ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-20262590089 %11 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 17:20 - 2019/09/06

مەملەكەت باسشىسى ۇلتتىق قوعامدىق سەنىم كەڭەسىنىڭ العاشقى وتىرىسىنىڭ جۇمىسىنا قاتىستى

قاسىم-جومارت توقاەۆ ءوز سوزىندە ەلىمىزدى دامىتۋعا جانە جاڭعىرتۋعا باعىتتالعان باستامالار مەن ۇسىنىستاردى پىسىقتاۋ ىسىندەگى ۇلتتىق قوعامدىق سەنىم كەڭەسىنىڭ ءرولىن اتاپ ءوتتى.

– ۇلتتىق كەڭەستىڭ ءاربىر مۇشەسىنىڭ وزىندىك پىكىرى مەن ۇستانىمى بار. بۇل دامىعان ازاماتتىق قوعام ءۇشىن قالىپتى جاعداي. ءبىز ءبارىمىز مەنىڭ ۇلىقتاۋ راسىمىندە ء«ارتۇرلى پىكىر – ءبىرىڭعاي ۇلت. شىن مانىندە، بالاماسىز، باستاماسىز جانە بەلسەندىلىكسىز دامۋ بولمايدى. وسى ءۇش كيت ىلگەرىلەۋدى قامتاماسىز ەتەدى» دەپ ايتقان ءسوزىمدى نەگىزگە الۋىمىز قاجەت، – دەدى مەملەكەت باسشىسى.

قاسىم-جومارت توقاەۆ قازاقستاننىڭ ساياسي رەفورمالارىنىڭ العا بىردەن جۇگىرىپ كەتپەي، اقىلعا سالىپ، بىرتىندەپ جۇزەگە اسىرىلاتىنىن، دامۋعا جانە جەمىستى جۇمىسقا باعىتتالاتىنىن ايتتى.

– كەيدە كەيبىر ۇراندار مەن ۇندەۋلەر وتە تارتىمدى كورىنەدى، ءبىراق ولاردىڭ اۆتورلارى مەملەكەت الدىندا جاۋاپ بەرمەيدى. رەفورما رەفورما ءۇشىن – بۇل داعدارىسا باستايتىن جول ءارى مەملەكەتتىڭ باسقارۋىن جوعالتۋعا الىپ كەلەدى. ەشقايسىمىزدىڭ مۇنى قالامايتىندىعىمىزعا سەنىمدىمىن. دامۋ دايەكتى ءارى ۇدەمەلى بولۋى ءتيىس. سوندا عانا ءبىز ءوزىمىزدىڭ مەملەكەتتىلىكتى ساقتاۋعا جانە نىعايتۋعا باعىتتالعان ازاماتتىق ءارى ساياسي بورىشىمىزدى ورىندايمىز، – دەدى قازاقستان پرەزيدەنتى

مەملەكەت باسشىسى مەملەكەتىمىز ءۇشىن ماڭىزدى ءارى كوكەيتەستى ماسەلەلەر جونىندە ءبىرىڭعاي تۇسىنىكتىڭ ماڭىزدى ەكەنىن ايتتى، سونداي-اق وندىرىستەردى كوشىرۋگە قاتىستى قاۋەسەتتەرگە تۇسىنىكتەمە بەرە وتىرىپ، جەردىڭ شەتەلدىك ازاماتتارعا ساتىلمايتىنىن تاعى دا اتاپ ءوتتى.

– سوڭعى ۋاقىتتا جەر شەتەلدىكتەرگە ساتىلادى ەكەن نەمەسە كورشى ەلدىڭ 55 ەسكى زاۋىتى كوشىرىلەدى، مىڭداعان شەتەلدىك جۇمىسكەرلەر تارتىلادى ەكەن دەگەن سياقتى ءتۇرلى قاۋەسەت اڭگىمەلەر تاراپ ءجۇر. حالقىمىز مۇنداي داڭعازا اڭگىمەلەرگە ەرمەۋى قاجەت. وزدەرىنىڭ كوزدەگەن ماقساتتارىنا جەتۋ ءۇشىن جۇرتتىڭ پاتريوتتىق سەزىمدەرىن ءساتتى پايدالانا بىلەتىن ويى بۇزىق ادامدار وسىنداي الىپ-قاشپا اڭگىمەلەردى شىعارىپ ءجۇر. بيلىكتىڭ مىندەتى – قوعاممەن ديالوگ جۇرگىزۋ ارقىلى مەملەكەتتىك ساياساتتىڭ ماقساتىن ءتۇسىندىرۋ. مەن جەردى ەشكىمگە بەرمەيتىنىمىزدى تاعى دا ايتقىم كەلەدى، – دەدى قاسىم-جومارت توقاەۆ.

پرەزيدەنت قازاقستاننىڭ حالىقارالىق ىنتىماقتاستىق، ۇزدىك ستاندارتتار مەن وزىق تەحنولوگيا ءۇشىن اشىق ەكەنىن اتاپ ءوتىپ، بارلىق داۋلى ماسەلەلەر كونسەنسۋس ارقىلى شەشىلەتىنىن ايتتى.

– قازاقستاننىڭ سىرتقى يدەولوگياسىندا «حالىق جاۋى»، «بەسىنشى كولوننا»، «شەتەلدىڭ ىقپالىنا ۇشىراعان اگەنتتەر» سياقتى تۇسىنىك جوق. بۇل ءبىز ءۇشىن جات نارسە. ءبىز ءوز ازاماتتارىمىزدىڭ ادالدىعى مەن پاتريوتتىعىنا نىق سەنەمىز. ۇلتتىق تۇتاستىقتىڭ تاعى ءبىر نەگىزى – دامۋدىڭ دەموكراتيالىق ۇلگىسىنە بەيىلدىلىك. ءبىز، ەڭ الدىمەن، مەملەكەتتىلىگىمىزدى نىعايتۋ ميسسياسىن باسشىلىققا الىپ، راتسيونالدى ۇستانىمدا قالۋعا ءتيىسپىز، – دەدى مەملەكەت باسشىسى.

قاسىم-جومارت توقاەۆ مەملەكەتتى وركەندەتۋ ءۇشىن بارلىق سالانى جاڭعىرتۋ ءىسى دامۋدىڭ ستراتەگيالىق ماقساتتارىنىڭ جانە ازاماتتىق قوعامنىڭ پىكىرىنە تالداۋ جاساۋ نەگىزىندە جۇزەگە اسىرىلاتىنىن ايتتى.

– ازاماتتىق قوعام وكىلدەرىن ۇلتتىق كومپانيالاردىڭ، الەۋمەتتىك-كاسىپكەرلىك كورپوراتسيالاردىڭ، ورتالىق مەملەكەتتىك ورگانداردىڭ باقىلاۋ كەڭەستەرىنە ەنگىزۋ جونىندەگى ۇسىنىستى قولدايمىن. بۇل اشىق بولۋعا، سونىڭ ىشىندە قوعامدىق نازاردان تىس قالعان كۆازيمەملەكەتتىك سەكتوردىڭ اشىق بولۋىنا مۇمكىندىك بەرەدى. ۇلتتىق كەڭەستىڭ مۇشەلەرى «Open اكىمدىك» تاجىريبەسىن جاپپاي تاراتۋدى ۇسىنىپ وتىر. شىن مانىندە، بىزگە باسقارۋ مادەنيەتىنىڭ جاڭا ستاندارتىنا كوشۋ كەرەك. «Open اكىمدىك» جەرگىلىكتى بيلىكتىڭ قوعام ءۇشىن قولجەتىمدى بولۋىنا مۇمكىندىك بەرەدى، حالىق پەن مەملەكەتتىك قىزمەتشىلەر اراسىنداعى كەدەرگىنى الىپ تاستايدى، – دەدى مەملەكەت باسشىسى.

پرەزيدەنت ساياسي جۇيەنى جاڭعىرتۋدى جانە كىرىستەردىڭ ءادىل ءبولىنۋىن قامتاماسىز ەتۋى ءتيىس الەۋمەتتىك ساياساتتى قايتا قاراۋ ءىسىن جالعاستىرۋ قاجەتتىگىن ايتتى. سونىمەن قاتار قاسىم-جومارت توقاەۆ ۇلتتىق كەڭەستىڭ جۇمىس توبىنىڭ اياسىندا قازاقستان حالقىنا ارنالعان جولداۋدا ايتىلعان باستامالاردى ەگجەي-تەگجەيلى پىسىقتاۋدى ۇسىندى.

جيىندا ۇلتتىق كەڭەستىڭ مۇشەلەرى – راقىم وشاقباەۆ، مۇحتار تايجان، ايدوس سارىم، اسىلبەك قوجاحمەتوۆ، قازىبەك يسا، ساياسات نۇربەك، ايمان وماروۆا، ەرمەك تۇرسىنوۆ، سەيداحمەت قۇتتىقادام، وراز جاندوسوۆ ءسوز سويلەدى.

ۇلتتىق كەڭەس

ۇلتتىق كەڭەس

ۇلتتىق كەڭەس


كەلۋ قاينارى: http://www.elarna.net/koru.php?tur=14&id=1044172

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اعاجاي التاي تورى 3 مينوت
قازاقستان ەلشىسى تۇرىكم 11 مينوت
اعاجاي التاي تورى 23 مينوت
中国哈萨克语广播网 23 مينوت
ەلەكتروندى تەمەكى جايىن 23 مينوت
دوس تاڭداي بىلەىمىز بە؟ 23 مينوت
ەلوردادا تاعى ەكى ءوڭىر 26 مينوت
كۇرەس تۇرلەرىنەن الەم چ 1 ساعات
اسقار مىرزاحمەتوۆ جامبى 1 ساعات
中国哈萨克语广播网 1 ساعات
پرەزيدەنت بۇقتىرما سۋ ق 1 ساعات
وسى ارانى باسىپ كورىڭىز 1 ساعات
قاسىم-جومارت توقاەۆتىڭ 1 ساعات
ارمەنيانىڭ ەحەگنادزور ق 1 ساعات
20 قىركۇيەك. تۋعان كۇن 1 ساعات
باۋىرجان بايبەك "ا 1 ساعات
وسى ارانى باسىپ كورىڭىز 1 ساعات
中国哈萨克语广播网 1 ساعات
شاعباننىڭ شاراپاتى R 1 ساعات
پاۆلودارعا بەلارۋستان ج 1 ساعات
وسى ارانى باسىپ كورىڭىز 2 ساعات
بۋراباي مەن زەرەندىدە س 2 ساعات
中国哈萨克语广播网 2 ساعات
سولتۇستiك قازاقستانعا ق 2 ساعات
نايب ءمۇفتي: ورازادا اۆ 2 ساعات
20 قىركۇيەك. قازاقپارات 2 ساعات
中国哈萨克语广播网 2 ساعات
كۇن رايىن بولجاۋ دۇرىس 3 ساعات
中国哈萨克语广播网 3 ساعات
وسى ارانى باسىپ كورىڭىز 3 ساعات