ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-20413121045 %55 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 11:35 - 2019/11/07


ەلباسى نۇرسۇلتان نازارباەۆ جۇمىس ساپارىمەن تۇركىستان وبلىسىندا بولدى. ساپار بارىسىندا تۇركىستان قالاسىنداعى جاڭا عيماراتتاردى ارالاپ كوردى. العاشقى كۇنى نۇرسۇلتان نازارباەۆ قالاداعى مادەني-اعارتۋ نىساندارىنىڭ، باقتار مەن ارباتتىڭ قۇرىلىس جوسپارىمەن تانىستى. سونىمەن بىرگە قازاقستان رەسپۋبليكاسىنىڭ تۇڭعىش پرەزيدەنتىنە «كۇلتوبە قالاشىعى» ارحەولوگيالىق پاركىن قۇرۋ جوسپارى تانىستىرىلدى.

ەلباسى قالانىڭ رۋحاني-مادەني ورتالىعىندا وتكەن كونتسەرتتى ­تاماشالاپ، تۇركىستان وبلىسىنىڭ تۇرعىندارىمەن جۇزدەستى. شىعىس قازاقستان وبلىسى تۇركىستانعا تارتۋ ەتكەن اۋەندى سۋبۇرقاق ورنالاسقان جاڭا الاڭدا ن.نازارباەۆ وبلىس ور­تا­لىعىنىڭ الداعى ۋاقىتتا كور­كەيىپ، دامي بەرەتىنىن اتاپ ءوتتى. ­وبلىس ورتالىعىن تۇركىستان قالاسىنا كوشىرۋ تۋرالى شەشىمىنىڭ تاريحي ماڭىزىنا توقتالدى. «تەرەڭ تاريحقا ۇڭىلەتىن بولساق، بۇل – قاسيەتتى ءوڭىر، كيەلى جەر. جيىرما ءبىر حانىمىز جەرلەنگەن، سۇلتاندارىمىز بەن اۋليەلەر ماڭگىلىك تىنىشتىق تاپقان وتە كيەلى ورىن. تاۋەلسىزدىك العاننان كەيىن، ارينە، مەن كونە شاھارعا ەرەكشە ­نازار ­اۋداردىم. ءتىپتى استانانى تاڭداعان كەزدە دە ءبىراز ويلاندىم. ءبىراق وعان جاعداي بولمادى، وزدەرىڭىز بىلەسىزدەر. مىنە، ەندى، ۋاقىتى كەلدى. تۇركىستان قالاسىن وبلىس ورتالىعى ەتىپ، قايتادان جانداندىرىپ، ەلىمىزگە وسى كيەلى وردانى قايتارۋ مۇمكىندىگى تۋدى. بۇگىن شاھاردى جانداندىرۋ جۇمىستارى جۇرگىزىلۋدە. تۇركىستان – تۇركى الەمىنىڭ بەسىگى. باۋىرلاس تۇركى مەملەكەتتەرى دە بىزگە كومەكتەسەدى دەپ سەنەمىن. تۇركىستان شاھارى الداعى ۋاقىتتا ءىرى مەگاپوليسكە اينالادى» دەدى نۇرسۇلتان نازارباەۆ. سونداي-اق قازاقستاننىڭ تۇڭعىش پرەزيدەنتى بۇكىل قالا بويىنشا ءجۇرىپ جاتقان قۇرىلىس قارقىنىنىڭ جوعارى ەكەنىن اتاپ ءوتتى. ءتۋريزمنىڭ دامي تۇسەتىنىنە سەنىپ، وبلىس ورتالىعىنىڭ قۇرىلىسى مەن جاندانۋىنا اتسالىسىپ جاتقان بارشا جۇرتقا العىسىن ءبىلدىردى. ء«بىرىنشى كەزەڭدە 175 نىساننىڭ ­قۇ­رىلىسى جوسپارلانعان. ونىڭ ء­102-cى­ بيىل ىسكە قوسىلادى. بۇل پروتسەسكە ەلىمىزدىڭ بارلىق وڭىرلەرى قاتىسىپ جاتىر. جۇمىستىڭ قانداي قارقىنمەن اتقارىلىپ جاتقانىن كورىپ وتىرسىزدار. بولاشاقتا ادەمى قالا ­بولادى، حالىق سانى وسەدى. ءقازىر قالا تۇرعىندارىنىڭ سانى 170 مىڭ بولسا، مەنىڭشە از ۋاقىتتىڭ ىشىندە جارتى ميلليونعا جەتەدى. كەيىن ودان سايىن كوبەيەدى دەپ ويلايمىن» دەدى ەلباسى.­ سونداي-اق نۇرسۇلتان ­نازارباەۆ تۇركىستاننىڭ الداعى ۋاقىتتا تاريحي،­ مادەني ورتالىققا اينالاتىنىنا­ سەنىم ءبىلدىردى. «تۇركىستان ۇلكەن قالاعا اينالىپ، جان-جاقتان تۋريستەر كەلەتىن بولادى. بيىلدىڭ وزىندە ءبىر ميلليوننان استام ­تۋريست كەلىپتى. ال مىنا عيماراتتار سالىنعاننان كەيىن تاريحي، مادەني ورتالىق قالىپتاسىپ، تۋريستەر كوپتەپ كەلەتىن بولادى. ­سونىمەن قاتار قوسىمشا جۇمىس ورىندارى اشىلادى. مۇنىڭ ءبارى ءبىزدىڭ حالقىمىزدىڭ ءومىر ءسۇرۋ دەڭگەيىنە وڭ اسەر ەتەدى» دەدى نۇرسۇلتان نازارباەۆ.
كونتسەرتتەن سوڭ، ­نۇرسۇلتان­ نازارباەۆ­­ «Craftsman-2019» حالى­قارالىق قولونەرشىلەر جارمەڭكەسىن تاماشالادى. رەسپۋبليكا دەڭگەيىندە العاش رەت ۇيىمداستىرىلعان شاراعا ەلىمىزبەن قاتار، يران، ءۇندىستان، رەسەي فەدەراتسياسى، اۋعانستان، وزبەكستان، تۇركيا، قىرعىز رەسپۋبليكاسى، ازەربايجان، تاجىكستان، باشقۇرتستان، ياكۋتيادان 200-گە جۋىق قولونەرشى قاتىستى. ەلباسى­ جارمەڭكەگە قويىل­عان بۇيىم­داردى ارالاپ كورىپ، قولونەر­شىلەردىڭ ەڭبەگىنە ءدان ريزا بولدى.
جۇمىس ساپارىنىڭ ەكىنشى كۇنى قازاقستاننىڭ تۇڭعىش پرەزيدەنتى – ەلباسى ن.نازارباەۆ تۇركىستان­داعى قۇرىلىسى اياقتالعان ءبىرقاتار جاڭا عيماراتتاردا بولدى. جاڭادان اشىلعان نەكە سارايىنىڭ جۇمى­سىمەن تانىسىپ، شاڭىراق كوتەرىپ جاتقان جاس وتاۋ يەلەرىنە باقىت پەن بەرەكە تىلەدى. تاپسىرىس بەرۋشى قوستاناي وبلىسى بولىپ تابىلاتىن نەكە سارايىنىڭ قۇرىلىسى شىلدەدە باستالعان بولاتىن. قۇرىلىس جۇمىستارىن «B-A Contractors SA» ءجشس-ى جۇرگىزىپ، قازاندا اياقتاپ وتىر. ەلباسى جۇمىسىمەن تانىسقان حالىققا قىزمەت كورسەتۋ ورتالىعىن سالۋدى پاۆلودار وبلىسى مىندەتىنە العان-دى. نىسان قۇرىلىسى جوسپارلانعان مەرزىمدە اياقتالدى. ءۇش قاباتتى عيماراتتا 200 ادامعا ارنالعان كۇتۋ جانە وپەراتسيالىق زالدارى بار. ال ەلىمىزدەگى ءىرى ­قۇ­رىلىس كومپانيالارىنىڭ ءبىرى «BI Group» حولدينگى تۇركىستاندا بىرنە­شە نىساننىڭ قۇرىلىسىن اياقتاپ، اكىمشىلىك-ىسكەرلىك ورتالىق، «نۇر-سۇلتان» الاڭى جانە «الاتاۋ» مەديا ورتالىعىن پايدالانۋعا بەردى. ەلباسى ارالاپ كورگەن تۇركىستان وبلىستىق اكىمدىگىنىڭ جاڭا عيماراتى قۇرىلىسى قاڭتار ايىندا باستالعان بولاتىن، جىل سوڭىندا پايدالانۋعا بەرىلەدى دەپ كۇتىلۋدە. قالاداعى ەڭ باستى جوبا سانالاتىن اكىمشىلىك-ىسكەرلىك ورتالىق­تىڭ ءبىر ەرەكشەلىگى – ايرىقشا ساۋلەتىندە. وبلىستىق اكىمدىك، باسقارمالار مەن دەپارتامەنتتەر ورنالاساتىن عيمارات HPL-پانەلدەر، ۇلتتىق ويۋ-ورنەك تۇرىندەگى فيبروبەتوندى قوس قاسبەتتەن تۇرادى. قۇرىلىسشىلاردىڭ سوزىنە قاراعاندا، قوس قاسبەت نەگىزىنەن ىستىق ايماقتاردا ءجيى قولدانىلادى، ويتكەنى ول قاراڭعىلىق اسەرىن بەرىپ، عيماراتتى كۇننىڭ ىستىق ساۋلەسىنەن قورعايدى. ديزاينىندا كوركەم پاركەت، ساندىك پانەلدەر، ەرەكشە فاكتورلى ءمارمار قولدانىلعان. عيماراتتارداعى جىلىتۋ جانە سالقىنداتۋ جۇيەلەرى اۆتوماتتاندىرىلعان. سىرتقى جەلىلەر بويىنشا جوبانى ازىرلەۋدە ەلەكتر مەن جىلۋ وندىرۋگە ارنالعان قوندىرعىلار ورناتىلىپتى. جۇمىس بارىسىندا ارتىق شىعىندار بولماۋى ءۇشىن ۇنەمدى ءوندىرىس تەحنولوگياسى قولدانىلعان. قۇرىلىسشىلار ەكى اۋىسىمدا جۇمىس ىستەپ، جوبانى مەرزىمىنەن ءبىر اي بۇرىن تاپسىرعان. كومپانيا قۇرىلىسىن جۇرگىزگەن تاعى ءبىر نىسان – «نۇر-سۇلتان»­ الاڭىنىڭ جالپى اۋدانى – 54 000 شارشى مەتر. ونىڭ 30 000 شارشى مەترى كوگالداندىرىلىپ، اعاشتار وتىرعىزىلعان، اسپانعا اتىلعان سۋ اعىنى مىڭ قۇبىلىپ، تۇمان، گەيزەرلەردىڭ بەينەسىن جاسايتىن سۋبۇرقاق ورناتىلعان. كومپانيا مۇنداي سۋبۇرقاقتى بۇكىل ءوڭىر بويىنشا قولدانۋعا نيەتتى. سونىمەن قاتار «BI Group» حولدينگى قالادا جەرگىلىكتى باق قىزمەتى ءۇشىن سالىنعان، زاماناۋي قۇرىلعىلارمەن جابدىقتالعان ەكىنشى اۋقىمدى جوبا – «الاتاۋ» مەديا ورتالىعىن سالدى. تۇڭعىش پرەزيدەنت ساپارى بارىسىندا وسى مەديا-ورتالىقتى دا ارالاپ كوردى. وڭىرلىك باق وكىلدەرىنە ارنالعان جۇمىس بولمەلەرىمەن تانىسىپ، قالاداعى جاڭا نىسانداردىڭ قۇرىلىس قارقىنى جوعارى ەكەنىن اتاپ ءوتتى. جۋرناليس­تەرگە ارنالعان 4 قاباتتى عيماراتتا 200-دەن استام ادام جۇمىس ىستەي الادى. مەديا ورتالىقتا كونفەرەنتس-زال، تەلەستۋديا، گريمەر، اudio جانە videoمونتاج ورىندارى، رەداكتسيالار مەن اكىمشىلىكتىڭ كەڭسەلەرى، بريفينگ-ورتالىق، فۋد-كورت قاراستىرىلعان. ال عيماراتتىڭ قاسبەتى كۇن جىلۋىن 70%-عا دەيىن وتكىزبەيتىن ەنەرگيا ۇنەمدەيتىن شىنىدان جاسالعان، ياعني قىس مەزگىلىندە عيمارات ىشىندە جىلۋدى ساقتاپ، ال جازدا وتە جايلى قوڭىر سالقىن اۋا قالىپتاستىرادى. جالپى قۇرىلىس كومپانياسى تۇركىستان­دا 7 ماڭىزدى نىساندى سالۋدا، ونىڭ ىشىندە «ۇلى دالا» مۇراجايى، «Hampton by Hilton» ءقوناقۇيى جانە 7000 ورىندى فۋتبول ستاديونى بار. ەلباسى نۇرسۇلتان نازارباەۆ بۇل كۇنى تۇركىستانداعى جاڭا مۋزىكا مەكتەبىنە دە بارىپ، جاس ونەرپازدارمەن كەز­دەستى. تۇڭعىش پرەزيدەنتكە وڭىردە ونەر مەن مادەنيەت سالاسىن دامىتۋ ءۇشىن قابىلدانىپ جاتقان شارالار جونىندە مالىمەت بەرىلدى. بالالار شىعارماشىلىق ۇجىمدارى بىرنەشە مۋزىكالىق قويىلىم كورسەتتى.
سونداي-اق جۇمىس ساپارى ­بارىسىندا ەلباسى تۇركىستان ­وبلىس اكىمدىگىندە «Nur Otan» پارتياسى فيليالى حالىق پەن بيلىك اراسىن جاقىنداتۋ باعىتىندا قولعا العان جوبامەن تانىستى. وبلىس اكىمى، «Nur Otan» پارتياسىنىڭ تۇركىستان وبلىستىق فيليالىنىڭ ءتوراعاسى ءومىرزاق شوكەەۆ تۇرعىنداردىڭ ءوتىنىشى مەن قۇقىقتارى ءاردايىم باستى نازاردا بولاتىنىن جەتكىزدى. ال جوبانىڭ جۇمىسىمەن ەلباسىن پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى بەيسەنباي تاجىباەۆ تانىستىردى. مۇندا پارتيا حالىقتى اشىق فورماتتا قابىلدايدى. ارنايى قوعامدىق قابىلداۋ بولمەلەرىندە تۇرعىنداردىڭ تالاپ-تىلەگى تىڭدالىپ، ارىز-شاعىم، وتىنىشتەر بويىنشا ءتيىستى جۇمىستار جۇرگىزىلەدى. سونىمەن بىرگە قۇقىق قورعاۋ ورگاندارى مەن تۇرعىندار ءجيى سۇراق قوياتىن الەۋمەتتىك سالانىڭ وكىلدەرى دە تۇرعىندارعا كومەكتەسەدى. ءاربىر ازاماتتىڭ شاعىمى پوست-تەرمينال ارقىلى قابىلدانادى. بارلىق وتىنىشتەر پارتيا تاراپىنان تۇراقتى قاداعالانۋعا الىنادى. بۇل جاڭا باستاما اشىق اكىمدىك جوباسىن جانداندىرۋ ماقساتىندا قولعا الىنىپ وتىر. ب.تاجىباەۆتىڭ ايتۋىنشا، بۇگىندە «Nur Otan» پارتياسىنىڭ ءتوراعاسى نۇرسۇلتان نازارباەۆتىڭ «سەنىم. ديالوگ. بولاشاققا نىق قادام» – «Nur Otan» پارتياسىنىڭ 7 سەرپىنى» باعدارلاماسى اياسىنداعى تاپسىرماسىنا سايكەس وڭىردە جۇيەلى جۇمىس اتقارىلۋدا. «Open space» فورماتىندا اشىلعان قوعامدىق قابىلداۋ كەڭسەسى جاڭا عيماراتقا كوشىرىلگەن. لاۋازىمدى تۇلعالار تۇرعىنداردى تۇراقتى تۇردە قابىلداپ، ماسەلەلەر شەشىمىن تابۋدا. مىسالى، بيىل قاڭتار-قازان ايلارى ارالىعىندا پارتيا فيليالىنىڭ بارلىق قوعامدىق قابىلداۋ بولمەلەرىنە تۇسكەن 6047 ارىز-شاعىمنىڭ ء2358-ى ( 39%) وڭتايلى شەشىلسە، 3611 وتىنىشكە زاڭ اياسىندا كەڭەستەر بەرىلگەن. سونداي-اق كاسىپكەرلەرگە زاڭ جۇزىندە كەڭەس بەرىپ، ارىز-شاعىمىن تىڭدايتىن قوعامدىق بيزنەس-قابىلداۋى دا ىسكە قوسىلعان. ايتا كەتەلىك، بۇگىندە تۇركىستان ­وبلىسىندا «Nur Otan» پارتياسىنىڭ 90 مىڭعا جۋىق مۇشەسى بار. وڭىردە 255 باستاۋىش پارتيا ۇيىمىنا تالداۋ جۇرگىزىلىپ، 2،5 مىڭنان اسا ادام پارتيا قاتارىنان شىعارىلعان. جاڭادان بەس باستاۋىش پارتيا ۇيىمى اشىلىپ، كاسىپورىن مەن شارۋاشىلىق ۇيىمدارىنىڭ وكىلدەرى پارتيا قاتارىنا تارتىلدى. وسى جىلدىڭ سوڭىنا دەيىن اشىلاتىن باستاۋىش پارتيا ۇيىمدارىنىڭ سانىن ونعا جەتكىزۋ جوسپارلانىپ وتىر.
تۇركىستانعا ساپارىنىڭ قورىتىن­دىسى بويىنشا وتاندىق جانە شەتەلدىك باق وكىلدەرى ءۇشىن وتكىزگەن بريفينگتە ەلباسى وبلىس ورتالىعى اۋماعىندا قارقىن العان قۇرىلىس جۇمىستارىنىڭ اۋقىمىن اتاپ ءوتتى. «وتكەن جىلى وبلىس ورتالىعىن كوشىرۋ تۋرالى جارلىققا قول قويعان سوڭ اۋقىمدى قۇرىلىستى باستادىق. بۇگىن مەن وراسان زور عيماراتتاردى ارالاپ كوردىم. كوپتەگەن جاڭا نىساندار بوي كوتەرىپ، جاستار ءۇشىن جۇمىس ورىندارى اشىلىپ جاتىر. اۋرۋحانالار، مەكتەپتەر، قوناقۇيلەر، حالىقارالىق اۋەجاي سالىنادى. سۋ رەسۋرستارىمەن قامتۋ سالاسىنداعى ماسەلەلەردى شەشۋ جوسپارلانعان. ەلىمىزدىڭ وڭتۇستىگىندە تاعى ءبىر ادەمى شاھار بوي كوتەرىپ كەلەدى. وسىنىڭ بارلىعى ەل يگىلىگى ءۇشىن جاسالىپ جاتىر» دەدى نۇرسۇلتان ­نازارباەۆ. سونىمەن قاتار قازاقستاننىڭ تۇڭعىش پرەزيدەنتى اكىمدىكتىڭ ينفراقۇرىلىمدىق جوبالاردى جۇزەگە اسىرۋ جوسپارلارى ­تۋرالى ايتتى. ء«بىر جىل ىشىندە كوپتەگەن جۇمىس ىستەلدى. كەلەسى جىلى وزبەكستان، قىرعىزستان، تۇركىمەنستان، تاجىكستان باسشىلارىن سامميتكە شاقىرۋدى جوسپارلاپ وتىرمىز. ەگەر ولار قاتىسۋدى راستاسا، ءبىز ونى تۇركىستاندا وتكىزۋىمىز مۇمكىن. بۇكىل قازاقستان جۇرتشىلىعى تۇركىستاننىڭ دامۋىن قولداپ وتىر. ءاربىر ءۇي، ءاربىر قالا – بۇل قازاقستاننىڭ بايلىعى. ەلوردانى­ سالعان كەزدە قارجىلاندىرۋعا بايلانىستى سۇراقتار بولعان ەدى. ەندى نۇر-سۇلتان قالاسى بارلىق شىعىنداردى وتەپ، جىل سايىن­ بيۋدجەتكە تريلليونداعان كىرىس اكەلىپ وتىر» دەدى ەلباسى. سونىمەن بىرگە نۇرسۇلتان نازارباەۆ تۇركىستان مەن بۇكىل ءوڭىردىڭ تۋريستىك الەۋەتىن دامىتۋدىڭ ماڭىزدىلىعىن اتاپ ءوتتى. ء«بىز مۇندا كوپتەپ تۋريستەردى تارتۋىمىز كەرەك. بۇكىل تۇركى الەمى تۇركىستاندى ورتالىق دەپ سانايدى. ­تۋريزم – ەكونوميكانىڭ ماڭىزدى بولىگى. مۇندا كوپتەگەن مۇراجايلار بار. ءقازىر «كۇلتوبە قالاشىعى» ارحەولوگيالىق پاركىن قۇرۋ جۇمىستارى جۇرگىزىلۋدە» دەدى ­ەلباسى بريفينگتە.

دياس نۇركەنۇلى

تۇركىستان وبلىسى


كەلۋ قاينارى: http://www.elarna.net/koru.php?tur=9&id=1068961

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


中国哈萨克语广播网 27 مينوت
ءۇش قالادا اۋا ساپاسى ن 1 ساعات
شىمكەنت اۋرۋحاناسىنىڭ ب 1 ساعات
وسى ارانى باسىپ كورىڭىز 1 ساعات
20 قاراشا. قازاقپارات ك 1 ساعات
中国哈萨克语广播网 1 ساعات
ەلوردادا ءبىرىنشى اۋىسى 1 ساعات
中国哈萨克语广播网 1 ساعات
قازگيدرومەت: قاراشانىڭ 2 ساعات
Mario says he will resp 2 ساعات
中国哈萨克语广播网 2 ساعات
«Nur Otan» بالالاردىڭ ق 2 ساعات
«مانچەستەر يۋنايتەدتىڭ» 2 ساعات
تۇركىستانداعى جالعىز جە 3 ساعات
ورازا جانە ناماز كەستەس 3 ساعات
الماتىدا «Almaty Invest 3 ساعات
قادىر مىرزا ءاليدىڭ ء"و 4 ساعات
جامبىلدا زاڭسىز قىزمەت 4 ساعات
گەندەرلىك ساياسات الدە 4 ساعات
فۋتبولشى بولام دەسەڭ... 4 ساعات
12 Things You Need to K 4 ساعات
ەربول شايمەردەنۇلىنىڭ « 4 ساعات
سەمەيدە تۇراقتاندىرۋ قو 5 ساعات
جامبىل وبلىسىنىڭ 80 جىل 5 ساعات
Skateboarding is create 6 ساعات
سارىاعاش اۋدانىندا توتە 6 ساعات
中国哈萨克语广播网 6 ساعات
وسى ارانى باسىپ كورىڭىز 6 ساعات
ەسبولات ايدابوسىن | ادە 6 ساعات
中国哈萨克语广播网 6 ساعات