ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 11:28 - 2019/11/07

Нақты Көзі: http://anatili.kazgazeta.kz/?p=55249


ەلورداداعى ۇلتتىق اكادەميالىق كىتاپحانادا قازاقستاننىڭ ەڭبەك سىڭىرگەن قايراتكەرى، ماحامبەت جانە شىڭعىس ايتماتوۆ اتىنداعى حالىقارالىق سىيلىقتاردىڭ لاۋرەاتى، «پاراسات» وردەنىنىڭ يەگەرى، كورنەكتى جازۋشى-دراماتۋرگ راحىمجان وتارباەۆتىڭ «ي بىل يا پودوبيەم تۆويم» جانە «پلاچ چينگيسحانا» كىتاپتارىنىڭ تۇساۋكەسەرى ءوتتى. 

شاراعا بەلگىلى اقىن-جازۋشىلار، قالامگەردىڭ تۋىستارى، اتىراۋ وبلىسىنان بارعان رەسمي بيلىك وكىلدەرى، سوڭىنان ەرگەن قالامگەر ءىنى-قارىنداستارى قاتىستى. شىعارمالاردى ورىس تىلىنە جازۋشى گەورگي­ پرياحين اۋدارىپ، وسىدان ءبىر اي بۇرىن ماسكەۋدە تانىستىرىلعان بولاتىن. ەكى كىتاپ قازاقستاننىڭ رەسەيدەگى ەلشىلىگى قولداۋىمەن ماسكەۋدەگى «ۆوستوچنىي ەكسپرەسس» باسپاسىنان جارىق كوردى. كىتاپتىڭ تانىستىرىلىمىنا جازۋشىنىڭ جارى ساۋلە وتارباەۆا، ۇلى ەرمەرەي مەن نەمەرەسى جاھانگەر دە كەلدى. ساۋلە وتارباەۆانىڭ ايتۋىنشا، ەلورداداعى ۇلتتىق اكادەميالىق كىتاپحانا – جازۋشىنىڭ ءىزى قالعان جەر. جازۋشىنىڭ جارى راحىمجان وتارباەۆتىڭ كىتاپتارىن ىزدەۋشى وقىرماندارىنىڭ كوپ ەكەنىن ايتادى.
وتارباەۆتىڭ شىعارماشى­لىعىنا ءار ەلدىڭ وقىرماندارى ۇلكەن قىزىعۋشىلىق تانىتادى. ادەبي سىنشىلاردىڭ ايتۋىنشا، ونىڭ جۇمىستارى كوپ ادامنىڭ جانىنا جاقىن، سەبەبى شىعارمالارى ءومىردىڭ ءمانى، رۋحاني قۇندىلىقتار مەن ادامدار اراسىنداعى ءوزارا قارىم-قاتىناستار تۋرالى تەرەڭ ويعا جەتەلەيدى. قالامگەر ءوز تۋىندىلارىن تەك انا تىلىندە عانا جازعانىمەن، ونىڭ ادەبي مۇراسى كوپتەگەن حالىقتار اراسىنداعى مادەني كوپىرگە اينالدى. ايتا كەتەيىك، اۆتوردىڭ كىتاپتارى قازاق، ورىس، اعىلشىن، قىتاي، تۇرىك، قىرعىز، ازەربايجان جانە اراب تىلدەرىندە جارىق كوردى. «سۇلتان بەيبارىس»،­ «باس»، «ناشاقور جايلى نوۆەللا»، «نۇرجاۋعان-عۇمىر»، «سىرىم باتىر»، «مۇستافا شوقاي» جانە باسقا ونداعان شىعارمالارى تەاترلاردا ساحنالانعان. شىڭعىس ايتماتوۆ راحىمجان وتارباەۆتى ء«ححى عاسىردىڭ ينتەللەكتۋالدى پروزاسىنىڭ ۇزدىك وكىلى» دەسە، ءابدىجامىل نۇرپەيىسوۆ «قازاقتىڭ چەحوۆى» اتاعان.
تۇساۋكەسەرگە بەلگىلى اقىن-جازۋشىلار، ­تەاتر جانە ادەبيەت سىنشىلارى، قوعام، مادەنيەت قايراتكەرلەرى قاتىستى. شارا بارىسىندا جازۋشى شىعارماشىلىعىنا ارنالعان «جالعىز اتتى ­جولاۋ­شى»­ زەرتتەۋ كىتابى تانىستىرىلىپ، فوتوكورمە جانە ساحنالىق قويىلىمدار كورسەتىلدى.
− اتىراۋ وڭىرىنەن بارعان دەلەگاتسيا قۇرامىندا قاتىستىق. ال راحىمجاننىڭ ءوزىنىڭ تۋعان جەرى – قۇرمانعازى مەن دينانىڭ، ءابۋ سارسەنباەۆ پەن حيۋاز دوسپانوۆانىڭ، جۇمەكەن ناجىمەدەنوۆ سەكىلدى ماقتانىشتارىمىز ومىرگە كەلگەن مەكەن. راحىمجان – قازاق حالقى ءۇشىن ۇلى تۇلعا. سەبەبى ونىڭ قالامىنان شىققان شىعارمالارى، دراماتۋرگياسى بۇكىل دۇنيەجۇزىن شارلاپ كەتتى. ونىڭ ەڭبەكتەرى تۇركيادا، رەسەي مەن وڭتۇستىك ازيا ەلدەرىندە جاريالانعان. شەتەلدەردەن شاقىرتۋ الىپ، پەسالارى قويىلعان. راحىمجان وتارباەۆ – دۇنيەجۇزىندە ءوز باعاسىن العان بەلگىلى قالامگەر، – دەدى اتىراۋ وبلىستىق قوعامدىق كەڭەستىڭ ءتوراعاسى مۇرات وتەشوۆ.
ماسكەۋ باسپاسىنان جارىق كورگەن ەكى تومدىقتىڭ تۇساۋكەسەر ءراسىمىن ۇيىمداستىرعان – «ر.وتارباەۆ اتىنداعى رۋحانيات قورى». اتالعان ۇيىم مۇشەلەرى، شاراعا قاتىسۋشى اقىن-جازۋشىلار، اتىراۋ وبلىسىنىڭ رەسمي بيلىك وكىلدەرى، وبلىس اكىمدىگى راحىمجان قاسىمعاليۇلىنا ەسكەرتكىش ورناتۋعا، قالامگەر اتىنداعى شىعارماشىلىق ورتالىعىن اشۋعا ۇيىتقى بولسا دەگەن تىلەكتەرىن دە جەتكىزدى. البەتتە، ونداي شىعارماشىلىق ورتالىق اشىلسا، تۋىندىگەردىڭ ءىزىن باسىپ ءوسىپ كەلە جاتقان جاس تولقىننىڭ ءوزارا پىكىر الماساتىن، تۋىندىلارىن تالداپ، باعىت بەرەتىن ورىنعا اينالارى ءسوزسىز.
…ماحامبەت اتىنداعى قازاق اكادەميالىق دراما­ تەاترىنىڭ ديرەكتورى بەرىك جامەنوۆتىڭ ­ايتۋىنشا، اعىمداعى جىلى قاراشانىڭ ء17-22-سى ارالىعىندا ءداستۇرلى حالىقارالىق ر.وتارباەۆ تەاتر فەستيۆالى وتكىزىلمەك.

امانگەلدى كەڭشىلىكۇلى،
ادەبيەت سىنشىسى:

راحىمجان وتارباەۆتىڭ 1980 جىلداردىڭ باسىندا «سوعىستىڭ سوڭعى بومباسى» اتتى «جالىن» جۋرنالىندا العاشقى اڭگىمەسى جارىق كورگەن بولاتىن. بۇل سول كەزەڭ ءۇشىن ادەبيەتتەگى ۇلكەن قۇبىلىس ەدى. نەگە دەسەڭىز، وندا ادام دەگەن ۇعىمعا مۇلدە باسقاشا تۇرعىدان قاراۋ، سوعىس شىندىعىنا وزگەشە كوزقاراسپەن ءۇڭىلۋ بار. سونداعى جازىل دەگەن جىگىت سوعىسقا بارعىسى كەلمەي، اۋىلدا جارىلعان بومبادان قازا تابادى. مورالدىق تۇرعىسىنان ونى كىنالاۋعا بولادى. ال يماني تۇرعىدان ءبىز ونى كىنالاي المايمىز. سەبەبى فاشيست بولسىن، ونىڭ قان توگۋگە قولى بارمايدى.­ سول كەز ءۇشىن بۇل شىعارماشىلىق باتىل شەشىم. مىنە، راحىمجان اعامىز وسىنداي ۇلكەن سۋرەتكەر. تانىمال ءسوز شەبەرى. قازاقستاندا عانا ەمەس، شەتەلدە دە بەلگىلى قالامگەر. مەنىڭ ويىمشا، راحىمجان وتارباەۆتىڭ شىعارماشىلىعىن زەرتتەيتىن ادامدار ودان كوپتەگەن قۇندىلىقتار تابادى، ونىڭ شىعارماشىلىعىندا ءالى اشىلماعان دۇنيەلەر جەتەرلىك. ونىڭ تاعى ءبىر زەرتتەلمەگەن تۇسى –
ونىڭ دراماتۋرگياسى. كوپتەگەن تالانتتى سىنشىلار راحىمجان وتارباەۆتىڭ دراماتۋرگياسى تۋرالى­ كوپ جازادى. مەنىڭ ويىمشا، ونىڭ ەكىنشى شىعارماشىلىق ءومىرى ول ومىردەن وزعاننان كەيىن باستالدى. ناعىز تالانت ادەبيەتكە قوشەمەت كورۋ ءۇشىن ەمەس، ادامگەرشىلىك مۇراتتاردى جىرلاپ، قوعامنىڭ قوردالانىپ قالعان شىندىعىن ايتۋ ءۇشىن كەلەدى. ازاماتتىق ءۇنى بيىك جازۋشى ­راحىمجان وتارباەۆ سوناۋ جىلدارى جارىق كورگەن تىرناقالدى تۋىندىسى «سوعىستىڭ سوڭعى بومباسى» نوۆەللاسىنان باستاپ، كۇنى كەشە عانا جازىلىپ، قالامىنىڭ سياسى ءالى كەبە قويماعان «شىڭعىسحاننىڭ كوز جاسى» حيكاياتىنا دەيىنگى بارلىق شىعارمالارىندا ونەردەگى ادامگەرشىلىكتىڭ تۋىن بيىك كوتەرىپ، ءومىردىڭ جالعان بولمىسىن اشكەرەلەۋمەن كەلەدى.

ديانا ءىزباسار
اتىراۋ وبلىسى


كەلۋ قاينارى: http://www.elarna.net/koru.php?tur=9&id=1068954

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


فيلم يز كازاحستانا ۋچاس 1 مينوت
الەمدەگى احۋال: برازيلي 1 مينوت
اقش بۇۇ-عا ددۇ-دان شىعا 1 مينوت
جايلاۋعا كوشۋ تيانشان ت 1 مينوت
قىزمەت ۋاعىندا دوستىق ش 1 مينوت
«ميلان» «يۋۆەنتۋسكە» قا 1 مينوت
قازاقستاندا ءبىر تاۋلىك 7 مينوت
ەلىمىزدە كوروناۆيرۋس جۇ 10 مينوت
«الماتى-بىشكەك» تراسساس 10 مينوت
سىربويىلىق شوپاندار قار 11 مينوت
يزرايل قاتاڭ كارانتينگە 11 مينوت
كوروناۆيرۋس ينفەكتسياسى 13 مينوت
قاراعاندىدا ءدارىنى ۋدا 19 مينوت
10 سارا جەلى ءسىزدى شين 21 مينوت
بۇگىن ءبىرقاتار وڭىردە 21 مينوت
اقش ددۇ-عا بۇۇ-دان شىعا 21 مينوت
كوروناۆيرۋس اۋا ارقىلى 22 مينوت
نۇر-سۇلتاندا 8 مىڭ ادام 28 مينوت
دارىگەر ناۋقاستار اۋرۋح 1 ساعات
مۇزداتىلعان قاربىز جەسە 1 ساعات
ەلوردالىق «بارىستاعى» ش 1 ساعات
قازاقستاندا ىندەتتەن اي 1 ساعات
دەم بەرۋشىسى – «كوڭىل ت 1 ساعات
ەو ەكونوميكاسىنا تەرەڭ 1 ساعات
Mercedes وكىلى توپ جارد 1 ساعات
رايونىمىزدا 229 مىڭ 300 1 ساعات
ورالدىق كاسىپكەر وبلىست 1 ساعات
ماڭعىستاۋ وبلىسىنىڭ تۇر 1 ساعات
ەلوردا كۇنىندەگى ەل قۋا 1 ساعات
چەرنوگوريامەن وينايدى 1 ساعات