ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133542547566 %34 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 14:07 - 2019/10/31


ەلىمىزدىڭ باتىس ايماعىندا اگلومەراتسيالىق ورتالىق بولىپ سانالعان اقتوبە قالاسى سوڭعى بەس-التى جىلدا زامانعا لايىق بوي تۇزەدى. ەڭسەلى تۇرعىن ۇيلەر ورامدارى مەن ماعىنالى تىرلىكتى كوزدەگەن الەۋمەتتىك قىزمەت عيماراتتارىنا قوسا، تاريحي تۇلعالار ەسكەرتكىشتەرى مەكەن اجارىن ايشىقتاي ءتۇستى.  جوڭعار باسقىنشىلارىنا قارسى سايرام سوعىسىنىڭ قاھارمانى تىلەۋ ايتۇلىنىڭ، پاتشالىق رەسەيدىڭ وتارلاۋ ساياساتىنا باس يمەگەن ەسەت كوكىۇلىنىڭ، ءابىلقايىر حان اسكەرىنىڭ باس قولباسشىسى بوكەنباي قاراباتىرۇلىنىڭ جانە باسقا جاۋجۇرەك بابالاردىڭ ەسكەرتكىشتەرى قاتارىن وتكەن سەنبىدە اسا كورنەكتى اسكەرباسى، مەملەكەت قايراتكەرى ءجالاڭتوس ءباھادۇر سەيىتقۇلۇلىنىڭ ات ۇستىندەگى الىپ تۇلعاسى تولىقتىردى.

قاناتىن كەڭ جايعان قالانىڭ كورىكتى الاڭدارىندا تاعى دا حالقىمىزدىڭ ۇلى پەرزەنتتەرىنىڭ تاس بەينەلەرى بوي كوتەرمەك. ايتا كەتۋ كەرەك، ۇرپاق ءۇشىن ۇلاعاتى زور، تاريحي قۇندى جادىگەرلەردى ورنىقتىرۋ شارالارىنا قارجىنى كاسىپكەرلەر، زيالى قاۋىم وكىلدەرى، ءوڭىردىڭ ۇلكەن-كىشى جاماعاتى ءوز قالتاسىنان شىعاردى.
ءباھادۇر دەگەن ايرىقشا اسكەري مارتەبەنى يەلەنگەن ءجالاڭتوس بابامىز جايىندا عالىمدار، تاريحشىلار، جازۋشىلار جان-جاقتى زەرتتەپ، جاڭا دەرەكتەردى ۇسىنۋدا. تۋعان حالقىنا ادالدىعىمەن عۇمىرىن ات ۇستىندە وتكىزگەن، كەلەشەككە ساۋلەت ونەرىنىڭ عاجايىپ جاۋھارلارىن قالدىرعان ونىڭ مونۋمەنتالدى ەسكەرتكىشتەرى بۇعان دەيىن قىزىلوردا، شىمكەنت، سامارقان قالالارىندا بوي كوتەردى، وتكەن جىلى ايگىلى وربۇلاق شايقاسىنداعى جەڭىستىڭ 375 جىلدىعىنا وراي قازىعۇرت تاۋىنىڭ بوكتەرىندە سالقام جاڭگىر مەن ءجالاڭتوس ءباھادۇر ەسكەرتكىشى تۇرعىزىلدى. ۇلى قولباسشىعا، كورەگەن ساياساتكەرگە قۇرمەت كورسەتۋ يدەياسى­ اقتوبەلىك جاماعاتتى دا ءبىرازدان ­مازالايتىن. قاشان دا مۇنداي اۋقىمدى شارۋانى تاۋەكەل ەتىپ، ءبىر ادام قولعا الۋى قاجەت. ءوڭىردىڭ تانىمال ازاماتى، كاسىپكەر باقىتجان ەرجانوۆ وسىلايشا ساحناعا شىقتى. جانە جالعىز ەمەس، ونىڭ ماڭايىنان حاميت وتەۋوۆ، قاسىمجان بايساداقوۆ، ءابىل قۇلەتوۆ، قاۋىپباي جانباۋوۆ جانە باسقا ۇلتجاندى ازاماتتار كورىنىپ، نيەتتەرى ءبىر ارناعا توعىستى.
وقىرمان قاۋىمعا وبلىستا قۇرىلعان ءجالاڭتوس ءباھادۇر سەيىتقۇلۇلى قايى­رىم­دىلىق قورىنىڭ ءتوراعاسى ب.ەرجانوۆ تۋرالى قىسقاشا دەرەك بەرگەن ارتىق بولماس. «كيكبوكسينگ» جانە «امبەباپ جەكپە-جەك» فەدەراتسياسى­نىڭ پرەزيدەنتى ول شيرەك عاسىردان بەرى كاسىپكەرلىكپەن شۇعىلدانادى. «جانتىزەر» شارۋا قوجالىعىنىڭ جانە «كازپرومسترويگرۋپپ» جشس قۇرىلىس كومپانياسىنىڭ باسشىسى. اقتوبە، اتىراۋ وبلىستارىندا سەگىز مەكتەپ، التى بالالار باقشاسىن، ءتورت اۋرۋحانانى، ءتورت مادەنيەت ءۇيىن سالۋدى جۇزەگە اسىردى. 17 اۋىلعا تابيعي گاز قۇبىرىن، 14 اۋىلعا اۋىز سۋ قۇبىرىن تارتىپ، تۇرعىندار العىسىن العان. «باقىتتى بالا»، «تۋعان جەرگە تاعزىم» مەملەكەتتىك باعدارلامالارى اياسىندا 150 ميلليون تەڭگەگە جۋىق قارجىلاي قولداۋ كورسەتكەن.
– سوناۋ كەڭەستىك داۋىردە «مادەنيەت جانە تۇرمىس» جۋرنالىندا باتىر ­تۋرالى ماقالانى وقىپ، كوپ ۇزاماي تەلەديداردان بەلگىلى اكتەر باقىتجان الپەيىسوۆتىڭ باعدارلاماسىن كورگەن سوڭ، بويىمدا باباعا دەگەن ەرەكشە ىنتىزارلىق سەزىم ورنىقتى، – دەدى كاسىپكەر اڭگىمەسىندە.
ءسويتىپ، باستاپقىدا اقتوبەدە بىرنەشە مارتە جەكپە-جەكتەن ءجالاڭتوس ءباھادۇر اتىندا تۋرنير ۇيىمداستىردى. 2015 جىلدىڭ سوڭعى ايلارىندا قولعا الىنعان يدەيا ساتىمەن جۇزەگە اسىپ، قالا ورتالىعىندا «ساپار» اۆتوۆوكزالى ىرگەسىندە جەر ءبولىندى. مۇسىنشىلەر جەڭىس جۇبانقوسوۆ پەن ەرمەك توقتار ءۇش جىل بويىنا ەڭبەك ەتىپ، داڭقتى قولباسشىنىڭ شىنايى بەينەسىن سومداپ شىعاردى. رەسەيدىڭ ەكاتەرينبۋرگ قالاسىندا تازا قولادان قۇيىلعان ات ۇستىندەگى باتىر تۇرپاتى التى مەتر، سالماعى بەس تونناعا جۋىق. ەسكەرتكىش اينالاسى اباتتاندىرىلىپ، شامدار ورناتىلدى. ەكى بەلگىتاستىڭ بىرىندە ءجالاڭتوس ءباھادۇردىڭ قىسقاشا ءومىر­بايانى، شىعۋ تەگى، ەكىنشىسىندە ماڭىزى زور شارۋاعا ايتارلىقتاي مولشەردە قارجى قۇيعان ازاماتتاردىڭ ءاتى-جونى جازىلعان.
قازان ايىنىڭ ءتورتىنشى سەنبىسىندە اۋا رايى الابوتەن تامىلجىپ تۇردى. سويلەۋ لەكسيكونىمىزعا ­ەنگەن ­شىبىنسىز جازدىڭ ءوزى. قالا تۇرعىندارى، وبلىس اۋداندارىنان، نۇر-سۇلتان، الماتى، شىمكەنت، قىزىلوردا، اقتاۋ قالالارىنان، كورشى قىزىلوردانىڭ بىرنەشە اۋداندارىنان كەلگەن قوناقتار. مۇندايدا تۇرعىلىقتى حالىق ءاتى-جونىن تەك سىرتتاي ەستىپ جۇرگەن تانىمال داڭقتى ادامدارمەن قاۋىشىپ، مارە-سارە بولماي ما؟! قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، جازۋشى قاجىعالي مۇقانبەتقاليەۆ، رەسپۋبليكا پارلامەنتى ءماجىلىسىنىڭ دەپۋتاتى باقىتبەك سماعۇل، كورنەكتى كومپوزيتور كەڭەس دۇيسەكەەۆ، مەملەكەتتىك قىزمەت ارداگەرى، ءباھادۇر بابا اتىنداعى رەسپۋبليكالىق قوردىڭ ءتوراعاسى ءناجمادين مۇساباەۆ، قازاقستان رەسپۋبليكاسى قورعانىس مينيسترلىگى باس شتابى باستىعىنىڭ ورىنباسارى، گەنەرال-مايور مۇحامەدجان تالاسوۆ، زاڭ عىلىمىنىڭ دوكتورى، پروفەسسور، بەلگىلى مەتسەنات بەكەت تۇرعاراەۆ، بەلگىلى اقىن سۆەتقالي نۇرجان جانە باسقالارى. سوناۋ جىلدارى قازاق مەملەكەتتىك ۋنيۆەرسيتەتىندە وزىممەن بىرگە وقىعان بەلگىلى جازۋشى بەگىمباي ۇزاقباەۆپەن كوپتەن بەرى كەزدەسىپ تۇرعانىم. قۋانىشىن جاسىرا المادى – جوعارىدا ءبىز ءسوز ەتكەن كاسىپكەر ب.ەرجانوۆ قالامگەر اعاسىنىڭ ء«جالاڭتوس ءباھادۇر» اتتى رومانىنىڭ ءتورتىنشى باسىلىمىن شىعارۋعا دەمەۋشىلىك جاساعان، تۇستەن كەيىن وسى شاراعا وراي بەرىلگەن استا كىتاپ قاتىسۋشىلارعا تەگىن تاراتىلدى.
ەسكەرتكىشتىڭ اشىلۋ سالتاناتىندا وبلىس اكىمى وڭداسىن ورازالين جانە مارتەبەلى مەيماندار ءسوز سويلەپ، شارانىڭ ەگەمەن ەل ەڭسەسىن تىكتەۋدەگى ماڭىزىنا توقتالدى.
جۇرتشىلىق مەكتەپ وقۋشىلارى­نىڭ «جاس ۇلان» ۇرمەلى اسپاپتار وركەسترىنىڭ (جەتەكشىسى – اعا لەيتەنانت ابىل سمايىلوۆ)، تاحاۋي احتانوۆ­ اتىنداعى وبلىستىق دراما تەاترى ارتيستەرىنىڭ تەاترلاندىرىلعان قويىلىمىن تاماشالادى. پاتريوتتىق اندەر شىرقالدى.
باعدارلاماعا ساي س.بايىشەۆ اتىن­داعى اقتوبە ۋنيۆەرسيتەتىندە وتكىزىلگەن «ۇلى دالانىڭ ۇلى ەسىمدەرى: ءجالاڭتوس ءباھادۇر جانە تۇركى دۇنيەسى» اتتى حالىقارالىق عىلىمي-تاجىريبەلىك كونفەرەنتسيادا تۇركيادان، رەسەي فەدەراتسياسىنان، ازەربايجان جانە وزبەكستان رەسپۋبليكالارىنان، الماتى، اقتاۋ قالالارىنان كەلگەن عالىمدار، اقىندار تاريحي ماڭىزى بار دەرەكتەردى ورتاعا سالدى، «قازاقستان حالقى اسسامبلەياسى» عيماراتىندا ەتنومادەني بىرلەستىكتەر وكىلدەرىمەن كەزدەستى.
ونەر ورتالىعىندا وتكىزىلگەن رەسپۋبليكالىق اقىندار ايتىسىندا ءسوز قاعىستىرعان التى جۇپ ويلى پىكىرلەرىمەن، ورىندى ازىلدەرىمەن تىڭدارمان قوشەمەتىنە بولەندى. قازىلار القاسى ء(توراعاسى قاجىعالي مۇقانبەتقاليەۆ) باس جۇلدەگە لايىق دەپ باعالاعان اسپانبەك شۇعاتاەۆ ءبىر ميلليون تەڭگەنى قانجىعاسىنا بايلادى. قازىرگى كۇندە نۇر-سۇلتان قالاسىندا تۇراتىن اقتوبەلىك دانيار­ الدابەرگەنوۆ­ ءجالاڭتوس ءباھادۇر اتىنداعى 500 مىڭ تەڭگەلىك ارنايى سىيلىققا يە بولدى. بۇدان وزگە ءبىرىنشى، ەكىنشى جانە ءۇشىنشى بايگەلەردىڭ يەلەرى انىقتالدى.ايتىسقا قاتىسۋشى وزگە اقىندارعا ىنتالاندىرۋ سىيلىقتارى بەرىلدى.
كەشكىلىك ونەر جۇلدىزدارىنىڭ قاتىسۋىمەن بولعان گالا-كونتسەرت جۇرت­شىلىققا كوتەرىڭكى كوڭىل كۇي سىيلادى.

***

اقتوبەدە ءجالاڭتوس ءباھادۇر سەيىت­قۇلۇلىن ۇلىقتاۋ سالتاناتى وتكىزىلىپ جاتقان كۇندەردە الەۋمەتتىك جەلى ارقىلى وسى وبلىستاعى تەمىر اۋدانىنىڭ تاسقوپا ەلدى مەكەنى ماڭىنان «التىن ادام» تابىلعانى جايلى حاباردى جۇرتشىلىق جاقسى ىرىمعا جورىپ، بىرىنەن-بىرى ءسۇيىنشى سۇراپ جاتتى.

جانعابىل قاباقباەۆ،
قازاقستاننىڭ قۇرمەتتى
ءجۋرناليسى


كەلۋ قاينارى: http://www.elarna.net/koru.php?tur=9&id=1066503

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ورازالين اقتوبەدە قۋراپ 2 مينوت
اعاجاي التاي تورى 4 مينوت
اۆتونوميالى وبلىس عىلىم 4 مينوت
دوساەۆ ەاەو-دا ورتاق ۆا 5 مينوت
ەلىمىزدەگى جولداردىڭ جا 5 مينوت
ەلىمىزدىڭ دۇنيە جۇزىلىك 5 مينوت
ءبىزدىڭ قوعامدى ءتۇسىنۋ 5 مينوت
2019-جىلى 11-ايدىڭ 1- 5 مينوت
وزبەكستاندا تۋعان قازاق 10 مينوت
جاباي نۇرماقۇلى: «جەتى 14 مينوت
كاك ماتەريا، پروسترانست 14 مينوت
قىزىلوردادا كاسىپكەر مۇ 14 مينوت
تولە ءبيدىڭ وتەگەنگە با 24 مينوت
قمدب ءتوراعاسى موڭعوليا 24 مينوت
ونەركاسىپ جانە ينفورمات 25 مينوت
استانا LRT قار تازالاۋ 25 مينوت
اعاجاي التاي تورى 25 مينوت
الماتى: 14 قاراشادا ابا 25 مينوت
ءتۇزىم نەگىزىن بەكەمدەپ 25 مينوت
تىنىشتىقبەك Əبدىكəكىمنى 25 مينوت
مۇسىلمان زيراتىنا قاتىس 29 مينوت
«كۇز ارۋى-2019 29 مينوت
ورازالين تىكۇشاقپەن اۋد 1 ساعات
ۆەتنامدا قويانداي عانا 1 ساعات
الماتىداعى اباي داڭعىلى 1 ساعات
Coca-Cola سۋسىنىنان الك 1 ساعات
جابال ەرعاليۇلى: «جەتى 1 ساعات
جيرەنشەنىڭ قاراشاشقا قۇ 1 ساعات
سايدا قالىقوۆا، ءالبينا 1 ساعات
بەيجيڭ وبا اۋرۋىنا شالد 1 ساعات