ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 13:40 - 2020/05/22

Нақты Көзі: http://zhasorken.kz/?p=33544


– راسۋل ميرزاەۆپەن بولعان جەكپە-جەكتەگى جەڭىس سپورتتىق مانسابىڭىزداعى ەڭ ۇلكەن جەڭىس پە؟

– ارينە، بۇل جەڭىستى سپورتتىق مانسابىمداعى ەڭ ۇلكەن جەڭىس دەۋگە نەگىز بار. جاۋىنگەرلىك سامبودان جەتكەن جەتىستىكتەرىمدى، پرەزيدەنتىمىزدىڭ الدىندا نامىستى بەرمەي جەڭگەن كەزدى دە ەرەكشە اتاپ وتۋگە بولادى. ءبىراق بۇل جەڭىستىڭ ورنى بولەك. ويتكەنى راسۋل الەمدىك دەڭگەيدەگى مىقتى سپورتشى، قازاق حالقى ونى جاقسى بىلەدى. قازاقستانعا كەلىپ، ءۇش رەت جەرلەسىمىزدى جەڭگەنى جانكۇيەرلەردىڭ جانىنا باتتى. قازاقستاندا وزىنە تەڭ كەلەتىن ەشكىم جوق ەكەنىن دە جاسىرمادى. بۇل كەزدەسۋ كوپتەن بەرى حالىقتىڭ كوكەيىندە ءجۇردى. ارەناعا جينالعان 15 مىڭعا جۋىق كورەرمەننىڭ رۋحى كوتەرىلىپ، ەرەكشە كوڭىل-كۇيمەن قايتتى دەپ ويلايمىن. اللاعا شۇكىر، نامىستى قولدان بەرمەي، ەلىمىزدىڭ مەرەيىن ۇستەم ەتتىك.

– جەكپە-جەكتەرىڭىزگە «كەيكى مەرگەن» كومپوزيتسياسىمەن شىعىپ ءجۇرسىز…

– ءيا، ءار جەكپە-جەككە شىعار الدىندا ءوزىمىزدى پسيحولوگيالىق تۇرعىدان دايىندايمىز. باتىر بابالارىمىزدىڭ ەرلىگىن ەسكە الىپ، رۋحىمىزدى كوتەرىپ، جىگەرىمىزدى جانيمىز. سونداي باتىردىڭ ءبىرى كەيكى مەرگەن بولعان. شەت ەلدە وقۋ-جاتتىعۋ جيىنىندا جۇرگەندە جاتتىعۋدان بولەك كەيكى مەرگەن، وسپان باتىر سىندى باتىر بابالارىمىز تۋرالى كىتاپ وقىپ، كينو كورەمىز. كەيكى مەرگەننىڭ ەرلىگىن كوپشىلىك ەسكە الا بەرمەيدى، تاريحتا دا ول تۋرالى شىندىق ايتىلماعان. دالا دارابوزى حالقىنىڭ بوستاندىعى ءۇشىن كۇرەسىپ، جانىن قۇربان ەتكەن رۋحى كۇشتى ەرلەردىڭ ءبىرى. داعىستاندا وقۋ-جاتتىعۋ جيىنىندا ءجۇرىپ، «كەيكى مەرگەن» تۋرالى تەلەحيكايانى دا كوردىك. ارىستان جۇرەكتى كەيكى باتىر بەينەسىنىڭ كينودا سومدالۋى قۋانتتى. ەرلەردى ۇمىتپاۋ ءۇشىن شارشى الاڭعا ۇشقىن جامالبەكتىڭ «كەيكى مەرگەن» كومپوزيتسياسىمەن شىعىپ ءجۇرمىن. وسىدان كەيىن ءبىراز ادام «كەيكى مەرگەن» تەلەحيكايا­سىن كورىپ، ەرلىگىنە تامسانىپ، الەۋمەتتىك جەلىدەن حات جازدى.

– قازاقستاندا جەكپە-جەك وتكىزبەيمىن دەپ وزىڭىزگە ۋادە بەرىپسىز. ميرزاەۆپەن بولاتىن جەكپە-جەكتە شەشىم قابىلداۋ قيىن بولدى ما؟

– ءيا، قازاقستاندا جەكپە-جەك وتكىزۋ مەن ءۇشىن الدەقايدا قيىن. ال راسۋلمەن بولاتىن كەزدەسۋدىڭ جاۋاپكەرشىلىگى ەكى ەسە اۋىر بولدى. ودان بولەك قارسىلاسىڭا ەسە جىبەرىپ قويۋعا قورقاسىڭ. جوعارىدا ايتقانىمداي، بۇل – حالىقتىڭ كوپتەن كۇتكەن سايىسى. ەكەۋمىزدىڭ جەكپە-جەگىمىز ەكى رەت وتپەي قالدى. دەگەنمەن بۇل كەزدەسۋدى قابىلداۋعا تۋرا كەلدى. قازاق ەلىن قۋانتىپ، جانكۇيەرلەرىمە جەڭىس سىيلاعىم كەلدى. جەڭىسكە اۋەلى جاراتۋشىنىڭ ارقاسىندا، ەكىنشىدەن شۇمەكتەپ توككەن تەردىڭ ناتيجەسىندە جەتتىك. «ارلان» مما كومانداسى مەن باۋىرىم اماننىڭ دا ەڭبەگى زور. اكەمنىڭ باتاسى، انام مەن ۇيدەگى بەس قىزىمنىڭ دۇعاسىمەن، جالپى كوپتىڭ تىلەگىمەن وسىنداي ۇلكەن جەڭىسكە جەتتىم دەپ ويلايمىن. قازاقستاننىڭ تۇكپىر-تۇكپىرىنەن ارەناعا جينالعان، كوگىلدىر ەكراننىڭ الدىندا مەن ءۇشىن تاقىمىن قىسقان قازاق ەلىنە العىسىم شەكسىز. بۇيىرتسا، الەمگە ايگىلى UFC تۇجىرىمىندا دا اتوي سالۋعا بارىمىزدى سالامىز.

– ءسىزدى جانكۇيەرلەر UFC تۇجىرىمىندا كورگىسى كەلەدى. وسى تۇرعىدا قانداي جۇمىستار اتقارىلىپ جاتىر؟ UFC-مەن كەلىسىمشارت جۇرگىزىپ جاتىرسىز با، الدە باسقا دا تۇجىرىمداردا ونەر كورسەتۋىڭىز مۇمكىن بە؟

– اللاعا شۇكىر، اسا (Absolute Championship Akhmat) تۇجىرىمىمەن كەلىسىمشارتتى ابىرويمەن اياقتادىق. ءقازىر UFC تۇجىرىمىمەن كەلىسىمشارت بويىنشا مەنەدجەرىم، امەريكالىق ءالي ابدۋل-ازيز جانە ريزۆان ماگومەدوۆ سويلەسىپ جاتىر. ءبىراق الەمدەگى كوروناۆيرۋس پاندەمياسىنا بايلانىستى كەلىسسوز توقتاپ تۇر. الەمدەگى جاعداي تۇراقتالعاننان كەيىن كەلىسسوزدى جالعاستىرىپ، الەمگە ايگىلى تۇجىرىممەن كەلىسىمشارتقا وتىرامىز دەگەن ويدامىن. حالىقتىڭ ءجيى قوياتىن سۇراعى مەن تىلەگى دە UFC تۇجىرىمىندا ونەر كورسەتۋ جايىندا. ەندى تەك سول تۇجىرىممەن عانا كەلىسىمشارتقا وتىرىپ، ونەرىمدى پاش ەتكىم كەلەدى. رامازان ايىندا تاۋدا كۇش قۋاتىمىزدى ارتتىرىپ، دەنساۋلىعىمىزدى قالىپقا كەلتىرىپ جاتىرمىز. كارانتين بىتكەننەن كەيىن اقش-قا اتتانۋدى كوزدەپ وتىرمىز.

– ەلىمىزدە تۇڭعىش رەت UFC تۇجىرىمىنىڭ ءتۋرنيرى ءوتۋى كەرەك ەدى. الايدا مىنا جاعدايعا بايلانىس­تى وتپەي قالدى. بۇل ءبىزدىڭ سپورتشىلارعا قانشالىقتى كەرى اسەرىن تيگىزدى؟

– ارينە، الەمدەگى ەڭ ۇزدىك تۇجىرىمنىڭ ەلىمىزدە تۋرنير وتكىزۋى ۇلكەن تاريحي وقيعا بولار ەدى. جانكۇيەرلەر دە UFC ءتۋرنيرىنىڭ قانداي دەڭگەيدە ەكەنىن كورەدى. تۇجىرىم دا قازاق جانكۇيەرلەرىنىڭ قولداۋى قانشالىقتى مىقتى ەكەنىن بايقايدى. ەڭ باستىسى، سپورتشىلارعا UFC-مەن كەلىسىمشارتقا وتىرۋعا كەرەمەت مۇمكىندىك بولار ەدى. بۇل جارىس ءبىراز جەتكىنشەكتىڭ جۇرەگىنە وت جاعىپ، سپورتپەن اينالىسۋعا جول اشادى. وكىنىشكە قاراي، مىنا ىندەتتىڭ كەسىرىنەن تۋرنير وتپەي قالدى. مەنىڭ دە وسى تۋرنيردە ونەر كورسەتۋىم ابدەن مۇمكىن ەدى. بولاشاقتا UFC ءتۇجىرىمىنىڭ تۋرنيرى ەلىمىزدە وتەتىنىنە كامىل سەنەمىن.

– ءىنىڭىز امان دا مما سپورتىنا قادام باسقالى جاتىر. ءوزىڭىز سياقتى مما سپورتىنىڭ جارقىن جۇلدىزى بولادى دەپ ويلايسىز با؟

– جارقىن جۇلدىز بولا ما، بولماي ما، ونى باعىنا قاراي كورەر. ءىنىم بالا كۇنىندە بوكس­پەن اينالىسىپ، سپورت شەبەرى اتاعىنا دەيىن جەتكەن. ءبىراق جاراقاتىنا بايلانىستى بوكس­تى قويىپ، كەڭەسىم بويىنشا قويان-قولتىق ۇرىسقا اۋىستى. قازاقستان چەمپيوناتتارىندا ءبىراز ونەر كورسەتىپ، جۇلدەلەر الدى. اسكەري سامبودان، دجيۋ-دجيتسۋدان، اۋەسقوي سپورت تۇرلەرىنەن دە سىنعا ءتۇسىپ، ۇزدىكتەر قاتارىنان كورىنگەن. ونىڭ بۇل سپورتقا اۋىسۋى­نا مەن ىقپال ەتتىم. سەبەبى قاسىمدا ءجۇرىپ كوپ نارسەنى ۇيرەندى. مەنىمەن بىرگە وقۋ-جاتتىعۋ جيىندارىن وتكىزىپ، مىقتى سپورتشىلاردان تاجىريبە جينادى. كاسىبي دەڭگەيدەگى العاشقى جەكپە-جەگىن NFC تۇجىرىمىندا وتكىزبەك.

– بيىل دجەكسون ۋينك اكادەمياسىن بارۋ ويىڭىزدا بار ما؟ بۇل اكادەميادا وقۋ-جاتتىعۋ جيىنىن وتكىزۋگە قانشا قارجى كەتەدى؟

– ءيا، جوعارىدا ايتقانىمداي، الەمدەگى جاعداي تۇراقتالسا، اقش-قا اتتانامىن. گرەگ دجەكسوننىڭ اقش-تاعى سپورتشىلاردى دايىندايتىن Jackson Wink MMA اكادەمياسىنان ارنايى شاقىرتۋ الدىم. بۇل اكادەميادا 3-4 جىلداي جاتتىعىپ، تاجىريبەمدى تولىقتىرعانمىن. UFC-دە ونەر كورسەتەتىن مىقتىلارمەن دە شىنىقتىق. ارينە، تايلاند پەن داعىستانعا قاراعاندا اقش-تا وقۋ-جاتتىعۋ جيىنىن وتكىزۋگە قوماقتى قارجى كەتەدى.

– ءقازىر ارلان مما كومانداسى ساپىنداسىز…

– ءيا، كوماندا قازاق سپورتشىلارىنىڭ جوعارى دارەجەگە جەتۋىنە كومەكتەسۋ ماقساتىندا قۇرىلعان. باستىسى جاس سپورتشىلارعا جاعداي جاساپ، جوعارى ناتيجەگە قول جەتكىزۋىنە كومەك بەرەدى. راسۋل ميرزاەۆپەن بولار جەكپە-جەك الدىندا دا ءبىرىنشى Dagfighter زالىندا مانسۋر ۋچاكاەۆ دەگەن جاتتىقتىرۋشىنىڭ تاكتيكاسىمەن جۇمىس ىستەسەك، ەكىنشى وقۋ-جاتتىعۋ جيىنىن كوماندامەن الماتى وبلىسى، تالعار اۋدانىندا AIBA اكادەمياسىندا وتكىزدىك. باپكەر يگور فۋنتيكوۆتىڭ قولاستىندا وتكەن وقۋ-جاتتىعۋ جيىنىنا «ارلان مما» كومانداسىنا كىرەتىن بارلىق سپورتشى قاتىستى. جاس سپورتشىلارعا بىلگەنىمىزدى ۇيرەتىپ، بىر-بىرىمىزگە كومەك بەردىك.

– الەۋمەتتىك جەلىلەردە ءبىر كىسىگە قاجىلىققا بارۋعا كومەكتەسكەنىڭىز تاراپ كەتتى…

– «باتىر بولساڭ جاۋىڭا نايزاڭ ءتيسىن،
باي بولساڭ حالقىڭا پايداڭ ءتيسىن» دەيدى عوي. قولىمىزدان كەلگەنشە قايىرىمدىلىق جاساۋعا تىرىسامىز. ءبىراق ونى جارياعا جار سالىپ ايتقان دۇرىس ەمەس. قايىرىمدىلىق جاساۋ ءۇشىن اسىپ-تاسىپ باي بولۋدىڭ قاجەتى شامالى، باستىسى مەيىرىمدى جۇرەگىڭ مەن تازا نيەتىڭ بولسا جەتكىلىكتى.

داۋرەن تۇلكىباي

«اق جەلكەن» جۋرنالى، №5
مامىر، 2020


كەلۋ قاينارى: http://www.elarna.net/koru.php?tur=10&id=1184270

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


كاسىپوداق داۋى: مينيستر 2 مينوت
باس ءمۇفتي «الجير» كەشە 2 مينوت
يسپانيا پرەمەرى ەلدەگى 2 مينوت
قازاقستاندا ۇشقىشسىز ۇش 2 مينوت
الماتى وبلىسىندا " 2 مينوت
Top Rank ماۋسىمدا بەس ب 2 مينوت
ورالدا كوروناۆيرۋس جۇقت 2 مينوت
قاراعاندى وبلىسى: مويىن 8 مينوت
شىلدە ايىندا دەپوزيتتەر 8 مينوت
اۋلاسىنان 56 ادامنىڭ سۇ 8 مينوت
ءقاڭتار-ساۋىر ارالىعىند 12 مينوت
اقتاۋدا جول اپاتىنان 23 12 مينوت
قۇمىلدا ۇساق ساۋدا بازا 12 مينوت
بالالاردىڭ ءبىلىمى مەن 14 مينوت
1-سىنىپقا قۇجاتتاردى تا 20 مينوت
امەريكانىڭ 30 قالاسىندا 20 مينوت
1-سىنىپقا قۇجات قابىلدا 22 مينوت
الماتى ماڭىندا بلوكپوست 22 مينوت
پرەزيدەنت بۇلدىرشىندەرد 22 مينوت
شىمكەنتتە ديزەل وتىنىن 23 مينوت
قىزىلوردا وبلىسى: پويتس 26 مينوت
باس ءمۇفتي 8 ءدىن قىزمە 1 ساعات
الماتى مەشىتتەرى جۇمىسى 1 ساعات
يگيل ۆزيالو وتۆەتستۆەنن 1 ساعات
”ءبىر كەستەمەن“ ەكولوگي 1 ساعات
«بالاپان قاري» بالاڭىزد 1 ساعات
ەلىمىزدە 1-سىنىپقا بالا 1 ساعات
مەملەكەتتىك قىزمەتكەر ج 1 ساعات
الماتىدا سپا سالوندار، 1 ساعات
قىزىلوردا وبلىسى: پويتس 1 ساعات