ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-22406122249 %51 %
2019-06-23481202743 %57 %
2019-06-24532171254 %46 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 00:28 - 2019/05/16


قيىن كەزەڭدە، 1938 جىلدىڭ كوكتەمىندە دۇنيەگە كەلگەن قابيبوللا سەيتوۆ تۋرالى اڭگىمەمىزدى باستايىق. قابيبوللا اقساقال ءوزىنىڭ ءومىرىن مىنانداي ءتورت كەزەڭگە ءبولىپتى: ءبىرىنشى – بالالىق شاق، ەكىنشى – جاستىق شاق، ءۇشىنشى – ەرجەتۋ شاق، ءتورتىنشى – قارتايعان شاق. ەندەشە ءبىز دە ءوزى كورسەتكەن سول ىزبەن ءجۇرىپ كورەلىك. ء«ۇش جاسىمدا انامنان، بەس جاسىمدا اكەمنەن جەتىم قالدىم» دەيدى قابيبوللا قاريا. – بالالىق شاعىم ەل باسىنا كۇن تۋعان اۋىر زاماندا ءوتتى. حالىق اشىقتى، مەن اشىقتىم، حالىق جىلادى، مەن جىلادىم. كۇركىرەپ سوناۋ سوعىس كۇندەرى دە ءوتتى. مايدان ءۇشىن، جەڭىس ءۇشىن دەگەن زامان ەدى… قارىن تويىپ  اس ىشپەدىك. ءبۇتىن كيىم كيمەدىك. اكەم كولحوزدىڭ اعاش ۇستاسى ەدى. سوعىس باستالىسىمەن ول كىسىنى ەڭبەك ارمياسىنا الدى. سودان ورالمادى. ارينە، ول كەزدە مەن سياقتى نە اكەنىڭ، نە انانىڭ مەيرىمىنە قانباعان تۇل جەتىمدەر بولدى عوي.

ولاردىڭ كوبى اۋدان ورتالىعىنداعى، نە قالاداعى جەتىمدەر ۇيىندە تاربيەلەندى. انام قايتىس بولعان سوڭ ءۇش جاسىمنان باستاپ ماعان جانە تۇرار اتتى جيەن بالاعا سوعىس جىلدارى پانا بولعان التىن اتتى ەكىنشى شەشەمىز كولحوزدا جۇمىسكەر ەدى. سول شەشەمىز قايدان الاتىنىن بىلمەيمىن، ايتەۋىر ۇيگە اندا-ساندا، ورامالىنىڭ شەتىنە ءتۇيىپ بيداي اكەلەتىن. سول بيدايىن قۋىرىپ، الاقانىمىزعا سالار ەدى. ءبىز بولساق، بيدايدى قۇس قۇساپ، بىر-بىرلەپ تەرىپ جەپ، جالبىردان قايناتقان قارا شاي ءىشىپ، جۇرەك جالعاپ جۇردىك. تۇراردىڭ اكەسى بودەش تە سوعىستا حابارسىز كەتتى. وي، دۇنيە-اي دەسەيشى، بۇگىنگى مولشىلىققا كەنەلگەن ەلدى كورىپ، شۇكىرلىك ەتەمىن. سول جىلدارى تاڭنىڭ اتىسى دالاعا شىعىپ، ءتۇتىنى قويۋ شىققان ءۇيدى كورسەم سولاي قاراي جونەلەر ەدىم. ونداعى وي جاساپ جاتقان تاماعىنان ءبىر اياق اس بۇيىرار دەگەن ءۇمىت. سول زاماننىڭ ادامدارى دا عاجاپ قوي. وزدەرى جارىماي وتىرىپ، ءبىز سياقتى جەتىمدەردى شەت قاققان ەمەس. مەن دە ەسەسىنە قولعابىس جاسايتىن ەدىم. قوراسىن تازالاپ، مالىن سۋارىسىپ دەگەندەي. جەتى جاسقا ىلىككەن كەزدە، كولحوزعا قولعابىس ەتەر بالا رەتىندە، ەڭبەك كۇنگە جازىلىپ، شوپشىلەرگە وگىز ايداۋشى بولىپ كىردىم. مىنە، قارنىمنىڭ ءبىر تويعانى سوندا. حالىقتا ءبىر ماقال بار: «كەدەيدىڭ ءبىر تويعانى – شالا بايىعانى». جاستايىمنان جەتىم قالعاندىكى ما، اكە-شەشەمنىڭ بەينەسىن كوز الدىما كەلتىرە المايمىن. ول ۋاقىتتا سۋرەت قايدان بولسىن. قويشى، سودان سول جىلى مەكتەپكە باردىم. وقۋدىڭ باستالعانىن بايقاماي قالىپ، كەشتەۋ كەلدىم. پورتفەل ورنىنا قولدان تىككەن دوربانى مويىنعا ءىلىپ، مەن دە قوسىلدىم قاتارعا. اياقتا اياق كيىم جوق، ءتىلىم-تىلىمى شىققان جالاڭ اياعىممەن، مەكتەپتىڭ تابالدىرىعىن اتتادىم. جازدا وگىز ايداپ، جارىلىپ كەتكەن اياعىم، بايقاماي پارتاعا سوعىلىپ، قان قاقساعانى بار. سول ءالى كۇنگە ەسىمنەن كەتپەيدى. مەنىڭ قىزىقتى ءومىرىم مەكتەپ بىتىرگەننەن سوڭ باستالدى. سول جىلدارى وقۋعا ەڭبەك وتىلىمەن كەلىپ تۇسەتىن. مەن دە اۋىلدا ءۇش جىلداي ەڭبەك ەتىپ، تسەلينوگرادتاعى جاڭا اشىلعان اۋىل شارۋاشىلىعى ينستيتۋتىنىڭ العاشقى ستۋدەنتى بولىپ قابىلداندىم.
ومىرىمدەگى قايعى-مۇڭىمدى ۇمىتتىرعان وسى ستۋدەنت بولعان جىلدارىم. ەكىنشى سەمەستردىڭ لەكتسياسى ءجۇرىپ جاتقان. ەسىك اشىلىپ ينستيتۋت رەكتورى م.گەندەلمانمەن بىرگە تانىمايتىن بىرەۋ كىردى. رەكتورىمىز: «ستۋدەنت سەيتوۆ بار ما؟» دەدى. «مەن بىردەنە ءبۇلدىرىپ قويدىم با؟» دەگەن قورقىنىشپەن ورنىمنان تۇردىم. ستۋدەنتتەر دە اڭ-تاڭ. بوگدە كىسى «ستۋدەنت سەيتوۆ تسەلينگراد وبلىسىنىڭ مىلتىق اتۋ سپورتىنىڭ كوماندا مۇشەسى رەتىندە، ەرتەڭنەن باستاپ الماتىعا اتتانادى، ەندى وعان ساتتىلىك تىلەيىك» دەگەندە، اۋديتوريادا وتىرعاندار قول شاپالاقتاپ جىبەردى. رەكتورىمىز ماعان: «قازىردەن باستاپ بوسسىڭ، جولعا دايارلان، ءبارى دە ويداعىداي بولادى» دەدى. الماتىدان 22 شاقىرىم جەردەگى دوسااف تيرىندە قازاقستاننىڭ بۇكىل وبلىسىنان جينالعان مەرگەندەر جارىسى ءبىر ايداي ۋاقىتقا سوزىلدى. ءبىر كۇنى مەنىڭ دە كەزەگىم كەلىپ، ءوزىمنىڭ ماماندانعان ۆينتوۆكامنان اتىپ، قازاقستاننىڭ رەكوردىن جاڭارتىپ، چەمپيون اتاندىم. سپورت شەبەرى دەگەن اتاق الدىم. مەنى «اتاقتى سپورتشى» دەپ مۇعالىمدەر دە، ستۋدەنتتەر دە سىيلايتىن. ول كەزدە سپورتشىعا ءار جارىسقا قاتىسقانى ءۇشىن قولىنا تالون بەرەتىن. سول تالونمەن ءۇش مەزگىل تەگىن تاماق ءىشىپ، ستيپەنديام قالتامدا قالىپ ءجۇردى. وسى ستۋدەنت كەزىم ومىرىمدەگى ەڭ ءبىر ۋايىم-قايعىسىز وتكەن، جاستىق شاعىمنىڭ ءتاۋىر كەزەڭى بولدى. قىسقاسى جاقسى كوكتەم جاقسى جازعا اۋىسىپ، جاقسى جاز جەمىستى كۇزىنە اكەلدى. كىشكەنتاي كۇندە كورگەن جەتىمدىگىمدى اللا ەلەپ، ءومىرىمدى باقىتتى، جەمىستى ەتتى. جەتىمنىڭ قاسىندا اللا بولادى دەگەن وسى. تورعاي وبلىسى دەرجاۆين اۋدانى لۆوۆسكي سوۆحوزىنىڭ باس اگرونومى بولىپ تۇرعاندا، ەڭبەگىمدى جوعارى باعالاپ، 1968 جىلى العاشقى شىققان «گاز – 24» ۆولگاسىن ءمىندىم، ونداي ماشينا تەك ۇلكەن باسشىلار مەن ەڭبەك وزاتتارىنا عانا بەرىلەتىن. سول شاتتىق پەن قۋانىشقا تولى كۇندەرىمدى ەسىمە السام، اللانىڭ مەيرىمىنە كوڭىلىم تولقىپ، شەكسىز شۇكىرلىك ەتەمىن. كەيىن سول دەرجاۆين اۋدانىنداعى ەڭ ۇلكەن «شولاق ساندىق» سوۆحوزىندا ديرەكتور بولىپ 20 جىل جۇمىس ىستەدىم. مەنىڭ بالالىق شاعىم وتكەن اقتوبە اۋىلى دا سول سوۆحوزدىڭ قۇرامىندا ەكەن. العاش ديرەكتور بولىپ بارعان كەزدە، باياعى ءوزىمدى قامقورلىققا العان 3-4 قاريانى كوردىم. قاراسام باستارىن تومەن سالىپ كوتەرمەيدى. جينالىس اياقتالعان سوڭ قاستارىنا كەلىپ سالەم بەردىم. نەگە ۇنجۇرعالارى ءتۇسىپ كەتكەن دەپ سۇراسام. «سەنىڭ كىشكەنتاي كەزىڭدە، جاقسى جاردەم ەتە المادىق-اۋ دەپ قامىعىپ وتىرمىز» دەيدى. سول كەزدە ءبارىن قۇشاقتاپ، «سەندەر سونداي قامقور بولماساندار، مەن بۇل كۇنگە جەتە الار ما ەدىم. ءقادىرلى قاريالارىم مەنىڭ، وزدەرىڭ جارىماي ءجۇرىپ، قولداعىلارىڭدى مەنەن اياعان جوقسىڭدار. راقمەت سىزدەرگە!» دەدىم. وسىدان كەيىن ءبارى دە جادىراپ، قوش كەلدىڭ دەپ قۇشاققا الىپ، ىسىمە ساتتىلىك تىلەدى. بۇل مەنىڭ ءومىر جولىم، ەڭبەك جولىم، ايتا بەرسە اڭگىمە كوپ. كەيىن رەسپۋبليكالىق دەڭگەيدە دە ابىرويلى ىستەر اتقاردىم «ەڭبەك قىزىل تۋ»، «قۇرمەت» بەلگىسى وردەندەرىمەن جانە دە كوپتەگەن مەدالدارمەن ماراپاتتالدىم. «رەسپۋبليكاعا ەرەكشە ەڭبەگى سىڭگەن زەينەتكەر» دەگەن زەينەت-اقى تاعايىندالدى ماعان.
ءومىر جولىن باسىنان اياعىنا دەيىن ايتاتىن بولساق، ۇلكەن ءبىر كىتاپقا جۇك بولارلىق قابيبوللا قاريا ەسكىنىڭ داستانى، بۇگىن­نىڭ قىزىعىپ قارار اقساقالى. باۋىرجان مومىش­ۇلىنىڭ ايتۋىنشا، قارتايۋدىڭ ءتورت ءتۇرى بار: شال، قاريا، اقساقال، ابىز.
شال – ول دارمەنسىز قارتايعان، قاۋقارى جوق جان. قاريا – اۋزىندا دۇعاسى، ەلىنە ونەگە-وسيەت ايتار ادام. ال ابىز حالىقتىڭ قامىن جەگەن دانىشپان. ءبىز ول كىسىگە باۋىرجان اتامىز ايتقان ولشەمدى تانباي-اق قويايىق. ءبىراق ول شالعا جاتپايتىنى انىق. جاسى 80-نەن اسقان قابيبوللا قاريا قارتتىقتى مويىنداعان ەمەس. ول 20 جاسىندا جاساعان مەرگەندىگىن 80-دە دە جاڭعىرتقان ادام. الپىس جىل وتكەن سوڭ سول رەكوردىن ارداگەرلەر اراسىنداعى رەسپۋبليكالىق بيلياردتان وتكەن چەمپيونناتتا قايتالادى. قالاداعى قوعامدىق جۇمىستارعا بەلسەنە ارالاسىپ، يگى ىستەرگە مۇرىندىق بولىپ ءجۇر. 2018 جىلى قالالىق ارداگەرلەر سپارتاكياداسىن وليمپياداعا ۇقساس وتكىزۋدىڭ ۇيىتقىسى بولعان وسى كىسى. «ادام ءوزىنىڭ قاجەتتىلىگىن سەزىنبەي، قوعامنىڭ تولىققاندى ءبىر مۇشەسى ەكەنىن مويىنداماي ءومىر سۇرسە، مىنە سول ادام قارتايعان ادام» دەيدى قابيبوللا سەيتوۆ. بەس بالا ءوسىرىپ، ون ءۇش نەمەرە، ءۇش شوبەرە ءسۇيىپ وتىر. زايىبى دارىگەر بولىپ قىزمەت ەتكەن. ءقازىر زەينەتكەر. بار مەن جوقتىڭ، اش پەن توقتىڭ ولشەمىن ومىرى­مەن ورنەكتەگەن قاريانىڭ وتكەن جولى وسىنداي.

سەرىك ءابىلجانوۆ


كەلۋ قاينارى: http://www.elarna.net/koru.php?tur=9&id=995511

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ارىس قالپىنا كەلتىرىلەد 1 مينوت
«ارىس، ءبىز بىرگەمىز» ا 5 مينوت
"ۋادەنى" قالا 5 مينوت
جالاعاشتا سۇراپىل جەل ۇ 5 مينوت
وسى ارانى باسىپ كورىڭىز 5 مينوت
الماتىلىق بەلسەندىلەر « 7 مينوت
عالىمجان مەلدەشوۆ جاڭا 15 مينوت
ۋادەنى ورىنداۋ – مۇسىلم 15 مينوت
وسى ارانى باسىپ كورىڭىز 15 مينوت
قورعانىس ءمينيسترى پرەز 16 مينوت
قورعانىس ءمينيسترى پرەز 16 مينوت
الماتىلىق بەلسەندىلەر « 19 مينوت
زيالى قاۋىم «ارىس، ءبىز 22 مينوت
«استانانىڭ» چفر كلۋجبەن 25 مينوت
ارىستىقتارعا العاشقى كو 25 مينوت
ماديار اشكەەۆتىڭ قارسىل 25 مينوت
«ارىس، ءبىز بىرگەمىز» ا 25 مينوت
قحا: ارىس قالاسىنان كوش 25 مينوت
ج ك پ ورتالىق كوميتەتى 25 مينوت
زيالى قاۋىم «ارىس، ءبىز 1 ساعات
پۋتينتسەۆا WTA رەيتينگى 1 ساعات
مەملەكەت جاس ۇرپاققا جا 1 ساعات
ەرمەكباەۆ: ارىس اۋماعىن 1 ساعات
سقو قارجى باسقارماسىنىڭ 1 ساعات
بەس باستامانىڭ يگىلىگى 1 ساعات
ەڭبەك مينيسترلىگىنىڭ قى 1 ساعات
كاسپي تەڭىزىندە فيدەرلى 1 ساعات
«ارىس، ءبىز بىرگەمىز» ا 1 ساعات
ارىس قالاسىنداعى زارداپ 1 ساعات
وپروس: ەردوگان ي پۋتين 1 ساعات