ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133542547566 %34 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 12:07 - 2019/10/24


سابەت ءمالعاجدارۇلىنىڭ تۋعان جەرى – قاراعاندى وبلىسىنىڭ اقتوعاي اۋدانى. ورتا مەكتەپتى بالقاش قالاسىندا ءبىتىردى. اتتەستاتى – كىلەڭ «بەس» بولاتىن. قازاقستانداعى كەز كەلگەن ينستيتۋتقا قينالماي تۇسەتىنىنە ۇستازدارى تولىق سەنىمدى ەدى.
سۇڭعاق بويلى، تولقىن شاشتى، تەپسە تەمىر ۇزەتىن، جالىنداپ تۇرعان جاس سابەتتىڭ ويى – ەنەرگەتيك بولۋ. ول ۋاقىتتا قازىرگىدەي قاپتاعان جوعارى وقۋ ورنى جوق. ساۋساقپەن سانارلىقتاي ينستيتۋت بار. تەحنيكالىق ماماندىقتار بويىنشا ساپالى ءبىلىم بەرەتىن ينستيتۋتتىڭ ءبىرى – قاراعاندىدا. سوعان قۇجاتتارىن تاپسىردى. ەمتيحاندارىنان دا قينالعان جوق. بارىنەن جاقسى ءوتتى. ءبىراق ورىن از، ۇمىتكەرلەر كوپ. ونىڭ ۇستىنە سول جىلى وندىرىستە جۇمىس ىستەپ ىسىلعان، ەڭبەك ءوتىلى بار تالاپكەر جاستاردىڭ دا قاتارى كوپ بولدى. «سوعان قاراعاندا كونكۋرس قاتتى بولادى» دەپ بولجام جاساپ قويعاندار دا بار.

«قالاي بولار ەكەن؟ مەكتەپتى ۇزدىك بىتىر­گە­نىمدى قايتەيىن، وقۋعا تۇسە الماي قالسام، ۇستاز­دارىمنىڭ سەنىمىن اقتاي الماعانىم ەمەس پە؟». ەمتيحانداردى جاقسى تاپسىرسا دا سول ساتتە جاس سابەتتىڭ وسىنداي ويعا بەرىلگەنى راس. سول ءبىر كۇندەر سابەت ءمالعاجدارۇلىنىڭ استە ەسىنەن شىققان ەمەس. كۇن بۇگىنگىدەي كوز الدىندا.
– ادام ومىرىندە ەستەن شىق­پايتىنداي ەرەكشە ساتتەر بولادى عوي. مەن ءۇشىن مەكتەپ ءبىتىرىپ، جوعارى وقۋ ورنىنا ەمتيحان تاپسىرعان كۇندەر جادىمدا جاتتالىپ قالدى. كونكۋرستىڭ قاتتى بولاتىنىن مەن دە ەستىدىم. ءبىراق، نەگە ەكەنىن قايدام، الدە ەمتيحانداردى جاقسى تاپسىرعاندىقتان شىعار، ايتەۋىر، ينستيتۋتقا تۇسەتىنىمە ءوز باسىم كامىل سەنىمدى بولدىم. ءسويتىپ جۇرگەندە، ءقازىر ءجاڭاسىبىر دەپ ءجۇر عوي، ء«نوۆوسيبيردىڭ ەلەكتروتەحنيكالىق بايلانىس ينستيتۋتىنا ءبىر ورىن بار، وسىنداعى ەمتيحاننىڭ قورىتىندىسى بويىنشا وقۋعا قابىلدانۋعا مۇمكىندىك بار، باراسىڭ با؟» دەگەن حابار كەلدى. اكە-شەشە، اعايىن-تۋىستان الىس بولسا دا تاۋەكەلگە بەل بۋىپ، نوۆوسيبيردەن ءبىر-اق شىقتىق عوي، – دەپ ەسكە الادى سابەت ءمالعاجدارۇلى.
جاڭاسىبىردەگى ەلەكتروتەح­ني­كالىق بايلانىس ينستيتۋتىندا دا وقۋ-بىلىمگە قۇشتار سابەت اتا-اناسى مەن ۇستازدارىن جەرگە قاراتقان جوق. وقۋ ورنىن قىزىل ديپلوممەن ۇزدىك ءبىتىردى. بۇل وقۋ ورنى نەگىزىنەن مەملەكەتتىك قاۋىپسىزدىك سالاسىنا ماماندار دايارلايتىن. ونىڭ ۇستىنە جولدامامەن جۇمىسقا جىبەرەدى. ەلەكتر بايلانىسى جۇيەسىنىڭ ينجەنەرى، كىشى لەيتەنانت سابەت ءمالعاجدارۇلى جاقىپبەكوۆ وقۋ ورنىنىڭ جولداماسىمەن قازاق كسر مينيسترلەر كەڭەسىنىڭ جانىنداعى مەملەكەتتىك قاۋىپسىزدىك كوميتەتىنىڭ
ۇكىمەتتىك بايلانىس بولىمشەسىنە اعا ەلەكترومەحانيك بولىپ جۇمىسقا ورنالاستى. بۇل – 1959 جىل بولاتىن.
– ول ۋاقىتتا ءبىزدىڭ سالانىڭ جۇمىسى كوپ جاريا ەتىلمەيتىن. قۇپيا. وزىڭە تيەسىلى جۇمىستى جوعارى جاۋاپكەرشىلىكپەن اتقارۋعا ءتيىستىسىڭ. بولدى. ارتىق-اۋىس اقپارات ايتىلمايدى. وسىنداي ورىندا تابان اۋدارماستان قىرىق جىل جۇمىس ىستەۋ كەز كەلگەن ادامنىڭ پەشەنەسىنە جازباعان شىعار، ماعان بۇيىردى. قاتارداعى اعا ەلەكترومەحانيكتەن ۇكىمەتتىك بايلانىس باسقارماسىنىڭ باستىعى دارەجەسىنە دەيىن اق-ادال ەڭبەگىممەن جەتكەنىمدى ماقتانىش ەتەمىن، – دەيدى سابەت ءمالعاجدارۇلى.
قىزمەتتى كىشى لەيتەنات بولىپ باستاعان ول گەنەرال-مايور شەنىنە دەيىن جەتتى. مەملەكەتتىك قاۋىپسىزدىك كوميتەتىنىڭ ۇكىمەتتىك بايلانىس سالاسىنداعى العاشقى قازاق گەنەرالى. ۇكىمەتتىك بايلانىس ورگانىنا باسشى بولعان دا ءبىرىنشى قازاق. جاسىرىپ قايتەمىز، كەلمەسكە كەتكەن كەشەگى كەڭەستىك كەزەڭدە ­تالابى تاۋداي، ءبىلىمى تەرەڭ قازاق جىگىتتەرىنىڭ مەملەكەتتىك قاۋىپسىزدىك كوميتەتى جۇيەسىندە جاۋاپتى قىزمەتتەرگە تاعايىندالۋى وتە سيرەك ەدى. ءبارىن ماسكەۋ شەشەتىن. كادرلاردى ىرىكتەۋ كەزىندە قانداستارىمىزدىڭ شەتتەتىلگەنى ءقازىر جاسىرىن ەمەس. قازاقستان تاۋەلسىزدىك العاننان كەيىن عانا وسى سالاداعى بىلىكتى دە ءبىلىمدى كاسىبي ماماندارعا جول اشىلدى.
سابەت ءمالعاجدارۇلىنىڭ ەڭبەك جولىنا قاراساڭىز، قىزمەت باسپالداعى ساتىلاپ وسكەنىن باعامداۋ قيىن ەمەس. ەلەكترومەحانيك، ونان سوڭ ينجەنەر، اعا ينجەنەر، ءبولىم باستىعىنىڭ ورىنباسارى، ءبولىم باستىعى، باسقارما باستىعى. ءقازىر مۇنى بىر-ەكى اۋىز سوزبەن ايتا سالۋ وڭاي، ارينە. ال وسى ەڭبەك جولىندا قانشاما تەر توگىلدى، قانشاما ۇيقىسىز تۇندەر ءوتتى. ءبىلىمدى مامان ءوزىنىڭ بىلىكتىلىگى مەن جوعارى جاۋاپكەرشىلىگىن، ۇيىمداستىرۋشىلىق قابىلەت-قارىمىن ايقىن كورسەتە ءبىلدى. ونى ارىپتەستەرى دە باعالاي ءبىلدى. اق-ادال ەڭبەگىنىڭ ارقاسىندا جاۋاپتى جۇمىستار سەنىپ تاپسىرىلدى. سابەت ءمالعاجدارۇلى سول سەنىمنىڭ بيىگىنەن كورىندى. قۇرمەتتكە، ماراپاتقا بولەندى. «كسرو مەملەكەتتىك قاۋىپسىزدىك كوميتەتىنىڭ قۇرمەتتى قىزمەتكەرى»، «رەسەي فەدەراتسياسى پرەزيدەنتىنىڭ جانىنداعى مەملەكەتتىك بايلانىس فەدەرالدىق اگەنتتىگىنىڭ قۇرمەتتى قىزمەتكەرى»، «قۇرمەتتى بايلانىسشى»، «قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ قۇرمەتتى قىزمەتكەرى» جانە «تمد ەلدەرىنىڭ ۇكىمەتتىك بايلانىس ماسەلەلەرى بويىنشا ۇيىمداستىرۋ كەڭەسىنىڭ قۇرمەتتى مۇشەسى»، «قۇرمەت بەلگىسى» وردەنىنىڭ يەگەرى. ماقتاۋ قاعازدارى ءبىر توبە. مىنە، وسىنىڭ ءبارى سابەت ءمالعاجدارۇلىنىڭ ەرەن ەڭبەگىنىڭ بەلگىسى. 2016 جىلى 80 جاسقا تولۋىنا وراي قازاقستان پرەزيدەنتىنىڭ جارلىعىنا سايكەس «قۇرمەت» وردەنىمەن ماراپاتتالدى.
مامان دەگەننەن شىعادى، تاعى ءبىر دەرەك كەلتىرە كەتەيىك. سابەت ءمالعاجدارۇلى رەسەيدە ءبىلىم الىپ، قازاقستاندا قىزمەتكە ورنالاسقاندا مەملەكەتتىك قاۋىپسىزدىك كوميتەتىنىڭ ۇكىمەتتىك بايلانىس سالاسىندا رەسپۋبليكا بويىنشا جوعارى ءبىلىمدى بىردە-بىر قازاق مامانى بولماعان. ول – وسى سالاداعى العاشقى قازاق مامانى. بۇل جاعداي ونى دا ويلاندىرماي قويعان جوق. قىزمەتى وسكەن كەزدە، كوميتەتتەگى لاۋازىمدى تۇلعالاردىڭ الدىندا وسى ماسەلەنى كوتەردى. سەبەبى توقسانىنشى جىلداردىڭ باسىندا كەڭەس وداعى تاراپ، ونىڭ قۇرامىنداعى رەسپۋبليكالار تاۋەلسىزدىك الىپ جاتقان شاقتا ۇلتتىق كادرلاردىڭ تاپشىلىعى بايقالعان بولاتىن. ونىڭ ۇستىنە قاۋىپسىزدىك كوميتەتىندە تالاي جىلدان بەرى جۇمىس ىستەپ كەلە جاتقان مامانداردىڭ باسىم بولىگى رەسەيگە قونىس اۋداردى.
وسى ۋاقىتتا سابەت ءمالعاجدارۇلى كوتەرگەن ءىزباسارلار مەن شاكىرتتەر تاربيەلەۋ جونىندەگى شەشىمنىڭ دۇرىستىعى ايقىن كورىندى. تىعى­رىقتان جول تاۋىپ شىعا الدى. سەبەبى كسرو مەملەكەتتىك كەڭەسى 1991 جىلى 22 قازاندا «مەملەكەتتىك قاۋىپسىزدىك ورگاندارىن قايتا قۇرۋ» تۋرالى قاۋلى قابىلدادى. وندا «كسرو مەملەكەتتىك قاۋىپسىزدىك كوميتەتىن تاراتۋ قاجەت دەپ سانالسىن. رەسپۋبليكالاردىڭ مەملەكەتتىك قاۋىپسىزدىك كوميتەتتەرىن جانە ولارعا باعىنىشتى ­ورگاندار تاۋەلسىز مەملەكەتتەردىڭ ەرەكشە ۋاكىلەتتىگىندە بولىپ ەسەپتەلسىن» دەلىنگەن. بۇل – كسرو ءالى ىدىراي قويماعان كەز. ءبىراق، سوعان قاراماستان، قازاقستاننىڭ قاۋىپسىزدىك سالاسى رەسپۋبليكالىق دەربەس كوميتەت بولىپ ءبولىنىپ شىقتى. ءسوز جوق، ءبىرتۇتاس مەملەكەتتىك بايلانىس جۇيەسى بۇزىلدى. ءبارىن باسىنان، جاڭادان باستاۋ كەرەك بولدى. وسىنداي ابىر-سابىر ۋاقىتتا سابەت ءمالعاجدارۇلىنىڭ ىسكەرلىك، ۇيىمداستىرۋشىلىق قابىلەتى تاعى دا ايقىن كورىندى. ويتكەنى تەحنيكالىق ساياسات جانە عىلىمي-تەحنيكالىق بولجام جاساۋ، جەرگىلىكتى جەرلەردەگى قۇرىلىمدارعا باعىت كورسەتۋ، اتالمىش سالانى جاڭا تەحنيكامەن جاراقتاندىرۋ، ۇكىمەتتىك جانە جەدەل بايلانىستىڭ قاۋىپسىزدىگىن قامتاماسىز ەتۋ جانە باسقا دا كوپتەگەن جەدەل تەحنيكالىق ماسەلەلەردى شەشۋ ەندى رەسپۋبليكالىق باسقارۋ ورگاندارىنىڭ قۇزىرىنا كوشتى. بۇل ايتۋعا وڭاي بولعانىمەن، وتە جاۋاپتى جۇمىس. سابەت ءمالعاجدارۇلى سول سىننان سۇرىنبەي ءوتتى.
1992 جىلدىڭ 13 شىلدەسىندە پرەزيدەنت ن.نازارباەۆتىڭ جارلىعىمەن مەملە­كەتتىك قاۋىپسىزدىك كوميتەتى قازاقستان رەسپۋبليكا­سى­نىڭ ۇلتتىق قاۋىپسىزدىك كوميتەتى بولىپ قايتا قۇرىلدى. ۇكىمەتتىك بايلانىس جۇيەسى وسى كوميتەتتىڭ قۇرامىندا قالدى. وسىعان وراي «ۇكىمەتتىك بايلانىس» دەگەن تىركەس قۇقىقتىق دەڭگەيدە بەكىتىلدى.
ۇكىمەتتىك بايلانىس باسقارماسىنىڭ الدىندا تۇرعان كۇردەلى جانە ەرەكشە مىندەتتەردى ەسكەرىپ، ەلباسىنىڭ 1992 جىلدىڭ 30 تامىزىنداعى جارلىعىمەن ۇلتتىق قاۋىپسىزدىك ورگاندارىنىڭ قۇرامىندا تۇڭعىش رەت ۇكىمەتتىك بايلانىس باس باسقارماسى ۇيىمداستىرىلدى. وسىدان كەيىن اينالاسى ءۇش اي وتپەي جاتىپ سول جىلدىڭ سوڭىندا باس باسقارما باستىعى پولكوۆنيك سابەت مالگاجدارۇلى جاقىپبەكوۆكە گەنەرال-مايور اسكەري اتاعى بەرىلدى.
سول ءبىر جىلدارى قاۋىپسىزدىك ورگاندارى­نىڭ ۇكىمەتتىك بايلانىس سالاسىندا كريپتوگرا­فيالىق تاۋەلسىزدىكتى قامتاماسىز ەتۋ، اقپا­راتتى قورعاۋدىڭ ۇلتتىق قۇرالدارىن جاساۋ اسا ماڭىزدى مىندەت بولاتىن. سونى سابەت ءمالعاجدارۇلى باستاعان باس باسقارما ۇجىمى ويداعىداي ورىندادى.
– قازاقستان تاۋەلسىزدىك العانىمەن ەتەك-جەڭىن جيا الماي جاتقان شاق. باسقارما جاڭا بولعانىمەن، قۇرال-جابدىق ەسكى. كەيبىر كەزدەرى بيلىك ورگاندارىمەن بىرلەسىپ جەدەل ارەكەت ەتۋگە مۇمكىندىك بەرە قويمايتىن. ال قولدا بار قۇرال-جابدىقتار ءوزىنىڭ تەحنيكالىق كورسەتكىشتەرى بويىنشا جوعارى ساپانى قامتاماسىز ەتە المادى جانە قازىرگى زامانعى ەلەكتروندىق بايلانىس جۇيەسىمەن بىرىگىپ ىقپالداسۋ قيىنعا سوقتى. سوعان قاراماستان، 1992-1995 جىلدار اراسىندا ونى ۇيىمداستىرۋدىڭ جانە ءۇزىلىسسىز جۇمىس ىستەۋگە جاعداي جاساۋدىڭ نەگىزگى پرينتسيپتەرىنىڭ ۇدەتە جەدەلدەتىلۋىن قامتاماسىز ەتتىك، – دەپ ەسكە الادى سابەت ءمالعاجدارۇلى.
توقسانىنشى جىلداردىڭ باسىندا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءتوراعاسى بولات باەكەنوۆ بولاتىن. جاقىپبەكوۆ باسقاراتىن باس باسقارمانىڭ ماتەريالدىق جابدىقتاۋ ماسەلەسى ءجيى تالقىلانادى. ويتكەنى، مۇنداي قۇرىلىمدى قايتا جاراقتاندىرمايىنشا بايلانىس جۇيەسىنىڭ جۇمىسى العا باسۋى مۇمكىن ەمەس ەدى.
تەلەفوندىق اقپاردى جانە حابار تاراتۋدى ءوزىمىزدىڭ ۇلتتىق اپپاراتۋرالارمەن قۇپيالاندىرۋ ءىسى قولعا الىندى. ەلباسىنىڭ وسى سالانى دامىتۋ جونىندەگى العا قويعان مىندەتتەردى ورىنداۋ ماقساتىمەن گەنەرال جاقىپبەكوۆتىڭ باسشىلىعىمەن 1996 جىلى ۇلتتىق قاۋىپسىزدىك كوميتەتىنىڭ ۇكىمەتتىك بايلانىس جۇيەسىن قايتا جاراقتاندىرۋ باعدارلاماسى جاسالدى. ءتۇبىرلى وزگەرىس 1997 جىلدان باستاۋ الدى.
وسىنداي اۋقىمدى جۇمىستاردىڭ باسى-قاسىندا گەنەرال-مايور سابەت جاقىپبەكوۆ ءجۇردى. بارلىق جوسپارلى جۇمىستار دەر كەزىندە، ساپالى ورىندالدى. باس باسقارمانىڭ قۇرامىنا جاڭا ماماندار تارتىلدى.
– سابەت مالعاجدارۇلىمەن بىرگە جۇمىس ىستەۋ وتە جەڭىل بولدى. ول سابىرلى، سالماقتى قالپىنان استە اينىعان ەمەس. بايلانىس جۇيەسىنىڭ قىر-سىرىن جەتىك بىلەتىن تەرەڭ ءبىلىمدى ادام. بىرنەشە جاس مامانعا قامقور بولا ءبىلدى. ول ءالى كۇنگە دەيىن قوعامدىق جۇمىستارعا بەلسەنە ارالاسادى. قازاقستان رەسپۋبليكاسى ۇلتتىق قاۋىپسىزدىك كوميتەتى ارداگەرلەر كەڭەسىنىڭ ءتوراعاسى قىزمەتىن كوپ جىل ابىرويلى اتقاردى. الماتىدا تۇرىپ جاتسا دا نۇر-سۇلتان قالاسىنا ءجيى كەلىپ، جاس ماماندارمەن كەزدەسىپ، اقىل-كەڭەسىن بەرۋدەن ايانعان ەمەس، – دەيدى زاپاستاعى پولكوۆنيك، قازاقستان رەسپۋبليكاسى ۇلتتىق قاۋىپسىزدىك كوميتەتى ۇكىمەتتىك بايلانىس قىزمەتى ارداگەرلەر كەڭەسىنىڭ ءتوراعاسى قاسىمحان ەسىمسەيىتوۆ.
قازاقستان رەسپۋبليكاسى ۇلتتىق قاۋىپسىز­دىك كوميتەتىنىڭ ارداگەرلەر كەڭەسى مەن ۇكىمەتتىك بايلانىس قىزمەتى نۇر-سۇلتان قالاسىن­داعى «دوستار» كلۋبىندا العاش رەت ارداگەرلەر اراسىندا گەنەرال سابەت ءمالعاجدارۇلى جاقىپ­بەكوۆتىڭ جۇلدەسى ءۇشىن بيليارد سپورتىنان رەسپۋبليكالىق تۋرنير ۇيىمداستىردى. «مەن سابەت ءمالعاجدارۇلىنان كەيىن ۇكىمەتتىك بايلانىس قىزمەتىنە باسشىلىق جاسادىم. ول كىسىدەن العان تالىم-تاجىريبەمىز كوپ. وتە تالاپشىل، ءبىراق قاراپايىم. ارداقتى ازاماتتىڭ جۇلدەسى ءۇشىن رەسپۋبليكالىق سايىستى وتكىزۋگە دە تۇرتكى بولعان ءوزىمىزدىڭ ارداگەرلەر» دەيدى ءتۋرنيردى ۇيىمداستىرۋ كوميتەتىنىڭ ءتوراعاسى سالتان احۋنوۆ.
سايىسقا نۇر-سۇلتان، الماتى، پاۆلودار، قاراعاندى جانە باسقا دا قالالاردان ارداگەرلەر جينالدى. بىرنەشە كۇنگە سوزىلدى. اقتىق سايىستا سەرىكباي زياشۇلى تۇلكىباي جەڭىمپاز اتانىپ، سابەت جاقىپبەكوۆتىڭ اۋىسپالى كۋبوگى تابىستالدى.
– ارامىزدا جۇرگەن ارداقتى ارداگەرلەردىڭ جۇلدەسى ءۇشىن وسىنداي سايىس ۇيىمداستىرۋدى قالىپتاستىرعان ءجون. كوپ جاعدايدا سپورتتىق تۋرنيرلەر ەسكە الۋ ماقساتىندا ۇيىمداستىرىلىپ جاتادى عوي. وعان قارسىلىعىمىز جوق. ەلىنە ەلەۋلى ەڭبەگى سىڭگەن ارامىزداعى ارداگەرلەرگە ارناپ تا تۋرنير وتكىزۋ ورىندى دەپ ويلايمىز، – دەيدى قاسىمحان ەسىمسەيىتوۆ. ايتۋىن­شا، بۇل تۋرنير داستۇرگە اينالماق. كەلەسى جىلى الماتىدا ۇيىمداستىرىلسا، ونان كەيىن قازاقستاننىڭ باسقا قالالارىندا وتكىزۋ جوسپارلارىندا بار ەكەن.
مىنە، ارىپتەستەرىنە ۇلگى، حالىققا قالاۋلى سابەت ءمالعاجدارۇلى جاقىپبەكوۆ وسىنداي ارداقتى جان، ونەگەلى وتباسى يەسى. جۇبايى ەكەۋى 3 ۇل-قىز تاربيەلەدى. ولاردىڭ اراسىندا اكە جولىن جالعاپ، مەملەكەتتىك قاۋىپسىزدىك جۇيەسىندە قىزمەت ەتكەن سەمبەك سابەتۇلى.
جالپى مەملەكەتتىك قاۋىپسىزدىك جۇيەسىنىڭ ۇجىمى توقسانعا قاراي قادام باسقان سابەت ء­مال­عاج­دارۇلى جاقىپبەكوۆتى ەرەكشە قۇرمەت­تەيدى. ول وسىنداي سىي-قۇرمەتكە ابدەن لايىق.

عالىم ورىنباسارۇلى


كەلۋ قاينارى: http://www.elarna.net/koru.php?tur=9&id=1063658

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ورازالين اقتوبەدە قۋراپ 2 مينوت
اعاجاي التاي تورى 4 مينوت
اۆتونوميالى وبلىس عىلىم 4 مينوت
دوساەۆ ەاەو-دا ورتاق ۆا 5 مينوت
ەلىمىزدەگى جولداردىڭ جا 5 مينوت
ەلىمىزدىڭ دۇنيە جۇزىلىك 5 مينوت
ءبىزدىڭ قوعامدى ءتۇسىنۋ 5 مينوت
2019-جىلى 11-ايدىڭ 1- 5 مينوت
وزبەكستاندا تۋعان قازاق 10 مينوت
جاباي نۇرماقۇلى: «جەتى 14 مينوت
كاك ماتەريا، پروسترانست 14 مينوت
قىزىلوردادا كاسىپكەر مۇ 14 مينوت
تولە ءبيدىڭ وتەگەنگە با 24 مينوت
قمدب ءتوراعاسى موڭعوليا 24 مينوت
ونەركاسىپ جانە ينفورمات 25 مينوت
استانا LRT قار تازالاۋ 25 مينوت
اعاجاي التاي تورى 25 مينوت
الماتى: 14 قاراشادا ابا 25 مينوت
ءتۇزىم نەگىزىن بەكەمدەپ 25 مينوت
تىنىشتىقبەك Əبدىكəكىمنى 25 مينوت
مۇسىلمان زيراتىنا قاتىس 29 مينوت
«كۇز ارۋى-2019 29 مينوت
ورازالين تىكۇشاقپەن اۋد 1 ساعات
ۆەتنامدا قويانداي عانا 1 ساعات
الماتىداعى اباي داڭعىلى 1 ساعات
Coca-Cola سۋسىنىنان الك 1 ساعات
جابال ەرعاليۇلى: «جەتى 1 ساعات
جيرەنشەنىڭ قاراشاشقا قۇ 1 ساعات
سايدا قالىقوۆا، ءالبينا 1 ساعات
بەيجيڭ وبا اۋرۋىنا شالد 1 ساعات