ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133720590564 %36 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 21:14 - 2019/11/06


كۇز مەزگىلى  – تەلەۆيزيا سالاسىنا ەرەكشە سەرپىن سىيلايتىن شاق.  وتاندىق تەلەارنالارداعى جاڭا باستامالار مەن جاڭا جوبالاردىڭ كورەرمەن ­نازارىنا كوپتەپ ۇسىنىلاتىن كەزى. ءدال وسى كەزدە تىڭ دۇنيەلەر جول تارتادى.­ جۋىردا ­«حابار» اگەنتتىگى ءداستۇرلى بيىلعى ماۋسىمىنىڭ تۇساۋكەسەر كەشىن وتكىزدى.  اگەنتتىك قۇرامىنداعى ءتورت ءىرى تەلەارنالاردىڭ بارلىعى دەرلىك ءوز تانىستىرىلىمدارىن جاسادى. وسى ورايدا ءبىز «El Arna» تەلەارناسىنىڭ ­ديرەكتورى ارمان سەيىتمامىتپەن جاڭا ماۋسىمنىڭ جاڭالىقتارى جونىندە اڭگىمەلەسكەن ەدىك.  

– ارمان بالتابايۇلى، جاڭا ماۋسىمدارىڭىز قۇتتى بولسىن! جاڭا ماۋسىمعا دەگەن دايىن­دىقتارىڭىز قالاي جۇزەگە استى؟
– راقمەت. راسىندا،­ جاڭا­ ماۋسىم دەسە جۇرەك قاعى­سىمىز جيىلەپ، اياق الىسىمىز جىلدامىراق بولاتىنى زاڭدى عوي. البەتتە، تەك جاڭا ماۋسىم دەگەندە عانا ەمەس، جىل ون ەكى اي بويى، كوزى قاراقتى كورەرمەنىمىزدى نەمەن قۋانتساق ەكەن، قانداي جاڭا جوبالارمەن جاندارىن باۋراساق ەكەن دەگەن ۇزدىكسىز ىزدەنىسپەن جۇرەمىز. سول ەڭبەكتىڭ، ماڭداي تەردىڭ ناتيجەسىندە جاسالعان دۇنيەلەردىڭ كورەرمەنگە ۇسىنىلاتىن كەزى، ءوز باعاسىنا يە بولاتىن شاعى ءبىز ءۇشىن ەرەكشە تولقىنىستار مەن تەبىرەنىستەرگە تولى بولاتىنى تۇسىنىكتى. سول سەبەپتى دايىندىعىمىز جىلداعىدان وسال ەمەس.
– EL ARNA – ەلىمىزدەگى تەك كينو جانە تەاتر ونەرىن ناسيحاتتايتىن تۇڭعىش تەلەارنا. كۇن سايىن، تاۋلىگىنە 24 ساعات حابار تاراتاتىن ارنا قازاقستاندىق كوركەم فيلمدەر مەن دەرەكتى جوبالاردى ۇنەمى ۇسىنىپ وتىرادى. دەمەك، ارنانىڭ قورجىنى سوعان مۇمكىندىك جاسايتىنداي بولعانى عوي؟
– كينوكىتاپحانامىزداعى توپتاما 80 جىلدىق تاريحى بار «امانگەلدى» فيلمىنەن باستالادى. ال، ەڭ باستىسى،­ «El Arna» ەفيرىنەن كينەماتوگرافيا كوريفەيلەرىنىڭ مىقتى تۋىندىلارىن عانا ەمەس، دارىندى جاس بۋىننىڭ جۇمىستارىن دا كورۋگە ­بولادى. ياعني «El Arna» جاڭا ەسىمدەردى اشادى. ارنانىڭ كينو قورجىنى تۇركى الەمى ەلدەرى، ورتالىق ازيا مەملەكەتتەرىنىڭ «التىن قورىندا» ساقتالعان لەنتالار جانە زاماناۋي فيلمدەرىمەن تولىققان. بۇل كينو ­تۋىندىلار قازاق تىلىندە دۋبلياجدالىپ، كورەرمەنگە ۇسىنىلىپ وتىر. سونىمەن قاتار ارنانىڭ شىعارماشىلىق توبى قىسقامەتراجدى فيلمدەر ءوندىرىسىن قولعا الىپ، اتالعان تۋىندىلار كينوسۇيەر قاۋىمنىڭ وڭ باعاسىنا يە بولىپ وتىر. قازىرگى ۋاقىتتا تەلەۆيزيا سالاسىندا قىزمەت ەتەتىن مامانداردىڭ قىزىققا تولى حيكايالارىنان سىر شەرتەتىن «ۋاقىت» اتتى قىسقامەتراجدى ءفيلمنىڭ ءتۇسىرىلىمىن باستادىق. بۇل كينولەنتا اگەنتتىگىمىزدىڭ 25 جىلدىعى قارساڭىندا ەفيرگە شىعادى. ودان بولەك، ەلدىڭ تۋريستىك الەۋەتى، ارحەولوگيالىق قازبا جۇمىستارى كەزىندە تابىلعان قۇندى جادىگەرلەر، ۇلت تاريحى، حالقىمىزدىڭ مادەني مۇراسى، ءسالت-داستۇرىمىز، ۇلى تۇلعالاردىڭ ءومىر جولى، ماحاببات حيكايالارى، شىعارماشىلىعى جايىندا باياندايتىن دەرەكتى فيلمدەر جۇيەلى تۇردە ەفيردە كورسەتىلەدى. ۇزدىك وتاندىق تەلەحيكايالار مەن انيماتسيالىق لەنتالاردى دا تاما­شا­لاۋعا بولادى.
– جاڭا ماۋسىمدا «El Arna»-دان قانداي جاڭا جوبالار كۇتەمىز؟ قانداي جاڭالىقتارىڭىز بار؟
– جاڭا ماۋسىمنىڭ شىمىلدىعىن ساحنا سىرلارىنان، ەكران قۇپيالا­رىنان سىر شەرتەتىن سۋرەتكەرلەر مەن شىعارمالار حاقىنداعى كولەمدى بىرنەشە جاڭا جوبالار اشۋدا. اتاپ ايتسام، قازاق كينو جانە تەاتردىڭ شەكسىز الەمىندەگى تۋىندىلار بەلگىلى سىنشى، سۋرەتكەرلەرمەن ساراپقا سالىنىپ، تالقىعا تۇسەتىن «اشىق كورسەتىلىم» توك شوۋى. وتاندىق ­تەاتر ۇجىمدارىنىڭ الىس جولعا شەككەن­ ­ساپارلارىن، جولداعى قىزىقتى دا اسەرلى وقيعالاردى، سول كەزدەگى كىرشىكسىز كوڭىل-كۇيدى ساقتاپ قالاتىن، ادام مەن مامان بەينەلەرىن ءبىر ­تۋىندىدا توعىستىراتىن «گاسترولدىك ساپار» جوباسىنان بولەك، ارنامىز ەلىمىزدىڭ بەلدى تەاترلارىنىڭ سپەكتاكلدەرىن تاماشالاۋ مۇمكىندىگىن سىيلايدى. وسى رەتتە، جاقىندا جاقىپ وماروۆتىڭ 80 جىلدىعىنا وراي «El Arna»­ ارناسىندا «قاللەكي تەاترىنىڭ اپتالىعى» ۇيىمداستىرىلدى. بۇل باستاما الداعى ۋاقىتتا ءوز جالعاسىن تاباتىن بولادى. سونىمەن قاتار بۇگىنگى تاڭدا الماتى قالاسىنداعى م.لەرمونتوۆ اتىنداعى مەملەكەتتىك اكادەميالىق ورىس دراما تەاترى مەن الماتى قالاسىنىڭ مەملەكەتتىك قۋىرشاق تەاترىنىڭ قويىلىمدارىن تاسپالاۋ جۇمىستارى جۇرگىزىلۋدە. كينو جانە تەاتر سالاسىندا ساناۋسىز­ ەڭبەك سىڭىرگەن شىعارماشىلىق ادامىنىڭ جان-سارايىن اشىپ، ­جانىنان ءۇزىلىپ تۇسكەن ءمولدىر ونەرىنە تەرەڭ ۇڭىلەتىن تەلەجۋرنالدار دا جالعاسىپ، مادەنيەت سالاسىنداعى ەلەۋلى وقيعالاردان سىر شەرتەتىن «ونەر الەمى» باعدارلاماسى كورەرمەن نازارىنا ۇسىنىلماق. كينو تىلىمەن اقىنداردىڭ شىعارماشىلىعىن ناسيحاتتايتىن كينوپوەزيا جانرى­ دا نازاردان تىس قالمايدى. قالىپتاسقان يگى ءداستۇردى جالعاس­تىرىپ، جاڭا ماۋسىمدا دا حالىق­ارالىق، رەسپۋبليكالىق كينو جانە تەاتر فەستيۆالدەرىنەن تىكەلەي كورسەتىلىمدەر، جۇلدىزداردىڭ قىزىل كىلەممەن ءجۇرىپ ءوتۋ سالتاناتىن، مادەني ءىس-شارالاردان كۇندەلىكتەر دايىندايتىن بولامىز.
– اڭگىمەڭىزگە راقمەت.

اڭگىمەلەسكەن
ءداۋىرجان تولەباەۆ


كەلۋ قاينارى: http://www.elarna.net/koru.php?tur=9&id=1068762

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اقتوبە وبلىسىندا جات ءد 1 مينوت
«قوس 11» جۇڭگونىڭ جەدەل 5 مينوت
ايدوس ەربوسىنۇلى جەلتوق 5 مينوت
اعاجاي التاي تورى 5 مينوت
الماتى تجد گاز اناليزات 5 مينوت
"ودان دا ميللياردت 5 مينوت
«الماتى» ارناسىنىڭ 20 ج 6 مينوت
2019-جىلى 11-ايدىڭ 2- 6 مينوت
ءتىلازار بالانى جازالاۋ 10 مينوت
ەلوردادا وتكەن فورۋمدا 10 مينوت
كوفەين ءسىز ويلاعانداي 13 مينوت
الەم كۇتكەن رەيۋنيون: " 15 مينوت
وتاندىق بوكسشىلار ازيا 16 مينوت
قاپشاعاي قالاسىنىڭ اكىم 16 مينوت
ماقتاارالدىق جاستارعا « 25 مينوت
"ادەمى ايتىلعا 25 مينوت
اعاجاي التاي تورى 25 مينوت
تۇركىستان وبلىسىندا كول 25 مينوت
قىرعىزستاندا قازاقستان 25 مينوت
ءتۇزىم نەگىزىن بەكەمدەپ 25 مينوت
داريعا نازارباەۆا: جاست 25 مينوت
وسى ارانى باسىپ كورىڭىز 26 مينوت
جابايى قوقىس الاڭدارى ج 1 ساعات
قاجىلىققا قامدانعاندار 1 ساعات
پەرۋاشەۆ: "حالىق ۇ 1 ساعات
اقتوبە وبلىسىنىڭ اكىمى 1 ساعات
Muslim.kz پورتالى ء«ماۋ 1 ساعات
توي – قازىنا ەدى، ءبىرا 1 ساعات
ورازالين اقتوبەدە قۋراپ 1 ساعات
اعاجاي التاي تورى 1 ساعات