ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133542547566 %34 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 11:14 - 2019/10/31


قازاق مەملەكەتتىك اكادەميالىق بالالار مەن جاسوسپىرىمدەر تەاترىندامىز. رەجيسسەر جۇلدىزبەك جۇمانباي «قابىرعاداعى ساعاتقا قاراۋدى ۇمىتتىڭىز… باسقا ەسىكتەن شىعىپ كەتتىڭىز عوي» دەپ، دايىندىقتا جۇرگەندەرگە جالىقپاي قايتالايدى، اكتەرلەردىڭ قيمىل-ارەكەتىنە كەيدە كوڭىلى تولعانداي باس يزەپ، كەيدە ورنىنان اتىپ تۇرىپ، ولاردىڭ جانىنا جەتىپ بارىپ، ءوزى قوسا ويناي جونەلەدى. ال ءبىزدىڭ كەيىپكەر – سالقىنقاندى، سابىرلى. رەجيسسەردىڭ ەسكەرتپەلەرىنە ءۇنسىز عانا باس يزەپ، ءوزىنىڭ ءرولىن ىشتەي جۇپتاپ تۇرعانى بايقالادى. ويناۋى كەرەك كەزدە ءجۇزى كۇرت وزگەرىپ، باسقا ءبىر كەيىپكە ەنە تۇسەدى… بۇل ساحنا تالاي تالانتتاردى باپتاعان ورىن عوي. قازاق تەاترىنداعى ەڭ ءبىر تالانتتى دەگەن رەجيسسەرلەردىڭ، اكتەرلەردىڭ ۇستاحاناسى، قۇتحاناسىنا اينالعان مەكەن. ءبىزدىڭ كەيىپكەردىڭ دە بۇل ساحنادا جۇرگەنىنە شيرەك عاسىر. ستۋدەنت شاعىندا رايىمبەك سەيتمەتوۆتىڭ شاقىرتۋىمەن جانە ءوزىنىڭ اسقاق ارمانىن جۇرەگىندە ايالاپ، وسى شاڭىراققا ەنگەن، ەردىڭ جاسىنا جەتكەن جومارت زەينابىل تۋرالى بىزدەن بىرەر ءسوز…

داريادا تۋعان ۇل

قىزىلوردانىڭ شاڭداۋىت، قۇمدى ولكەسى قىسى-جازى رەڭكىن كوپ وزگەرتە قويمايدى. بۇل ماڭداعى جۇرت ­سىرىن ەمىپ، جىرىن تىڭداپ، قوڭىرقاي تىرلىگىن كەشىپ، ءبىر بوياۋلى قالپىنان كوپ اۋىتقىماي كەلە جاتقان ءومىردىڭ ۇزىن-سونار جولىندا ءدۇنياعا تاعى ءبىر ۇل كەلدى ەكەن دەپ ۇلان-اسىر توي تويلاي قويماعان دا شىعار-اۋ! سىردى بويلاي وتكەن سالعا اناسىنىڭ تابانى تيە سالا جارىق دۇنيەگە ۇمتىلعان شاقالاقتىڭ وزەن ۇستىندە جارىق الەمگە ەنگەنى عانا كوپشىلىكتىڭ ەسىندە قالعانى انىق. ارادا ءبىراز جىل ءوتىپ، داريادا تۋعان ۇلدىڭ اجالدان قاشىپ، داريانى مەكەندەيتىن قورقىتتىڭ كەيپىن سومداپ، بەينەسىن كوپشىلىككە جەتكىزەرىن بۇل ماڭنىڭ ادامى بىلاي تۇرسىن، الگى بالانى ومىرگە اكەلگەن انانىڭ ءوزى دە بولجاپ بىلمەگەن شىعار. حوش، ول جايىنداعى اڭگىمەگە كەيىن ورالامىز…
قازاق اۋىلى ءۇشىن از دا ەمەس، كوپ تە ەمەس، ءۇپىر-شۇپىر بالانىڭ ءىزىن الا دۇنيەگە كەلگەن ۇلعا اكەسى وزگە پەرزەنتتەرىنىڭ ەسىمىنە ۇيقاستىرىپ، جومارت دەپ ات قويىپتى. ول زاماننىڭ بالالارىنىڭ ءبارى بىردەي كىتاپ وقىپ كەتپەسە دە، كوپشىلىگى جازۋ-سىزۋدى قۇرمەت تۇتقانى انىق. بالا جومارت تا كىشكەنەسىنەن سول قاتاردان كورىنگەن ەكەن. ءبىراق ءبىر ەرەكشەلىگى، وزگەلەر جاڭا زاماننىڭ كەلبەتىن كورسەتەر كىتاپقا قۇمارتسا، ءبىزدىڭ جومارت «ەر تارعىن»، «قامبار باتىر»، «رۇستەم-داستان»، «شاحناما»، ء«زايتۇن-قارلىعاش»… دەپ تىزبەكتەلگەن كىلەڭ قيسسالاردان باس المايتىن. ونىڭ قۇرداستارى «يۋنىي تەحنيك»، «مادەنيەت جانە تۇرمىس» سىندى جۋرنالداردى قۇمارتا «كەمىرىپ» جۇرگەندە جومارت «جاڭا فيلم» باسىلىمىن اسىعا كۇتەتىن. جىل سايىن كسرو كەڭىستىگىندەگى تانىمال اكتەرلەردىڭ سۋرەتى باسىلعان وتكرىتكالار جيىنتىعى شىعادى. جومارت سول جيىنتىقتاردى جيناۋمەن اۋەستەندى. ءار اكتەردىڭ سان قىرلى كەلبەتىنە ءۇڭىلىپ، ولاردىڭ سۋرەتتە بەينەلەنگەن قاس-قاعىم ساتتىك قيمىلىنا قاراپ، سولارداي بولۋعا ۇمتىلدى. مۇنىڭ ءبارى جاس بالانىڭ بويىندا اكتەرلىككە، ونەرگە دەگەن قۇشتارلىقتى وياتقانى انىق. مەكتەپىشىلىك مەرەكەلىك ءىس-شارالاردا وزىنە بەرىلگەن ءرولدى قۋانا ويناپ شىعاتىن بالا دا وسى – جومارت ەدى. وقۋشىسىنىڭ ونەرگە دەگەن قۇشتارلىعىن بايقاعان ادەبيەت ءپانىنىڭ ۇستازى گۇلقاديشا ­نىسانباەۆا تالانتتى شاكىرتتەرىنىڭ ­باسىن قوسىپ، ءسابيت مۇقانوۆتىڭ «شوقان» پەساسىن ساحنالاماق بولادى. جومارتقا شوقان ءۋاليحانوۆتىڭ ءرولى بۇيىرادى. باسقا ءبىر ءمۇعالىم ءىى الەكساندر پاتشانى سومداماق ەكەن. گۇلقاديشا اپايى ۇلكەن قالادان راديوسپەكتاكل جازىلعان پلاستينكا الدىرتىپ، وقۋشىسىنا سىيلايدى. مىنە، بالا ­جومارت الگى پلاستينكانىڭ قاسىندا وتىرىپ الىپ، شوقان ءرولىن جاقسىلاپ جاتتايدى. سول ارادا جومارتتىڭ ءرولى اۋىسىپ، ول ەندى شوقاندى ەمەس، ءىى الەكساندردى سومداۋى كەرەك. شوقان رولىندە – مەكتەپتەس دوسى، «وسكەن ءوڭىر» گازەتىنىڭ باس ­رەداكتورى بولعان زاكىم جايلىبايدىڭ ۇلى ەرلان قالماعامبەتوۆ. ەندى رولگە ەكەۋى بىرگە دايىندالا باستايدى. بالا جومارت سپەكتاكل سوڭىندا ­داۋسىن جۋانداتىپ، ءىى الەكساندر كەيپىندە سوزىلىڭقى ۇنمەن: «ساۋ بولىڭىز، روتميستر! قىرعىز-قايساقتان شىققان سپارتاك!» دەپ اياقتايتىن تۇسىن قويىلىمدى تاماشالاعان بالالار تۇگەل جاتتاپ الىپ، ءبىرازعا دەيىن ايتىپ جۇرەدى. كەيىن وقۋعا تۇسكەن سوڭ، ءوزىنىڭ بالا كۇنىندە ابدەن تىڭداپ، جاتتاپ العان راديوسپەكتاكلدەگى ءىى الەكساندردىڭ ءرولىن ۇستازى نۇرقانات جاقىپباەۆ، ال شوقاندى رايىمبەك سەيتمەتوۆ وقىعانىن بىلەدى…
اۋىلدىڭ ۇياڭ بالاسى ونەر اكادەمياسىنا وقۋعا كەلگەنىمەن، بىردەن تۇسە المايدى. سول ۋاقىتتا شاكىرتتەر قابىلداپ وتىرعان مامان، قر ەڭبەك سىڭىرگەن قايراتكەرى، پروفەسسور ءرابيعا مۇقايقىزى قانىباەۆا: «بالام، ونەرگە لايىق-اق بالا ەكەنسىڭ! الايدا جاستىعىڭ كوزگە انىق بايقالادى. ەرتەڭ سەنى اسكەرگە الىپ كەتەدى عوي. سودان كەيىن وقۋعا ءبىرجولاتا كەل. بىردەن ماعان جولىق. ءوزىم قابىلداماسام دا، كۋرستى قابىلداپ جاتقان ۇستازعا ايتىپ، سەنى وقۋعا الدىرتام» دەپ، شىعارىپ سالادى. الايدا اۋىلىنا بارا سالا، ەشكىم اسكەرگە الا قويماي، ءبىر جىلداي اۋداندىق مادەنيەت بولىمىندە اۆتوكلۋب مەڭگەرۋشىسى بولادى. سول جەردە ءجۇرىپ شيەلى اۋداندىق تەاترى ۇيىمداسىپ، ءتۇرلى قويىلىمدار قويىپ جۇرگەنىن ءبىلىپ، ءوزى دە ەپتەپ رولدەر ويناي باستايدى. رەجيسسەر ءامينا تاسبولاتوۆا قويعان باكىر تاجىباەۆتىڭ «باتاقتىڭ سارىسى» قويىلىمىندا مىرزاعۇل بايدىڭ ءرولىن سومدايدى. مىنە، ءدال وسى قويىلىممەن اۋداندىق ونەر ۇجىمى «حالىق تەاترى» اتاعىندا باعىن سىنايدى. ارنايى كوميسسيا كەلىپ، قويىلىمدى تاماشالاپ كەتكەن سوڭ، جىگىت جومارت اسكەرگە اتتانادى. سول جاقتا جۇرگەندە «حالىق تەاترى» اتاندىق» دەگەن تىلدەي حات سوڭىنان قۋىپ جەتىپ، بالاداي قۋانعانى دا انىق ەسىندە…

سىن شاقتا

ارادا ءتورت جىل زىمىراپ وتە شىقتى. اكەسى اتەن داڭقتى عالىم، اكادەميك شاحماردان ەسەنوۆتىڭ تۋعان بولەسى. ۇلىن الماتىعا، ءدال سول اكادەميكتىڭ شاڭىراعىنا جەتەلەپ بارىپ، بالاسىن وقۋ ورنىنا تۇسىرمەك بولادى. ارينە، ونەر اكادەمياسىنا ەمەس. ءبىراق اكتەرلىك وقۋدى اڭساعان جومارت تاعى ءبىر مارتە باعىن سىناپ كورگىسى كەلىپ، ۇلكەندەردىڭ الدىنان وتەدى: «وقۋعا وسى جولى تۇسە الماسام، وزدەرىڭىز ايتقان وقۋ ورنىنا ­بارايىن» دەيدى جاس جىگىت. سونىمەن،­ قايتادان ­تەاتر، قايتادان دايىندىق. ءرابيعا قانىباەۆا سوناۋ جىلى قابىلداعان كۋرسىن قاناتتاندىرىپ، قايتادان شاكىرت ­قا­بىل­داپ جاتقان كەزگە تۋرا كەلگەنىن ايتساڭىزشى! تالاپكەر ءوزى جاتتاعان ولەڭىن زۋىلداپ ايتىپ جاتىر. ءرابيعا اپاي جاس بالانىڭ تۇرىنە باجايلاپ قاراپ الىپ:
– فاميلياڭ كىم؟ – دەپ سۇرايدى.
– زەينابىلوۆ…
– ءوزىڭدى ءبىر جەردە كورگەن سياق­تىمىن…
ۇياڭدىعىنان ءالى دە ارىلا قويماعان تالاپكەر ءتورت جىل بۇرىن ءوزى «قايتىپ كەلسەڭ، وقۋعا الامىن» دەپ شىعارىپ سالعان بالا ەكەنىن ايتقان جوق.
كەلەسى كۇنى ءدال سول اڭگىمە.
– سەن بالا، بىلتىر كەلىپ پە ەدىڭ؟
– جوق، بىلتىر كەلگەن ەمەسپىن…
– قاي جەردىڭ بالاسىسىڭ؟
– قىزىلوردا…
– ءتۇرىڭ تانىس.
ءۇشىنشى كۇنى وسى اڭگىمە قايتالان­عاندا، شىنىن ايتتى: «اپاي، وسىدان ءتورت جىل بۇرىن وقۋعا كەلگەن ەدىم. ول كەزدە دە ءسىز ەمتيحان قابىلداعانسىز. اسكەرگە بارىپ كەل، سوسىن وقۋعا العىزام دەپ ەدىڭىز»…
– باسە… سەن سول بالا ما ەدىڭ؟! ­سولاي دەپ ءجونىڭدى ايتپايسىڭ با بىردەن؟ اسكەرگە بارىپ كەلدىڭ بە؟
– ارينە.
– ونەرگە ادال بالا ەكەنسىڭ، – دەدى اپايى.
ءار ەمتيحانعا كەلگەن سايىن ۇياڭداۋ شاكىرتىن ءرابيعا اپاي قاداعالاپ ءجۇردى. شىعارماشىلىق ەمتيحاننىڭ بارىنەن ءوتتى. قازاق تىلىنەن دە جاقسى باعاعا تاپسىرىپ شىقتى. الدا – تاريح ءپانىنىڭ ەمتيحانى…
1990 جىلدارداعى الماتىنىڭ مىنەزى الاعاي دا بۇلاعاي ەدى عوي. كەشكى قىدىرىستا توبەلەس شىعىپ، سۋىق قارۋ بىلەگىن اياماي وسىپ ءوتىپ، اۋرۋحاناعا ءتۇسىپ قالعان ءبىزدىڭ كەيىپكەر سوڭعى ەمتيحانعا ۇلگەرمەي قالادى. اكتەرلىك تە، ۇلكەن ارمان دا قول بۇلعاپ قالىپ قويعانداي، كوڭىلى جابىرقاۋ كۇندەرى ءسۇيىنشى ­حابار جەتەدى. ءرابيعا مۇقايقىزى سوزىندە تۇرىپ، مۇنى وقۋعا الدىرتىپتى…
ەكىنشى كۋرستا ۇستازى اۋىسىپ كەتىپ، قازاقستاننىڭ ەڭبەك سىڭىرگەن قايراتكەرى، رەجيسسەر نۇرقانات جاقىپبايدىڭ ۇستازدىق ەتۋىمەن وقۋىن اياقتايدى. كسرو تاراپ، لەنيندىك ستيپەنديا جويىلعانىمەن، ونەر اكادەمياسىندا س.قوجامقۇلوۆ اتىنداعى اتاۋلى ستيپەنديا تاعايىندالادى دا، وقۋدا ۇزدىك جومارت زەينابىل وسى ارناۋلى شاكىرتاقىنىڭ يەگەرى اتانادى. بۇل ستيپەنديانىڭ وقۋ ۇلگەرىمى جوعارى، اكادەميا ىشىندەگى جۇمىستاردا بەلسەندى شاكىرتكە كونكۋرس ارقىلى جانە ءدال «تەاتر ونەرى» فاكۋلتەتىنىڭ ستۋدەنتىنە بەرىلەتىنىن ەسكەرسەك، ءبىزدىڭ كەيىپكەردىڭ ونەر جولىنا باستاپ اپارار وقۋعا دا بار ىنتا-زەيىنىن سالعانى تۇسىنىكتى بولادى.
1994 جىلى اتالعان وقۋ ورنىن ­تەاتر جانە كينو اكتەرى ماماندىعى بويىنشا نۇرقانات جاقىپبايدىڭ شەبەرلىك كلاسىنان ءبىتىرىپ، سول جىلى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنا جۇمىسقا قابىلدانادى.
ايتقانداي، 1990 جىلداردىڭ اۋمالى-توكپەلى كۇندەرىندە جومارتتىڭ الىپساتار بولىپ كەتە جازداعانى بار. قىتايمەن شەكارا ەپتەپ اشىلىپ، سول جاقتان وقۋعا كەلگەن ستۋدەنتتەرمەن دوس-جار. ولار كەرى قايتاردا بۇل جاقتان بىردەمە الا كەتىپ، سىرتتان جاڭا زاماننىڭ كوزدى اربار، سانگە اينالعان زاتتارىن اكەلەدى. قىزىلوردادا قىتايدىڭ كوزىن قىزىقتىراتىن زاتتار بار بولىپ شىقتى. «ايماقتاردا وندىرىلگەن ونىمگە ەكى «اديداس» ايىرباستايمىن» دەيدى ولار… قۇلشىنا كىرىسكەنىمەن، جۇرەگىندە الديلەگەن ارمانى ەسەيىڭكىرەپ قالعان جومارتتى بىردەن ساباسىنا ءتۇسىردى… ەلەپ-ەكشەسە،­ ساباعى قۇلدىراپ بارا جاتقانداي… «دۇنيەسى قۇرسىن، اكتەر ­بولامىن دەپ جۇرگەن جوقپىن با؟ وقۋىمدى قاۋزايىن» دەيدى جومارت وزىنە-وزى.
ءيا، ول ۋاقىتتا ونەردە جۇرگەن ءبىراز ­تالانتتى جاندار تەاتردان الشاقتاپ جاتقان زامان ەدى. وقۋ بىتىرگەندە دە جۇمىسقا تۇرۋ ءتارتىبى وسى كۇندەگىدەي ەمەس. مينيسترلىك تەاترلارعا تىكەلەي وزدەرى بولەدى. نە ونەر ورداسىنان تىكەلەي شاقىرتۋ كەرەك. وقۋىن تامامدار شاقتا اكەمتەاترداعى ءتورت بىردەي ارتيست باسقا سالاعا اۋىسادى. ءازىربايجان مامبەتوۆ جاستار تەاترىندا ىستەپ جۇرگەن جىگىتتەردى وزىنە شاقىرىپ الادى. ەندى جاستار ­تەاترىندا ءتورت ورىن بوسايدى. ­رايىمبەك سەيتمەتوۆ كۋرستىق جۇمىسىن كورىپ، ريزا بولعاندىقتان، ءتورتىنشى كۋرستا وقىپ جۇرگەن ءتورت جىگىتتى تەاترعا شاقىرادى. ولاردىڭ اراسىندا جومارت زەينابىل دە بار ەدى… مىنە، ودان بەرى دە شيرەك عاسىر زۋ ەتە ءتۇسىپتى…

ت.احتانوۆ، «انت». ءابىلحايىر – ج.زەينابىل، ءباتيما حانىم –گ.بايبوسىنوۆا
ت.احتانوۆ، «انت». ءابىلحايىر – ج.زەينابىل، ءباتيما حانىم –گ.بايبوسىنوۆا

قارا شاڭىراقتاعى  شيرەك عاسىر

جومارت زەينابىلدىڭ اكتەرلىك تالانتىن كوپشىلىككە پاش ەتكەن ءرولىنىڭ ءبىرى دە بىرەگەيى – قورقىت دەسەك، قاتەلەسپەيمىز. وزگە اكتەرلەر «يران-عايىپتىڭ ءتىلى قيىن» دەپ تارتىنشاقتاپ جۇرگەندە ءۇش، بەس، جەتى جولدان كەيىن ۇيقاسىپ كەلەتىن اق ولەڭمەن جازىلعان شىعارمانى جۇرەگىنە جاقىن تارتا قابىلدادى. بالا جومارتتىڭ قيسسا-داستانداردى قۇنىعا وقىپ، ارىس­تاندى ەمىپ، قاسقىرمەن ايقاسىپ جۇرەتىن كەيىپكەرلەردىڭ ءسوزىن جۇرەگىنە ءسىڭىرىپ وسكەنى وسىندايدا ۇلكەن كومەك بولاتىنى دا انىق. ءسوزدى جاتتاۋ قيىن ەمەس-اۋ، باقسىلىق ساحنانى قايتپەك؟ پاقىرىڭىز بىرەر اي زىكىر تىڭداپ، ونىڭ دا ۇڭعىل-شۇڭعىلىن ۇعىپ الدى. وسىلايشا، ­جومارت زەينابىل ساحناعا ءوزىنىڭ باقسى سارىنىن اكەلدى. ونىڭ ەكپىنىنىڭ ناقتىلىعى كوپتىڭ كوڭىلىنەن شىقتى. ماسكەۋدەگى تەاتر سىنشىسى لەيلا تاستانوۆانىڭ: «جومارت زەينابىلدىڭ قورقىتىن كورىپ، ميفتەر الەمىنە، بايىرعى دالانىڭ ومىرىنە ەنىپ كەتە باردىق» دەۋى وسى ءسوزىمىزدىڭ دالەلى.
جامبىل كىتاپحاناسىنىڭ سول كەزدەگى قىزمەتكەرى سۆەتا بەكماعامبەتوۆا اپاي جاستار تەاترىنا دا ءجيى باس سۇعاتىن. سونداي شاقتاردا كىتاپتار توڭىرەگىندە، مادەنيەت جايلى ەمەن-جارقىن اڭگىمەنىڭ تيەگى اعىتىلدى دەي بەرىڭىز. قانداي قويىلىم قوياردا دا، كەيىپكەر الەمىنە ۇڭىلگىڭ كەلسە، ول جايلى كىتاپ وقىعاننان ارتىق نە كومەك كەرەك؟ مۇنى بالا ­جاستان تۇسىنگەن اكتەر جومارت تا قازىرگى ­نازارباەۆ كوشەسىنىڭ بويىندا ورنالاسقان كىتاپحانانىڭ تۇراقتى وقىرمانى بولماسا دا، كەرەك كەزدە ءجيى باس سۇعىپ، وزىنە قاجەت كىتاپتاردى جازىلىپ الىپ كەتۋدى ادەتىنە اينالدىرعان. ەدەل-جەدەل ماحامبەتتى ويناۋ تاپسىرىلعاندا دا سول جەردەن تابىلعانى راس. داڭقتى اقىننىڭ ومىرىنە، شىعارماشىلىعىنا قاتىستى كىتاپتاردى كىتاپحاناشىمەن اقىلداسا وتىرىپ، تاڭداپ الادى. جۇمىسقا ترامۆايمەن كەلە جاتىپ، سول كىتاپتاردان باس المايدى. كۇرەسكەر، اقىن، كۇيشى، قايراتكەر ­ماحامبەت بەينەسىنە سول كىتاپتار ارقىلى ءتىپتى جاقىنداي تۇسەدى…
اكىم ءتارازيدىڭ «جاقسى كىسى» پەساسىن­داعى مۇنتاز ءرولى دە ءبىزدىڭ كەيىپكەرگە ايرىقشا ىستىق. مەكتەپتە وقىپ جۇرگەندە تەلەديداردان كورگەن سپەكتاكلى بولعاندىقتان، ونىڭ ءاربىر ءسوزى جادىندا. مۇنتاز ءرولىن سومداعان ماكىل قۇلانباەۆتىڭ ءار ءسوزىن جاتقا ايتىپ بەرەدى. دايىندىق كەزىندە «مىنا ءبىر جەردە ماكىل اعا بىلاي وينايتىن ەدى، مىناداي ءسوزى قالىپ قويىپتى» دەپ، رەجيسسەر جانات حادجيەۆتىڭ ەسىنە مىڭ قايتارا سالىپ جۇرگەنى. ت.احتانوۆتىڭ «انت» سپەكتاكلىندەگى ءابىلقايىر ءرولىن سومداعاندا دا اق ولەڭگە قۇرىلعان ديالوگتى يىرىمىنە كەلتىرىپ ايتۋ، حان بەينەسىن، ونىڭ سۇسى مەن سەسىن كەلتىرۋ ءۇشىن بارىن سالدى…
ءيا، اكتەر جومارت زەينابىل وسى شاڭىراقتا ءجۇرىپ الپىسقا تارتا ءرولدى جۇرەگىنەن وتكىزىپتى. ولاردىڭ ءارقايسىسىن سانامالاپ شىعۋ شارت ەمەس. ءالى كۇنگە ءار كەيىپكەرىنىڭ ءسوزىن مۇدىرمەي ايتىپ بەرەدى. ءسىرا، جۇرەگىنە ابدەن سىڭگەندىكتەن دە شىعار. ءيا، سوناۋ ءبىر كەزدەرى قوجا احمەت ءيااساۋيدىڭ رولىنە جۇرەگى داۋالاماي، باس تارتقانى دا بار. ءرولدى ۇسىنعان ءازىربايجان مامبەتوۆكە «بۇل رولگە ءالى دايىن ەمەسپىن» دەپ، شىنىن ايتقان. ول قادامى دۇرىس پا، بۇرىس پا، ونەر سالاسىندا جۇرگەن سىنشى-ساراپشىلار كەيىنىرەك ەلەپ-ەكشەي جاتار. الايدا اسىعىستىقتى جانى قالامايتىن اكتەر ۇلكەن جاۋاپكەرشىلىك ارتقان ءرولدى يەلەنۋدەن باس تارتۋى – جۇرەكسىنگەنى ەمەس، سول ءرولدىڭ جۇگىن جۇرەگىنەن وتكىزىپ كورگەنى دەپ ۇقتىق…

قاراگوز سەرىكقىزى


كەلۋ قاينارى: http://www.elarna.net/koru.php?tur=9&id=1066386

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ورازالين اقتوبەدە قۋراپ 2 مينوت
اعاجاي التاي تورى 4 مينوت
اۆتونوميالى وبلىس عىلىم 4 مينوت
دوساەۆ ەاەو-دا ورتاق ۆا 5 مينوت
ەلىمىزدەگى جولداردىڭ جا 5 مينوت
ەلىمىزدىڭ دۇنيە جۇزىلىك 5 مينوت
ءبىزدىڭ قوعامدى ءتۇسىنۋ 5 مينوت
2019-جىلى 11-ايدىڭ 1- 5 مينوت
وزبەكستاندا تۋعان قازاق 10 مينوت
جاباي نۇرماقۇلى: «جەتى 14 مينوت
كاك ماتەريا، پروسترانست 14 مينوت
قىزىلوردادا كاسىپكەر مۇ 14 مينوت
تولە ءبيدىڭ وتەگەنگە با 24 مينوت
قمدب ءتوراعاسى موڭعوليا 24 مينوت
ونەركاسىپ جانە ينفورمات 25 مينوت
استانا LRT قار تازالاۋ 25 مينوت
اعاجاي التاي تورى 25 مينوت
الماتى: 14 قاراشادا ابا 25 مينوت
ءتۇزىم نەگىزىن بەكەمدەپ 25 مينوت
تىنىشتىقبەك Əبدىكəكىمنى 25 مينوت
مۇسىلمان زيراتىنا قاتىس 29 مينوت
«كۇز ارۋى-2019 29 مينوت
ورازالين تىكۇشاقپەن اۋد 1 ساعات
ۆەتنامدا قويانداي عانا 1 ساعات
الماتىداعى اباي داڭعىلى 1 ساعات
Coca-Cola سۋسىنىنان الك 1 ساعات
جابال ەرعاليۇلى: «جەتى 1 ساعات
جيرەنشەنىڭ قاراشاشقا قۇ 1 ساعات
سايدا قالىقوۆا، ءالبينا 1 ساعات
بەيجيڭ وبا اۋرۋىنا شالد 1 ساعات