ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2020-01-231834676963 %37 %
2020-01-241670648361 %39 %
2020-01-25830265260 %40 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 07:30 - 2019/12/14

«ۇلى مارتەبەلى» دەپ لاۋازىمنان باستايتىن سۇمدىعىڭىز نە؟ – Sunna.kz

ۇلت اعارتۋشىسى ىبىراي التىنسارين

قازاق بالالارىن ۇقىپتىلىققا، تازالىققا، وتىرىقشىلىق تۇرمىستىڭ ارتىقشىلىعىنا، مىسالى، قۇرعاق جىلى بولمەلەردە تۇرۋعا ۇيرەتۋدىڭ ءوزى قازاق دالاسىندا تاربيەلىك ءمانi بار جۇمىس دەپ بىلەمىن.

مەكتەپتىڭ شارۋاشىلىق جاعدايلارى جامان بولسا،  ونىڭ ءىسى ەش ۋاقىتتا دا وڭعا باسپايدى، پايدالى ەشنارسە بەرمەيدى، ونىڭ وقۋشىلارى دا، وقىتۋشىلارى دا ىستەن كۇدەر ءۇزىپ كەتەدى.

قىزمەت بابىندا مەن قازاقتارمەن ءجيى-جيى ۇستاسىپ قالامىن، ولاردىڭ ىشىندە مەنىڭ ءوز تۋىسقاندارىم دا بار. ولاردىڭ سىرىن جاقسى بىلەمىن، كوبىن ءتىپتى جەك كورەمىن. قازاق اراسىنداعى قىزمەت ادامدارىن دا كوڭىلىم ءتىپتى سۇيمەيدى. ولار كەدەي قازاقتاردى، قارسىلىق كورسەتە الماي قاسقىردىڭ اۋزىندا جەم بولاتىن قورعانسىز مومىنداردى ادامشىلىقتىڭ شەگىنەن شىعا، ارسىزدىقپەن تونايدى، تالايدى. سولاردى كورگەندە، مەنىڭ جۇمىسىم بولماساداعى مەن وتە قاتتى كۇيىنەمىن.

يا، ايتپاقشى، مەن سىزگە ءبىر كىشكەنە سوگىس بەرەيىن دەگەن ەدىم. ءسىز ماعان جازعان حاتىڭىزدى «ۇلى مارتەبەلى» دەپ لاۋازىمنان باستايتىن سۇمدىعىڭىز نە؟ دوستار اراسىندا جانە ولاردىڭ حاتتارىندا لاۋازىم ايتىلۋشى ما ەدى؟ ونداي سوزدەرمەن مەنى ەندىگارى ۇيالتىپ، قىزارتىپ جۇرمەڭىز، ايتپەسە مەن دە سىزگە حاتىمدى ء«سىزدىڭ ۇلى مارتەبەڭىزگە» دەپ باستايتىن بولامىن.

قازاق حالقى دەگەن وقۋ-بىلىمگە سۋساپ وتىرعان حالىق; اتتەڭ، بۇل ىسكە وقىعان ادامداردىڭ جانى اشىمايتىنى ەسىڭە تۇسكەندە كەيدە كۇيىنەسىڭ. ءبىز بۇل جاعىنان الىپ قاراعاندا، كەيدە، جىلى سوزگە ىنتىزار جەتىم بالا سياقتىمىز.

ال ەندى قۇداي باسىما نە سالسا دا مەن كۇشىمنىڭ جەتكەنىنشە تۋعان ەلىمە پايدالى ادام بولايىن دەگەن نەگىزگى ويىمنان، تالابىمنان ەش ۋاقىتتا دا قايتپايمىن. قۇدايىم تەك ادام بالاسىنىڭ جاۋىزدىق قىلىقتارىنا قارسى تۇرۋعا، ناحاق جالا-جاپساردىڭ كۇيىگىنەن ارماندا كەتپەۋگە دەم بەرسىن.

ىستەپ جاتقان ىسىمە، كوزدەگەن ماقساتىما بەرىلىپ كەتىپ، مەن وسى كەزگە دەيىن ءوزىمنىڭ كەلەشەگىمدى، ءوز ءۇيىمنىڭ كەلەشەگىن ويلانباپپىن عوي; مۇنى ويلانۋ كەرەك سياقتى كورىنەدى.

قانشا مال كوپ تە بولسا قاناعاتى جوق كىسى بايلىققا جەتتىم دەپ تويمايدى; قانشا مال از دا بولسا، بارىنا قاناعات ەتە بىلسە، بۇل ادامنىڭ كوڭىلى جايلى، تىنىشىراق بولادى.

قازاقتاردىڭ مەنەن كۇتىپ جۇرگەن ءۇمىتى زور; اسىرەسە، قۇرمەتتى ادامدار ماعان مەكتەپكە بالالارىن بەرۋگە ىنتالى ەكەندىكتەرىن كورسەتىپ وتىر، ولارعا ەڭ الدىمەن مەملەكەتتىڭ زاڭىن ۇيرەت دەپ ءوتىنىش جاساپ ءجۇر، سونداعى ويلارى كەيىن ولاردان زاكۇنشىكتەر، دەمەك، وسەكشىلەر شىقسىن دەگەنى عوي. مىنە، ولاردىڭ كوزدەگەنى وسى.

بىر حاتىڭىزدا ءسىز مەنىڭ حاتىمدى باسقالارعا كورسەتىپ ەدىم، ولاردىڭ ءبارى دە سەنى ماقتادى دەپسىز. قايىرىمدى نيكولاي يۆانوۆيچ، ماعان ولاردىڭ ماقتاۋىنان نە پايدا بار؟

مەن، ارينە، بالالاردى جازالاۋدى سۇيەتىن ونشا قاتال ادام ەمەسپىن. ءبىراق، كەيدە، بالالاردى تەنتەكتىكتەن تىيماي دا بولمايدى. تەنتەك ەتىپ وسىرسەڭ بالالاردىڭ ادامگەرشىلىك قاسيەتىن بۇزىپ الاسىڭ. ءبىراق قازاقتار مۇنىڭ بارىن تۇسىنە قويار ما ەكەن؟

بىرىنشى كىتابىمدى پاۋلسون كىتابىنىڭ قۇراستىرىلۋ تارتىبىمەن جازىپ شىققالى وتىرمىن. ارينە، مۇنى قازاق بالالارىنا لايىقتاپ جازامىن. مىسالداردى ەنگىزگىم كەلمەيدى، ويتكەنى، قاتاڭ تۇرمىستا وسكەن قازاقتارعا بۇدان گورى ماندىرەك اڭگىمەلەر كەرەك بولادى. مىسالداردى قازاق بالالارى وقىعىسى كەلمەيتىنىن، وقىسا وعان كۇلەتىنىن، ال ولاردىڭ اتا-انالارى: بالالارىمىزعا ساۋىسقان مەن قارعا سويلەسەدى دەگەن سياقتى جوق نارسەنى ۇيرەتەدى دەپ، ءتىپتى، رەنجيتىنىن تاجىريبەمنەن بىلەمىن.

بىلىمىم وتە از بولسا دا، وسى از ءبىلىمىمدى ىسكە جاراتۋعا تىرىسىپ وتىرمىن، ويتكەنى، ەگەر ەشكىم ەشنارسەنى قولعا المايتىن بولسا، وندا ەشبىر ءىس تە ىستەلمەيدى عوي.

دەنساۋلىقتى ءبىر بۇزىپ العان ادام جىرتىق تونعا ۇساپ كەتەدى دەگەن قازاقتاردىڭ ءسوزى دۇرىس ەكەن.

مەكتەپ – قازاقتارعا ءبىلىم بەرۋدىڭ باستى قۇرالى، ولار قازاق دالاسىنىڭ كەز كەلگەن جەرىنە رەتسىز ورناتا سالىناتىن بولسا، ەشبىر پايدا كەلتىرە المايدى. ال ءبىزدىڭ بارلىق ءۇمىتىمىز، قازاق حالقىنىڭ كەلەشەگى وسى، تەك قانا وسى مەكتەپتەردە. سوندىقتان مەكتەپتەردە جاقسى ء(بىر ءجونى ءتاۋىر) ءبىلىم بەرىلەتىن بولسىن، ارتتا قالعان حالىقتى مەكتەپكە قىزىقتىرىپ تارتۋ ءۇشىن مەكتەپ بىتىرگەندەرگە قاي جونىنەن بولسا دا ءبىر ارتىقشىلىق بەرىلەتىن بولسىن، سوندا عانا وقۋشىلاردىڭ سانى ەشبىر كۇمانسىز وتە تەز وسەدى. وسىلاي ەتكەندە عىلىممەن قارۋلانعان، ءار نارسەگە دۇرىس كوزقاراسى بار ادامدار قازاق اراسىندا كوبەيىپ، بۇكىل حالىققا اسەر ەتە الادى.

بىر اراب فيلوسوفى باقىتتىلىق پەن بايلىق نەدە دەگەندە – «ىنساپتىلىقتا» دەپ جاۋاپ بەرگەن ەكەن: مىنە، وسى اقىلدى الىڭىز.

كەلەشەكتە نە بولارىن بىلمەيمىن، ءبىراق جەرگىلىكتى اكىمدەر تاراپىنان ەشبىر جاقسىلىق كۇتۋگە بولمايتىن سياقتى. كوپ قولايسىزدىقتارعا دا ۇشىراۋعا تۋرا كەلەتىن بولار; ال مۇنىڭ ەڭ جامانى – حالىقتىڭ قاراڭعىلىعىمەن ەمەس، قوعامنىڭ ءال-اۋقاتى مەن مادەنيەتىن كوتەرۋگە كومەكتەسۋ ۇشىن ۇكىمەت ءوزى قويىپ وتىرعان ءبىلىمدى ادامدارىمەن كۇرەسۋگە تۋرا كەلەدى.

مەنىڭ بۇل جاعدايىمدا، قۇدايىم ماعان كومەك ەتسە جانە دارمەنىم جەتسە، مەن ازدى-كوپتى قازاق حالقىنا عانا پايدالى بولا الامىن، ال باسقا ۇلتتارعا، حالىقتارعا، ارينە، تۇك پايدام بولمايدى.

حالىق مەكتەپتەرى ءۇشىن ەڭ كەرەكتى – وقىتۋشى; تاماشا جاقسى پەداگوگيكا قۇرالدارى دا، ەڭ جاقسى ۇكىمەت بۇيرىقتارى دا، ابدەن مۇقيات تۇردە جۇرگىزىلەتىن ينسپەكتور باقىلاۋى دا وقىتۋشىعا تەڭ كەلە المايدى.

مەنىڭ ويىمشا، كوڭىلدىڭ حوشى، باقىت دەگەننىڭ ءبارى دە اتا-بابانىڭ ءومىر سۇرگەن جانە جەرلەنگەن جەرىندە، تۋعان وشاعىڭنىڭ باسىندا جاقسىراق، ال قايعى دەگەننىڭ قاندايى دا، ءتىپتى، اجالدىڭ ءوزى دە سول جەردە جەڭىل بولاتىن سياقتى.

قازاق حالقى قاراپايىم، ونەرى جوق حالىق، ءبىراق ءبىز قاراپايىمدىقتىڭ وزىنەن دە كوپ جاقسىلىق تابامىز. ال كەيبىر اقىلدىسىماقتاردىڭ: قازاق تەنتەك، قازاق قانىشەر حالىق دەۋلەرى ماڭگىباقي تەك قاعاز بەتىندەگى ماعىناسىز ءسوز بولىپ قانا قالا بەرمەك.

بىر جامان جەرى اجەم، شەشەم، جەڭگەم جانە تاعى باسقالارى ماعان رەنجىپ، مازامدى الىپ بولدى، شارۋاشىلىعىم كۇيزەلىپ بارادى، نە ىستەرىمدى بىلمەيمىن… مەن ءوزىمنىڭ اڭقاۋلىعىمنان نەمەسە شىنىن ايتقاندا، قۇرعاق قيالدارعا، بوس ارماندارعا اۋەستەنىپ كەتكەندىگىمنەن ولاردىڭ ءبارىن دە ۇمىتىپ كەتىپپىن عوي. سونداعى ىزدەپ جۇرگەنىم نە ەكەن


كەلۋ قاينارى: http://www.elarna.net/koru.php?tur=18&id=1084116

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ءبىر كۇندە – ءبىر حاديس 4 مينوت
باس ءمۇفتي: سىندارلى كە 14 مينوت
تيانشان تورى 14 مينوت
اعاجاي التاي تورى 14 مينوت
中国哈萨克语广播网 14 مينوت
اباي كوپتەگەن ۇرپاقتارد 17 مينوت
كوروناۆيرۋس جۇقتىرعان ج 19 مينوت
اباي كوپتەگەن ۇرپاقتارد 1 ساعات
تيانشان تورى 1 ساعات
«مۇقتاجدىڭ مۇڭىن ءبولىس 1 ساعات
كومانداسىنا بەرىلگەن جا 1 ساعات
كاسپي يتبالىعى جويىلىپ 1 ساعات
اعاجاي التاي تورى 1 ساعات
جىلدا ساياحاتشىلار 5،5 1 ساعات
中国哈萨克语广播网 1 ساعات
باس ءمۇفتي تۇركيا ەلشىس 1 ساعات
ۇندىلىك ءورت سوندىرۋشىل 1 ساعات
جىلدا ساياحاتشىلار 5،5 1 ساعات
تيانشان تورى 1 ساعات
ەلوردالىق ۇستازدار مەن 1 ساعات
ساحابالاردىڭ جالپى سانى 1 ساعات
قحل: «بارىس» «سالاۆات ي 1 ساعات
تيانشان تورى 1 ساعات
اعاجاي التاي تورى 1 ساعات
中国哈萨克语广播网 1 ساعات
دۋباي بىررەتتىك پلاستيك 1 ساعات
5 قالادا​ قانداستارعا ا 2 ساعات
باس ءمۇفتي مينيسترمەن س 2 ساعات
تيانشان تورى 2 ساعات
اعاجاي التاي تورى 2 ساعات