ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-20386107545 %55 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 21:28 - 2019/11/06


تاتار حالقىنىڭ رۋحانياتىندا جارقىن ءىز قالدىرعان اقىن، دراماتۋرگ، پۋبليتسيست ءفاتحي بۋرناش (تولىق ءاتى-جونى – فاتحەليسلام زاكىرۇلى بۋرناشەۆ) ەسىمى قازاق وقىرمانىنا تانىس دەپ ايتا المايمىز. 1898 جىلى قازىرگى چۋۆاشيا رەسپۋبليكاسىنىڭ اۋماعىندا دۇنيەگە كەلىپ، 1942 جىلى كۋيبىشەۆ­ قالاسىندا «حالىق جاۋى» بوپ اتىلىپ كەتكەن قالام قايراتكەرىنىڭ ءومىرى مەن قىزمەتىن جان-جاقتى زەرتتەۋ ءىسى ءوز وتانىندا ەندى-ەندى قولعا الىنىپ جاتىر. تۇركى دۇنيەسىنىڭ بىرلىگىن تۋ ەتكەن ف.بۋرناشتىڭ، اسىرەسە قازاق تاقىرىبىنا ەتەنە­ جاقىن بولعاندىعى انىقتالىپ وتىر. قازان قالاسىنا عىلىمي ساپارىمىزدىڭ بارىسىندا ءبىز ونىڭ «قورقىت»، «قازاق قىزى» اتتى پوەمالارىن حح عاسىر باسىندا جارىق كورىپ، تىگىندىلەرى قازان فەدەرالدى ۋنيۆەرسيتەتىنىڭ ن.لوباچەۆسكي اتىنداعى عىلىمي كىتاپحاناسىندا ساقتالعان تاتار باسىلىمدارىنان جولىقتىردىق. ف.بۋرناشتىڭ تاتارستان­ عىلىم ­اكادەمياسى ع.يبراگيموۆ اتىنداعى ءتىل، ادەبيەت جانە ونەر ينستيتۋتىنىڭ جازبا جانە مۋزىكالىق مۇرا ورتالىعى – ميراسحانادان تابىلعان قولجازباسى دا توسىن ولجا بولدى. ينستيتۋت ديرەكتورى، فيلولوگيا عىلىمىنىڭ دوكتورى، تاتارستان عىلىم اكادەمياسىنىڭ كوررەسپوندەنت-مۇشەسى كيم مۋعالليمۇلى ءميننۋلليننىڭ قولداۋى، ­ميراسحانا مەڭگەرۋشىسى يلحام گۋسمانۇلى گۋمەروۆتىڭ، ورتالىقتىڭ اعا عىلىمي قىزمەتكەرى، فيلولوگيا عىلىمىنىڭ كانديداتى نۋريدا ناسىيبۋللينا مەن عىلىمي قىزمەتكەر ايگۇل احمەتوۆانىڭ رياسىز كومەك كورسەتۋى ارقاسىندا «قازاق ونەرى» (تاتارشاسى­ – «Qazaq ءsاngاte») اتتى لاتىن قارپىندە حاتقا تۇسكەن اۆتورلىق ءماتىننىڭ كوشىرمەسى قولىمىزعا ءتيدى. ميراسحانانىڭ 68-قورىنىڭ 2-تىزبەسىندە ساقتالعان جەتى پاراقتان تۇراتىن ماقالانىڭ ەكى نۇسقاسىنىڭ ءبىرى جارتىلاي قولجازبا، جارتىلاي ماشەڭكەگە باسىلعان بولسا، كەلەسىسى تۇگەلدەي ماشەڭكەمەن تەرىلگەن ەكەن.
ف.بۋرناش بۇل ماقالاسىندا ەلىمىزدىڭ رۋحانياتى تاريحىندا ايرىقشا ءبىر بەلەس بوپ سانالاتىن 1936 جىلعى 17-27 مامىر ارالىعىندا ماسكەۋدە وتكەن قازاق ونەرىنىڭ ونكۇندىگى جايىندا ءسوز ەتكەن. وندا ساحنالانعان «قىز جىبەك»، «جالبىر» وپەرالارىنا، سونداي-اق قازاقتىڭ اتاقتى ونەر قايراتكەرلەرىنىڭ شەبەرلىگىنە جانە ۇلتىمىزدىڭ شىعارماشىلىق ­تالانتىنا جوعارى باعا بەرىلەدى.
بىزدىڭشە، ف.بۋرناشتىڭ بۇرىن ەش جەردە جارىق كورمەگەن «قازاق ونەرى» ماقالاسى بولاشاقتا قازاق مادەنيەتى تاريحىن زەرتتەۋشىلەردىڭ كادەسىنە جارايتىندىعى ءسوزسىز.

قازاق ونەرى

ماي ايىنىڭ سوڭىنا قاراي بولىپ وتكەن قازاق ونەرى دەكاداسى ماسكەۋدىڭ كەڭ پرولەتاريات جۇرتشىلىعى، ءتۇرلى سالاداعى سوۆەت ونەرى قىزمەتكەرلەرى ءۇشىن زور مەيرامعا اينالدى. سوۆەت رەسپۋب­ليكالارىنىڭ باسقالارى ءبىر اپتا بويىنا الىس قازاقستان دالالارىنان، قالالارىنان كەلگەن ۇلى حالىقتىڭ ازاپتى وتكەنىن، باتىر كۇرەستەرىن ءھام شات­تىقتى، باقىتتى بۇگىنگى كۇندەرىن اشىق بەينەلەگەن ەرەكشە، باي، عاجايىپ ونەر كورىنىستەرىنىڭ اسەرىمەن بىرگە جاسادى.
قازاقتار اكەلگەن ەكى مۋزىكالىق شىعارما ءھام حالىق ونەرىنەن، ويىندارىنان تۇزىلگەن ­ۇل­كەن كونتسەرت كەشى شىنىندا دا لەنين-­ستالين ۇلت ساياساتى جەڭىسىنىڭ سالتاناتتى كورىنىسى ەدى.
ءبۇتىن حالىقتاردىڭ دانا قولباسشىسى ۇلى ستالين قاتىسقان جاعدايدا، پارتيا ءھام ۇكىمەت جەتەكشىلەرى الدىندا وتكىزىلگەن بۇل كەشتەر ءبىر قازاق ونەرى ءۇشىن عانا ەمەس، بالكي بۇكىل سوۆەت ونەرى دۇنيەسى ءۇشىن تاريحي كۇندەر بولىپ قالار.
قويىلعان ەكى سپەكتاكلدىڭ ءبىرى – «قىز جىبەك». بۇل پەسانى قازاق حالىق اڭىزى ­بو­يىن­شا جاس قازاق دراماتۋرگى ع.مۇسىرەپوۆ ازىرلەگەن ءھام جاس كومپوزيتور ە.برۋسيلوۆسكي وعان مۋزىكا جازعان. بۇل درامالىق پوەمانىڭ مازمۇنى وتە تارتىستى، سونىمەن بىرگە ول تەرەڭ سەزىمدەرمەن سۋارىلعان.

مەن درامالىق پوەما دەپ بوسقا ايتىپ وتىرعانىم جوق. سەبەبى بيىك تالعامدى سىنشىلار بۇل شىعارماعا قاراپ، وندا ءبىر جاعىنان دراماتۋرگيا، وپەرا جاسالىمى كانوندارىنان ­شامادان تىس اۋىتقۋ بولماۋى كەرەكتىگىن دالەلدەۋى مۇمكىن. ءبىراق اۆتور بۇل پەسانى جازعاندا ونىڭ وتە ەسكى حالىق اڭىزى بولۋىن كوڭىلدە تۇتقان، سوعان سايكەس ءار كورىنىس، ءار اريانى سۋرەتتەگەندە مۇنى مۇقيات ەسكەرگەن. ونىڭ جۇزدەگەن جىلدار بويىنا اۋىزدان اۋىزعا كوشىپ كەلگەن، ميلليونداعان حالىق تاراپىنان شىعارماشىلىقپەن وڭدەل­گەن ور­نەكتەرىن بۇزباۋعا، ولاردى مۇمكىندىگىنشە ساقتاۋعا تىرىسقان. ونى ءوزىنىڭ حالىقشىل سيپاتىندا قال­دىرىپ، بۇگىنگى ساحنالىق، وپە­را­لىق ورىنداۋ شارتتارىنا جاقىن­داستىرعان.
سوعان سايكەس، بۇل پەسانىڭ ءار بولىگىن، ءار ارياسىن تىڭداعاندا ءوزىڭدى كەڭ شالقار حالىق شىعارماشىلىعىنا بولەنگەندەي سەزىم كەشەسىڭ.
پەسانىڭ سيۋجەتى مىناداي: ءوز دەگەنىن جۇرگىزەتىن، ءدىنى قاتتى بازارباي حاننىڭ ۇلى تولەگەن سۇلۋلىعىمەن قازاق ەلىندە داڭقى شىققان قىز جىبەككە ىقىلاسى اۋادى. بازارباي حان ۇلىنىڭ ءوز قالاۋىمەن قىز تاڭداۋىنا ريزا بولمايدى، ال جىگىت تۋىستارىمەن، رۋلاستارىمەن، اناسىمەن كەڭەسىپ، قىز جىبەكتىڭ سوڭىنان كەتەدى.
اتاقتى قازاق تورەلەرىنىڭ ءبىرى بەكەجان­ كوپتەن بەرى قىز جىبەككە قۇشتار بولىپ جۇرەدى ەكەن، ءتىپتى قىزدىڭ اعالارى – حانداردان ۋادە دە العان، تەك قىز جىبەك قانا ونى جاراتپايدى، تولەگەندى سۇيەدى. تولەگەن قىزدىڭ ەلىنە كەلگەندە، بەكەجان­نىڭ تۇراعىنا جاقىن جەردە توقتايدى جانە بەكەجان ونى ولتىرەدى.
ول ەندى قىز جىبەككە قولى جەتەتىنىنە تولىق سەنىمدى بولادى، ءبىراق قىز تولەگەننىڭ ولگەنىن بىلگەن سوڭ، ءوزىنىڭ تۋىستارىمەن، رۋلاستارىمەن سوڭعى رەت قوشتاسادى دا، سۋعا كەتىپ، كوز جۇمادى.
مۇندا ءبىر جاعىنان كىسىلىك سەزىمدەرى، ەكىنشى جاعىنان فەودالداردىڭ تەجەۋسىز باسبۇزارلىقتارى بىر-بىرىنە قارسى قويىلعان. ونى قازاقتىڭ «رومەو مەن دجۋلەتتاسى» دەسە، قاتە بولمايدى.
بۇل مۋزىكالىق شىعارمانىڭ ىشىنە قازاق حالىق اۋەندەرىنىڭ وتە كوپ قىمبات بايلىقتارى كىرگەن. شىعارمانىڭ ايرىقشا اريالارىن تۇگەندەۋ ءۇشىن الىنعان 50-دەن ارتىق حالىق اۋەندەرى كومپوزيتور برۋسيلوۆسكي تاراپىنان اجەپتاۋىر ءساتتى ەتىپ وركەسترلەنگەن. بۇلاردىڭ اراسىندا قىز جىبەك شىرقايتىن «گاككۋ»، سونداي-اق تولەگەننىڭ اناسى ورىندايتىن ۇزاتۋ جىرى سەكىلدى تەرەڭ سەزىمدەر ءھام كورەرمەندەر مەن تىڭداۋشىلارعا ۇمىتىلماس اسەرلەر قالدىرعان اۋەندەر بىرەۋلەپ قانا سانالمايدى.
مۇندا قازاقتىڭ حالىق ويىندارى، كۇنكورىس ادەتتەرى كەڭ پايدالانىلعان. جۇزدەگەن حالىق قاتىناسقان حور ءھام قازاق بالەتى پەسانىڭ مازمۇنىن كورەرمەنگە جەتكىزۋدە ۇلكەن ماڭىز اتقاردى.
كيىز ءۇي جانە ونىڭ ءتۇرلى كورىنىستە­رىمەن اسەمدەنگەن ساحنا بەزەندىرىلىمى ءوزىنىڭ كوركەمدىگى قاراپايىم بولۋىنا قاراماستان، ساحنا اشىلعان ساتتە كو­رەرمەندەردىڭ قوشەمەتتەگەن العىس­تارىمەن قارسى الىنىپ، تەرەڭ سەزىمدەرگە بولەدى.
زور شەبەرلىكپەن تىگىلگەن كيىم-كەشەك اشەكەيلەرى ءوزىنىڭ سان الۋان تۇستەرى، اشىق رەڭى جانە جىلىلىعىمەن ءبۇتىن كورەرمەندى وزىنە باۋراپ الدى.
ەكىنشى پەسا – «جالبىر». پەسانى 1916 جىلى قازاقتاردىڭ پاتشا وتكىزگەن «موبيليزاتسياعا» قارسى كوتەرىلىستەرىنىڭ دەرەكتەرى بويىنشا قازاقتىڭ كورنەكتى دراماتۋرگى ب.مايلين جازعان. بۇل شىعارمانىڭ اۋەنى دە حالىق مۋزىكاسىنان الىنعان جانە ونى كومپوزيتور ە.برۋسيلوۆسكي وركەسترلەگەن.
«جالبىردىڭ» مازمۇنى الەۋمەتتىك سارىندارعا وتە باي.
قازاق حالقىنىڭ وتارشىل پاتشا­ تورەلەرىنەن، قازاق بايلارىنان، ­بولىس يتارشىلارىنان ازات بولۋى ءۇشىن كۇرەسكەن جارلى قازاق جالبىر پاتشا ۇكىمەتى قازاقتاردى سوعىسقا ايداعان زاماندا حالقىنىڭ پاتشاعا قارسى ارەكەتتەرىنىڭ باسىندا تۇرادى. بۇل ۋاقىتتا ول كۇردەلى اۋىر سەزىمدەردى ­باستان كەشىرەدى. جارلى قازاقتىڭ سۇلۋ قىزى ­حاديشا جالبىردىڭ ءىنىسى ەلەمەستى سۇيەدى، ءبىراق قازاق تورەلەرى وعان تىزەسىن باتىرادى. حاديشا ءوزىنىڭ تۇرمىسى، قۇقىعى ءۇشىن ايانباي كۇرەسىپ، ەلەمەسكە­ بارادى، ولار جالبىرعا ازاتتىق ءۇشىن كۇرەس جولىندا قولداۋ كورسەتەدى. وسىلايشا، پاتشا اسكەرلەرى مەن قازاق تورەلەرىنە قارسى مايدان باستالادى. ەلەمەس سوعىسىپ ءجۇرىپ ولەدى. حاديشانى قازاق تورەلەرى اتىپ ولتىرەدى، جالبىر ءقادىرلى كىسىلەرىنەن ايىرىلادى، ءبىراق ءوز جولىنان تايمايدى – ءاردايىم حالىق كۇرەسىنىڭ العى شەبىندە بولىپ، مايداندى جالعاستىرا بەرەدى.
«جالبىردىڭ» مازمۇنى وسىنداي.
«قىز جىبەك» پەن «جالبىر» اراسىندا ۇزاق تاريحي جول سوزىلىپ جاتىر. ءبىراق بۇل رەتتە زور بايلانىس ساقتالعان. «قىز جىبەكتىڭ» ايانىشتى قايعىسىنان سوڭ كوپ عاسىر وتكەن، ءبىراق قازاق حالقىنىڭ جازمىشىندا وزگەرگەن نارسە وتە از.
ول ۋاقىتتا حالىقتىڭ ەركىن، تىلەگىن، تولعانىسىن قازاق حاندارى قاندى شەڭگەلىندە ۇستادى. الايدا ەندى حاندار ورنىن پاتشا جاندارمدارى، قازاق تورەلەرى، بولىس باستىقتارى، فراك كيگەن باي ۇلدارى باسقان. ال حالىق الىگە دەيىن سول قۇلدىق، قورلىق جۇگىن ارقالايدى ءھام ۇستىنەن سونى لاقتىرىپ تاستاۋ ءۇشىن ارپالىسادى.
سوعان سايكەس ءبىز مۇندا مۋزىكادان دا، كيىم-كەشەكتەن دە ءھام باسقا تىرشىلىك كورىنىستەرىنەن دە «قىز جىبەك» كەزەڭىنە جاقىن تۇرعان نارسەلەردى بايقايمىز.
بۇل شىعارمانىڭ مۋزىكالى تۇستارى ازداۋ، ءبىراق ونىڭ سارىندارى دا تەرەڭ تولعانىستارمەن سۋارىلعان. ونداعى اۋەن­دەر اراسىندا «ەلىم-اي!» سەكىلدى ايرىقشا جىلىلىقپەنەن جاڭعىرعان اندەر بار.
مۇنىڭ حور ءھام بالەت قويىلىمدارى دا جاندى كەيىپتە ءارى شەبەر تۇردە ورىندالعان.
وندا ساحنا ءھام كيىم-كەشەك بەزەندى­رىلىمى مەيلىنشە قاراپايىم، سوعان سايكەس كورەرمەندەر ءۇشىن بارىنشا تۇسىنىكتىرەك.
بۇل سپەكتاكلدەر شەبەرلىكپەن قويىل­عان جانە مۋزىكالى بەزەندىرىلىمىنىڭ ەرەكشە، تەرەڭ، جىلى بولۋىمەن عانا قىزىق­تىرماي، جۇزەگە اسىرۋشى ماماندارىمەن دە تەرەڭ ءىز قالدىرعان. قازاقستاننىڭ ەڭبەك سىڭىرگەن ءانشىسى كۇلاش بايسەيىتوۆا ءوزىنىڭ عاجاپ، سۇيكىمدى داۋسىنىڭ ۇستىنە، ەش كۇمانسىز تالانتتى ءارتىس تە. قىز جىبەكتىڭ دە، سونداي-اق «جالبىرداعى» حاديشانىڭ دا رولدەرىن ونىڭ ۇلكەن شەبەرلىكپەن ورىنداعانىن ايتپاي ءوتۋ مۇمكىن ەمەس. جالبىر رولىندە ويناعان ەڭبەك سىڭىرگەن ءارتىس ق.جانداربەكوۆ حاس شەبەرلىك تانىتىپ، ىشكى تولعانىستارى باي، جاندى ءارى شىنايى بەينە ۇسىندى. «جالبىردا» بىرنەشە رەپليكامەن عانا كورىنگەن قايراقباي ءرولىن حالىق ءارتىسى ە.ومىرزاقوۆ ۇستالىقپەن يگەرىپ، پەساداعى ۇزىك تۇستاردى تارتىمدى ەتىپ ارلەدى. تولەگەن مەن ەلەمەس رولدەرىندە ەڭبەك سىڭىرگەن ءارتىس ق.بايسەيىتوۆ، ­بازارباي حان مەن سايىم رولىندە ەڭبەك سىڭىرگەن ءارتىس ق.قۋانىشباەۆ، اتكەلتىر مەن ازات رولدەرىندە ەڭبەك سىڭىرگەن ءارتىس س.قوجامقۇلوۆ، ءۇ.تۇردىقۇلوۆا، ج.بايسەنباەۆا، م.ەرجانوۆ، ت.ب. ويناپ، بۇلاردىڭ ءارقايسىسى ءوز ورىندارىنا ساي ناعىز شەبەرلەر بولىپ كورىندى. رەجيسسەر، حالىق ءارتىسى ج.شانين مەن كومپوزيتور ە.برۋسيلوۆسكي شىعارمالاردى ازىرلەۋدە وتە زور قىزمەت جاسادى جانە ءارتۇرلى ماقتاۋلارعا لايىق.
قازاقستاننىڭ اتاقتى ءبيشىسى شارا جانداربەكوۆا ءوزىنىڭ شەبەرلىگىمەن قازاق ونەرىندە ايرىقشا ورىن الادى.
حالىق ويىندارى، ولەڭ-جىرلار، بيلەر، اقىنداردىڭ – حالىق جىرشىلا­رىنىڭ سايىسىنان وتە تاماشا كورىنىستەر ۇسىنعان كونتسەرت كەشى قازاق ونەرىنىڭ الۋان ءتۇرىنىڭ باسىن قوسقان ۇلكەن حالىقتىق مەيرامعا اينالدى.
ءبىز وسىندا جاس قازاق كومپوزيتورى ا.جۇبانوۆتىڭ باسقارۋىمەن قازاق حالىق كۇيلەرىن وتە تاماشا ەتىپ ورىنداعان جانە قازاقتىڭ حالىق ساز اسپاپتارىنان قۇرالعان وركەستردى تىڭدادىق.
بۇل كەشتە قازاق حورەوگرافيا مەكتە­بىندە وقيتىن 20 ءبۇلدىرشىن چايكوۆسكي­دىڭ «ۇيقىداعى ارۋ» بالەتىنەن ۆالس ورىندادى جانە بۇل كىشكەنتاي بالالار كۇللى ۇلكەن تەاتردىڭ دۋ قول شاپالاقتاۋىمەن قارسى الىندى. ولار ءوتىنىش بويىنشا ساحناعا قايتا شاقىرىلىپ، اسەم دە اسەرلى ەتىپ، تاعى ءبىر رەت بيلەپ بەردى.
وسىندا ءبىز ءتۇرلى حالىق ويىندارىنا، ولەڭ-جىرلارىنا، بيلەرىنە قانىعىپ، حالىق جىرشىلارىنىڭ – اقىنداردىڭ زور شەبەرلىكپەن ورىنداعان سايىستارىن تىڭدادىق.
ءبىز وسىندا ءارتىس م.ەرجانوۆتىڭ تاراپىنان جولباسشىمىز ۇلى ستالينگە ارناپ جازىلعان «جاساسىن» ءانىنىڭ ءۇش ءجۇز كىسىلىك قازاق ونەر ۇجىمى تاراپىنان وتە جاقسى ورىندالعانىن جانە بۇكىل ءارتىستىڭ تەاتردى تولتىرعان مىڭداعان كورەرمەنمەن بىرگە ۇلى ۇستازىمىز ءستاليندى ىستىق راۋىشتە قۇتتىقتاۋىن تىڭدادىق.
بۇل كەش ماڭگى قۇلدىقتان سوتسياليستىك وكتيابردە ازات بولىپ، جاڭادان ءومىر باستاعان تالانتتى قازاق حالقىنىڭ باقىتتى، شاتتىقتى، شىن ازات تۇرمىس كەشۋىنىڭ ۇلكەن كورىنىسى ەدى.
قازاق ونەرىنىڭ كۇشتى جاعى – شىن مانىندە ونىڭ ءوزىنىڭ تەرەڭ تامىرلارىمەن كەڭ حالىق بۇقاراسىنىڭ ىشىنە بويلاۋىندا.­ بۇل ونەردىڭ ءىس جۇزىندە باي حالىق ونەرىنىڭ تەرەڭ ءارى سارقىلماس بۇلاق­­تارىنان جانىنا قۋات الىپ تۇرۋىندا.
سوۆەت مۋزىكا، تەاتر ونەرىنىڭ ۇلى جەتىستىكتەرى دارەجەسىنە كوتەرىلۋ ءۇشىن قازاق ونەرى حالىق شىعارماشىلىعىنا ارقا سۇيەگەن.
بۇل – ءتۇرى ۇلتتىق، مازمۇنى سوتسياليس­تىك قازاق سوۆەت ونەرىنىڭ نۇرلانۋىنىڭ، گۇلدەنۋىنىڭ جولى.

فاتحي بۋرناش
ءۇى-36. ماسكەۋ.

ماتىندى قازاق تىلىنە
اۋدارىپ، باسىلىمعا ۇسىنعان –
امانتاي ءشارىپ،
فيلولوگيا عىلىمىنىڭ دوكتورى


كەلۋ قاينارى: http://www.elarna.net/koru.php?tur=9&id=1068767

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


中国哈萨克语广播网 7 مينوت
ءۇش قالادا اۋا ساپاسى ن 13 مينوت
شىمكەنت اۋرۋحاناسىنىڭ ب 22 مينوت
وسى ارانى باسىپ كورىڭىز 27 مينوت
20 قاراشا. قازاقپارات ك 1 ساعات
中国哈萨克语广播网 1 ساعات
ەلوردادا ءبىرىنشى اۋىسى 1 ساعات
中国哈萨克语广播网 1 ساعات
قازگيدرومەت: قاراشانىڭ 2 ساعات
Mario says he will resp 2 ساعات
中国哈萨克语广播网 2 ساعات
«Nur Otan» بالالاردىڭ ق 2 ساعات
«مانچەستەر يۋنايتەدتىڭ» 2 ساعات
تۇركىستانداعى جالعىز جە 3 ساعات
ورازا جانە ناماز كەستەس 3 ساعات
الماتىدا «Almaty Invest 3 ساعات
قادىر مىرزا ءاليدىڭ ء"و 3 ساعات
جامبىلدا زاڭسىز قىزمەت 4 ساعات
گەندەرلىك ساياسات الدە 4 ساعات
فۋتبولشى بولام دەسەڭ... 4 ساعات
12 Things You Need to K 4 ساعات
ەربول شايمەردەنۇلىنىڭ « 4 ساعات
سەمەيدە تۇراقتاندىرۋ قو 5 ساعات
جامبىل وبلىسىنىڭ 80 جىل 5 ساعات
Skateboarding is create 5 ساعات
سارىاعاش اۋدانىندا توتە 5 ساعات
中国哈萨克语广播网 6 ساعات
وسى ارانى باسىپ كورىڭىز 6 ساعات
ەسبولات ايدابوسىن | ادە 6 ساعات
中国哈萨克语广播网 6 ساعات