ءتۇرى: قازاقستان مۇفتيات جاڭالىقتارى
جولدانعان ۋاقىتى: 22:00 - 2021/02/23
قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعانۇلى اتىراۋ وبلىسىنا جاساعان رەسمي ساپارىندا وبلىستىق تاريحي-ولكەتانۋ مۇراجايىن ارالاپ، كونە جادىگەرلەرمەن تانىستى.
باس مۇفتيمەن بىرگە قازاقستان مۇسىلماندارى ءدىني باسقارماسى عۇلامالار كەڭەسىنىڭ مۇشەلەرى، ەلىمىزگە بەلگىلى عالىمدار مۇراجايداعى قۇندى جادىگەرلەرمەن تانىستى.
قمدب ءتوراعاسى ناۋرىزباي قاجى تاعانۇلى مۇراجاي قىزمەتكەرلەرىنىڭ يگى ىستەرىنە دۇعا جاساپ، باتاسىن بەردى.
اتىراۋ وبلىستىق تاريحي-ولكەتانۋ مۇراجايىنا جەر بەتىنەن جويىلىپ كەتكەن جانۋارلار، ارالتوبە قورعانى، التىن ادام، «سارماتتار سوعىسى» پانوراماسى، سارمات تايپاسىنىڭ ايەل جانە ەر ادام ءمۇسىنىنىڭ بەت-بەينەسى، اعاش ىدىستار جيىنتىعى ت.ب جادىگەرلەر قويىلعان.
