ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 12:49 - 2019/10/31

Нақты Көзі: http://anatili.kazgazeta.kz/?p=55125


جۋىردا الماتى قالاسىندا «Kazakhstan Education Fair 2019» شەتەلدىك جانە قازاقستاندىق ۋنيۆەرسيتەتتەردىڭ كورمەسى ءوتتى. NOVA Education كومپانياسى ۇيىمداستىرعان كورمەدە باكالاۆريات، ماگيستراتۋرا، دوكتورانتۋرا (PhD)، شەتەلدىك وقۋ ورىندارىنا تۇسۋگە ارنالعان دايىندىق پەن بىلىكتىلىكتى ارتتىرۋ كۋرستارى، سەمينار، ترەنينگ، كادر دايىنداۋ جانە قايتا دايارلاۋ باعىتتارى بويىنشا شەتەلدىك جانە وتاندىق جوعارى وقۋ ورىندارىنىڭ جاڭا وقۋ باعدارلامالارىن ۇسىندى. حالىقارالىق «Kazakhstan Education Fair 2019» ءبىلىم كورمەسىنە قازاقستانمەن قاتار، اقش، گەرمانيا، گونكونگ، قىتاي، وڭتۇستىك كورەيا، پولشا، رەسەي جانە ۇلىبريتانيانىڭ الدىڭعى قاتارلى ۋنيۆەرسيتەتتەرى قاتىسىپ، 40-تان استام جوعارى وقۋ ورنى ءوز ستەندتەرىن ۇسىنعان. 

الدىمەن ءار وقۋ ورنىن ارالاپ، ءوزىن مازالاعان سۇراقتارعا جاۋاپ ىزدەپ جۇرگەن وقۋشىعا كوزىمىز ءتۇستى. اڭگىمەگە تارتىپ ەدىك، ءوزىن ابىلاي بايرامتەگى دەپ تانىستىردى. «مەن سۇلەيمەن ­دەميرەل اتىنداعى قازاق-تۇرىك ليتسەيىندە وقيمىن. مۇندا سىنىپتاستارىممەن، سىنىپ جەتەكشىممەن بىرگە كەلدىم. ءبىلىم كورمەسىندە تاڭداۋ وتە كوپ ەكەن. ادەمى جىلتىراق زات كورگەندەي باسىمىز اينالىپ قالدى. مەن اەروناۆتيكا-ينجەنەر نەمەسە كوسموناۆتيكا-ينجەنەر ماماندىعىن تاڭداپ وتىرمىن. ءبىلىم كورمەسىنە كەلىپ، بۇل ماماندىق گونكونگ مەن ­كانادا مەملەكەتتەرىندە تەرەڭ ءارى جاقسى وقىتىلاتىنىن ءبىلدىم. ­تالاپتارى مەن ەمتيحاندارى وتە قاتال ەكەن. وقۋ ورنىن ءالى تاڭدامادىم، ەڭ باستىسى مەن قايدا جانە قالاي دايىندالاتىنىمدى ءتۇسىندىم» دەيدى ابىلاي.
كورمەدە وقۋشىلارعا بار بىلگەنىن ءتۇسىندىرىپ، تاجىريبەسىمەن ءبولىسىپ جۇرگەن ستۋدەنتتەر دە از ەمەس. ولاردىڭ قاتارىندا ءادىلجان نارىك تە بار. ول گونكونگ ۋنيۆەرسيتەتىندە بيزنەس ەكونوميكا ماماندىعىندا وقيدى. ءادىلجان دا بىلتىر ءدال وسى كورمەگە كەلىپ، ءوز ارمانىنا قانات ءبىتىرىپ قايتقان. «مەن ەلورداداعى نازارباەۆ مەكتەبىنىڭ تۇلەگىمىن. بىلتىر ءبىلىم كورمەسىنە قاتىسىپ، ءوز جولىمدى تاپتىم. كورمەنىڭ جانە مەكتەبىمنىڭ قولداۋىمەن قۇجاتتارىمدى جيناپ، ەمتيحانىما دايىندالىپ، تولىق گرانتقا يە بولدىم. مۇنداي كورمەلەردىڭ ءجيى ءوتۋى وتە ماڭىزدى. سەبەبى مەكتەپتى جاڭا ءبىتىرىپ جاتقان بالالار قاي جاقتا قانداي مۇمكىندىك بارىن بىلە بەرمەيدى. سوندىقتان جول كورسەتىپ، ءجون سىلتەيتىن مۇنداي شارالاردىڭ ماڭىزى زور دەپ ويلايمىن. گونكونگ – مۇمكىندىكتەردىڭ قالاسى. ماسەلەن، «گونكونگ – دۇنيەجۇزىلىك ەكونوميكالىق ورتالىق» دەيدى، مەنىڭ تاڭداعان ماماندىعىم بيزنەس ەكونوميكا بولعاندىقتان، دۇرىس تاڭداۋ جاسادىم دەپ ويلايمىن. سوندا ءتورت جىل وقىپ، ول جاقتىڭ ەكونوميكا سالا­سىنداعى بارلىق اسپەكتىلەرىن ءبىلىپ، ۇيرەنىپ، ءتۇيسىنىپ، سول مۇمكىندىكتەردى ءوزىمىزدىڭ ەلگە ەندىرۋ – باستى ماقساتىم» دەدى ول.
ءبىز وسى ورايدا «Kazakhstan Edu­cation Fair 2019» حالىقارالىق ءبىلىم كورمەسىن ۇيىمداستىرۋشى NOVA Education كوم­پانياسىنىڭ ديرەكتورى ەردەن ­شايماردانمەن اڭگىمەلەسىپ، ءبىراز جايتقا قانىق بولدىق. ايتۋىنشا،­ وقۋشىلاردىڭ كوبىنە تاڭدايتىنى – امەريكا، كانادا،­ ­­انگليا.­ ءبىراق بۇل مەملەكەتتەرگە اركىمنىڭ قالتاسى كوتەرە بەرمەيدى ەكەن.
– سوڭعى ۋاقىتتا وقۋشىلار پولشا،­ چەحيا مەملەكەتتەرىنىڭ جوعارى وقۋ ورىندارىنا قىزىعۋشىلىق تانىتۋدا. سەبەبى ءتىلى جەڭىل، تەز ۇيرەنۋگە مۇمكىندىك بار. وقۋ اقىسى دا قازاقستانمەن سايكەس كەلەدى. سونىمەن قاتار وڭتۇستىك كورەيا مەن گونكونگ مەملەكەتتەرىندە ءبىلىم الۋعا كوپ مۇمكىندىك جاسالىپ ­جاتىر. ولاردىڭ ۋنيۆەرسيتەتتەرى وتە ساپالى،­ رەيتينگتەرى جوعارى، بارلىق سالا اعىلشىن تىلىندە وقىتىلادى. ءبىزدىڭ گرانت يەگەرلەرى سول جاققا كوپ بارادى. سوڭعى كەزدە – ءقوناقۇي بيزنەسى مەن تۋريزم سالاسى سۇرانىسقا يە. بارىڭىزگە بەلگىلى، ءبىزدىڭ ەلدە تۋريزمگە ەرەكشە كوڭىل بولىنۋدە. بۇل ماماندىقتى وقۋ ءۇشىن جاستار كوبىنەسە شۆەيتسارياعا ­بارادى. ال ەمتيحان جاعىنا كەلسەك، كەيبىر ەلدەردە ۇبت-مەن قابىلدايدى. مىسالى، گونكونگ ۇبت-مەن ەسەپتەلەدى. ارينە، الدىمەن ءتىل، سودان كەيىن ۇبت. دەگەنمەن، ۇبت-دا 130 بالدان جوعارى الۋعا ءتيىس. تالاپتارى وتە جوعارى، اعىلشىن ءتىلىنىڭ دەڭگەيى IELTS ەمتيحانىنىڭ بالى 6،5-نان جوعارى بولۋ كەرەك، – دەيدى ە.شايماردان.
«مەكتەپتى جاڭا بىتىرگەن جاس ­بالانى بىردەن شەتەلگە جىبەرۋ دۇرىس پا؟ ونىڭ كەرى اسەرى جوق پا؟» دەگەن ساۋالىمىزعا ول بىلاي دەپ جاۋاپ بەردى: ء«بىز بالا وقۋعا تاپسىراردا، اتا-انالارىمەن، مەكتەپتەگى مۇعالىمدەرىمەن اقىلداسامىز. نەگىزى ءار بالا شەتەلگە بارۋعا دايىن بولا بەرمەيدى. وندايدا بالا وزىنە جاۋاپ بەرە الاتىن، ءوزىنىڭ الەمدىك كوزقاراسى قالىپتاسقان بولۋ كەرەك. قۇندىلىقتاردى ءبىلۋ ­كەرەك. ەشقاشان ۇيدەن شىقپاعان بوزبالانى بىردەن شەتەلگە جىبەرۋگە ءوز باسىم قارسىمىن. كەيبىر اتا-انالار جىبەرەمىن دەپ كەلەدى، ال بالاسىمەن، مۇعالىمدەرىمەن سويلەسسەك، بالا دايىن ەمەس. قاراپايىم عانا مىسال، بارعان سوڭ ءوزى تاماق ىستەي المايدى، شەتەلدە ءارتۇرلى مادەني وزگەرىستەرگە ۇشىراعاندا بالانىڭ ويى، ساناسى وزگەرۋى مۇمكىن. سول ءۇشىن ءبىز بالالار وسى جاقتا، اسىرەسە قىز بالالار كوبىنەسە قازاقستاندا جوعارى ءبىلىم السىن، ماگيستراتۋراعا باراتىن كەزدە شەتەلگە بارسىن دەپ كەڭەس بەرەمىز. ءبىر بالالار پىسىق، ەرتە جەتىلگەن بولادى، ينتەرناتتا ءومىر سۇرگەن، ۇيىنەن الىس تۇرعان، ونداي بالالار شەتەلدە وقۋعا دايىن بولىپ كەلەدى. كەيبىر ەلدەردە 18-گە تولماعان بالانى قابىلدامايدى. مىسالى، ۆەنگريا مەملەكەتى 18-گە تولعاننان كەيىن عانا قابىلدايدى».
بىلىكتى باسشى قازىرگى تاڭداعى ءتيىمدى سانالاتىن ماماندىقتار جونىندە دە ءوز ويىمەن ءبولىستى. ءىت، كومپيۋتەر، تەحنولوگيا، قارجى سالالارىن، ­سون­داي-اق «education management» سىندى­ ءبىلىمدى باسقارۋعا، ۇيىمداستىرۋعا ۇيرەتەتىن ماماندىق تۇرلەرىن ەرەكشە اتادى. بۇگىندە قازاقستاندا بىلىمگە كوپ ­ينۆەستيتسيا سالىنىپ، قاراجات ءبولىنىپ، جاڭادان مەكتەپتەر مەن ۋنيۆەرسيتەتتەر اشىلىپ جاتقانىن، جاستار بىرنەشە ءتىلدى ساپالى يگەرەتىن بولسا، مۇمكىندىك مول ەكەنىن ايتتى.

اقبوتا مۇسابەك


كەلۋ قاينارى: http://www.elarna.net/koru.php?tur=9&id=1066449

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەلىمىز پاندەميامەن كۇرە 2 مينوت
پاۆلوداردا اسكەري انت ا 8 مينوت
باس شۋجي شي جينپيڭنىڭ م 9 مينوت
ەلىمىزدە كوروناۆيرۋس جۇ 9 مينوت
اۆتونوميالى رايوننىڭ وق 9 مينوت
قازاقستاندا كوروناۆيرۋس 9 مينوت
بالقاشتا «نۇرلى جەر» با 11 مينوت
كانادەتس پريزىۆال ۋنيچت 14 مينوت
وتكەن تاۋلىكتە 2097 ادا 14 مينوت
3 اي ىشىندە كوروناۆيرۋس 14 مينوت
ەپيدەميولوگيالىق جاعداي 17 مينوت
پاۆلوداردا WhatsApp ارق 19 مينوت
قر يدم قالالىق اۆتوبۋس 23 مينوت
15 شىلدە - ەلوردادا اۋق 26 مينوت
ابايدىڭ ءۇش اۋىزدى اڭشى 28 مينوت
تۋرتسيا وتپراۆيلا ۆ كاز 29 مينوت
اۆتونوميالى رايوندىق 13 29 مينوت
تەكەلى قالاسىنا سانيتار 29 مينوت
حولەستەريندى تۇسىرەتىن 29 مينوت
مەملەكەتتىك سارى الاپات 29 مينوت
ءتۇزىم سەنىمىن بەكەمدەپ 29 مينوت
بىلەم بەرۋ گرانتىنا تاع 1 ساعات
رەيد: ەلوردادا كارانتين 1 ساعات
ەلوردادا حالىق كوپ جينا 1 ساعات
بەلارۋسيادا شەرۋگە شىقق 1 ساعات
باقىتجان ساعىنتاەۆ: «جا 1 ساعات
ەلوردادا كارانتين تالاپ 1 ساعات
ەلىمىزدە بارلىعى 38 008 1 ساعات
ەكونوميكانىڭ جوعارى ساپ 1 ساعات
جوعارى مەكتەپتەر جۇمىست 1 ساعات