ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133720590564 %36 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 12:49 - 2019/10/24


قاي كەزەڭدە بولسىن، مەكتەپ بىتىرگەن تۇلەكتەر بولاشاعىن ايقىن­دار تۇستا جەتەكشى وقۋ ورنىن تاڭدايتىنى راس. 1996 جىلدارى ارمان قۋىپ، الماتىعا كەلىپ، قازاقستانداعى كلاسسيكالىق ۋنيۆەرسيتەت مارتەبەسىنە يە ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىنە قابىلداندىق. قارا شاڭىراقتا كەزىندە ءدارىس وقىعان م.اۋەزوۆ، ب.كەنجەباەۆ، ح.سۇيىنشاليەۆ، م.بازارباەۆ، ت.ب. اكادەميك عالىمداردى كوزبەن كورىپ، الدىندا ءدارىس تىڭداماساق تا، سول اعالارىمىزدىڭ تالىم-تاربيەسىن الىپ، تاعىلىمىن بويلارىنا سىڭىرگەن ءبىرقاتار عالىم اعالارىمىزدىڭ شاكىرتتەرى بولعانىمىز ءبىزدىڭ بۋىن­نىڭ باعى دەپ قۋانامىز. 

بىزدىڭ بۋىن ۋنيۆەرسيتەتتە وقىعان جىلدارى ز.قابدولوۆ، ت.كاكىشەۆ، س.سادىرباەۆ، ر.نۇرعاليەۆ، ­ا.قى­راۋ­باەۆا، ج.دادەباەۆ، ­ب.ماي­تانوۆ،­ ت.ەسەمبەكوۆ، ز.بيسەنعالي، ج.تىلەپوۆ، ءو.ابدىمانوۆ، ءق.مادىباي، س.نەگيموۆ، م.ۇمبەتاەۆ، ر.تۇرىسبەك، ت.ب. عالىمدارىمىزدان ادەبيەتتىڭ ءار سالاسى بويىنشا جۇيەلى ءبىلىم الدىق. قازاق ادەبيەتىندە ء«داستۇر مەن جاڭاشىلدىق» دەگەن قالىپتاسقان ادەمى اتاۋ بار. بۇل كۇندە سول ءداس­تۇردى شاما-شارقىمىزشا عا­لىم، پروفەسسور كورگەنىمىزبەن سا­باق­تاستىرا، ماقتانا جالعاستى­رىپ جۇرگەنىمىز راس. «ماقتانۋ» ­دەگەن جاي ايتىلا سالعانىمەن، ونىڭ جۇگى اۋىر. ماقتانۋدىڭ استارىندا العان ءبىلىمىمىزدى جاڭعىرتىپ، الدىمىزداعى شاكىرتتەرگە ۇعىندىرۋ، ونەگە مەكتەبىنىڭ ءىزىن كورسەتە ءبىلۋ ۇلكەن جاۋاپكەرشىلىكتى قاجەت ەتەدى. سول ونەگە مەكتەبىنەن تانىلعان ادەبيەتتانۋشى عالىمدارىمىزدىڭ قاتارىندا جەتپىستىڭ جەلكەنىنە كوتەرىلىپ بارا جاتقان فيلولوگيا عىلىمىنىڭ دوكتورى، پروفەسسور قۇنىپيا الپىسباەۆ فەنومەنىنىڭ مىقتاپ ورىن العانى حاق.
قۇنىپيا قوجاحمەتۇلى عىلىمداعى العاشقى قادامىن پوەزيالىق زەرت­تەۋلەرگە ارناپ، پوەزيانى پاراسات دەپ ءبىلدى. ناتيجەسىندە، 1986 جىلى «قازىرگى قازاق پوەماسىنىڭ جانر­لىق ماسەلەلەرى» اتتى تاقىرىپتا كانديداتتىق ديسسەرتاتسياسىن قورعاپ، پوەزيا تابيعاتىن تانۋمەن شەك­تەلىپ قانا قالماي، كۇردەلى جانرعا مويىن بۇرىپ، 2000 جىلى «قازاق ادەبيەتىندەگى تاريحي شىعارما: تانىم مەن كوركەمدىك» اتتى دوكتورلىق ديسسەرتاتسياسىن ءساتتى قورعادى. اسىلى، ­تاريحي شىعارمانىڭ قۇندىلىعى، تاريحي شىندىق پەن كوركەمدىك شەشىمدى تاپ باسىپ تانۋ قىراعىلىقتى قاجەت ەتەدى. دەسەك تە، زەرتتەۋشى بۇل تاقىرىپقا باتىل بارىپ، تاريحي كەيىپكەرلەردى سومداۋ ەرەكشەلىگىنە بايلانىستى ىرگەلى زەرتتەۋگە ۇلاستىردى. ماسەلەن، جازۋشى ى.ەسەنبەرليننىڭ «كوشپەندىلەر» تريلوگياسىنداعى ابىلايحان تۇلعاسىن جاساۋداعى اۆتوردىڭ قولدانعان ادىس-تاسىلدەرىن ناقتى كورسەتىپ بەرەدى. اسىرەسە، شىعارماداعى اڭىز-اڭگىمەلەرمەن قاتار، ارحيۆتىك ماتەريالداردى تاريحي دەرەكتەر نەگىزىندە شىنايى كەلتىرگەنىن اشىپ كورسەتەدى. «اڭىز بەن تاريحي دەرەك جەلىسى رومان سيۋجەتىندە قوزعالىسقا ءتۇسىپ، قيسىندى قيۋلاسقان، كوركەم شىندىققا اي­نال­عان» دەپ وي تۇجىرىمداۋىنان عالىمنىڭ تەرەڭ تالداۋلارعا بارىپ، اۆتور ءتۇيىنى مەن تاريحي شىندىق ­سيپاتىنىڭ ارا-جىگىن اشىپ بەرەدى. ­ابىلايمەن قاتار بۇقار جىراۋ بەينەسىنىڭ دە روماندا تاريحي­ شىندىققا نەگىزدەلىپ، كوركەمدىك بولجالمەن ورنەكتەلگەنىن ناقتى مىسالدارمەن كورسەتىپ، وقىر­مانعا ى.ەسەنبەرليننىڭ جىراۋ مەن حان تۇلعاسىن جاساۋ ەرەكشەلىگىن تانىتادى. بۇل عانا ەمەس، وسى ۋاقىتقا دەيىنگى عالىمنىڭ كوركەم ءماتىندى تالداۋعا ارنالعان «پوەما مەن سيۋجەت» اتتى وقۋ قۇرالىنان باستاپ «وي ورامدارى»،­ «پوەزيا پاراساتى»،­ «كوركەم شىعارمانى تالداۋ جولدارى» اتتى ۇلكەن زەرتتەۋ ەڭبەككە دەيىنگى مونوگرافيالار مەن وقۋ قۇرالدارىندا كوركەم ءماتىندى تالداۋدىڭ ادىس-تاسىلدەرىنىڭ ۇلگىلەرىن كورسەتە وتىرىپ، شىعارما اۆتورىنىڭ شەبەرلىك قىرلارىن اشادى. مەكتەپ وقۋشىلارىنا ارنالعان «قازاق ادەبيەتى» وقۋلىقتارىندا دا بالا ۇعىمىنا سايكەستەندىرىپ، شىعارمانى ءتۇسىندىرۋ ادىستەرى قازىرگى كەزدە دە وزەكتى دەۋگە بولادى.
ادەبيەت – ءسوز ونەرى بولسا، ءسوز بەن ءان، كۇي تابيعاتىن ورنەكتەپ، وقىرمانعا سەزىندىرە ءبىلۋ وڭاي ەمەس. قازاق ادەبيەتىندە ونەر تاقىرىبىنا قالام تەربەپ، ونەرپاز تۇلعاسىن پاش ەتەتىن شىعارمالار دا بارشىلىق. ال ولاردى زەرتتەپ، زەردەلەۋ دە تالانتتىلىقتى قاجەت ەتەدى-اۋ. ق.الپىسباەۆتىڭ ونەر مەن ونەرپاز تۇلعاسىنا ارنالعان ماقالالارىنان ونەر زەرتتەۋشىسىنە ءتان سەزىمتالدىق انىق بايقالادى. بۇلاي دەۋىمىزدىڭ سەبەبى، قۇنىپيا قوجاحمەتۇلى ادەبيەت زەرتتەۋشىسى عانا ەمەس، ­تالانتتى ءانشى، تانىمال ونەر جاناشىرى. اسىرەسە، قازاق حالىق اندەرىن، حالىق كومپوزيتورلارىن ناسيحاتتاۋدا ەڭبەگى زور. وعان: ء«ان سالعان اسەتتەيىن اسەمدەتىپ»، «جىل بولدى جانىبەك ءان سالماعالى»، «كۇمبىرلەسە قوڭىر كۇي»، «سادىقوجا موشانۇلى»، ت.ب. ماقالالارى كۋا. عالىم شىعارماداعى ونەر قۇدىرەتى، ءان مەن ءانشى وبرا­زىنىڭ بەرىلۋ ۇلگىسىنە دە نازار اۋدارتادى. سونداي-اق مۇحتار اۋەزوۆ شىعارماشىلىعىنداعى ونەر مەن ونەرپاز الەمىن كورسەتە وتىرىپ، دالا ساحناسىنداعى ءان قۇدىرەتىن بەرۋدەگى م.اۋەزوۆ شەبەرلىگىن بايقاتادى.
ق.الپىسباەۆ ادەبيەت زەرتتەۋشى­لىگىمەن قاتار، ۇيىمداستىرۋشىلىق قابىلەتىمەن جوعارى وقۋ ورنىنىڭ دامۋىنا دا اتسالىسقاندىعىن ايتپاي كەتۋگە بولماس. ءال-فارابي اتىنداعى قازاق ۇلتتىق ۋنيۆەرسيتەتىندە قىزمەت ەتكەن جىلدارى كاسىپوداق كوميتەتى ءتوراعاسىنىڭ ورىنباسارى ­­(1974-1975)، دايىندىق ءبولىمى دەكانىنىڭ ورىنباسارى (1987-1989)، سىرتتاي وقىتاتىن فيلولوگيا فاكۋلتەتىنىڭ دەكانى (1993-1994) قىزمەتتەرىن اتقاردى. 1996-2005 جىلدارى «ادەبي شىعارماشىلىق جانە كوركەم اۋدارما تەورياسى» كافەدراسىنىڭ قۇرىلۋىنا اتسالىسىپ، كافەدرا مەڭگەرۋشىسى بولىپ قىزمەت اتقارسا، ءقازىر ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاق ادەبيەتى كافەدراسىنىڭ پروفەسسورى. شاكىرت تاربيەلەۋدەگى ەڭبەگى ەسكەرىلىپ، قازاقستان ءبىلىم بەرۋ ءىسىنىڭ ۇزدىگى، «جوعارى وقۋ ورنىنىڭ ۇزدىك وقىتۋشىسى» مەملەكەتتىك گرانتىنىڭ جانە «قۇرمەت» وردەنىنىڭ يەگەرى بولدى.
ءبىز، اتالعان «ادەبي شىعارماشى­لىق جانە كوركەم اۋدارما تەورياسى» كافەدراسىنا وقۋعا قابىلدانعان العاشقى ستۋدەنتتەر بولعاندىقتان، بىزگە ساپالى ءبىلىم، كاسىبي تۇرعىدان باعىت-باعدار بەرەتىن عالىمداردى، جازۋشى، اۋدارماشىلاردى شاقىرتۋدى باسشى رەتىندە قولعا الادى. ز.احمەتوۆ، ج.ىسماعۇلوۆ، ب.نۇرجەكەەۆ، ءا.تارازي، ت.ب. بەلگىلى عالىمدار مەن قالامگەرلەردى ءبىز ءۇشىن شاقىرتىپ وتىرعاندىعىن، دارىستەن قالماۋ قاجەتتىلىگىن شەگەلەپ ايتقانى ەسىمدە. ودان ۇتپاساق، ۇتىلعانىمىز جوق. ناتيجەسىندە، جازۋشى قالامگەرلەر شىعارمانىڭ جازىلۋ تاريحىمەن، جازۋشىلىق شەبەرحانالارىمەن بولىسسە، اكادەميك ز.احمەتوۆ عىلىمنىڭ تۇڭ­عيىعىنا بويلاتىپ، اسىرەسە، اباي ولەڭدەرىنىڭ قۇرىلىمىنا تالداۋلار جاساۋدى بار ىقىلاسىمەن ۇيرەتتى.
قازاق ادەبيەتىمەن قاتار، كور­كەم اۋدارما ماسەلەلەرىنە نازار اۋدار­عان عالىم، كوركەم اۋدارما ماسە­لەلەرىنە ارنالعان ماقالالار جازىپ، شاكىرتتەرىن دە اۋدارما جۇمى­­سىنا بەيىمدەدى. ديپلومدىق، ماگيسترلىك، ءتىپتى كانديداتتىق ديسسەرتاتسيا تاقى­رىپتارىندا ادەبي شىعارمالارعا عانا ەمەس، كوركەم اۋدارما مەن ءتۇپنۇسقانى سالىستىرا زەرتتەۋگە ارناپ، قىزىقتى تاقىرىپتار ۇسىندى. ناتيجەسىندە، بىرنەشە عىلىم كانديداتتارى اعايدىڭ جەتەكشىلىگىمەن قورعادى.
قۇنىپيا قوجاحمەتۇلى ۇستازدىق قىزمەتپەن قاتار، ل.ن.گۋميلەۆ اتىن­داعى ەۋرازيا ۇلتتىق ۋنيۆەرسيتەتى جانىنداعى ديسسەرتاتسيالىق كەڭەستىڭ مۇشەسى رەتىندە باسقا دا عىلىمي ەڭبەكتەردىڭ قورعالۋىنا اتسالىستى. عالىمدىق پەن ۇستازدىقتى قاتار الىپ ادەبيەتتانۋ سالاسىندا يننوۆاتسيالىق يدەيالاردى تاجىريبەدە جۇزەگە اسىرۋدا قۇنىپيا الپىسباەۆ مەكتەبى ءالى دە جالعاسارى ءسوزسىز.

لاۋرا داۋرەنبەكوۆا

نۇر-سۇلتان


كەلۋ قاينارى: http://www.elarna.net/koru.php?tur=9&id=1063684

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اقتوبە وبلىسىندا جات ءد 1 مينوت
«قوس 11» جۇڭگونىڭ جەدەل 5 مينوت
ايدوس ەربوسىنۇلى جەلتوق 5 مينوت
اعاجاي التاي تورى 5 مينوت
الماتى تجد گاز اناليزات 5 مينوت
"ودان دا ميللياردت 5 مينوت
«الماتى» ارناسىنىڭ 20 ج 6 مينوت
2019-جىلى 11-ايدىڭ 2- 6 مينوت
ءتىلازار بالانى جازالاۋ 10 مينوت
ەلوردادا وتكەن فورۋمدا 10 مينوت
كوفەين ءسىز ويلاعانداي 13 مينوت
الەم كۇتكەن رەيۋنيون: " 15 مينوت
وتاندىق بوكسشىلار ازيا 16 مينوت
قاپشاعاي قالاسىنىڭ اكىم 16 مينوت
ماقتاارالدىق جاستارعا « 25 مينوت
"ادەمى ايتىلعا 25 مينوت
اعاجاي التاي تورى 25 مينوت
تۇركىستان وبلىسىندا كول 25 مينوت
قىرعىزستاندا قازاقستان 25 مينوت
ءتۇزىم نەگىزىن بەكەمدەپ 25 مينوت
داريعا نازارباەۆا: جاست 25 مينوت
وسى ارانى باسىپ كورىڭىز 26 مينوت
جابايى قوقىس الاڭدارى ج 1 ساعات
قاجىلىققا قامدانعاندار 1 ساعات
پەرۋاشەۆ: "حالىق ۇ 1 ساعات
اقتوبە وبلىسىنىڭ اكىمى 1 ساعات
Muslim.kz پورتالى ء«ماۋ 1 ساعات
توي – قازىنا ەدى، ءبىرا 1 ساعات
ورازالين اقتوبەدە قۋراپ 1 ساعات
اعاجاي التاي تورى 1 ساعات