ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 12:30 - 2020/09/21

Нақты Көзі: https://www.muftyat.kz/kk/articles/edification/2020-09-21/33114-kiyndykta-kuanu

قيىندىقتا قۋانۋ - قازاقستان مۇسىلماندارى ءدىني باسقارماسىنىڭ رەسمي سايتى
قيىندىقتا قۋانۋ

پەندە بولعان سوڭ ومىردە ءارتۇرلى جاعدايعا تاپ بولامىز. قۋانىشى مەن قايعىسى الما كەزەك كەلەتىن ومىردە ادام جانىن جادىراتار جاعىمدى جاڭالىققا قۋانۋ – بارشا ادامعا ءتان مىنەز. ال سىناققا تاپ بولعان ساتتە ونى كۇلىمدەپ قارسى الۋ – ءار ادامنىڭ بويىنان تابىلا بەرمەيتىن سيپات. وسى رەتتە ءبىز تاعدىرىمىزعا قانشالىقتى ريزامىز دەگەن ساۋال تۋىندايدى...

يسلام عالىمدارى رازىلىق سوزىنە مىناداي تۇسىنىكتەمە بەرگەن: «رازىلىق دەگەنىمىز – تاعدىردىڭ تاۋقىمەتىنە جۇرەكتىڭ قۋانۋى، قيىن ساتتەردى كۇلىمدەپ قارسى الۋىڭ». وسى ۇعىمدى دۇنيەگە قاتىستى ايتار بولساق، بۇيىرعان تابىسقا دا، بۇيىرماعان اقشاعا دا ريزا بولۋ – ءمۇمىننىڭ ناعىز سيپاتى. ياعني جۇرەك ەكى جاعدايدى دا دۇرىس قابىلداي السا، وندا ادام جانى تىنىشتىق تابادى. ادەتتە ءبىز تابىسقا كەنەلگەن ساتتە ەرەكشە سەزىمگە بولەنەمىز، ال بۇيىرماي قالعان دۇنيە ءۇشىن مازامىز كەتەدى.

تاقۋالىق جولىن ۇستانعان مۇسىلمان ەكى جاعدايدى ريزالىقپەن قابىلدايدى. ويتكەنى تاعدىرعا يمان كەلتىرگەن مۇسىلمان بالاسى جاقسىلىق پەن جاماندىق اللادان كەلگەن سىناق دەپ تۇسىنەدى. ء«ار ءىستىڭ ءبىر قايىرى بار» دەگەن سەنىم ادامعا ەرەكشە ءتوزىم مەن كۇش بەرەدى. جاقسىلىققا رازى بولا العان پەندە قيىن ساتتە دە اللانىڭ سىناعىنا رازى بولا الادى. ويتكەنى ول راببىمنىڭ مەيىرىمى دەپ تۇسىنەدى.

بىز كەز كەلگەن ءىستىڭ سوڭعى ناتيجەسى مەن حيكمەتىن بىلمەيمىز. ويتكەنى ءىستىڭ سوڭى نەمەن بىتەرىن تۇسىنبەيمىز. ءبارىن ءبىلۋشى – ءبىر اللا. ءبىز قيىن ءساتتى جاماندىققا جورۋىمىز مۇمكىن. الايدا اللانىڭ دانالىعىندا شەك جوق. جاراتۋشى جاببار يەمىز: «قايدان بىلەسىڭدەر، بالكىم اللا سەندەر ۇناتپاعان نارسەنىڭ ارتىن قايىرلى قىلىپ، كوپتەگەن جاقسىلىققا ۇلاستىرۋدى قالايتىن شىعار» («نيسا» سۇرەسى، 19-ايات) دەگەن. ءبىز ءىستىڭ سوڭعى ناتيجەسىنە كوز جەتكىزگەندە عانا اللانىڭ حيكمەتىن سەزىنەمىز.

ار ىسكە رازى بولۋعا داعدىلانعان پەندەنىڭ دارەجەسى سابىرلى ادامنىڭ دارەجەسىنەن ارتىق بولادى. پايعامبارىمىز (وعان اللانىڭ سالاۋاتى مەن سالەمى بولسىن): «ادام بالاسىنىڭ باقىتى – ماڭدايىنا جازعان اللانىڭ تاعدىرىنا ريزا بولۋىندا. ادام بالاسىنىڭ باقىتسىزدىعى – اللانىڭ جاقسى دەگەنىن تارك ەتۋىندە. ادامنىڭ باقىتسىزدىعى – ول ءۇشىن اللانىڭ جازعان تاعدىرىنا اشۋلانۋى» دەگەن ەكەن (ساعد يبن ءابۋ ۋاققاستان جەتكەن حاديس).

بىز بۇل حاديستەن وزىمىزگە بىرنەشە ساباق الامىز. كەيدە باسقا تۇسكەن سىناقتى جاماندىققا جورىپ، ودان تەز قۇتىلۋعا اسىعىپ، مازاسىز كۇي كەشەمىز. اسىلىندا ول اللانىڭ جىبەرگەن سىناعى ەدى عوي. سول سىناقتان كوركەم مىنەزبەن، رازى بولعان سەنىممەن امان-ەسەن وتەر بولساق، ۇلكەن سىي-قۇرمەتكە، ەرەكشە نىعمەتكە بولەنەيىن دەپ تۇر ەدىك. وسى جاعدايدا ادام بالاسى اللاعا شىنايى تۇردە رازىلىق تانىتادى نەمەسە قولىنان ەشنارسە كەلمەگەندىكتەن، جاعدايدى وزگەرتە الماعاندىقتان، امالسىز كۇيدە، ءماجبۇرلى تۇردە سابىر ەتەدى. ءبىز ارينە، بىرىنشىلەردەن بولۋىمىز كەرەك.

وسى رەتتە يبراھيم (ع.س) پايعامباردىڭ وقيعاسىن ەسكە الايىق. ول ءوز بالاسىن قۇربان شالۋعا بۇيىرىلعاندا ۇلكەن سىناقتى قاسقايىپ تۇرىپ قارسى الىپ، اللانىڭ ءامىرىن ورىنداۋدا تاباندىلىق تانىتىپ، شىنايى قۇل ەكەنىن دالەلدەدى. قيىندىقتى قينالماي قارسى العان پايعامبار سىناقتىڭ سوڭعى ساتىندە اللانىڭ قۇرمەتى مەن سىيىنا بولەندى. بۇل تۋرالى قاسيەتتى قۇراننىڭ «ساففات» سۇرەسىندە بىلاي باياندالادى: ء«بىز ونىڭ ورنىنا ۇلكەن قۇرباندىق ء(جاننات قوشقارىن) اۋىستىردىق. ءبىز وعان سوڭعىلار ىشىندە «يبراھيمگە سالەم!» دەگەن العىس قالدىردىق. ءبىز جاقسىلاردى وسىلاي سىيلايمىز. ويتكەنى ول يماندى پەندەلەرىمىزدەن ەدى».

اللا تاعالا ءوزىنىڭ شىنايى قۇلدارىن ەشقاشان نازاردان تىس قالدىرمايدى. ارداقتى پايعامبار (وعان اللانىڭ سالاۋاتى مەن سالەمى بولسىن) ساحابالارى مەن ۇمبەتىنە ءارقاشان ءار ىسكە ريزا بولۋدى ۇيرەتەتىن. مىناداي ءسۇيىنشى حاديس بار: «كىمدە كىم تاڭ اتقاندا جانە كەش باتقاندا: «اللانى – راببىمىز، يسلامدى – ءدىنىمىز جانە مۇحاممەدتى پايعامبارىمىز دەپ رازى بولدىق» دەپ ايتسا، اللانىڭ ونى ريزا ەتۋى اقىسىنا اينالادى». بۇدان كەيىن قالايشا راببىمىزعا رازى بولماسقا...

اللانىڭ ارايلاپ اتقان ءار تاڭىندا راببىسىنا رازىلىق بىلدىرگەن ادام قيىن ساتتەردە ۇمىتسىزدىك پەن مازاسىزدىق كۇيدەن امان بولادى. جۇرەكتىڭ تىنىشتىعى دەگەن ناعىز باقىت، ناعىز بايلىق ەمەس پە?

وسى رەتتە مىناداي قىزىق وقيعانى بايانداپ كەتۋدى ءجون كوردىك. بىردە يمام اعزام شاكىرتتەرىنە كەزەكتى ءدارىسىن بەرىپ جاتقاندا ءبىر كىسى وعان جايسىز حاباردى جەتكىزەدى. جايسىز حابار اكەلگەن الگى كىسى: «ساۋداعا جىبەرگەن زاتتارىڭىز تيەلگەن كەمە سۋعا باتىپ كەتىپتى» دەيدى. وسى ءسوزدى ەستىگەن يمام كىشكەنە كىدىرىپ: ء«الحامدۋليللا» دەيدى. ارادان كوپ ۋاقىت وتپەي تاعى ءبىر كىسى كەلىپ: «مىرزا، ءبىر قاتەلىك بولىپتى. ول كەمە سىزدىكى ەمەس ەكەن. باسقا ادامدىكى ەكەن» دەيدى. سول كەزدە يمام كىشكەنە كىدىرىپ، تاعى دا: ء«الحامدۋليللا» دەيدى. وسى ساتتە شاكىرتتەرىنىڭ ءبىرى ەكى جاعدايدا دا ء«الحامدۋليللا» دەگەن ۇستازىنىڭ بۇل ءسوزىنىڭ سىرىن سۇرايدى. سوندا ول بىلاي جاۋاپ بەرگەن ەكەن: «كەمەڭىز باتىپ كەتتى دەگەندە جۇرەگىمدى تىڭدادىم. ەشقانداي وكىنىش، مازاسىزدىق، قىنجىلۋ بايقالمادى. كەيىن وسى حاباردىڭ قاتە ەكەنىن ەستىگەن ساتتە دە جۇرەگىمدى تىڭدادىم. ول كەزدە دە ەشقانداي قۋانىش سەزىمىن بايقامادىم. ەكى جاعدايدا دا ء«الحامدۋليللا» دەگەن سەبەبىم: جۇرەگىمدە دۇنيەگە دەگەن سۇيىسپەنشىلىك جوق ەكەنىن ءتۇسىندىم».

راسىندا بۇل وقيعادان الار عيبرات كوپ. كەيدە دۇنيە ءۇشىن اعايىنمەن ارازداسىپ، بالا-شاعانى جەكىپ، جۇرەگىن جارالاپ جاتامىز. ال سولاردىڭ كوڭىلى دۇنيەدەن قىمبات پا?

جاراتقاننىڭ جازۋىنا ريزا بولعان ادام دۇنيەدەگى ەڭ باي ادام سانالادى ەكەن. نەگە? ويتكەنى ونىڭ جۇرەگىندە دۇنيەگە دەگەن قوبالجۋ جوق. ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن): «تىيىم سالىنعان ىستەردەن ساقتانساڭ، ەڭ كوپ قۇلشىلىق ەتكەن ادام بولاسىڭ. اللانىڭ ساعان ءبولىپ بەرگەنىنە ريزا بولساڭ، ەڭ داۋلەتتى ادام بولاسىڭ. كورشىڭە جاقسىلىق جاساساڭ، ءمۇمىن بولاسىڭ. ءوزىڭ ءۇشىن جاقسى كورگەن نارسەنى ادامدار ءۇشىن دە جاقسى كورسەڭ، مۇسىلمان بولاسىڭ. كوپ كۇلمە. ويتكەنى كوپ كۇلۋ جۇرەكتى ولتىرەدى» دەگەن ء(ابۋ حۋرايرادان جەتكەن حاديس).

ناسيحاتىمىزدىڭ قورىتىندىسىن ءامىر يبن قايستىڭ سوزىمەن تۇيىندەۋدى ءجون كورىپ وتىرمىز: «اللانى جاقسى كوردىم. بۇل سەزىم باسىما تۇسكەن بارلىق قيىندىقتى جەڭىلدەتىپ، بارلىق سىناققا رازىلىق تانىتۋعا جەتەلەدى. اللانى جاقسى كورگەنىم سونشا، تاڭىمنىڭ قالاي اتىپ كۇنىمنىڭ قالاي باتقانىنا ءمان بەرمەيتىن دارەجەگە جەتتىم».

اللا تاعالا ءسىز بەن ءبىزدى ءار ىسكە رازى بولعان، سول ارقىلى ۇلكەن نىعمەتكە بولەنگەن قۇلدارىنىڭ قاتارىنان بولۋدى ءناسىپ ەتكەي.

قۋانىش جۇمابايۇلى،

اقمولا وبلىسىنىڭ باس يمامى

«مۇنارا» گازەتى، №17، 2020 جىل


كەلۋ قاينارى: http://www.elarna.net/koru.php?tur=16&id=1264333

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەرىكتىلەرگە ارنالعان مە 3 مينوت
ۇلىتاۋدا «اباي وقۋلارى» 5 مينوت
جاقسى ادامنىڭ ءسوزi دە، 6 مينوت
قازاقستان بوكس قۇراماسى 6 مينوت
10 - ايدىڭ 28 - كۇنگى ش 6 مينوت
مەلبۋرندا ءۇش ايعا سوزى 6 مينوت
ورالدا "كۇمبىرلەگە 6 مينوت
پاندەميا ساباعى – 6 مينوت
وسى كەشىرمە ماڭگى ەسىمن 6 مينوت
ەلىمىزدە كوروناۆيرۋس جۇ 6 مينوت
قىزىلوردادا «اباي» وپەر 6 مينوت
فرانتسيا مەن گەرمانيادا 6 مينوت
باس بانكير نەسيە ارقىلى 6 مينوت
كوروناۆيرۋس جۇقتىرعان 1 9 مينوت
الماتىدا كينوتەاتر بيلە 12 مينوت
وتەماقى تولەنبەسە، دارى 16 مينوت
COVID-19: ۋكراينادا توت 16 مينوت
الماتىدا كينوتەاتر بيلە 16 مينوت
ماقسات – بارىنە بىردەي 18 مينوت
قايىم مۇحامەدحانوۆ كوشە 21 مينوت
وسكەمەندە «ورتتەن 49 تو 21 مينوت
اقش-تا داۋىل سالدارىنان 21 مينوت
قايسار جانداردىڭ قولعان 24 مينوت
باسقانىڭ پiكiرiن قۇرمەت 26 مينوت
وتكەلدى قاتاڭ مەڭگەرىپ، 26 مينوت
شقو-داعى ەكولوگيالىق پر 26 مينوت
سقو-دا وسىمدىك مايى قىم 26 مينوت
كوروناۆيرۋستىڭ ءۇشىنشى 26 مينوت
تۇركىستان وبلىسى بالا ت 27 مينوت
وڭىرلىك تۋريستىك ءونىمد 27 مينوت