ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133720590564 %36 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 12:56 - 2019/10/31


ەلىنىڭ ماقتانىشى، قازاققا «اباي جولىن» سىيلاعان مۇحتار اۋەزوۆتىڭ ۇلتى ءۇشىن سىڭىرگەن ەڭبەگى زور. ءوزى عانا ەمەس، ۇل-قىزىن دا ۇلتقا قىزمەت ەتۋگە تاربيەلەگەن. سوندىقتان بولار، ۇلى قالامگەردىڭ ۇرپاقتارى تۇگەلدەي عىلىممەن اينالىسىپ، ەل دامۋىنا سۇبەلى ۇلەس قوستى. بۇگىندە جازۋشىنىڭ مۇرات مۇحتارۇلىنان وزگە بالالارى ومىردەن وزدى. مۇعاليما اپامىز اكەسى تۋرالى ەستەلىك جازىپ قالدىردى. ءلايلا اۋەزوۆا تاريح عىلىمىنىڭ دوكتورى، دارىندى عالىم بولعان. اكەسىنىڭ شىعارمالارى مەن عىلىمي ەڭبەكتەرىن جيناستىرىپ، مەموريالدى مۇراجايىن اشىپ، ونىڭ دامۋىنا كوپ ەڭبەك سىڭىرگەن جان. ەرنار اۋەزوۆ بۇكىل عۇمىرىندا قازاقستان تابيعاتىن قورعاۋعا قاتىستى. بۇگىنگى كۇنى قالامگەردىڭ ۇلى مۇرات اۋەزوۆ مادەنيەتتانۋشى-عالىم، ديپلومات، مەملەكەت جانە تانىمال قوعام قايراتكەرى رەتىندە قالىپتاستى. مۇحتار اۋەزوۆ ءومىرىنىڭ سوڭىندا ماسكەۋدە كۋنتسەۆسكي اۋرۋحاناسىندا ەمدەلىپ جاتقاندا مۇرات ماسكەۋ ۋنيۆەرسيتەتىنىڭ ستۋدەنتى ەدى. سوندىقتان سوڭعى ساتتەرىندە اكەسىنىڭ جانىندا ەڭ كوپ بولعان ازامات گازەتىمىزدىڭ «اكەسى جاقسى قانداي-دى…» ايدارىندا ەستەلىكتەرىمەن ءبولىستى.

«اكە كورەگەندىگى – قازاقشا ءبىلىم بەرۋ»

اكەمنىڭ ۇلكەن كورەگەندىگى – مەنى قازاق مەكتەبىنە بەرگەنى. العاشقى ءۇشىنشى سىنىپقا دەيىن قازاق مەكتەبىندە وقىعانمىن. ول كەزدە الماتىدا نەبارى ەكى-اق قازاق مەكتەبى بولدى: №18 ۇلدار مەكتەبى، №12 قىزدار مەكتەبى. سول كەزەڭدە بىردە-بىر باستىق «ۇلتشىل» دەگەن اتقا يە بولىپ قالمايىن دەگەن قورقىنىشپەن بالالارىن قازاق مەكتەبىنە بەرمەدى. الايدا قازاق مەكتەبىندە مامانداردىڭ تاپشىلىعىنان ورىس مەكتەبىندە وقيتىن بالالاردان مەنىڭ ءبىلىمىم تومەندەۋ بولدى. سوندىقتان اتا-انام اقىلداسىپ، مەنى ءتورتىنشى سىنىپتان باستاپ ورىس سىنىبىنا اۋىستىرۋعا شەشىم قابىلدادى. ول ءۇشىن اكەم ماعان ارنايى ءمۇعالىم جالداپ، ورىس، اعىلشىن تىلدەرىن جەكە وقىتتى. اكەمنىڭ وسىنداي قامقورلىعىنىڭ ارقاسىندا مەن ءتورتىنشى سىنىپتا ورىسشا وقۋعا ەش قينالماي كىرىسىپ كەتتىم. سونىمەن، كەلەسى جىلى №39 ورىس مەكتەبىنە باردىم.
ءبىز كىشكەنتايىمىزدان تابيعاتقا كوپ شىعاتىنبىز. وزىمەن قاتار الىپ ءجۇردى. ول كىسى بالالارىنىڭ تاربيەسىنە ۇلكەن ءمان بەردى. ۇلكەن اپكەمىز ءلايلا مگۋ-دىڭ ­تاريح فاكۋلتەتىن ءبىتىرىپ، وتە مىقتى عالىم بولدى. «اباي جولى» رومانىنىڭ تاريحي نەگىزدەرى» دەگەن ديسسەرتاتسيا قورعاپ، كىتاپ شىعاردى.
ەرنارىمىز تابيعاتتى وتە قاتتى جاقسى كورۋشى ەدى. وقىعان كىتاپتارىنىڭ ءبارى اڭ-قۇس، تابيعاتقا بايلانىستى بولدى. ول مىلتىقتى، ءوق-دارىنىڭ ءيىسىن جاقسى كورۋشى ەدى. الىستان كورۋگە كوزى دە وتكىر. دۋاداق اتىپ، ارقار اۋلايتىن. ءبىر كۇنى ەرنارمەن بىرگە تاۋعا شىعىپ، سۋىق ءتيىپ قالعانى بار. مۇنىم اكەمە ۇناماي، مەنى دارىگەرگە قاراتتى، تۋبەركۋلەز اۋرۋىنىڭ العاشقى بەلگىلەرى بار ەكەن. ال اكەم تۋبەركۋلەزدىڭ نە ەكەنىن جاقسى بىلگەن، ونىڭ كەيىپكەرلەرىنىڭ كوبى، ابايدىڭ ءابىش، ماعاش بالالارى وسى تۋبەركۋلەزدەن كوز جۇمعان. سوندىقتان بولار مەندە العاشقى بەلگىلەرى بايقالىسىمەن-اق اكەم دەنساۋلىعىما قاتتى ءمان بەردى. تەز ارادا ەمدەتۋگە شەشىم قابىلداپ، انام ەكەۋمىزدى بۋرابايعا جىبەردى. اكەمنىڭ سول كەزدە ماعان جازعان حاتتارى بار. ول حاتتارىندا «كۇزدىگۇنى دالادا كوپ جۇرەتىن قورىقتىق (سونداي قويشىلار ىستەپ ىشەتىن ءسۇت تاماق بولادى، تاتەڭ ايتىپ بەرەر) ءىشىپ، قىزا ءبورتىپ سەمىرەتىن جاس قويشىلار بولادى. ءدال سونداي بوپ كەلسەڭ دەپ كۇتەمىن» دەيتىن.
اكەمىز ماماندىق تاڭداۋعا ۇلكەن ءمان بەردى. مەن №39 مەكتەپتى 1958-59 جىلى ءبىتىردىم. اكەم مەنىمەن ءجيى اڭگىمەلەسەتىن. «كىم بولاسىڭ؟ ويلانايىق، اقىلداسايىق» دەپ وتىراتىن. ول كەزدە استرونوميا ساندە بولاتىن. العاشقىدا استرونوم بولامىن دەپ ءجۇردىم دە، ەمتيحان تاپسىرار كەزدە ويىمدى وزگەرتتىم. ماعان گۋمانيتارلىق سالا جاقىن ەكەنىن، ادەبيەت، تاريح، ­گەوگرافيانى قالايتىنىمدى ءتۇسىندىم. ­ويىمدى اكەمە ايتىپ ەم، ول از-كەم ويلاندى­ دا: «بالام گۋمانيتارلىق سالا جەڭىلدەۋ كورىنۋى مۇمكىن. ءبىراق ول تەڭىز سياقتى تەرەڭ، بويلاساڭ باتىپ كەتۋىڭ مۇمكىن. ونىڭ تولقىندارى بار، ول جەردە­ ءوزىڭدى ەركىن سەزىنۋىڭ كەرەك. سوندا عانا سەن ناعىز مامان بولا الاسىڭ» دەدى. مەن بارىنە دايىن ەكەنىمدى جەتكىزدىم. ماماندىق تاڭدايتىن جىلى ماسكەۋ ۋنيۆەرسيتەتىندە شىعىستانۋ فاكۋلتەتى جاڭادان اشىلعان بولاتىن. ءوزى ارا-تۇرا سول ۋنيۆەرسيتەتتە لەكتسيا وقىپ تۇرۋشى ەدى. وندا قىتاي ءتىلى، اراب ءتىلى، بۇلاردان باسقا كورەي، ۆەتنام تىلدەرى بار ەكەن. سوعان قازاقستاننان بارۋعا ءبىرىنشى رەت مۇمكىندىك تۋدى. اكەمنىڭ تىلەگى اراب ءتىلى بولدى. مەن وسى جەردە ەمتيحاندى جاقسى تاپسىرعانمىن. سول جاققا بارعاندا اراب ءتىلىن وقۋعا بولمايدى دەيدى. اراب تىلىندە وقۋ ءۇشىن مەكتەپتە اعىلشىن تىلىندە وقۋ كەرەك ەكەن، مەن نەمىس تىلىندە وقىعانمىن. سونىمەن مەنى ۆەتنام تىلىنە ۇسىنىپتى. اكەم رەكتورعا حات جىبەرىپ، اراب ءتىلى بولماسا قىتاي تىلىنە اۋىستىرىلسىن دەپ ءوتىنىش ايتىپتى. ماعان «قىتاي تىلىندە قازاقتىڭ تاريحىنا بايلانىستى كوپتەگەن دەرەكتەر بار» دەدى. ويتكەنى 1957 جىلى ءش.ۋاليحانوۆتىڭ ەڭبەكتەرى ءبىرىنشى رەت بەس تومدىق بولىپ شىققان، سوندا شوقاننىڭ قىتايعا بارعانى، ءبارى بار. ول بەس تومدىقتى شىعارۋعا مەنىڭ اپكەم ءلايلا مۇحتارقىزى مەن اكەمىزدىڭ دوسى مارعۇلاننىڭ تىكەلەي قاتىسى بولعان. شىعىستانۋ فاكۋلتەتىن بىتىرگەن سوڭ، اكەم مەنى قىتايدىڭ مىقتى وقۋ ورىندارىنىڭ بىرىنە وقىتۋدى جوسپارلاپ ەدى، وكىنىشكە قاراي، وعان جەتپەي ومىردەن وزدى.

«اۋەزوۆتى «ماناس» جىرى ءۇشىن قۋدالادى»

1957-58 جىلدارى قۋاتتى كەزى، ستالين جانە لەنين سىيلىعىنىڭ لاۋرەاتى بولدى. وزىنە كەڭەس وداعىنىڭ قاي جەرىنەن ساياجاي سالامىن دەسە، ونىڭ تولىق مۇمكىندىگى بولدى. ال مۇحتار اۋەزوۆ قىرعىزدىڭ جەرىن، ىستىقكولدىڭ جاعاسىن تاڭدادى. كۇندەلىگىندە «مەن دۇنيەگە قايتا كەلسەم، وسى جەردى جاقسى كورەتىنىم سونشا، ىستىقكولدىڭ جاعاسىن تاڭدار ەدىم» دەپ جازعان. ول شىنىمەن ىستىقكولدى وتە قاتتى جاقسى كوردى. ءبىز بالا كەزىمىزدەن شولپان اتاعا، قويسارىعا باراتىنبىز. اكەمنىڭ ىستىقكولدىڭ جاعاسىنداعى ­ساياجايىن سالۋعا قىرعىزدىڭ جازۋشىسى،­ قىرعىز مەملەكەتتىك سىيلىعىنىڭ لاۋرەاتى­ تۇگەلباي سىدىقبەكوۆ كومەكتەسكەن. ءبىز الماتىدان ىستىقكولگە بارعاندا ىلعي دا سونىڭ ۇيىنە بىر-ەكى ساعات توقتاپ، قۋىرداعىن جەپ، شايىن ءىشىپ، سودان كەيىن جولدى جالعاستىرۋشى ەدىك. سول كىسى كوپ كومەك جاساپ، تەز ارادا ادەمى، جاقسى، كولگە جاقىن جەردە ءۇي سالىندى.
بارشاڭىزعا ءمالىم، مۇحتار اۋەزوۆ «ماناس» جىرىن ەرەكشە جاقسى كوردى. ونى جاس كەزىنەن زەرتتەپ، 1951 جىلى ۇلى ءبىر دۇربەلەڭنەن قۇتقاردى. ونى ءاربىر قىرعىز بىلەدى. ماسكەۋدەن كوميسسيا كەلىپ، «ماناس» جىرىن «حالىققا قارسى دۇنيە» دەپ تىيىم سالۋعا بەكىنگەندە اكەمىز تاۋەكەل ەتىپ، ماسكەۋلىك كوميسسياعا قارسى شىعادى. «بۇل جىر حالىقتىڭ جىرى، بۇل دۇنيەجۇزىندەگى ەڭ مىقتى ەپوس» دەپ دالەلدەگەن. سوندىقتان سول كەزدە قىرعىزداردىڭ مۇحتاردى سىيلاۋى ۇلكەن ءقاۋىپ بولعان. سوعان قاراماستان قىرعىز جازۋشىلارى اكەممەن جاقسى قارىم-قاتىناستا بولدى.
1952 جىلى كازگۋ-دىڭ فيلولوگيا­ فاكۋلتەتىندەگى لەكتسياسىن تىڭداپ جۇرگەن ستۋدەنتتەر، ولاردىڭ ىشىندە كگب-دا­­ ىستەيتىن سانالى ازاماتتار مۇحتار اۋەزوۆتى قولعا ءتۇسىرىپ، ۇستاپ اكەتۋگە وردەر بارىن ءبىلىپ، ءوزارا اقىلداسىپ، «مۇحاڭا حابار بەرەيىك» دەيدى. ءانۋار ءالىمجانوۆ وسىلاي ايتىپ بەرگەن-دى. اكەمىزدىڭ دوسى قاليبەك قۋانىشباەۆ ول كەزدە جوعارى كەڭەس ­دەپۋتاتى، ول اۋەزوۆتىڭ الماتىدان قاشۋىنا كومەكتەسەدى. ونى ۇستاۋعا بۇيرىقتىڭ بولعانى، اكەمىزدىڭ قاشۋعا ءماجبۇر بولعانىنىڭ جالعىز سەبەبى – ­«ماناس» جىرىن قورعاۋى ەدى. اكەمنىڭ امان قالۋىنا ەرەكشە سەپتىگىن تيگىزگەن – سول كەزدەگى تاجىكستاننىڭ ءبىرىنشى حاتشىسى باباجان عافۋروۆ. ول ستالينگە «مۇحتار اۋەزوۆ ەرەكشە دارىندى جازۋشى، ءسىزدىڭ اتىڭىزداعى سىيلىقتىڭ لاۋرەاتى، ءقازىر وسىنداي قۋعىن باستالىپ جاتىر، ونىڭ امان قالعانى دۇرىس» دەگەندەي وڭ پىكىر بەرگەن.
ۇمىتپاسام، 1957 جىل بولۋ كەرەك، ىستىقكولدەگى ءۇيىمىز ءالى سالىنباعان كەز ەدى. اكەم باۋىرىم ەرنار ەكەۋمىزدى قاسىنان قالدىرماي ەرتىپ جۇرەتىن. ءبىز سۋعا ءجۇزۋدى دە سول ىستىقكولدە ۇيرەندىك. اكەم ءبىزدىڭ ءاربىر قادامىمىزعا، ءتىپتى ءجۇزۋدى ۇيرەنگەنىمىزگە دە قۋاناتىن. سپورتتىق ويىنداردى بىرگە ويناپ، سپورتقا دا باۋلۋشى ەدى. ۇيگە قازاقستاننان، ماسكەۋدەن كوپ قوناق كەلەتىن. بىردە قىرعىزدىڭ ۇلى ­ماناسشىسى ساياقباي قارابالاەۆتىڭ ۇيىندە بولدىق. داستارقان باسىندا قىر­عىزدىڭ ون شاقتى جازۋشىسى بار. ساياقباي اعا «ماناسىن» ورىنداي باستادى. مەن اقىرىن كەلىپ اكەمنىڭ قۇلاعىنا «مەن مىنا قىرعىزشا جىردى ءتۇسىنىپ وتىرمىن» دەدىم. ول بالاشا ءماز بولىپ، ماناسشىنى توقتاتتى دا، جان-جاعىنا ماساتتانا قاراپ، «مەنىڭ ۇلىم قىرعىز تىلىندە ءتۇسىنىپ وتىر» دەدى. كەيىن ويلانىپ قاراسام، ءبىزدى اكەمىز تۇر­كىشىلدىككە تاربيەلەپ، سانامىزعا جاق­سى دۇنيەنى عانا سىڭىرۋگە تىرىسقان ەكەن.

«سوڭعى كۇندەرىندە  جانىندا بولدىم…»

1961 جىلى اكەمىز ەلىمىزدىڭ وڭتۇستىك وڭىرىنە ساپارلاپ كەلىپ، الماتىعا جەتكەندە­ دەنساۋلىعى سىر بەرگەنىن بايقايدى. الماتىلىق دارىگەرلەر اسقازان اۋرۋى اسقىنىپ كەتىپتى دەپ، ماسكەۋ قالاسىندا قارالۋعا ءجون سىلتەيدى. وسى جىلدىڭ ­مامىر ايىندا ماسكەۋگە كەلىپ، قوناقۇيدە باس قوستىق. ول كەزدە ماسكەۋ ۋنيۆەرسيتەتى شىعىستانۋ فاكۋلتەتىنىڭ ەكىنشى كۋرس ستۋدەنتى ەدىم. فيلوسوفيانى،­ گەگەلدى وقىپ جۇرگەن كەزىم عوي. سول كەزدە اكەمە وسى تاقىرىپتار بويىنشا بىلگەنىمدى ايتقانىم بار. سوندا ونىڭ «مىنە، ­بالاممەن فيلوسوفيا تۋرالى اڭگىمەلەسىپ وتىرمىز» دەپ قوناقۇيگە كەلگەن دوستارىنا ايتىپ، ەرەكشە اسەرلەنگەنى ەسىمدە. كەيىن ماۋسىم ايىندا اۋرۋحاناعا جاتتى. جازعى ەمتيحاننىڭ باستالعان كەزى. اكەم ماعان ارنايى اقشا ءبولىپ، «سەن ماعان اۋرۋحاناعا كۇندە كەلىپ تۇراسىڭ» دەدى. ءبىز ونىڭ اۋرۋى سونشالىقتى اۋىر جانە الداعى ۋاقىتتا قانداي دا ءبىر ماسەلە ­بولادى دەپ ويلامادىق. دارىگەرلەر دە وتادان سوڭ اسقازانى قالىپقا كەلەدى دەپ سەندىرگەن بولاتىن. مەنى كۇندە شاقىرتۋىنىڭ سەبەبى دە بار. ءوزى الماتىداعى جازۋشىلارعا، ادەبيەتشىلەرگە حات جازادى. ونىڭ ىشىندە سول كەزدە ەندى كەڭ تانىلىپ كەلە جاتقان تاحاۋي احتانوۆقا، ءابدىجامىل نۇرپەيىسوۆكە جازعان حاتتارى ەسىمدە. مەن اكەم جازعان حاتتاردى قالاعا اكەلىپ، كورسەتىلگەن مەكەنجاي بويىنشا الماتىعا جونەلتەمىن.
اكەمنىڭ سوڭعى تاپسىرماسى ەلگە بارۋ ەدى. «سەن ەمتيحاندارىڭدى بىتىرگەن سوڭ، ەلگە باراسىڭ. مەن تۋعان جەردى ارالاپ، قاراۋىل، جيدەباي، شىڭعىستاۋدى كورىپ كەلەسىڭ. سوسىن ەكەۋمىز شولپان اتادا كەزدەسەمىز» دەدى. ول ماعان سەمەي جاققا بارعاندا كورگەن-بىلگەنىمنىڭ ءبارىن كۇندەلىك ەتىپ جازىپ ءجۇرۋىمدى تاپسىردى. ول كەزدە يادرولىق سىناقتارعا قاتىستى، ەلدىڭ جاعدايى قيىن ەكەنى تۋرالى اكەمە كوپتەگەن حات كەلەتىن. «سونىڭ ءبارىن كوزبەن كورىپ، قالامىڭمەن قاعازعا ءتۇسىر، ىستىقكولدىڭ جاعاسىندا كەزدەسكەندە وقىپ بەرەسىڭ» دەدى. ارينە، ونىڭ باسقا جولدارمەن دە اقپارات الۋعا مۇمكىندىگى بولدى. دەگەنمەن، ول مەنى ەل-جەردى كورسىن، ءبىلسىن، ساناسىنا ءسىڭسىن دەگەن ەكەن. ءبىز مۇنى كەيىن تۇسىندىك قوي.
مەنى اماناتتاپ، 25 ماۋسىم كۇنى ­كامەن ورازالينگە حات جازدى. بۇل ونىڭ تۋعان جەرىنە جازعان حاتى، قولىنا سوڭعى رەت قالام ۇستاعانى ەكەن. 26 ماۋسىم كۇنى ەشكىمدى كىرگىزبەي، ونى وتاعا دايىندادى. 27 ماۋسىم كۇنى وتا ۇستەلىندە 63 جاسىندا قايتىس بولدى.
كەيىن ماسكەۋدەگى شىعىستانۋشى­لاردىڭ ءبىرازى، ىرىلەرى مەن مىقتىلارى اكەمنىڭ دوستارى ەدى. ماعان وڭ كوزقاراسپەن قارادى. 1965 جىلى وقۋدى بىتىرگەندە ازيا-افريكا ينستيتۋتىنىڭ ديرەكتورى، عالىم، اكادەميك باباجان عافۋروۆ قىتاي ءتىلى بولىمىنە تاعىلىمداماعا الدى. ­سودان كەيىن مەنىڭ قىتايشام جاقسارىپ، ماقالالار، قىتاي ادەبيەتىنە تالداۋ دەگەن سياقتى ەڭبەكتەر جازا باستادىم. ول قىتاي مەن كەڭەس وداعى قاتىناستارى شيەلەنىسىپ بارا جاتقان كەز ەدى.

«جاس تۇلپار» تۋرالى…

1963 جىلدان باستاپ «جاس تۇلپار» ۇيىمىنىڭ باسى-قاسىندا ءجۇردىم. ونى اكەمنىڭ وسيەتى دەپ ءتۇسىندىم. ويتكەنى ونىڭ ەلگە بارىپ كەلەسىڭ، جاعدايىن بىلەسىڭ ­دەگەندەي ويلارى باسىمنان شىقپادى. ­سودان كەيىن بەلگىلى ازاماتتارمەن تانىسىپ،­ دوستاس بولىپ، «جاس تۇلپار» دەگەن ۇيىم قۇردىق. بۇل ەندى ءومىر ­جولىنا باعدار دەۋگە بولادى. دۇنيەجۇزىلىك ادەبيەت ينستيتۋتىندا اسپيرانتۋرادا وقي ءجۇرىپ، «جاس تۇلپار» ۇيىمىمەن اينالىستىق. قازاقستانعا بارىپ كەلسەك، ناقتى جاعدايدى بىلسەك، نە بولىپ جاتىر ەكەن دەستىك. ەندى وعان قاراجات كەرەك. بۇكىلوداقتىق كومسومول ورتالىق كوميتەتى اتىنان قازاقستانعا باردىق. ول كەزدە ۋاقىتتىڭ ءوزى ۇلتتار مەن ۇلىستارعا سەرپىن بەرىپ، وسىنداي ۇيىم قۇرۋعا ماجبۇرلەپ، ىنتالاندىرىپ تۇرعانداي ەدى. ماسكەۋدە، كەڭەس وداعىنىڭ كەڭىستىگىندە ءبىراز وزگەرىستەر ءجۇرىپ جاتقان. «جاس تۇلپار» قاناتىن كەڭگە جايا بەردى. جان-جاقتاعى قازاق ستۋدەنتتەرى عانا ەمەس، اسپيرانتتارى، باسقالارى قوسىلا باستادى. وسىلايشا ەڭ العاش سول جىلى جامبىل وبلىسىنا باردىق. ءبىر-بىرىمىزدى ماسكەۋدە تانىپ، ۇيىرلەسە باستاعان كەزىمىز. ماقاش ءتاتىموۆتىڭ اكەسى رەپرەسسياعا ۇشىراعان، ءوزى قازاق مەكتەبىن بىتىرگەن. سونداي سانالى جاس جىگىت. ەڭ ءبىرىنشى بولىپ اشارشىلىق پەن دەموگرافيا تاقىرىبىنا ۇڭىلگەن وسى ماقاش بولدى. سونىمەن، «جاس تۇلپار» ۇلكەن قوعامدىق قوزعالىسقا اينالدى. اسپيرانتتار جۇيەلى تۇردە لەكتسيالار وقىپ، قازاقتىڭ تاريحىنان بىلەتىنىن ءبولىستى، ويتكەنى بىزگە جاڭا تاريح كەرەك بولدى. ءبىزدىڭ تۇسىنىگىمىزدە بۇرىنعى تاريح وتارشىل ساياساتتىڭ جەمىسى ەدى. سەرجان اقىنجانوۆ وتىرار تۋرالى ايتىپ بەرگەن، التاي امانجولوۆ كونە تۇركىلەر تۋرالى زەرتتەۋلەر جۇرگىزدى. ءبىز ءبىرىنشى تىڭداۋشى بولدىق. ول كەزدە تىڭ ولكەسىندە ءبىر عانا قازاق گازەتى بولدى، ونىڭ ءوزى ورىس تىلىنەن سوزبە-سوز اۋدارما. مىنە، سوندايلارعا «جاس تۇلپار» قارسى شىقتى.

جازىپ العان
اقبوتا مۇسابەكقىزى


كەلۋ قاينارى: http://www.elarna.net/koru.php?tur=9&id=1066454

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ءتىلازار بالانى جازالاۋ 4 سەكوند
ەلوردادا وتكەن فورۋمدا 11 سەكوند
كوفەين ءسىز ويلاعانداي 3 مينوت
الەم كۇتكەن رەيۋنيون: " 5 مينوت
وتاندىق بوكسشىلار ازيا 5 مينوت
قاپشاعاي قالاسىنىڭ اكىم 5 مينوت
ماقتاارالدىق جاستارعا « 15 مينوت
"ادەمى ايتىلعا 15 مينوت
اعاجاي التاي تورى 15 مينوت
تۇركىستان وبلىسىندا كول 15 مينوت
قىرعىزستاندا قازاقستان 15 مينوت
ءتۇزىم نەگىزىن بەكەمدەپ 15 مينوت
داريعا نازارباەۆا: جاست 15 مينوت
وسى ارانى باسىپ كورىڭىز 15 مينوت
جابايى قوقىس الاڭدارى ج 24 مينوت
قاجىلىققا قامدانعاندار 25 مينوت
پەرۋاشەۆ: "حالىق ۇ 25 مينوت
اقتوبە وبلىسىنىڭ اكىمى 27 مينوت
Muslim.kz پورتالى ء«ماۋ 1 ساعات
توي – قازىنا ەدى، ءبىرا 1 ساعات
ورازالين اقتوبەدە قۋراپ 1 ساعات
اعاجاي التاي تورى 1 ساعات
اۆتونوميالى وبلىس عىلىم 1 ساعات
دوساەۆ ەاەو-دا ورتاق ۆا 1 ساعات
ەلىمىزدەگى جولداردىڭ جا 1 ساعات
ەلىمىزدىڭ دۇنيە جۇزىلىك 1 ساعات
ءبىزدىڭ قوعامدى ءتۇسىنۋ 1 ساعات
2019-جىلى 11-ايدىڭ 1- 1 ساعات
وزبەكستاندا تۋعان قازاق 1 ساعات
جاباي نۇرماقۇلى: «جەتى 1 ساعات