلدارىندا كوكپارشى كەلىنشەك بار ەكەنىنەن حاباردار ەتتى. ءسوز اۋانىنان-اق اڭعارىپ وتىرعان بولارسىزدار.

سونىمەن نازارلارىڭىزعا كوكپار تارتىپ، قىز قۋعا تۇراقتى تۇردە قاتىسىپ جۇرگەن سوزاق اۋىلىنىڭ تۇرعىنى  التەشوۆا ادولات داداحانقىزىمەن سۇحباتىمدى ۇسىنامىن.

- ادولات، وقىرمانىمىزعا ءوزىڭىز جايلى قىسقاشا مالىمەت بەرىپ وتسەڭىز…

- مەن، 1971 جىلى بۇرىنعى وڭتۇستىك قازاقستان وبلىسىنا، قازىرگى تۇركىستان وبلىسى، سوزاق اۋدانىنا قاراستى سوزاق اۋىلىندا ءتۋىپ-وستىم.

- جىلقىعا دەگەن قۇمارلىعىڭىز قانشا جاسىڭىزدا باستالعان ەدى؟

- تۋعانىمنان اتقا قۇمار بولدىم دەپ ايتۋىما دا بولاتىن شىعار. ءۇش جاسىمدا «اتقا مىنەم، اتقا مىنەم» دەپ جىلاي بەرگەن سوڭ، اكەم اتقا وتىرعىزىپ، جەتەكتەپ جۇرگەن ەكەن. بەس جاسىمدا ۇيدەگى جۋاس اتتارعا مىنە الاتىنمىن. جاي عانا ءمىنىپ قويماي، مال قايىرىپ كەلەتىن دارەجەگە جەتكەن ەدىم. بەس جاسىمنان بۇگىنگى كۇنگە دەيىنگى ءومىرىم تەك جىلقىمەن بايلانىستى. اتقا دا شاپتىم، كوكپاردى دا تارتتىم، قىز قۋعا دا قاتىستىم. ءالى دە وسى ىستەرمەن اينالىسىپ ءجۇرمىن.

- اكە-شەشەڭىز جايلى ايتا كەتسەڭىز…

- مەنىڭ اكەم دە شەشەم دە مال شارۋاشىلىعىمەن اينالىسقان، اۋىلدىڭ كۇيبەڭ تىرشىلىگىمەن كۇنىن كورگەن ادامدار. ەكەۋى دە اتقا ءمىنىپ، كوكپار تارتقان ادامدار ەدى. اكەم جۇيرىك ات ۇستاپ، ونى بايگەگە قوسىپ قىزىقتاعاندى جاقسى كورەتىن جان بولاتىن. انام دا تاپ قازىرگى مەن سەكىلدى كوكپار بولسا كوكپارعا، قىز قۋ بولسا قىز قۋعا شىعا سالاتىن جانتىن. اكەم جوقتا اتقا ءمىنىپ، جوق قاراپ، جىلقى قايىرا سالۋ ول كىسى ءۇشىن ۇيرەنشىكتى شارۋا بولىپ سانالاتىن.  سودان بولار، ولار مەنىڭ اتقۇمارلىعىما قىرىن قاراعان جوق. بايگەگە شابۋىما دا قارسى بولمادى.

- ءسىز سوندا بايگەگە شاباندوز رەتىندە شاۋىپ كوردىڭىز بە؟  جۇلدەلى ورىنداردان كورىنە الدىڭىز با؟

- ارينە،  شاباندوز بولۋ باقىتىن  سەزىنىپ كورگەن اداممىن. ۇمىتپاسام، 1984 جىلى ءوزىمىزدىڭ ءۇيدىڭ ءبىر قۇنانىنا شاپقان بولاتىنمىن. بۇل بايگە اۋداننىڭ باسىندا وتكەن ەدى. سول جولى ءبىرىنشى ورىندى يەمدەندىم. ءدال سول جىلى كۇزدە ءوزىمىزدىڭ اۋىلدا وتكەن ءبىر بايگەدە ەكىنشى ورىنعا ىلىكتىم. «اتىما شاۋىپ بەرشى»  دەگەن اۋىلداستارىمىزدىڭ تالايىنىڭ قولىن قاقپاي،  اتىنا شاپتىق قوي. ءقايسىبىرى  ەستە قالدى دەيسىڭ.

- ومىرلىك سەرىگىڭىزدى تابۋعا ات سپورتىنىڭ سەپتىگى ءتيدى مە؟

- جولداسىمدى ات سپورتى ارقىلى تاپتىم دەسەم وتىرىك بولىپ كەتەر. ەكەۋمىزدىڭ وتباسىن قۇرۋىمىزعا جارىستىڭ دا، كوكپاردىڭ دا ەش قاتىسى جوق. دەگەنمەن، ول دا اتقۇمار جان. اتبەگىلىگى ءبىر توبە، كوكپارشىلىعى ءبىر توبە جىگىت قوي. ەكەۋمىز ءبىر-بىرىمىزدى بۇرىننان بىلەتىنبىز.

- قىز قۋعا قانشا جاسىڭىزدان باستاپ قاتىستىڭىز؟

- قىز قۋعا ون بەس جاسىمنان باستاپ قاتىستىم. ول كەزدە سوۆحوزدىڭ اتىنان قاتىساتىنبىز. شوپاندار تويى، سابان توي سەكىلدى ۇلكەن تويلاردا سوۆحوز-سوۆحوزعا ءبولىنىپ، ءتۇرلى ويىندار وينالاتىن. سوزاق اۋىلىنىڭ اتىنان تالاي مارتە قىز قۋعا قاتىسقان بولاتىنمىن.

- قىز قۋعا ءالى كۇنگە قاتىسادى ەكەنسىز. بۇعان بالا-شاعاڭىز، جولداسىڭىز قالاي قارايدى؟

- مەن قىز قۋعا قاتىسامىن دەسەم كۇيەۋىم ات جاراتا باستايدى. بۇل ونىڭ قارسى ەمەس ەكەنىن بىلدىرەدى ەمەس پە؟ اتىمدى ۇكىلەپ، قىز قۋعا ءوزى اپارادى.  بالا-شاعام «انامىز اتقا جىگىتتەردەن كەم مىنبەيدى» دەپ ماقتان تۇتىپ وتىرادى.

- قىز قۋعا قاتىسقان كەزىڭىزدە قۋىپ جەتكەن جىگىتتىڭ جاۋىرىنىنان شىنىمەن قاتتى ۇراسىز با؟

- بۇل ويىن عوي. ءجاي عانا بىر-ەكى رەت قامشى تيگىزىپ وتەمىن. ويىننىڭ ەسەبىنە جازىلاتىنداي كورىنىس جاسايمىز عوي. قازىرگى قارسىلاستارىمنىڭ كوبى جاس بالالار. انا رەتىندە ولاردى قاتتى «جازالاۋعا» قولىم بارمايدى.

- بالالارىڭىز ات سپورتىنا جاقىن با؟ قانشا بالا تاربيەلەپ وتىرسىزدار؟

- بالالارىمىز ات دەسە ەلەڭدەپ تۇرادى.  اكەسى مەن شەشەسى اتقۇمار بولعان سوڭ ولاردىڭ قانىندا بار دۇنيە عوي. ماشينا دەگەنگە قاراعاندا جىلقىعا جاقىن. ءبىر قىز، ەكى ۇل تاربيەلەپ وتىرمىز. قولىم قالت ەتە قالسا، ۇلدارىمدى اتقا مىنگىزىپ، ات ونەرىنىڭ قىر-سىرىن ۇيرەتىپ قالۋعا تىرىسامىن.

- نەگىزگى تابىس كوزىڭىزدى قانداي كاسىپتەن تاۋىپ وتىرسىز؟

- مەن كىشكەنە كەزىمنەن «وقۋ وقىسام، قالاعا بارسام ەكەن» دەپ وسكەن بالا ەمەس ەدىم. سونىڭ اسەرى مە ەشقانداي دا جوعارى ءبىلىم بەرەتىن وقۋ ورنىندا وقىماپپىن. كاسىبىمىز دە، ءناسىبىمىز دە جىلقى. بيە ساۋىپ، ساۋمالى مەن قىمىزىن ساتاتىن قاتارداعى كوپ كەلىنشەكتىڭ ءبىرىمىن. ءبىزدىڭ اۋىلعا كەلىپ جاتساڭىز، ۇيگە سوعىپ، بال قىمىزىمىزدان ءدام تاتىپ قايتىڭىز.

- ءسىزدى كوكپارعا دا قاتىسقان دەپ ەستىپ جاتىرمىز. كوكپار شابۋ دەگەنىمىزدىڭ ءوزى اناۋ-مىناۋ ازاماتتىڭ قولىنان كەلمەيتىن دۇنيە عوي. وسى ونەرىڭىز جايلى تارقاتا كەتسەڭىز

- مەن نەگىزى ۇلكەن سالىمى بار كوكپارلارعا قاتىسپايمىن. ونداي كوكپارعا قاتىسام دەسەم دە قاتىستىرماس ەدى.  ال، ءبىر اۋىلدان ەكىنشى اۋىلعا كوكپار الىپ قاشۋ سەكىلدى اۋىلارالىق كوكپارلارعا قاتىسىپ تۇرامىن. ونداي كوكپارعا كۇيەۋىم دە قاتىسادى. ەكەۋمىز ءبىر كوماندا ساپىندا ويناپ، تالاي سەركەنى اۋىلعا اكەلدىك قوي. ءبىزدىڭ جاقتا كوكپار ويىنى ەكى كۇندە ءبىر بولادى عوي.  اۋىلدىڭ جىگىتتەرى تارتىسىپ ءجۇرىپ، سەركەنى مەنىڭ الدىما وڭگەرىپ بەرەدى. مەنىڭ جۇمىسىم جۇيرىك اتپەن اۋىلعا قاراي الىپ قاشۋ.

- ء«اي، وسى ونەرىڭدى قويساڭشى» دەپ ەسكەرتۋ جاساعان ادامدار بولدى ما؟

- جوق، ونداي ەسكەرتۋ ەستىپ كورمەدىم. سەبەبى، كىشكەنتاي كەزىمنەن اتقا مىنگەندىگىمنەن بولار، ەشكىمگە بۇل قىلىعىم ەرسى كورىنبەيدى. اۋىلدىڭ ادامدارىنىڭ كوبىنىڭ كوزىنە ەركەك  بولىپ كورىنەتىن سەكىلدىمىن. مەنى ايەل ساناتىنا قوسپايتىن سەكىلدى كوپ اۋىلداسىم. كورشى ماڭايلارداعى كوكپار، قىز قۋ ويىندارىنا اۋىلىمىزدىڭ اتىنان باراتىن كوماندانىڭ بەلدى مۇشەسىمىن دەپ ماقتانىشپەن ايتا الامىن.

قىز قۋعا قانشا جاسىڭىزعا دەيىن قاتىسپاق ويىڭىز بار؟

- «مىنا جاسقا كەلگەننەن سوڭ قويامىن» دەپ ناقتى ءبىر جاستى بەلگىلەپ ايتا المايمىن. بۇل سپورت بولعانىمەن  تاپ وسى سپورت ويىنىندا ويىنشىنىڭ مەجەلى جاسى كورسەتىلمەگەن.  اللا اتتان تۇسىرمەيىنشە، دەنساۋلىعىمىز جاراپ تۇرسا ءالى ءبىراز قاتىسا بەرەتىن بولارمىن.

- قىزىڭىز ءوزىڭىزدىڭ جولىڭىزدى قۋىپ، «قىز قۋعا قاتىسامىن» دەسە رۇقساتىڭىزدى بەرەسىز بە؟

- «اكە بالاعا سىنشى» دەگەن ماقال بار عوي. قىزىم اتقا مىنە العانىمەن تاقىمى بوستاۋ.  «بولامىن دەگەن بالانىڭ بەتىنەن قاقپا، بەلىن بۋ» دەگەن دە بار. جالىنداپ تۇرسا، رۇقساتىمدى بەرەر ەدىم. ءبىراق، قىزىم ول جاعىنان مەنىڭ جولىمدى قۋماپتى. ايتپەسە، ءقازىر التىنشى سىنىپتا وقىپ ءجۇر عوي. ءوزىمىز بۇل جاسىمىزدا اتتىڭ  قۇلاعىندا وينايتىنبىز. ال، ەكى ۇلىما كەلەر بولسام، ولار شىنىمەن دە اتقۇمار. بولاشاقتا ەكەۋىنەن مىقتى شاباندوز شىعىپ قالۋى دا مۇمكىن. كىشى ۇلىمىز ءالى بەس جاستا، ۇلكەن ۇلىمىز ءتورتىنشى سىنىپتا وقيدى.

- اتبەگىلىك، شاباندوزدىقتان باسقا قانداي قىرلارىڭىز بار؟

- ايەل ادام بولعاندىقتان تاماق ىستەي ءبىلۋ مىندەتىمىز. كۇيەۋىم مەن بالالارىمنىڭ جىرتىلعان كيىمدەرىن جاماۋ دا كۇندەلىكتى تىرلىككە جاتادى عوي. شاپان ءپىشىپ، تون تىگەتىن ونەرىم بار دەپ ءسىزدى الداي المايمىن. اتقا شاپقاننان بولەك موتوتسيكل تەبە الاتىن ونەرىم بار.

- اڭشىلىققا دەگەن كوزقاراسىڭىز؟  مال شارۋاشىلىعىمەن اينالىسىپ جۇرگەن سوڭ  مىلتىق اتا الاتىن شىعارسىز؟

- اڭشىلىق دەگەن باعزى زاماندا ادامدارعا ازىق كەرەك بولعاننان كەيىن تۋعان دۇنيە عوي. ءقازىر دالا جانۋارلارىنا قاراپ قالعانىمىز جوق قوي. اڭدى جول تالعامايتىن كولىكپەن وڭدى-سولدى قۋىپ، الىستاعى جىرتقىشتى كوز الدىڭا اكەلىپ بەرەتىن مىلتىقپەن اتىپ الۋدى مەن اڭشىلىققا سانامايمىن. يت قوسىپ، قۇس سالعاننىڭ دا ءوز قىزىعى بار شىعار. بۇل جەردە ءتۇز تاعىسى مەن اڭشىنىڭ كۇشى تەڭ بولىپ تۇر. مەن جالپى زورلىق-زومبىلىققا قارسى اداممىن. سوندىقتان اڭشىلىققا دا قارسىمىن. ال، مىلتىق اتا الامىن. باياعىدا اكەمنەن مىلتىق اتۋدى دا ۇيرەنگەنمىن. اكەمىز قايتىس بولعان سوڭ «قۇجاتتارى تولىق ەمەس» دەگەن جەلەۋمەن قۇزىرلى ورگان قىزمەتكەرلەرى ول مىلتىقتى الىپ قويعان بولاتىن.

- راحمەت، ادولات! بالا-شاعاڭىزدىڭ قىزىعىن كورىڭىز! ءارقاشان اينالاڭىزداعى ادامدارعا قۋانىش سىيلاپ، گۇلدەي جايناپ جۇرە بەرىڭىز! اۋىزدىعىمەن الىسقان تۇلپارلارىڭىزدىڭ تۇياعى مۇقالماسىن!

Aisultanايسۇلتان جاقىپوۆ، el.kz


كەلۋ قاينارى: http://www.elarna.net/koru.php?tur=2&id=895967

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


لوندوندا سەمەي پوليگونى 1 مينوت
ۆ 6 سلۋچاياح موجنو سموت 4 مينوت
قانات يسلامنىڭ قارسىلاس 4 مينوت
مىرزاكەنتتىڭ ورتالىق ال 4 مينوت
تاتارستاندا اۋدارىسپاقت 7 مينوت
از ۇلتتاردىڭ 11 - كەزەك 9 مينوت
«حالىقارالىق ساۋدا» يند 9 مينوت
ۆالەنتينا يسلاموۆا ايەل 13 مينوت
قازاقستاننىڭ ارزان بەنز 16 مينوت
مينيستر: قازاقستاندىق و 19 مينوت
قازاقستان بيزنەس جۇرگىز 19 مينوت
قر پرەزيدەنتى جۇمىس ساپ 25 مينوت
الماتىدا جيھاز تسەحىنىڭ 28 مينوت
جانسايا ابدىمالىك الەمن 29 مينوت
«استانا» «مانچەستەر يۋن 29 مينوت
ناۋرىزبەك قابىلقاق ۇلى 29 مينوت
از ۇلتتاردىڭ 11 - كەزەك 29 مينوت
قازاقستاندىقتار ءوز اكى 1 ساعات
مۇحاممەد پايعامبار يسلا 1 ساعات
قازاقستاندا كۇن 35 گراد 1 ساعات
21 ملن تەڭگە جىمقىرعان 1 ساعات
تەننيس: پۋتينتسەۆا وساك 1 ساعات
1400 شاقىرىم جول جوندەل 1 ساعات
قازاقستان مەن رەسەي شەك 1 ساعات
پاۆلوداردا زاڭسىز الكوگ 1 ساعات
الماتىدا مەكتەپ تەرەزەس 1 ساعات
ول جەردە وزىنە-وزى قول 1 ساعات
ينگۋشەتيا جوعارعى سوتى 1 ساعات
الماتىدا مەكتەپ تەرەزەس 1 ساعات
قانات يسلام 26 قازاندا 1 ساعات