ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-2217865146 %54 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 17:50 - 2019/09/12

باس ءمۇفتي: يسرا جانە ميعراج وقيعاسى – Sunna.kz

قمدب-نىڭ ءتوراعاسى، باس ءمۇفتي

سەرىكباي قاجى وراز

بۇل – ەرەجەپ ايى. ياعني، ادامزات سۇلتانى مۇحاممەد (اللانىڭ وعان سالاۋاتى مەن سالەمى بولسىن) حارام مەشىتىنەن اقسا مەشىتىنە تۇنگى ساپار جاساعان جانە جەتى قات كوككە كوتەرىلگەن كەش. اتالمىش وقيعا پايعامبارىمىز (اللانىڭ وعان سالاۋاتى مەن سالەمى بولسىن) مادينا قالاسىنا ھيجرات ەتۋدەن ون سەگىز اي بۇرىن بولدى. 

مۇحاممەد ءعازاليدىڭ «فيقھۋ سيراسىندا» بۇل جونىندە: «يسرا حارام مەشىتىنەن قۇدىستاعى اقسا مەشىتىنە بولعان عاجايىپ ساپار. ال، ميعراج يسرانىڭ ارتىنشا بولعان وقيعا. ميعراج مۇباراك پايعامبارىمىزدىڭ (اللانىڭ وعان سالاۋاتى مەن سالەمى بولسىن) اسپان قاباتتارىنا كوتەرىلىپ، جاراتىلىستىڭ ءبىلىمى جەتپەيتىن دەڭگەيگە دەيىن بارىپ، قايتادان مەككەدەگى حارام مەشىتىنە ورالۋ ساپارىن ايتامىز»، – دەيدى. 

بۇل كەش پايعامبارىمىزدىڭ (اللانىڭ وعان سالاۋاتى مەن سالەمى بولسىن) جەكە ومىرىنە عانا قاتىستى ەمەس، جالپى مۇسىلمان ۇمبەتى ءۇشىن ايتۋلى وقيعا ورىن العان. ءدىنىمىز تاريحىنداعى مۇنداي ماڭىزدى وقيعا ءاربىر مۇسىلماننىڭ جۇرەگىندەگى يمانىن كۇشەيتىپ، جاراتۋشى يەسىنە، پايعامبارىنا دەگەن ماحابباتى بەكي تۇسەدى. 

ميعراج وقيعاسى ارقىلى اللا تاعالا ەشبىر ادام بالاسى كورمەگەن، شەكسىز، ۇشى-قيىرسىز عارىشتى، كوكتەگى اسپان قاباتتارىن، پەيىش پەن توزاقتى كورۋدى مۇحاممەد (اللانىڭ وعان سالاۋاتى مەن سالەمى بولسىن) پايعامبارعا ءناسىپ ەتتى. وندا اللا تاعالا پايعامبارىمىزعا (اللانىڭ وعان سالاۋاتى مەن سالەمى بولسىن) كوپتەگەن مۇعجيزالار كورسەتتى. يسرا جانە ميعراجدى مۇحاممەدكە (اللانىڭ وعان سالاۋاتى مەن سالەمى بولسىن) كورسەتۋدەگى ماقسات، اياتتا:

لِنُرِيَهُ مِنْ آَيَاتِنَا

«… وعان بەلگىلەرىمىزدى (مۇعجيزالارىمىزدى) كورسەتۋ ءۇشىن[1]…»، – دەپ باياندالدى.

پايعامبارىمىزدىڭ (اللانىڭ وعان سالاۋاتى مەن سالەمى بولسىن) يسرا جاساعانى تۋرالى قاسيەتتى قۇراندا ايتىلعاندىقتان بۇعان سەنۋ ءاربىر  مۇسىلمانعا پارىز.

قاسيەتتى قۇران كارىمدە ەكى قۇبىلىس ەكى بولەك سۇرەدە باياندالادى. يسرا ساپارى مەن ونىڭ سىرى: 

سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آَيَاتِنَا إِنَّه هُوَ السَّمِيعُ الْبَصِيرُ

«پەندەسىن ءبىر ءتۇنى وعان بەلگىلەرىمىزدى كورسەتۋ ءۇشىن حارام مەشىتىنەن ءبىز اينالاسىن مۇباراك قىلعان اقسا مەشىتىنە (يسرا جاساتىپ) اپارعان اللا تاعالا ءار ءتۇرلى كەمشىلىكتەن پاك. شاكسىز ول ەستۋشى، ءبىلۋشى»، – دەلىنگەن («يسرا»  سۇرەسى، 1-ايات). 

بۇل جەردە «پەندەسى»  دەپ تۇرعانى مۇحاممەد (اللانىڭ وعان سالاۋاتى مەن سالەمى بولسىن) پايعامبار. اياتتا مۇحاممەدتىڭ (اللانىڭ وعان سالاۋاتى مەن سالەمى بولسىن) اتى ايتىلماي جانە دە «پەندە» دەپ قانا قويماي «پەندەسىن» دەپ قولدانىلۋى پايعامبارىمىزعا  كورسەتىلگەن ۇلكەن قۇرمەت، ءىلتيپات ەدى. سونداي-اق، پايعامبارىمىز مۇحاممەد (اللانىڭ وعان سالاۋاتى مەن سالەمى بولسىن): «مەن اللانىڭ پەندەسىمىن، قۇلىمىن»، – دەپ ماقتانىپ جۇرەتىن جان بولاتىن.

ال، ميعراج وقيعاسى مەن ونىڭ ناتيجەسى جايلى: 

وَلَقَدْ رَآَهُ نَزْلَةً أُخْرَى . عِنْدَ سِدْرَةِ الْمُنْتَهَى. عِنْدَهَا جَنَّةُ الْمَأْوَى . إِذْ يَغْشَى السِّدْرَةَ مَا يَغْشَى . مَا زَاغَ الْبَصَرُ وَمَا طَغَى . لَقَدْ رَأَى مِنْ آَيَاتِ رَبِّهِ الْكُبْرَى 

«راسىندا ول جابىرەيىلدى ەكىنشى رەت كوردى. تۇراقتاۋ اعاشىنىڭ جانىندا. ونىڭ قاسىردا ءماۋا ءجانناتى بار. سول ۋاقىتتا اعاشتى قاپتاعان نارسە قاپتادى. (مۇحاممەدتىڭ (اللانىڭ وعان سالاۋاتى مەن سالەمى بولسىن) كوزى تايمادى دا ءۇستىرت قارامادى. راسىندا ول، راببىنىڭ ءىرى بەلگىلەرىن كوردى»، ء– («ناجم» سۇرەسى، 13-18 اياتتار)، دەپ باياندالدى. 

دەمەك، يسرانىڭ سىرى اللا تاعالا پەندەسىنە، ياعني پايعامبارىمىزعا (اللانىڭ وعان سالاۋاتى مەن سالەمى بولسىن) ءوزىنىڭ كەيبىر بەلگىلەرىن كورسەتۋ ءۇشىن بولدى. ال، ميعراجدا اللا ەلشىسى (اللانىڭ وعان سالاۋاتى مەن سالەمى بولسىن) راببىسىنىڭ ۇلكەن بەلگىلەرىن ءوز كوزىمەن كوردى. 

عاجايىپ ساپارعا دايىندىق

مەككە شاھارى مەن قۇددىس قالاسى اراسى بىرنەشە ايلىق جول بولاتىن. ال، جەر بەتىنەن اسپانعا كوتەرىلۋ قانشا ۋاقىت الاتىنى جايلى ول كەزدە مۇلدەم ويلامايتىن دا بولار. ءاز پايعامبار مۇنداي قاشىقتىقتى قانداي كولىكپەن كەسىپ ءوتتى؟ ول بۋراق (قازاقشا پىراق) اتتى تۇياعى كوزىنىڭ ۇشى جەتكەن جەرگە تيەتىن عاجايىپ جانۋار ەدى. بۋراق «بارق» ياعني نايزاعاي سوزىنەن الىنعان. ياعني، شاپشاڭدىعى جارىق جىلدامدىعىمەن تەڭ جانۋار. ماسەلەنىڭ ەكىنشى تۇسى تاعى بار. ادەتتەگى جاعدايدا جەر شارىنىڭ ءبىر بۇرىشىنان ەكىنشىسىنە نايزاعاي جىلدامدىعىندا ءجۇرىپ ءوتۋى مۇمكىن ەمەس جايت. بۇعان ۇلكەن دايىندىق كەرەك. پايعامبارىمىزدىڭ (اللانىڭ وعان سالاۋاتى مەن سالەمى بولسىن) ءسابي شاعىنداعى «شاققۋس سودر» ياعني كەۋدەسىن جارۋ جانە جۇرەگىن كاۋسار سۋىمەن جۋىپ تازالاۋ وقيعاسى وسى ۇلكەن ساپارعا دايىندىقتىڭ باسى ەدى. 

ۇلىق مىندەتتى قابىلداۋ

ارداقتى ءراسۋلدىڭ (اللانىڭ وعان سالاۋاتى مەن سالەمى بولسىن) ءومىربايانىن ءجىتى وقىپ ۇيرەنۋ ءبىزدىڭ  اللا تاعالانىڭ تاڭداۋلى قۇلىنا دەگەن سۇيىسپەنشىلىگىمىز ارتتىرا تۇسەدى. سونىمەن قاتار، عيبراتتى عۇمىردان وزىمىزگە ونەگە الارىمىز دا بەلگىلى. ال، ەندى وسى سىرلى ساپاردان ءاربىر مۇسىلمان بالاسى نەنى ۇعىنۋى قاجەت؟ 

نەلىكتەن «سيدراتۋل مۋنتاھاعا» بولعان ميعراج ساپارى بىردەن مەككەدەگى حارام مەشىتىنەن باستالماي، اۋەلى پايعامبار (اللانىڭ وعان سالاۋاتى مەن سالەمى بولسىن) بايتۋل ماقديسكە جول ءجۇردى؟ 

بۇل ساۋالدىڭ جاۋابى وتكەن شاقتا جاتىر. پايعامبارلىق ۇزاق ءداۋىر بويى ءبانۋ يسرايل شەجىرەسىمەن جالعاسىپ كەلدى. بايتۋل ماقديس ۋاحي تۇسەتىن جانە جەر بەتىن نۇرعا بولەيتىن قۇتتى مەكەن بولىپ ەسەپتەلدى. مۇنداي كيەلى شەجىرەنى ياھۋديلەر ءقادىر تۇتا بىلمەي ءۋاحيدىڭ قاسيەتىن جانە كوكتەن تۇسەتىن ءيلاھي پارمەننىڭ قۇنىن كوك تيىنعا اينالدىردى. وسى سەبەپتى ولارعا اللا تاعالانىڭ لاعىنەتى ءتيدى. وسىلايشا ماڭگىلىككە ولاردان ۋاحي كەتتى. مۇحاممەد (اللانىڭ وعان سالاۋاتى مەن سالەمى بولسىن) پايعامبارعا ۋاحيدىڭ كەلۋىمەن الەمدەگى رۋحاني باسشىلىق ءبىر حالىقتان ەكىنشى حالىققا، ءبىر قالادان ەكىنشى قالاعا جانە يسرايل ۇرپاعىنان يسمايل ۇرپاعىنا اۋىستى. 

وسىلايشا مۇحاممەد (اللانىڭ وعان سالاۋاتى مەن سالەمى بولسىن) يبراھيم، يسمايل، يسحاق جانە ياقۋب (ع.س.) پايعامبارلاردىڭ جولىن جالعاستىردى. اللا تاعالانىڭ ءسوزىن جەر بەتىندەگى ادام بالاسىنا جەتكىزە باستادى. وسى ارادا وتكەن شاق پەن وسى زاماندى بايلانىستىرۋشى اقسا مەشىتى بولدى. سوندىقتان دا اقسا مەشىتى مۇسىلمانشىلىقتا ءۇش كيەلى مەشىتتىڭ ءبىرى بولىپ ەسەپتەلدى. ال، اللا ەلشىسىنىڭ (اللانىڭ وعان سالاۋاتى مەن سالەمى بولسىن) يسرا كەشىندە سول مەشىتكە بارۋى وتكەن شاقتاعى ۋاحي مەكەنىنە دەگەن ۇلكەن قۇرمەت ەدى. 

اللا تاعالا ول كيەلى مەكەنگە وتكەن شاقتاعى تۋرا جولعا باستاۋشى پايعامبارلاردى تۇگەل جينادى. ولار ەڭ سوڭعى ەلشىلىك يەسى مۇحاممەدكە (اللانىڭ وعان سالاۋاتى مەن سالەمى بولسىن) قۇرمەت كورسەتۋ ءۇشىن اقسا مەشىتىندە باس قوستى. ويتكەنى، پايعامبارلىق دەگەنىمىز – ءبىر-بىرىنىڭ ەلشىلىگىن راستاۋ جانە كەيىن كەلۋشى اۋەلگى كەلگەننىڭ ورنىن باسۋدان تۇرادى. 

ساحيح حاديستەردە اللا ەلشىسى (اللانىڭ وعان سالاۋاتى مەن سالەمى بولسىن) پايعامبار باۋىرلارىمەن اقسا مەشىتىندە ەكى راكات ناماز وقىعانى ايتىلادى. ەكى باس نامازدا پايعامبارىمىزدىڭ (اللانىڭ وعان سالاۋاتى مەن سالەمى بولسىن) يمامدىققا ءوتۋى يسلام ءدىنى اللا تاعالانىڭ ءوز پەندەسىنە جولداعان سوڭعى ءسوزى ەكەندىگىنىڭ ايعاعى. سونداي-اق، بۇل ناماز پايعامبارىمىزدىڭ (اللانىڭ وعان سالاۋاتى مەن سالەمى بولسىن) جانە ونىڭ اكەلگەن ءدىنىنىڭ دارەجەسىن كورسەتەدى. 

يسرا جانە ميعراج وقيعاسىنىڭ سىرى نە؟

اللا تاعالا ءوز قۇدىرەتىنىڭ ۇلكەن بەلگىلەرىن كورۋ ءۇشىن ەلشىلەرىنە مۇمكىندىك بەرەتىن ەدى. بۇل پايعامبارلاردىڭ جۇرەكتەرىنە سەنىمدىلىك بەك ورناپ، اللا تاعالاعا سۇيەنۋى مىقتى بولۋ ءۇشىن. ويتكەنى پايعامبارلارعا اللا تاعالانىڭ حاق ءسوزىن جەتكىزۋدە ءوز زامانىنىڭ قىر سوڭىنان قالمايتىن قىرسىق دىنسىزدەرى جانە زالىم پاتشالارىمەن كۇرەسۋدە وسىنداي ۇلكەن كۇش-قايرات قاجەت. ول كۇش-قايراتتىڭ قاينار بۇلاعى اللا تاعالانىڭ قۇدىرەتىن كورۋدەن باستاۋ الاتىن. 

اللا ەلشىسىنىڭ (اللانىڭ وعان سالاۋاتى مەن سالەمى بولسىن) ميعراج مۇعجيزاسى شامامەن پايعامبارلىقتىڭ ون ەكىنشى جىلى بولدى. مۇنىڭ سىرى نەدە؟ اسىلىندە، پايعامبار قولىنداعى مۇعجيزاعا سەنبەيتىن جانە سوقىر سەنىمدە سىرەسىپ تۇرىپ العان ادامعا كورسەتەتىن ۇلكەن دالەل. 

ال، قۇران اۋەل نازىل بولعان كۇننەن باستاپ-اق، قىرسىق ادامداردىڭ توڭ مويىندارىن اقيقاتقا يەتىن ۇلكەن دالەل بولىپ كەلدى. قۇراننان باسقا دا مۇعجيزالار ءوز تارتىبىمەن پايعامبارىمىزعا بەرىلىپ وتىردى. 

ال، يسرا جانە ميعراجدىڭ باستى سەبەبى اللا تاعالا ءوز پەندەسىنە ايرىقشا كورسەتكەن قۇرمەتىنىڭ بەلگىسى بولدى. 

سونىمەن قاتار، اتالمىش وقيعا بارلىق پايعامبارلاردىڭ (ع.س.) اراسىنداعى مىقتى جاقىندىق بايلانىستى كورسەتەدى. ال، بۇل يسلامنىڭ نەگىزدەرىنىڭ ءبىرى. بۇل بايلانىس وسى كەشتە پايعامبارىمىزعا (اللانىڭ وعان سالاۋاتى مەن سالەمى بولسىن) بەرىلگەن ء«امانار راسۋل» اياتتارىندا ايقىن كورىنىس تاپقان. 

آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ

 «ەلشى، ياعني راسۋل ءوز راببىسىنان تۇسكەن ۇكىمگە يمان ەتتى. مۇميندەر دە وعان يمان كەلتىردى»، – دەيدى. 

پايعامبارىمىز (اللانىڭ وعان سالاۋاتى مەن سالەمى بولسىن) جەتى قات اسپانعا كوتەرىلگەن سايىن ءار قاباتتا ونى پايعامبار باۋىرى قارسى الىپ، «قوش كەلدىڭ، ىزگى باۋىرىم!» دەپ ءوز ءىلتيپاتىن كورسەتىپ جاتتى.

يسرا جانە ميعراج كەشىندە يسلام ءدىنى ەڭ ساف ءدىن ەكەنى كورىنەدى. يسلام ادام بولمىسىنىڭ ءدىنى ەكەنى بىلىنەدى. ساسا بين ماليك ريۋايات ەتكەن يسرا جايلى ۇزىن حاديستە پايعامبارىمىز (اللانىڭ وعان سالاۋاتى مەن سالەمى بولسىن): «… سوسىن ماعان اراعى بار كەسە جانە ءسۇتى بار كەسە الىپ كەلىندى. مەن ءسۇتتى الدىم. سوندا جابىرەيىل (ع.س.): «بۇل ءسىز جانە ۇمبەتىڭىز بولعان (فيترا) بولمىس»، – دەپ ايتتى. 

راسىندا شىنايى بولمىس يسلامنىڭ ءدانى. شىن مانىندە اسپان ەسىكتەرى ىشكى دۇنيەسى بۇزىق جانە جۇرەگىندە دەرتى بار ادام ءۇشىن اشىلۋى مۇمكىن ەمەس جايت. ال، جامان بولمىس لايلانعان بۇلاق ءتارىزدى. ودان تەك قارا قوقىس قانا اعىپ شىعادى. 

كوكتە پارىز بولعان عيبادات

ميعراج كەشىندە ناماز پارىز ەتىلدى. ناماز ۇلىق قۇلشىلىق. كۇندەلىكتى كۇيبەڭ تىرشىلىك ادام بالاسىنىڭ باسىن كوتەرتپەي قويارى انىق. ال، ءناپسىنىڭ قالاۋى مەن جالعان دۇنيە الداعان ساتتە پەندەنى كوككە كوتەرەتىن ونىڭ نامازى. ناماز – مۇسىلماننىڭ ميعراجى. بەس ۋاقىت ناماز جەتى قات اسپاندا پارىز بولۋىنىڭ سىرى دا وسىندا.

بۇل جونىندە رامازان بۋتي ءوزىنىڭ ەڭبەگىندە: «ميعراجدان كەيىن ەرتەڭىنە پەرىشتە جابىرەيىل (ع.س.) كەلىپ، پايعامبارىمىزعا (اللانىڭ وعان سالاۋاتى مەن سالەمى بولسىن) نامازدى وقۋ جانە ونىڭ ۋاقىتى تارتىپتەرىن ۇيرەتتى. ناماز پارىز بولماي جاتىپ، اللا ەلشىسى (اللانىڭ وعان سالاۋاتى مەن سالەمى بولسىن) تاڭ ەرتەڭ جانە كەشكى مەزگىلدە ەكى باس ناماز وقيتىن. بۇل ناماز يبراھيم (ع.س.) پايعامباردان قالعان ەدى»[2]،-دەپ جازادى.

«اللا تاعالا پارىز ەتكەن ناماز قازىرگى تاڭدا كوپتەگەن ادامدار وقىپ جۇرگەن ناماز ەمەس. نامازدىڭ دۇرىستىعىنىڭ بەلگىسى وقۋشىنى دۇنيەنىڭ جاماندىعىنان ساقتاۋى. ال، نامازدى كوپ وقىسا دا نامازحان بۇل دارەجەگە جەتپەسە ونىڭ نامازى جالعان بولعانى»، – دەيدى مۇحاممەد عازالي. 

بۋحاري جانە مۋسليمدە ساحابا حۋزايفا بين ياماننان (ر.ا.) كەلتىرىلگەن حاديستە:

فتنة الرجل في أهله و ماله و ولده و نفسه و جاره يُكفِّرها الصيام و الصلاة و الصدقة و الأمر بالمعروف و النهي عن المنكر

«ادام بالاسىنىڭ وتباسىنا، مال-دۇنيەسىنە، بالا-شاعاسىنا، وزىنە جانە كورشى قولاڭىنا قاتىستى بولعان فيتناسىن ورازا، ناماز، ساداقا، جاقسىلىققا شاقىرۋ جانە جاماندىقتان تيۋى كافارات ەتەدى (جۋىپ شايادى)»،-دەلىنگەن.

ال، ولگەن جۇرەك يەسىن ناماز تازالاي المايدى. مۇنداي ادامدار ناماز وقۋمەن جۇرەكتەرى تازالانادى نەمەسە سول كۇيى توپىراق استىنا كەتەدى. 

اللا تاعالامەن تىلدەسۋ. پايعامبارىمىز (اللانىڭ وعان سالاۋاتى مەن سالەمى بولسىن) ميعراج كەشىندە جاراتۋشىمەن تىلدەسەدى. بۇل جايلى مىناداي دەرەك بار:

پايعامبارىمىز (اللانىڭ وعان سالاۋاتى مەن سالەمى بولسىن) مۇنان كەيىنگى ساپارى جايىندا: «جابىرەيىلمەن قوشتاسقان سوڭ، قورقا باستادىم. سول مەزەت راببىم اللانىڭ داۋسىن ەستىدىم. اللا تاعالا  ماعان: ەي، مۇحاممەد، مەنىمەن سويلەس!- دەدى. مەن سويلەۋگە ءسوز تابا المادىم. ءبىراق اللا مەنىڭ كوكىرەگىمە ءسوز سالدى. مەن: «ەي، ءتاڭىرىم اللا! تىلىممەن، جان-تانىممەن، مال-داۋلەتىممەن جاساپ جاتقان قۇلشىلىعىمنىڭ بارشاسى سەن ءۇشىن»، – دەدىم. سوندا اللا تاعالا: «ەي، اللانىڭ ەلشىسى، ساعان سالەمىم مەن راحمەتىم جانە بەرەكەتىم بولسىن!»- دەدى. مەن: «سالەم بىزگە جانە اللانىڭ ىزگى پەندەلەرىنە بولسىن»،-دەپ تىلەدىم. 

مۇنداعى بەتپە-بەت سويلەسۋدەن كەيىن ۇلى عارىشتا-اسپاننىڭ جوعارعى قاباتىندا پەرىشتەلەردىڭ ءبىر اۋىزدان وقىعان مىنا ءسوزى ەستىلدى: «اللانىڭ  بارلىعى مەن بىرلىگىنە، حازىرەت مۇحاممەد اللانىڭ پەندەسى جانە ەلشىسى ەكەندىگىنە كۋالىك بەرەمىز»،- دەدى. ءبىز ءار نامازدا وقىپ جۇرگەن ءات-تاھيات دۇعاسى – اللا تاعالا مەن پايعامبارىمىز مۇحاممەدتىڭ  ميعراجدا سويلەسۋىنەن كەلىپ شىققان  دۇعا. 

يا، پايعامبارىمىز ميعراج ءتۇنى «ۇمبەتى ءۇشىن كوپ نارسەنى تىلەدى، ۇمبەتىم، ۇمبەتىم» دەپ كوزىنە جاس الدى، وزىنە ىلەسكەن بارلىق مۇسىلماندار ءۇشىن كوپ دۇعا – تىلەكتەر جاسادى، ءبىلىپ، بىلمەي جاساعان كەمشىلىكتەرى ءۇشىن عاپۋ سۇرادى. ءتىپتى، اللادان ءاربىر ۇمبەتى ءۇشىن، ءاربىر مۇسىلمان ءۇشىن  ءوزى كورگەن ميعراجدى ءناسىپ ەتۋىن سۇرادى. “ەي، ءتاڭىرىم، ميعراج مۇعجيزاسىمەن مەنى نىعمەتتەندىردىڭ. ۇممەتىم ءۇشىن دە وسىنداي ءبىر نىعمەت تىلەيمىن”، -دەگەنىندە، حاق تاعالا:

“ناماز – مومىنداردىڭ ميعراجى”، – دەپ مۇحاممەد پايعامباردىڭ ۇمبەتىنە  ميعراج دارەجەسىندە جۇرەتىن ناماز عيباداتىن سىيلادى. 

پايعامبارىمىز مۇحاممەد (اللانىڭ وعان سالاۋاتى مەن سالەمى بولسىن): اللا تاعالا ماعان جانە ۇممەتىمە ءار كۇنى ەلۋ ۋاقىت ناماز وقۋدى پارىز ەتتى. قايتارىمدا مۇساعا (ع.س.) جولىققانىمدا، مۇسا (ع.س.):

ەي، مۇحاممەد، راببىڭنان جەڭىلدەتۋىن سۇرا. سەبەبى  ۇممەتىڭ ونىڭ ۇددەسىنەن شىعا الماي قالۋى مۇمكىن. مەن سەنەن بۇرىن باني يسرايىل قاۋىمىن سىناپ كورگەم، – دەپ ول جەردەن مەنى قايتاردى. پايعامبارىمىز (اللانىڭ وعان سالاۋاتى مەن سالەمى بولسىن) قايتا ورالىپ، جەڭىلدىك تىلەپ ەدى، ءار كۇنى بەس ۋاقىت ناماز وقۋ بۇيىرىلدى. اللا تاعالا: “ەي، مۇحاممەد (اللانىڭ وعان سالاۋاتى مەن سالەمى بولسىن)، ءار كۇنگى جانە تۇنگى وقىلاتىن ەلۋ ۋاقىت نامازدى بەس ۋاقىتقا قىسقارتتىم. وسى بەس ۋاقىت ناماز مەنىڭ قۇزىرىمدا ەلۋ ۋاقىت ناماز بوپ سانالىپ، ءار نامازعا ون ساۋاپتان جازامىن. سول سەكىلدى ۇممەتىڭنەن كىمدە-كىم ءبىر جاقسىلىقتى (ساۋاپ ءىستى) نيەت ەتىپ، ورىنداماسا ءبىر ساۋاپ جازىلادى. ال ورىنداسا ون ساۋاپ جازىلادى.  كىمدە-كىم ءبىر جاماندىقتى نيەت ەتىپ، ىستەمەسە ەش كۇنا جازىلمايدى. ال ىستەسە ءبىر كۇنا جازدىرامىن”، – دەدى. مەن اللاعا جالبارىنىپ كەيىن قايتتىم. وسىدان قيامەت  قايىمعا دەيىن بەس ۋاقىت ناماز ۇمبەتكە پارىز. 

اللا تاعالا وسى ايتىلعان عيبراتتى وقيعانى بارشامىزدىڭ يمانىمىز كۇشەيۋىنە جانە نامازحانداردىڭ ناماز قۇلشىلىعىنا دەگەن قۇلشىنىسى ارتۋىنا سەبەپكەر بولسىن. بارشامىزدىڭ ناماز عيباداتىمىز قابىل بولعان، قابىلدىعى ءبىزدىڭ امالىمىزدىڭ تۇزەلگەنىنەن كورىنۋىن ءناسىپ ەتسىن. 


كەلۋ قاينارى: http://www.elarna.net/koru.php?tur=18&id=1047242

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستاننىڭ كەي وڭىرىن 3 مينوت
جەڭىس قاسىمبەك قر ءىىم- 12 مينوت
مەملەكەت باسشىسى ءبىرقا 13 مينوت
وسى ارانى باسىپ كورىڭىز 13 مينوت
جەڭىس قاسىمبەك قر ءىىم- 18 مينوت
مەملەكەت باسشىسى بەلگىل 23 مينوت
پرەزيدەنتتىك جاستار كاد 23 مينوت
بقو مەكتەپتەرىندە «جاس 1 ساعات
الەمدە كليماتتىڭ وزگەرۋ 1 ساعات
ەلوردادا ەكى مىڭعا جۋىق 1 ساعات
تۇركىستاندا العاش رەت « 1 ساعات
"ورتالىق - 2019" ستراتە 1 ساعات
بوكستان الەم چەمپيوناتى 1 ساعات
ماڭعىستاۋ وبلىسىنداعى ك 1 ساعات
22 قىركۇيەك. تۋعان كۇن 1 ساعات
پاۆلوداردا اسىلىپ قالعا 1 ساعات
بۋراباي اكىمى ماس كۇيدە 2 ساعات
تۇركيادان گرەكياعا كۇن 2 ساعات
"وڭاي" كارتاسى دوللار ب 2 ساعات
اقتوبە وبلىسىندا ۇيدەن 2 ساعات
500-دەن استام سولتۇستىك 2 ساعات
قازاقستان سەناتورلارى ك 2 ساعات
مىڭداعان الماتىلىق جارى 2 ساعات
22 قىركۇيەك. قازاقپارات 2 ساعات
ءابليازوۆتىڭ سىبايلاستا 3 ساعات
الماتىدا حالىق جازۋشىسى 3 ساعات
Əبۋ ناسىر ءال-فارابي جə 3 ساعات
ۆيتسە-مينيستر كوپبالالى 3 ساعات
باس پروكۋراتۋرا قازاقست 3 ساعات
ءدىنتانۋشى: ءداستۇرلى ي 3 ساعات