ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 11:35 - 2019/10/24

Нақты Көзі: http://anatili.kazgazeta.kz/?p=55003


پاۆلودار قالاسىندا «اقساقالدار تاعىلىمى» قوعامدىق بىرلەستىگىنىڭ كەزەكتى وتى­رىسى ءوتىپ، وندا ەرتىس اۋدانىنىڭ قۇرمەتتى ازاماتى، «وبلىس الدىندا سىڭىر­گەن ەڭبەگى ءۇشىن» بەلگىسىنىڭ يەگەرى ەلەمەس قاسەنوۆ «قىزىلجار» اۋىلىنىڭ تۋما­لارى، ءبىر اۋلەتتەن مايدانعا اتتانىپ، ەلگە ورالماعان اعايىندى جەتى بوز­داق – دۇيسەنبينوۆتەردىڭ ەسىمىن ماڭگى ەستە قالدىرۋ جونىندە ماسەلە قوزعادى. 

ايتا كەتەيىك، دۇيسەنبى جانتاسوۆ پەن وتاناسى ءاناپيانىڭ شاڭىراعى ۇلى وتان سوعىسى جىلدارىندا اۋىر قايعىعا دۋشار بولدى. ولاردىڭ التى ۇلى – ماعزۇم، نۇرماعامبەت، احمەت، جاقىپ، شايكەن جانە ماحمەت مايدانعا اتتاندى. تورتەۋى – 1942 جىلى، ەكەۋى 1943 جىلى قازا تاپتى. اعايىندى جاۋىن­گەرلەر سوعىسقا كىرگەننەن كەيىن كوپ ۇزاماي وپات بولعان، ال قانداي جاعدايدا اجال قۇشقانى تۋرالى ەشبىر دەرەك جوق.
ەرتىستىك جۋرناليست، تاريحشى،­ ولكەتانۋشى ۆيل ۆاسيلەۆيچ تىششەن­كونىڭ «زەمليا يرتىشسكايا – رودينا باتىروۆ ي حلەبوروبوۆ» اتتى كىتابىندا جانە ەلەمەس قاسەنوۆتىڭ «تۋعان ەلىم قىزىلجار» اتتى كىتابىندا جازىلعان دەرەكتەرگە قاراعاندا، بۇل اعايىندى بوزداقتاردىڭ ارعى بابالارى تاريحتا اتى ءمالىم باتىرلار بولعان ەكەن. ءىلياس ەسەنبەرليننىڭ «كوشپەندىلەر» تريلوگياسىنداعى داڭقتى كەيىپكەرلەرىنىڭ ءبىرى، جوڭعارلار مەن قالماقتاردىڭ شاپقىنشىلىعى كەزىندە اسقان ەرلىك كورسەتكەن جەكە باتىر مەن ونىڭ بالاسى قوجابەرگەن باتىردىڭ ۇرپاقتارى ەكەن. 1995 جىلى شىققان «بوزداقتار» كىتابىنىڭ پاۆلودار وبلىسى بويىنشا ەكىنشى تومىندا بىلاي دەپ جازىلعان:
«دۇيسەنبينوۆ احمەت، قاتارداعى جاۋىنگەر، قازاق، 1911 ج. قىزىلجار اۋىلىندا تۋعان، اسكەرگە 28. 11. 1939 ج. ەرتىس ااك ارقىلى شاقىرىلعان، 26. 02. 1943 ج. ۇرىس دالاسىندا قازا بولعان، لەنينگراد وبل.، لۋگا اۋد.، پودولجينو دەرەۆنياسىندا جەرلەنگەن.
دۇيسەنبينوۆ جاقىپ، قاتارداعى جاۋىنگەر، قازاق، 1918 ج. قىزىلجار اۋىلىندا تۋعان، اسكەرگە ەرتىس ااك ارقىلى شاقىرىلعان، 1943 ج. ناۋرىزىندا حابارسىز كەتكەن.
دۇيسەنبينوۆ ماعزۇم، قاتارداعى جاۋىنگەر، قازاق، 1902 ج. قىزىلجار اۋىلىندا تۋعان، اسكەرگە 20. 06. 1942 ج. ەرتىس ااك ارقىلى شاقىرىلعان، 28. 08. 1942 ج. ۇرىس دالاسىندا قازا بولعان، تۆەر وبل.، رجەۆ اۋدانى تاباكوۆو اۋىلىندا جەرلەنگەن.
دۇيسەنبينوۆ ماحمەت، قاتارداعى جاۋىنگەر، قازاق، 1917 ج. قىزىلجار اۋىلىندا تۋعان، اسكەرگە ەرتىس ااك ارقىلى شاقىرىلعان، 18. 08. 1942 ج. ۇرىس دالاسىندا قازا بولعان، سمولەنسك وبل.، سافونوۆو اۋدانى، مالايا يۆانوۆسكايا اۋىلىندا باۋىرلاستار زيراتىنا جەرلەنگەن.
دۇيسەنبينوۆ نۇرماعامبەت، قاتار­داعى جاۋىنگەر، قازاق، 1907 ج. قىزىلجار اۋىلىندا تۋعان، اسكەرگە 16.03.1942 ج. ەرتىس ااك ارقىلى شاقىرىلعان، 1942 ج. قاراشادا حابارسىز كەتكەن.
دۇيسەنبينوۆ شايكەن، قاتارداعى جاۋىنگەر، قازاق، 1921 ج. قىزىلجار اۋىلىندا تۋعان، اسكەرگە 19. 05. 1942 ج. ەرتىس ااك ارقىلى شاقىرىلعان، 28. 11. 1942 ج. ۆولگوگراد وبل.، دەرگانوۆو دەرەۆنياسىندا حابارسىز كەتكەن».
– ەرتىس اۋدانىنداعى قىزىلجار اۋىلىنىڭ تۇرعىندارى فاشيستىك باسقىنشىلاردان ءوز وتانىن قورعاپ قالۋ جولىندا جانىن قيعان اياۋلى جەرلەستەرىنىڭ ارۋاعى الدىنداعى ازاماتتىق بورىشتارىن قولدارىنان كەلگەنشە ورىندادى. ولار وسىدان ونداعان جىل بۇرىن ءار بوزداقتىڭ قۇرمەتىنە ءبىر-بىر تەرەكتەن وتىرعىزعان ەدى. قازىردە ول بويلاي وسكەن ماۋەلى اعاشقا اينالدى. سونىمەن بىرگە اۋىلداعى ءبىر كوشەنى «اعايىندى دۇيسەنبينوۆتەر» اتىمەن اتايدى. ال اۋىل ورتاسىنداعى ەستەلىك تاقتادا وسى جەردەن ۇلى وتان سوعىسىنا اتتانىپ، ەلگە ورالماعاندار ءتىزىمى ىشىندە ولاردىڭ دا ەسىمدەرى جازىلعان، – دەيدى ە.قاسەنوۆ. ايتۋىنشا، قارا شاڭىراقتىڭ وتاعاسى دۇيسەنبى اتا 1943 جىلى سوڭعى ۇلىنان قارالى حابار العاننان كەيىن، اۋىر قايعىعا جارالى جۇرەگى شىداماي، ومىردەن وزادى. ءاناپيا اپا سوعىستان كەيىن بىرنەشە جىل ءومىر سۇرەدى. ومىردەن وتەر-وتكەنشە ۇلدارىنىڭ بىرەۋى بولسا دا كەلىپ قالار دەپ ۇمىتتەنەدى، ءبىراق ءۇمىتى اقتالماپتى.
ەلەمەس قاسەنوۆ 2018 رەسپۋبليكالىق گازەت بەتىندە ء«بىر اۋلەتتەن مايدانعا اتتانعان جەتى بوزداق» ماقالاسىن ­جاريالاپ، پاۆلودار وبلىستىق «زۆەزدا پريرتىشيا» باسىلىمىندا جۋرناليست ءاليا تۇرسىنوۆانىڭ «سەم سىنوۆەي زابرالا ۆوينا» اتتى ماقالاسىنىڭ باسىلۋىنا، سونداي-اق پاۆلودار­ قالاسىنداعى جەڭىس الاڭىنداعى اللەياعا اعايىندى بوزداقتاردىڭ ەسىمى جازىلعان ەستەلىك تاقتانى ورناتۋعا سەبەپشى بولدى. جەتى بوزداق ­تۋرالى ارنايى كينوسيۋجەت ءتۇسىرۋدى ۇيىمداستىرىپ، ونى الەۋمەتتىك جەلىگە شىعاردى. ال بۇل كۇندەرى «اعايىندى دۇيسەنبينوۆتەر» مەموريال­دى ەسكەرتكىش-كومپوزيتسياسىن ورناتۋ ­جولىندا قاجىماي ەڭبەكتەنۋدە.
جيىن سوڭىندا بىرلەستىك مۇشەلەرى ءبىر اۋلەتتەن جەتى ادامنىڭ سوعىستا قازا بولۋى وبلىستا عانا ەمەس، بۇكىل رەسپۋبليكامىزدا كەزدەسە بەرمەيتىن جاعداي ەكەنىن، ولاي بولسا پاۆلودار­ قالاسىنداعى كوشەلەردىڭ ءبىرىن «اعايىندى دۇيسەنبينوۆتەر» دەپ اتاۋ جونىندە وبلىس اكىمىنىڭ اتىنا حات جۇزىندە ۇسىنىس ءبىلدىردى. «ەل ءۇمىتىن ەر اقتار، ەر اتاعىن ەل ساقتار» دەپ حالقىمىز ايتقانداي، بۇل ەلدىڭ ازاتتىعى ءۇشىن ءومىرىن قيعان تالاي بوزداقتىڭ ارۋاعى الدىنداعى كەيىنگى ۇرپاقتىڭ جاساعان تاعزىم-قۇرمەتى بولار ەدى جانە ول جەتكىنشەك ۇرپاقتىڭ وتانىنا دەگەن سۇيىسپەنشىلىگىن قالىپتاستىرۋعا يگى ىقپال ەتەر ەدى.

سەرىك ساتىبالدين
«اقساقالدار تاعىلىمى» قوعامدىق
بىرلەستىگى ءتوراعاسىنىڭ ورىنباسارى

پاۆلودار


كەلۋ قاينارى: http://www.elarna.net/koru.php?tur=9&id=1063638

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


باقىتجان ساعىنتاەۆ: «جا 4 مينوت
ەلوردادا كارانتين تالاپ 4 مينوت
ەلىمىزدە بارلىعى 38 008 7 مينوت
ەكونوميكانىڭ جوعارى ساپ 9 مينوت
جوعارى مەكتەپتەر جۇمىست 9 مينوت
قازاقستاندا وتكەن تاۋلى 13 مينوت
بىلەم بەرۋ گرانتىنا تاع 13 مينوت
التى جاسقا دەيىنگى 1200 19 مينوت
بۇگىن بىرنەشە وڭىردە اپ 19 مينوت
قازاقستاندا كوروناۆيرۋس 19 مينوت
شەتەل قارجىسى ەلىمىزدىڭ 19 مينوت
اتىراۋدا تۇرعىندار جاعى 19 مينوت
«چەلسي» ء«نورۆيچتى» جەڭ 19 مينوت
جەمقورلىق ءۇشىن جاۋاپكە 25 مينوت
15 شىلدە - ەلوردادا اۋق 25 مينوت
جاساندى شاش كاسىبى ”قار 29 مينوت
اقتوبەدە تۇرعىنداردىڭ ت 29 مينوت
قاراعاندىدا كوروناۆيرۋس 29 مينوت
اۋعانستان پرەزيدەنتى لا 1 ساعات
وتكەن تاۋلىكتە ەلدە تاع 1 ساعات
قازاقستاندا وتكەن تاۋلى 1 ساعات
ەلىمىزدە كوروناۆيرۋس ي 1 ساعات
«ھيباتۋللا تارازي» مەدر 1 ساعات
بريتاندىق عالىمدار ىندە 1 ساعات
قحل: «بارىس» كەلەسى ماۋ 1 ساعات
ەكى مينيسترلىك ەلىمىزدى 1 ساعات
اتىراۋ قالاسىنىڭ اۋاسى 1 ساعات
فرانتسيا ماسكا تاعۋ رەج 1 ساعات
پاۆلوداردا اسكەري انت و 1 ساعات
جازىلىپ شىققاندار كوبەي 1 ساعات