ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-20386107545 %55 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 21:56 - 2019/11/06


ەلىمىزدىڭ وڭتۇستىگىندەگى شىمكەنت جانە باتىسىنداعى اقتوبە – ەجەلدەن توسكەيدە مالى، توسەكتە باسى قوسىلىپ، ەكونوميكالىق جانە مادەني بايلانىستارى ۇزىلمەگەن وڭىرلەر. تاۋەلسىزدىك تۋى جەلبىرەگەننەن بەرگى كەزەڭدە، ونىڭ ىشىندە سوڭعى جيىرما جىلدا تاريح تەرەڭىنە بويلاپ، سول ساباقتاستىقتى نىعايتۋعا مۇمكىندىك تۋدى. اسىرەسە، 1681-1684 جىلداردا قالماق حانى عالدان-بوشىقتىنىڭ قالىڭ اسكەرىنە قارسى شايقاستاردا باتىستان ون جەتى مىڭ قولدى باستاپ كەلىپ، ەرلىكپەن قازا تاپقان شەكتى تىلەۋ ايتۇلى مەن ونىڭ بالاسى جولدىاياق تىلەۋۇلىنىڭ، نەمەرە ءىنىسى قالدىباي قانگەلدىۇلىنىڭ وشپەس بەينەسىن ۇرپاق جادىنا ورالتۋدىڭ ورنى بولەك.

بابالار زيراتىندا بولعاندا

2000 جىلى تامىز ايىندا ­تۇر­كىستان قالاسىندا وسى وقيعاعا ارنالىپ، عىلىمي-پراكتيكالىق كونفە­رەنتسيا وتكىزىلىپ، اس بەرىلدى. مىرزاتاي جولداسبەكوۆ، ءومىرزاق وزعانباي، مۇرات جۇرىنوۆ، جۇما­نازار اسانوۆ جانە باسقا عالىمدار تۇركىستانداعى قوجا احمەت ياساۋي­ كەسەنەسىندە جەرلەنگەن تىلەۋ مەن جولدىاياق باتىرلار جونىندەگى وي-پىكىرلەرىن ناقتى دالەلدەرمەن جەتكىزدى. ناتيجەسىندە استانا­ (قازىرگى نۇر-سۇلتان)، اقتوبە، شالقار قالالارىندا كوشەلەرگە تىلەۋ باتىر ەسىمى بەرىلدى. تۇركىستاندا ىنتىماق كوشەسىنىڭ اتاۋى شەكتى تىلەۋ-جولدىاياق باتىرلار كوشەسى بولىپ وزگەرتىلدى. 2015 جىلى ­1­ قازاندا اقتوبەدە تىلەۋ ايتۇلىنىڭ ەسكەرتكىشى، ارادا ءبىر اپتا وتكەن سوڭ شىمكەنت قالاسىندا اكەلى-بالالى تىلەۋ مەن جولدىاياقتىڭ ات ۇستىندەگى ەسكەرتكىشى بوي كوتەردى.
ارينە، باس-اياعى جيىرما جىلعا جەتپەيتىن ۋاقىتتا مۇنداي اۋقىمدى شارۋانى اتقارۋعا ۇلكەن-كىشى الەۋ­­مەت، زيالى قاۋىم وكىلدەرى، كاسىپ­كەرلەر بەلسەنە اتسالىستى. اسىرەسە، ءبىرى توقساننان اسىپ، ەكىنشىسى توقسانعا جەتە دۇنيەدەن وزعان شىمكەنتتىك قۇدايبەرگەن وڭعاروۆتىڭ، اقتوبەلىك كەمەيدۋللا­ تولەۋبايدىڭ ەڭبەگى وراسان زور بولدى.­ اقتوبەگە كەلگەن ءبىر ساپارىندا قۇدايبەرگەن اقساقال جوعارىدا باياندالعان ۇلى شايقاستا ون ءبىر مىڭ ساربازدىڭ قازا بولعانىن ايتىپ، ولاردىڭ قورىمى قورشاۋسىز تۇرعانىنا قىنجىلىس بىلدىرگەن-دى.­­ ءتىپتى وڭتۇستىك قازاقستان وبلى­سى­نىڭ سول تۇستاعى اكىمى اسقار مىرزاحمەتوۆكە­ وسى ماسەلەنى ارنايى جەتكىزگەن.
شىمكەنتتە قۇرىلعان تىلەۋ باتىر قايىرىمدىلىق قورىنىڭ ءتوراعاسى، مەديتسينا عىلىمىنىڭ دوكتورى ءيمانالى بايداۋلەت، زاڭ عىلىمىنىڭ دوكتورى، بەلگىلى ­مەتسەنات بەكەت تۇرعاراەۆ،راقىمبەردى وڭعاروۆ (جوعارىدا ايتىلعان قۇدايبەرگەن اقساقالدىڭ ەكىنشى ۇلى – ج.ق.) جانە باسقا ازاماتتار تۇرعىلىقتى حالىقتى جۇمىلدىرىپ جانە قالا بيلىگىمەن تۇسىنىستىكتە جۇمىس ىستەپ، جۇرتشىلىقتى كوپتەن مازالاپ­ جۇرگەن شارۋانى جۇزەگە اسىردى.­ وتكەن اپتانىڭ جۇما كۇنىندە شىمكەنت قالاسىنىڭ سايرام ەلدى مەكەنىندەگى سارەمي كوشەسىندە ­«ەرلەر قورىمىنىڭ» اشىلۋى بولدى.­ بيىك اركانىڭ جوعارعى جاعىندا ­لاتىن الىپبيىمەن كورنەكتى تۇردە «ۇلى دالا ەرلەرى – ەل ەسىندە» دەپ جازىل­عان. سول جاق قاپتالدا گرانيت تاقتادا «بابالار زيراتى» ­دەگەن اتاۋ­مەن ءۇش جىلعا سوزىلعان قانقۇيلى شايقاس تۋرالى سيپاتتاما، ءارى قاراي قول باستاعان باتىر بابالار تۋرالى ­دەرەك بەرىلگەن. ەندى ءبىر تاقتادان «يدەيا اۆتورلارى – وڭعاروۆ قۇدايبەرگەن 01.05.1926 – 01.04.2019، تولەۋباي كەمەيدۋللا 27.02.1928 – 03.12.2015، بايداۋلەت ءيمانالى» دەگەن جازۋلاردى وقىدىق. قابىرعاداعى «مازارات ح-حIII عاسىرلار. ەسكەرتكىش مەملەكەت قاراۋىندا» دەگەن جازۋ دا كوپ جايدى اڭعارتادى.
ءيمانالى بايداۋلەت اشىپ جۇرگىز­گەن ميتينگىدە شىمكەنت قالاسىنىڭ اكىمى ەرلان ايتاحانوۆ ءسوز سويلەدى.
– ءبىز بۇگىن تاريحي ورىندا باس قوسىپ تۇرمىز. كەلەسى جىلى شىم­كەنت قالاسى تۇركى ەلدەرىنىڭ ما­دەني استاناسى بولىپ سانالاتى­نى جاريا­لانعاندا مۇنداي وقيعانىڭ ماڭىزى زور. ەلىمىز بەن جەرىمىزدىڭ تۇتاستىعى ءۇشىن جانىن پيدا ەتكەن بابالارعا تاعزىم ەتۋگە جينالعان اعايىنعا ريزاشىلىق بىلدىرەمىز، – دەدى ول.

اقتوبە وبلىسىنان ارنايى كەلگەن دەلەگاتسيا اتىنان ەڭبەك ارداگەرى زەينوللا­ تولەۋباي شىمكەنتتىك ىنتالى توپقا العىس ايتتى.
«ەرلەر قورىمىنىڭ» كەرمەجىبىن قالا اكىمى ەرلان ايتاحانوۆ، بەلگىلى عالىم، ابايتانۋشى مەكەمتاس مىرزاحمەتوۆ جانە زەينوللا تولەۋباي قيدى.
بابالار زيراتىنا ەرجۇرەك سارباز­داردىڭ تۋعان مەكەنى اقتوبەدەن اكەلىنگەن توپىراق سالىندى.
شىمكەنت قالالىق مەشىتىنىڭ وكىل-يمامى باقتىباي بيسەنباەۆ ارۋاقتارعا دۇعا باعىشتادى.
جينالعان جاماعاتقا «سالتانات» مەيرامحاناسىندا اس بەرىلدى. اقتوبە قالاسىنداعى تىلەۋ باتىر قايىرىم­دى­لىق قورىنىڭ ءتوراعاسى قاناتباي ەلەۋسىزۇلى ساۋاپتى شارۋانى جۇزەگە اسىرۋدا بەلسەندىلىك كورسەتكەن ­بىرنە­شە­­ ازاماتقا وبلىس اكىمى وڭداسىن ءورازالين­نىڭ، شالقار اۋدانىنىڭ اكىمى باۋىرجان قانيەۆتىڭ العىس حاتتارىن تاپسىردى.

الماتىدا كوشەسى بار موڭكەنىڭ

بىز بي، جىراۋ، اقىن موڭكە تۋرالى­ بالا كەزىمىزدە ەستىگەن ەدىك. ول – جوعارىدا ءسوز بولعان شەكتى تىلەۋ باتىر ايتۇلىنىڭ بەس ۇلىنىڭ كەنجەسى. اتالارىمىز بەن اكەلەرىمىز وسى عاجايىپ تۇلعانى «اۋليە» دەگەن اتاۋمەن جوعارى باعالايتىن. سويتسەك، ۇلى تۇلعا جايىندا احمەت بايتۇرسىنۇلى، ءماشھۇر ءجۇسىپ كوپەەۆ، ءمىرجاقىپ دۋلاتوۆ، احمەت جۇبانوۆ، تاعى باسقا ءبىلىمپازدار تەبىرەنە سىر شەرتكەن، «قازاقتىڭ نوسترادامۋسى» دەپ اتاعان.
قازىرگى زاماننىڭ سىر-سيپاتىن بىرنەشە عاسىر بۇرىن بولجاعان كورىپ­كەلدىڭ ۇرپاعىمەن قاۋىشۋىنا ەل ەگەمەندىگى داڭعىل جول اشتى. اقتوبە وبلىسىنىڭ شالقار اۋدانىندا ­بۇ­رىنعى قايىر اۋىلى موڭكە بي اتاۋىنا وزگەرتىلدى. اقتوبە قالاسىندا دانىشپان بابامىزدىڭ ەسكەرتكىش-مۇسىنى ورناتىلدى.­ عىلىمي-تانىمدىق كونفەرەنتسيادا جانە مەرزىمدىك باس­پا­سوزدە جاريالانعان مۇحتار قۇل-مۇحاممەد­تىڭ، تولەن ابدىكوۆتىڭ، سەرىكقالي بايمەنشەنىڭ، زاكىراتدين بايدوسۇلى­نىڭ، باسقا دا ادامداردىڭ تۇجىرىمدارى دالا ويشىلى جونىندەگى تۇسىنىكتى بايىتا ءتۇستى.
سەنبى كۇنى الماتى قالاسىنىڭ الاتاۋ اۋدانىندا ۇلكەن كوشەلەردىڭ بىرىنە موڭكە بي ەسىمى بەرىلۋىنە وراي جينالعان حالىقتىڭ قاراسى كوپ بولدى.­ سالتاناتتى ميتينگىدە سويلەگەن قالا اكىمىنىڭ كەڭەسشىسى ماماي احەت وڭتۇستىك مەگاپوليستىڭ جىلدان-جىلعا قانات جايىپ­ كەلە جاتقانىنا توقتالدى. قالادا ەكى جارىم مىڭداي كوشە بار، سوڭعى كەزەڭدە قالا اۋماعىنا جاڭادان 27 ەلدى مەكەن قوسىلدى. زاماننىڭ سيپاتىنا قاراي كوشەلەر مەن الاڭدارعا اتاۋ ­بەرۋگە تالاپ كۇشەيتىلۋدە. شىنىندا، دالا ويشىلىنىڭ ەسىمى بەرىلگەن كوشەنىڭ كەلەشەگى زور بولماق. ونىڭ قازىرگى ۇزىندىعى 3،1 شاقىرىم، كەلەشەكتە ون بەس شاقىرىمعا جەتەدى دەپ جوسپارلانۋدا.
سالتاناتتى راسىمدە اقتوبە ­وب­لىستىق جۇمىسپەن قامتۋ جانە الەۋ­­مەتتىك باعدارلامالار باسقارما­سىنىڭ باسشىسى ەربول داناعۇلوۆ ءسوز سويلەپ، وبلىس اكىمى وڭداسىن ءورازاليننىڭ قۇتتىقتاۋ حاتىن تاپسىردى. الماتى قالاسىنداعى «تىلەۋ-قاباق» قوعامدىق قورى جانىنداعى ارداگەرلەر كەڭەسىنىڭ ءتوراعاسى ­سانسىزباي قۇتتىباەۆ، بەلگىلى جازۋشى، ء«بيبى-انا» قايىرىمدىلىق قورى­نىڭ قۇرىلتايشىسى جانە پرەزيدەنتى، قازاقستان رەسپۋبلي­كاسىنىڭ ەڭبەك سىڭىرگەن قايراتكەرى بيبىگۇل يمانعازينا جينالعانداردى قۋانىشىمەن قۇتتىقتادى. اقتوبە وبلىسىنىڭ قۇرمەتتى ازاماتى، دەربەس زەينەتكەر سماتوللا بەركىمباەۆتىڭ اقتوبەدەگى موڭكە بي ەسكەرتكىشى الدىندا تۇرىپ جەتكىزگەن سالەمىن ەكراننان كورىپ، تىڭداعان كوپشىلىك قاتتى تولقىدى. ارناۋلى تاقتا كەرمەجىبىن الاتاۋ اۋدانى ارداگەرلەر كەڭەسىنىڭ ءتوراعاسى قۇدايبەرگەن قابدولدين جانە بي ۇرپاقتارى قيدى.
تاحاۋي احتانوۆ اتىنداعى اقتوبە وبلىستىق دراما تەاترىنىڭ ارتيستەرى دايىنداعان ساحنالىق قويىلىمدى جۇرتشىلىق قوشەمەتپەن قابىلدادى. سوڭعى كەزەڭدە موڭكەنىڭ سازگەرلىك ­تالانتىنا نازار اۋدارىلۋدا، داۋلەسكەر دومبىراشىلار ورىنداۋىنداعى ونىڭ كۇيلەرى تىڭدارماندى باۋراپ الدى.
«موڭكە بي – ۇلى دالانىڭ دانا ويشىلى» دەگەن تاقىرىپتاعى عىلىمي-تاجىريبەلىك كونفەرەنتسيانى فيلولوگيا عىلىمىنىڭ دوكتورى، پروفەسسور ءشامشادين كەرىم جۇرگىزىپ وتىردى. كورنەكتى عالىمدار بەرەكەت كارىباەۆ، ءابدىساتتار دەربىسالى، مەڭدىگۇل نوعايباەۆا، گۇلبانۋ قوسىموۆا، جۇمانازار اسانوۆ، جۋرناليست بەردىباي كەمال ونە بويىنا الدەنە­شە ونەردى سىيعىزعان بابامىز بول­مى­سىن ءار قىرىنان قاراپ، وي تولعادى.
ءبىز تاربيەلىك ءمانى زور يگىلىكتى ءىستىڭ ءوز مانىندە اتقارىلۋىنا ۇلكەن ۇلەس قوسقان باقىتجان قوسانوۆ، ساعيتجان داۋلەتيار، ساعيت جانتۋرەنوۆ، يمانباي جۇباەۆ سياقتى ازاماتتاردىڭ شىنايى ىقىلاسىنا ريزا بولدىق.

جانعابىل قاباقباەۆ،
قازاقستاننىڭ قۇرمەتتى
ءجۋرناليسى


كەلۋ قاينارى: http://www.elarna.net/koru.php?tur=9&id=1068776

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


中国哈萨克语广播网 7 مينوت
ءۇش قالادا اۋا ساپاسى ن 13 مينوت
شىمكەنت اۋرۋحاناسىنىڭ ب 22 مينوت
وسى ارانى باسىپ كورىڭىز 27 مينوت
20 قاراشا. قازاقپارات ك 1 ساعات
中国哈萨克语广播网 1 ساعات
ەلوردادا ءبىرىنشى اۋىسى 1 ساعات
中国哈萨克语广播网 1 ساعات
قازگيدرومەت: قاراشانىڭ 2 ساعات
Mario says he will resp 2 ساعات
中国哈萨克语广播网 2 ساعات
«Nur Otan» بالالاردىڭ ق 2 ساعات
«مانچەستەر يۋنايتەدتىڭ» 2 ساعات
تۇركىستانداعى جالعىز جە 3 ساعات
ورازا جانە ناماز كەستەس 3 ساعات
الماتىدا «Almaty Invest 3 ساعات
قادىر مىرزا ءاليدىڭ ء"و 3 ساعات
جامبىلدا زاڭسىز قىزمەت 4 ساعات
گەندەرلىك ساياسات الدە 4 ساعات
فۋتبولشى بولام دەسەڭ... 4 ساعات
12 Things You Need to K 4 ساعات
ەربول شايمەردەنۇلىنىڭ « 4 ساعات
سەمەيدە تۇراقتاندىرۋ قو 5 ساعات
جامبىل وبلىسىنىڭ 80 جىل 5 ساعات
Skateboarding is create 5 ساعات
سارىاعاش اۋدانىندا توتە 5 ساعات
中国哈萨克语广播网 6 ساعات
وسى ارانى باسىپ كورىڭىز 6 ساعات
ەسبولات ايدابوسىن | ادە 6 ساعات
中国哈萨克语广播网 6 ساعات