ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-102001851947 %53 %
2019-12-111970784544 %56 %
2019-12-12862197734 %66 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 06:35 - 2016/11/17


Tauelsizdik   tengesy

15 قاراشا – ءتول تەڭگەمىزدىڭ تۋعان كۇنى. ياعني 1993 جىلدىڭ ءدال وسى كۇنى ەلباسىنىڭ جارلىعىمەن قازاقستان رەسپۋبليكاسىنىڭ ۇلتتىق ۆاليۋتاسى دۇنيەگە كەلدى.
سودان بەرى ءتول تەڭگەمىز ازاتتىعىمىزدىڭ ايشىقتى بەلگىسى رەتىندە ەكونوميكامىزدىڭ دامىپ، گۇلدەنۋىنە قىزمەت ەتىپ كەلەدى.
تەڭگەمىز ارقىلى ءبىز دەربەس ەل ەكەنىمىزدى سەزىندىك. ويتكەنى بۇل ەلتاڭبامىز، ءانۇرانىمىز، كوك تۋىمىز سياقتى باعالى، اسا قۇندى ەلدىك نىشاندارىمىزدىڭ ءبىرى ەكەنى انىق. ءوزىنىڭ ءتول اقشاسى بار مەملەكەت قانا وزگە ەلدەرمەن تەڭ دارەجەدە بولاتىنى انىق.
تەڭگەمىزدى ۇلىقتاۋ – بۇل ەلدىگىمىزدى ۇلىقتاۋمەن پارا-پار نارسە. ءبىر سوزبەن ايتقاندا ءتول تەڭگەمىز – تاۋەلسىزدىك تىرەگى.
وسى ورايدا جۋىردا استانا قالاسىندا مەملەكەتتىك حاتشى گۇلشارا ءابدىقالىقوۆانىڭ، ۇلتتىق بانك ءتوراعاسى دانيار اقىشەۆتىڭ، پارلامەنت دەپۋتاتتارىنىڭ، عالىمدار مەن قارجىگەرلەردىڭ قاتىسۋىمەن «قازاقستان تاۋەلسىزدىگىنە 25 جىل: ۇلتتىق ۆاليۋتا» اتتى كونفەرەنتسيا ءوتتى. القالى جيىندا ۇلتتىق بانك ءتوراعاسى دانيار اقىشەۆ ەلباسى بەينەلەنگەن 10 مىڭدىق كادەسىيلىق بانكنوت پەن مونەتالاردى تانىستىردى. جاڭا بانكنوت پەن مونەتالار ەل تاۋەلسىزدىگىنىڭ 25 جىلدىعىنا ارنالىپ شىعارىلعان.

كونفەرەنتسيادا ءسوز سويلەگەن مەملە­كەت­تىك حاتشى گۇلشارا ءابدىقالىقوۆا تەڭ­گەنىڭ ەل ومىرىندەگى ءمان-ماڭىزىنا توقتالدى.
– مەملەكەتتىك تۋىمىز، ءانۇرانىمىز، ەلتاڭبامىزبەن قاتار، تاۋەلسىزدىكتىڭ ەڭ باستى بەلگىلەرىنىڭ ءبىرى – مەملەكەتتىڭ ءتول ۆاليۋتاسىنىڭ بولۋى. 1993 جىلى 15 قاراشادا قازاقستاننىڭ ءوز ۆاليۋتاسى – تەڭگە اينالىمعا ەنگىزىلىپ، ۇلكەن تاريحي قادام جاسالدى. ول ەكونوميكا توقىراپ، وندىرىستەر جابىلعان، ءتىپتى قاراپايىم ادامداردىڭ جالاقىسىنا دەيىن سىرتقى فاكتورلارعا تاۋەلدى بولعان اسا كۇردەلى كەزەڭ ەدى. ەلباسى ن.نازارباەۆتىڭ سىندارلى ساياساتىنىڭ ارقاسىندا ەلىمىز ۋاقىت سىنىنان سۇرىنبەي ءوتتى. ال ءتول تەڭگەمىز تاۋەلسىزدىكتىڭ ايشىقتى سيمۆولدارىنىڭ بىرىنە اينالدى. حالىقتىڭ كوڭىلىنە سەنىم ۇيالاتىپ، بولاشاققا نىق قادام باسۋىنا جول اشتى. الەمدىك داعدارىسقا لايىقتى توتەپ بەرىپ، مىزعىماس قۋاتىن دالەلدەدى،– دەدى گ.ابدىقالىقوۆا.
مەملەكەتتىك حاتشى ەلباسى ن.نازارباەۆ­تىڭ جالپىۇلتتىق بىرلىك پەن كەلىسىم ۇلگىسى قازاقستاننىڭ جارقىن جەتىستىكتەرىنىڭ شەشۋشى فاكتورى ەكەنىن، سونداي-اق وعان قازاقستان حالقى اسسامبلەياسى دا ىقپال ەتكەنىن اتاپ ءوتتى. بۇگىندە تەڭگە ەكونوميكامىزدىڭ تىرەگىنە، بەرەكەلى دە مەرەكەلى تىرشىلىگىمىزدىڭ كۇرە­تامىرىنا اينالعانىن، ول الداعى ۋاقىتتا دا قازاقستاننىڭ جارقىن جەڭىستەرى مەن تولاعاي تابىستارىنىڭ تۇعىرى بولا بەرەتىنىنە سەنىم زور ەكەنىن تىلگە تيەك ەتتى. Tauelsizdik
ۇلتتىق بانك ءتوراعاسى دانيار اقىشەۆ تاۋەلسىزدىكتىڭ 25 جىلدىعىنا ارنالعان 10 مىڭدىق كادەسىيلىق بانكنوتتى جانە مونەتانى جۇرت نازارىنا ۇسىنا وتىرىپ، ءوز ويىن بىلاي دەپ جەتكىزدى:
– ەلباسى ۇسىنعان «ماڭگىلىك ەل» يدەياسىنىڭ مىزعىماس نەگىزدەرىنىڭ ءبىرى – ۇلتتىق بىرلىك، بەيبىتشىلىك جانە كەلىسىم. بارشامىزدىڭ وتانىمىز ءبىر، تاعدىرىمىز ءبىر. بۇگىن سىزدەردىڭ نازارلارىڭىزعا ۇسىناتىن ەستەلىك مونەتاعا وسى يدەيا نەگىز بولدى. تاۋەلسىزدىك تاريحى – مەملەكەت باسشىسىنىڭ تاريحىمەن تىعىز بايلانىستى. سول سەبەپتى، ۇلتتىق بانك تاۋەلسىزدىكتىڭ 25 جىلدىعىنا ارنالعان، ەلىمىزدىڭ دامۋىنا پرەزيدەنتتىڭ قوسقان ۇلەسىن بەينەلەيتىن مەرەيتويلىق بانكنوتتى نازارلارىڭىزعا ۇسىنادى،– دەدى دانيار اقىشەۆ.
جيىندا بەلگىلى بولعانداي، ون مىڭدىق كۋپيۋرادا ساقتار داۋىرىنەن بۇگىنگى كۇنگە دەيىنگى تاريح جيناقتالعان ەكەن. مەملەكەتىمىزدىڭ كارتاسى ەل حالقىنىڭ ورتاق ءۇيى رەتىندە كورسەتىلگەن. قازاق ەلى مونۋمەنتىندەگى سامۇرىق قۇس وتكەن كۇن مەن بۇگىننىڭ ساباقتاستىعىن بەينەلەپ تۇر. مەرەيتويلىق كۋپيۋرا پرەزيدەنتىمىزدىڭ ەل دامۋىنا سىڭىرگەن ەرەن ەڭبەگىنىڭ كورىنىسىن بەينەلەۋگە باعىتتالعان. 5 مىڭ نومينالداعى مونەتا 925 سىنامالى كۇمىستەن جاسالىپتى. بەتكى جاعىندا قازاق ەلى مونۋمەنتى، ۇلتتىق كيىمدەگى ءارتۇرلى ۇلت وكىلدەرى بەينەلەنگەن. كۇن شاپاقتارىنىڭ كورىنىسىمەن كومكەرىلگەن مونەتانىڭ سالماعى 777،5 گرامعا تەڭ. وسى ورايدا ايتا كەتەرلىگى، ۇلتتىق بانك كادەسىيلىق بانكنوت پەن مونەتاسى قازاقستان رەسپۋبليكاسىنىڭ تۇڭعىش پرەزيدەنتى كۇنى – 1 جەلتوقساندا جارىققا شىقپاق.
قازاقستان قارجىگەرلەرى قاۋىم­داستىعى كەڭەسىنىڭ ءتوراعاسى ماعجان اۋەزوۆتىڭ پىكىرىنشە، جاڭا بانكنوت پەن مونەتا حالىق ءۇشىن ايرىقشا باعالى زات بولادى.
«ۇلتتىق ۆاليۋتامىزدىڭ اينالىمعا ەنۋى – قازاقستاننىڭ تاريحىنداعى ايرىقشا وقيعالاردىڭ ءبىرى» دەپ باعالاعان قازاقستان قارجىگەرلەرى قاۋىمداستىعى كەڭەسىنىڭ ءتوراعاسى ماعجان اۋەزوۆ «جاڭا بانكنوت پەن مونەتا حالىق ءۇشىن ايرىقشا باعالى زات بولادى» دەدى. ماعجان اۋەزوۆتتىڭ پىكىرىنشە، «ۇلتتىق ۆاليۋتانى ەنگىزۋ تۋرالى» ەلباسىنىڭ جارلىعى شىق-قاننان بەرگى ارالىقتا مەملەكەتىمىزدىڭ ەكونوميكالىق قۇرىلىمى قالىپتاستى.
فيلوسوفيا عىلىمىنىڭ دوكتورى، اكادەميك عاريفوللا ەسىم ۇلتتىق بانك تانىستىرعان جاڭا بانكنوتقا قاتىستى ءوز ويىن ورتاعا سالا وتىرىپ، ونى ءتول تەڭگەمىزدىڭ العاشقى نۇسقاسىمەن سالىس­تىردى. اكادەميك ءوز سوزىندە ال-فارابيدەن باستاپ، نۇرسۇلتان نازارباەۆقا دەيىنگى ارالىقتاعى ەلىمىزدىڭ تاريحى كورىنىس تاۋىپ وتىرعانىن جەتكىزدى.
– ءبىر تەڭگەلىك بانكنوتقا ءال-فارابي بەينەلەنگەن ەدى. مىنە، سول وقيعاعا دا 20 جىلدان استام ۋاقىت ءوتىپتى. بۇگىن دانيار اقىشەۆ مىرزا 10 مىڭ تەڭگەلىكتە ەلباسى بەينەلەنگەنىن ايتتى. دەمەك، تەڭگە ارقىلى ال-فارابيدەن باستاپ، نۇرسۇلتان نازارباەۆقا دەيىنگى تاريح كورىنىس تاۋىپ وتىر. ءتول تەڭگەمىزدىڭ تورگە وزعان كۇنى قۇتتى بولسىن! تەڭگەمىز تەڭسەلە بەرمەي، تۇعىرلى بولسىن! – دەدى ع.ەسىم.
كونفەرەنتسيا بارىسىندا تەڭگەنىڭ شىعۋى مەن ودان كەيىنگى قالىپ­تاسۋ جىلدارى تۋرالى كوپتەگەن مازمۇن­دى اڭگىمەلەر قوزعالدى. ارينە، تاۋەلسىزدىگىمىزدىڭ باستاپقى جىلدارىندا ءتول تەڭگەمىزدى دۇنيەگە اكەلۋ، ونى اينالىمعا ەنگىزۋ وڭاي شارۋ بولماعانى انىق. تاجىريبەلى دە بىلىكتى ماماندار جەتكىلىكسىز. ەكونوميكامىزدىڭ احۋالى كوڭىل كونشىتەرلىكتەي ەمەس. مۇنداي كەزەڭدەردە ۇلتتىق ۆاليۋتامىزدىڭ پايدا بولۋى شىن مانىندە تاريحي وقيعاعا اينالعانى اقيقات. بۇگىنگى ۋاقىت تۇرعىسى­نان ساراپتايتىن بولساق، ءبارى دە كۇنى كەشە سياقتى. الايدا جىلدار ءوتىپ، ەلىمىز تالاي بەلەستەردى باعىندىرعان تۇستا ءتول تەڭگەمىز حالقىمىزبەن بىرگە جاساسىپ كەلەدى. جەر جاھانعا مەملەكەتىمىزدى تانىتا تۇسۋگە ۇلكەن سەرپىن بەرگەنى انىق. ەلباسىنىڭ سىندارلى ساياساتىنىڭ ارقاسىندا ومىرگە كەلگەن تەڭگەمىز الەمدىك ۆاليۋتالاردىڭ اراسىنان لايىقتى ورىن الدى.
وسىلايشا «قازاقستان تاۋەلسىزدىگىنە 25 جىل: ۇلتتىق ۆاليۋتا» دەپ اتالعان كون­فەرەن­تسيا تاريحي كەزەڭدەردەن سىر شەرتىپ قانا قويماي، ماڭگىلىك ەلىمىزدىڭ اسىل قۇندىلىقتارىنا تاعى ءبىر مارتە وي جىبەرۋگە مۇمكىندىك بەردى. ءسوز العانداردىڭ بارلىعى دا ءتول ۆاليۋتامىز ەلىمىزدىڭ قارجىلىق تاۋەلسىزدىگىنىڭ سيمۆولى ەكەنىن ايرىقشا اتاپ ءوتتى.

داۋكەن جۇماتۇلى


كەلۋ قاينارى: http://www.elarna.net/koru.php?tur=9&id=688103

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


2020 جىلى عىلىم سالاسىن 1 مينوت
«جۋسان» وپەراتسياسى جال 4 مينوت
中国哈萨克语广播网 4 مينوت
بۇگىن - الاش وردا ۇكىمە 4 مينوت
حالىقتىڭ مۇددەسىنە ساي 7 مينوت
وبلىس اكىمى ماتاي مەكتە 7 مينوت
قازاقستاندا يندۋستريالا 10 مينوت
نۇرسۇلتان نازارباەۆقا « 14 مينوت
ز0 مىڭ ەركەك وتباسىنا م 14 مينوت
شقو-دا 70-تەن استام ادا 16 مينوت
الماتى اۋەجايىندا حالىق 19 مينوت
ساۋديالىق ايەلدەرگە كوپ 19 مينوت
گۇل شوعى سولىپ قالماۋىن 19 مينوت
تاۋەلسىزدىك الدىنداعى د 22 مينوت
دەتەكتيۆتىك شىعارمالار 22 مينوت
جاڭا زەلانديادا جانارتا 24 مينوت
قالباتاۋ باۋىرىنداعى ەل 24 مينوت
ديماش نيۋ-يورك ساحناسىن 24 مينوت
الماتىدا ءىرى جوو-لاردى 25 مينوت
قر پرەزيدەنتى: بايتاق ج 28 مينوت
دەنساۋلىق ساقتاۋ ۆيتسە- 1 ساعات
بيىل %95 اينالاسىنداعى 1 ساعات
اقش-تا 36 جىل بۇرىن جىب 1 ساعات
中国哈萨克语广播网 1 ساعات
يراكتان قايتارىلعان بال 1 ساعات
قر اۋىل شارۋاشىلىعى ءمي 1 ساعات
مۇمكىندىگى شەكتەۋلى ادا 1 ساعات
پاۆلودارداعى جوو-دا ولج 1 ساعات
قر پرەزيدەنتى: ۇلان-باي 1 ساعات
گەرمانيادا جوو تۇلەكتەر 1 ساعات