ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-16464218247 %53 %
2019-06-17595188948 %52 %
2019-06-1815938532 %68 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 08:45 - 2017/09/09

ريسۋنوك (4)ساناسى سەرگەك، ويى شيراق رابيعا اپاعا قاراپ، ول كىسىنى 90-عا كەلگەن دەپ استە ويلامايسىز. الماتىداعى بالالارىن ساعىنعاندا وتارباعا وتىرادى دا، «الماتى، قايداسىڭ؟!.» دەپ تارتىپ تۇرادى. «اپا، بۇگىن ءبىزدىڭ ۇيگە ءجۇرىڭىز!..» دەپ تالاسىپ جۇرەتىن بالالارى مەن كەلىندەرىنىڭ ورتاسىندا، اياعىنا ورالعان نەمەرە-شوبەرەلەرىنىڭ بەتىنەن يىسكەپ، ماۋقىن باسىپ، ءبىر جادىراپ قالادى. قالانىڭ يۋ-قيۋىنان، ۋ-شۋىنان شارشاعاندا، كەرى شيەلىگە قاراي، قارا شاڭىراققا، سول قارا شاڭىراقتىڭ ءتۇتىنىن تۇتەتىپ وتىرعان بالالارىنا قايتا اسىعادى.
رابيعا اپانىڭ بەت-جۇزىن شيمايلاعان ءومىر ىزدەرىنە قاراپ، ءوز زامانىنىڭ بارلىق اۋىرتپالىعىن، تاعدىر تاۋقىمەتىن ءبىر كىسىدەي تارتقانىن اڭعارۋ قيىن ەمەس. سولاي بولا تۇرا، توقساننىڭ تابالدىرىعىن اتتاۋ – كەز-كەلگەنگە بۇيىرمايتىن سىباعا ەكەنىنە تاعى ءبىر كوزىڭ جەتەدى. ەڭسەسىن تىك ۇستاپ، سوزىنەن جاڭىلىسپاي وسى جاسقا جەتۋدىڭ ءوزى – سۇيەگى اسىلدارعا عانا ءتان قۇبىلىس شىعار.
رابيعا اجە نەمەرە-شوبەرەلەرىنىڭ اتىنان جاڭىلماي، ءتىپتى، قايسىسى قاي وقۋ ورنىندا نەمەسە نەشىنشى سىنىپتا وقيتىنىنا دەيىن شاتاستىرماي، ناق ايتىپ وتىرعانىن كورگەندە، ەرىكسىز تاڭعالدىق. ء«وي، جارىعىم سول!..» دەپ شوبەرەلەرىنىڭ استى-ۇستىنە ءتۇسىپ بايەك بوپ وتىرعان قارت اجە ءۇشىن بۇدان اسقان بايلىق جوق شىعار. تەك ءوز ۇرپاعىنىڭ عانا ەمەس، بۇكىل قۇدا-جەگجاتتىڭ ءزاۋ-زاتىن جاڭىلماي ءتىزىپ وتىراتىن زەردەلى جاننىڭ ءبولمىس-بىتىمى جاقسىلىق پەن ىزگىلىككە قۇرىلعانداي!
انا باقىتى دەگەن وسى بولار، ءسىرا!..

DSC05648– ءومىر كوشى مارە سىزىعىنا جاقىنداپ قالدى، قاراعىم، – دەپ باستادى رابيعا اپا اڭگىمەسىن. – 1925 جىلعىمىن. بۇ ءدۇنيانىڭ قىزىعىن دا، شىجىعىن دا كوردىك. ۋاقىت العا وزعان سايىن وتكەنىڭ مەن كەلەشەگىڭدى كوبىرەك ويلايسىڭ. كەلەشەگىڭ دەپ وتىرعانىم – مىنا جۇرگەن جامان قارالار، وسىلاردى ۋايىمدايمىن دا وتىرامىن. ۇرپاعىمىزدىڭ زامانى تىنىش، ءومىرى باقتى بولسا ەكەن دەپ جاتسام-تۇرسام اللادان تىلەيمىن…
رابيعا ءبايدىلداقىزى قىزىلوردا وبلىسىنىڭ شيەلى اۋدانى ەڭبەكشى اۋىلىندا تۋىپ-وسكەن. سەگىز قىرلى، ءبىر سىرلى، جىگىتتىڭ تورەسى بايتىلەسكە تۇرمىسقا شىققان سوڭ، وتباسىمەن «قىزىل تۋ» كولحوزىندا تۇرادى، لەنين اتىنداعى كولحوزدا، سوسىن سول ەڭبەكشىدە ەڭبەك ەتەدى.
– شالىم فەرمادا جۇمىس ىستەدى، قوجايىنىمدى «بايەكە» دەۋشى ەدىم، (بايتىلەس اتامىزدى ايتادى – ءس.ا.) بايەكەڭ 1941 جىلى سوعىسقا كەتەر الدىندا «سەنىڭ اكە-شەشەڭ مومىن، بىرەۋ سۇراسا بەرە سالادى، سوعىسقا كەتپەس بۇرىن ءوزىم سەنى جار ەتىپ الامىن، ۇيلەنەمىز…» دەپ، قۇدا جىبەرىپ، مەنى الدى. مەن ول ۋاقتا 16 جاستامىن. ون بەس-جيىرما كۇننەن كەيىن ءوزى اسكەرگە كەتتى. اۋىلداعى قىز-كەلىنشەكتەرمەن قاتار مەن دە كولحوزدىڭ جۇمىسىن ىستەدىم، كولحوزدىڭ وتىمەن كىرىپ، كۇلىمەن شىقتىق.
– قىزىلوردا – كۇرىشىمەن داڭقى شىققان كيەلى مەكەن عوي، اپا، ءسىز دە كۇرىش ەگۋدىڭ ماشاقاتىن كورگەن شىعارسىز؟
– كۇرىش ءوسىرۋ، ۇيرەنىپ الساڭ، ماقتادان قيىن ەمەس. قىرىق كۇن سۋدا تۇرۋ كەرەك، سۋ كۇرىشتىڭ قۇلاعىنا جەتپەۋ كەرەك، ايتپەسە ءشىرىپ كەتەدى. كۇرىش ەگۋ ءۇشىن يەن دالانى – سىر بويىنداعى كەڭ القاپتى شەڭگەلدەن تازارتامىز. ءبىر ءتۇپ شەڭگەل ءبىر تامنىڭ ورنىنداي جەردى الىپ جاتادى، بيىكتىگى ادامنىڭ بويىنداي. ونى شاپقاندا قولىڭدا، بەت-اۋزىڭدا ساۋ تامتىق قالمايدى، تىكەن ءتىلىم-تىلىم قىپ ءتىلىپ تاستايدى. ءوزىمىز جاسپىز، ونىڭ ۇستىنە كەتپەنىمىز ءقايبىر جەتىسكەن وتكىر دەيسىڭ؟ ءجۇزى مايىرىلىپ قالعان وتپەيتىن كەتپەنمەن شاپقىلاعان سايىن شەڭگەل دە ەرەگىسە تۇسەدى. ءبىزدىڭ مىقشىڭداپ شابا الماي قينالىپ جاتقانىمىزدى كورىپ، قاسىمىزعا ىبەكەڭ – ىبىراي جاقاەۆ كەلدى. ول كىسىنىڭ كەتپەنى دە باسقاشا، ءجۇزى جىلت-جىلت ەتىپ لىپىلداپ تۇر. كەلدى دە كەتپەنىمەن ەكى سەرمەپ قالىپ ەدى – ۇيدەي شەڭگەل توپ ەتىپ قۇلادى. سويتسەك، ول شەڭگەلدىڭ اقتامىرى بولادى ەكەن، سول تامىرىن ءدوپ باسىپ شابۋ كەرەك ەكەن. ونى قايدان بىلەيىك؟.. سودان الگى شابىلعان تاۋداي شەڭگەلدى ايدالاعا قاراي سۇيرەيمىز – قاتىن-قالاش، كەمپىر-سامپىر، بالا-شاعا جابىلىپ… ول ۋاقتا اۋىلدا ءبىر ەركەك جوق… ءبارى سوعىسقا كەتكەن… سوسىن ول شەڭگەلدى ورتەيمىز… كەشكە ۇيگە سىلەمىز قاتىپ كەلەمىز. كەلگەن سوڭ ءبىر كەسە شايىڭدى ءىشىپ الىپ، تىنىعۋ دا ارمان… شارشاپ-شالدىعىپ ۇيگە جەتكەن سوڭ تۇنىمەن سىعىرايعان شامنىڭ جارىعىندا تىگىن تىگەمىز، توقىما توقيمىز، شۇلىق توقيمىز، ءسويتىپ ونى وتكىزەمىز… ءستاليننىڭ زاڭى قاتال بولدى عوي…
ارۋ اۋىل 061ماڭداي تەرىمىز شۇمەكتەپ ەگىستىك القابىندا جۇرەمىز – تۇقىم سەبەمىز، سۋىن قارايمىز، بايلايمىز، ورامىز. تاڭەرتەڭگىسىن كەتىپ، كەش قارايا جۇرتپەن بىرگە قايتامىن. «ەمىزۋلى بالاسى بار» دەپ اۋىلعا ەڭ جاقىن القاپتارعا جىبەرەدى. جۇرتپەن بىردەي جۇمىس ىستەيسىڭ. قۇدايدىڭ قاراسقانى شىعار، قاسىمدا شەشەم بولدى، بالالارعا سول قارادى. تاڭەرتەڭگىسىن ەمىزىپ كەتەمىن، سودان كەشكە ءبىر-اق كەلەمىن. كۇندىز ءتۇزدىڭ جۇمىسى، كەشكە ۇيگە كەلگەن سوڭ تۇنىمەن ءۇيدىڭ تىرلىگى بىتپەيدى – تۇندەلەتىپ ەكى بيە ساۋامىن، ەكى تۇيە ساۋامىن، التى سيىر ساۋامىن، ءسۇت پىسىرەمىن، ول ۋاقىتتا دۇكەندە نان جوق، تۇنىمەن قامىر اشىتىپ، تابا-تابا نان جابامىن. كۇبى ءپىسىپ، ورەگە قۇرت جايامىن. ءبىر قۇرت المايمىن – ءبارىن بالالار ويناپ ءجۇرىپ-اق جەپ قويادى. سوندا مەنىڭ جانىم تەمىر ەكەن عوي… ءجۇن ءتۇتىپ، كيىز باستىم، ۇرشىق ءيىرىپ، كىلەم توقىدىم، سىرماق توقىدىم. سوندا سونشاما بەينەتتەنەتىندەي، قاي قىزىما جاساۋ جاساپ ءجۇرمىن دەيمىن-اۋ… كورشى-قولاڭ، قاتىن-قالاش كىلەم توقىسا – كىلەم توقىپپىن، كيىز باسسا – مەن دە كيىز باسىپپىن. قاتىنداردان قالمايىن دەپ ىستەي بەرەمىن ايتەۋىر… ول ۋاقىتتا قولونەر بۇيىمدارىن جاساۋ ءومىرىمىزدىڭ اجىراماس بولشەگى، تىرلىگىمىزگە ەنىپ كەتكەن ءداستۇر ەدى. سول ادەت ءبارىبىر قالمايدى ەكەن، قولىم بوس وتىرا المايمىن. جاقىندا عانا ماقتا ساتىپ الدىرتىپ، اۋىلداعى قارا شاڭىراقتا وتىرعان بالام بەكتورەنىڭ بالاسىنا – ماعجان نەمەرەمە ءتورت كورپە تىگىپ قويدىم…
– سابىن قايناتقان كەزىڭىز قاي كەز؟
– سوعىس ۋاعىندا دا سابىن قايناتتىق، سول بىلگەنىمىزدىڭ پايداسى – ءقايبىر جىلدار «كىرزىستىڭ» كەزىندە سابىن جوعالىپ كەتتى عوي، سول كەزدە دە سابىن قايناتتىم. اۋىلداعى بارلىق قاتىندار كەلىپ مەنەن سابىن الاتىن. ساتقام جوق، قۇداي ساقتاسىن، سۇراپ كەلگەندەرگە تەگىن بەردىم. وزدەرىنە دە كورسەتتىم، ۇيرەتتىم، ءبىراق ۇيرەنە الماي-اق قويدى. سابىن قايناتۋدىڭ دا ءوز سىرى بار، ءادىس-تاسىلى بار. ۇيرەنىپ العان سوڭ تۇك تە قيىندىعى جوق. مەن ساعان سابىندى قالاي قايناتۋ كەرەكتىگىن ايتايىن، ىستەي الساڭ – ىستەدىڭ، ىستەي الماساڭ – سەنى ەشكىم سوتتامايدى… (رابيعا اپا سابىن قايناتۋدىڭ ءادىسىن ايتىپ بەردى – ءس.ا.)
00000000000033– اتاقتى كۇرىششى ىبىراي جاقاەۆپەن بىرگە كۇرىش ەگىپسىز…
– ە-ە، ول راس… ءبىز، قىز-كەلىنشەكتەر، ەتەگىمىزدى ءتۇرىپ الىپ، وڭ يىعىمىزعا ءبىر دوربا، سول يىعىمىزعا ءبىر دوربا تۇقىمدى اسىپ، كانالدى كەشىپ ارعى بەتكە الىپ وتەمىز. دوربانىڭ ءارقايسىسى 20 كەلىدەن. كانالدىڭ سۋىنا مالىنعاندا دوربامىز ءتىپتى اۋىرلايدى. قاپ كوتەرەتىن ءبىر ەركەك جوق، وڭكەي قىز-قىرقىن، قاتىن-قالاش… ىبەكەڭ كانالدىڭ شەتىنەن قازىپ، باسپالداق جاساپ قويعان. ول سول جەردەن ءوزى كوتەرىپ ارى قاراي الىپ كەتەدى. سونداعى ىبەكەڭنىڭ ەڭبەكقورلىعىن ايتسايشى! تۇقىم سەبۋدىڭ دە سىرى بار. ىبەكەڭ تۇقىمدى قۇلاشتاپ تۇرىپ شاشقاندا، ءار كۇرىش ءوز ورنىن ءدال تابادى-اۋ. اياق ءقيىمىن شەشىپ تاستاپ، جالاڭ اياق ءجۇرىپ شەڭگەل شابادى، تۇقىم سەبەدى… «اياعىڭىزعا تىكەن كىرەدى، كيىپ الىڭىز» دەسە، تىڭدامايدى. ايتقانىمىزداي، ءبىر جولى ىبەكەڭنىڭ تابانىنا بارماقتاي تىكەن كىرىپتى. ءوزى الىپ تاستاماق بولىپ ارى-بەرى كورگەن، الا الماعان. جۇمىسىن ىستەپ كەتە بەرگەن. «تىكەن سۋعا تيسە ءجىبيدى، الۋعا وڭاي بولادى…» دەپ سۋدى كەشىپ جۇرە بەرگەن. تابانى جەرگە تيگەن سايىن تىكەن ارى قاراي تەرەڭدەي بەگەن.
تۇسكى اس كەزىندە القاپتىڭ باسىندا وشاققا، ءداۋ قازانعا تاماق پىسىرەمىز. سۋدى كانالدان تاسيمىز، شاي تاپشى، شاي ورنىنا كانالداعى جالبىزدى قايناتىپ ىشەمىز. سودان بولار، ءبىر كۇن اۋىرىپ كورگەمىز جوق…
ءبىردى ايتىپ، بىرگە كەتتىم عوي… سودان تۇسكى اس كەزىندە ءبىر ءسات تىنىعىپ وتىرعان ەدىك، قاسىمىزعا كەلگەن ىبەكەڭ «اياعىم شىداتپاي بارادى، كورىڭدەرشى…» دەدى. سويتسەك، اياعىنا بارماقتاي جۋان شوڭگە كىرىپتى، تابانىن تەسىپ كەتكەن. الگىنى ايەلدەر ينەمەن، جۋالدىزبەن الماق بولىپ ارى-بەرى اينالدىرىپ كوردى، ءبىراق الا المادى. ءبىر ۋاقتا ىبەكەڭ:
00000000000033a– قالقام، سەنىڭ ساۋساعىڭ سۇيرىك، تىرناعىڭ ەپتى سياقتى، الا الاسىڭ با مىنا تىكەندى؟ – دەدى.
– قايدام… كورەيىن… – دەدىم دە، ىشىمنەن ء«بىسمىللا، يا قۇداي، جار بول!.. يا ءارۋاق، جار بول!..» دەپ ىبەكەڭنىڭ قاسىنا كەلدىم. ءوزىم قورقىپ وتىرمىن. «الا الماي قالسام، ۇيات بولادى-اۋ… بۇل قيىن بولدى-اۋ…» دەپ ۋايىمدادىم. جاسپىن عوي، جيىرماعا دا تولماعام، قوبالجىپ، دىرىلدەپ تۇرمىن. سونى سەزگەن جاقاەۆ:
– قاراعىم، سەن باتا الماي وتىرسىڭ عوي، قورقىپ وتىرسىڭ با؟ – دەدى.
– جوق… – دەپ، ءوزىمدى قولعا الا قويدىم. ىشتەي «نار، تاۋەكەل، ءبىر قۇداي قولداسىن، اتا-بابامنىڭ ءارۋاقتارى جەبەسىن!..» دەدىم دە، ىبەكەڭنىڭ اياعىنداعى شوڭگەگە قاراسام… وي، سۇمدىق-اي!.. مەنىڭ سۇق ساۋساعىمداي جۋان شوڭگە تابان ەتىن ىرسيتىپ تەرەڭ كىرىپ كەتىپتى، بولار-بولماس، ىلىنەر-ىلىنبەس كورىنىپ تۇر. بۇل شوڭگەنى تىسىممەن جۇلىپ الماسام، باسقاداي الا الماسپىن دەگەن وي كەلدى. ىبەكەڭ الدىندا عانا اياعىن تازالاپ جۋىپ كەلگەن. «نار، تاۋەكەل!.» دەپ، تىستەدىم دە، ارى-بەرى تارتىپ كودىم. بولمادى. ەكىنشى رەت تاعى تىسىممەن تارتقىلادىم، سۋىرا المادىم. وسىلاي ءۇش رەت قايتالاندى. بۇرىنعىداي ەمەس، تىكەننىڭ جارتىسى كورىنىپ قالدى.
كۇنۇزاق ءبىر اۋىز سويلەمەيتىن كىسى «الدا، قاراعىم-اي، سەنى دە اۋرەلەدىم-اۋ…» دەپ بايەك بوپ وتىر. ءبىر ۋاقىتتا از-ماز دەم الىپ، «اعا، تاعى ءبىر كورەيىن، ءسىز دەنەڭىزدى قاتتى بەكەم ۇستاپ وتىرىڭىز…» دەدىم دە، ءبىر قۇدايعا قايتا جالبارىنىپ، تاعى دا ەكى تارتتىم. ءۇشىنشى رەت تارتقاندا شوڭگەنى جۇلىپ الدىم. اۋزىمنىڭ ءبارى قان بولدى. ىبەكەڭ بالاشا قۋانىپ، «راحمەت، قالقام، ءتاۋىر بوپ قالدى» دەپ العىسىن ايتتى. ءسويتىپ، اياعىن قايتا جۋىپ، بىردەڭە جاقتى دا، شۇبەرەكپەن بايلاپ قويدى. «ال ەندى جۇمىسىمىزعا كىرىسەيىك…» دەدى دە، ازداپ اقساڭداي باسىپ، تۇك بولماعانداي قايتادان جۇمىسىنا كىرىستى. سول ەڭبەگىنىڭ ارقاسىندا اتاقتى كۇرىششى اتاندى، ەكىنشى رەت گەروي وردەنىن الدى. (سوتسياليستىك ەڭبەك ەرى اتاعىن ايتادى. سول جىلى ىبىراي جاقاەۆ كۇرىش وسىرۋدەن الەمدىك رەكوردتى جاڭارتتى. سىر بويىندا الەمدىك رەكوردتى جاڭارتقان جەر بۇل كۇندە «ىبىراي تۇبەگى» دەپ اتالادى – ءس.ا.).
PIC00437– اكەڭىزگە كەلىنشەك اپەرىپسىز عوي، سول اڭگىمەڭىزدى ايتىپ بەرىڭىزشى…
– ءيا، مىرزاگۇل شەشەم مارقۇم، ول ۋاقىتتا ءتىرى. اكەم ءبايدىلدا 73-تە، شەشەم دە قارتايعان شاعى. سودان ءبىر كۇنى كوكەمە: «كوكە، نەشەگە كەلدىڭ؟» دەپ ەدىم، «انا ءباتىش سايتانمەن جاستىسىڭ، 73-تەسىڭ دەپ ايتتى عوي» دەيدى. ءوزى ناقتى جاسىن بىلمەيدى دە، قازاقى عوي. ول كەزدە بايەكەڭ پارتورگتىق قىزمەتكە اۋىسىپ، لەنين كولحوزىنا كوشكەنبىز. سول اۋىلدان ارنايى اكەمە كەلىنشەك اپەرۋ ءۇشىن كەلدىم. اۋىلدا ءبىر جاقسى كەلىنشەك بار ەدى، شاريپا دەگەن، جاسى قىرىقتان اسقان، ءوزى كۇيەۋى ءولىپ جەسىر قالعان، اپاسى ەكەۋىمىز سونى اينالدىردىق. سوندا كوكەم جارىقتىق «الايىن» دا دەمەيدى، «المايمىن» دا دەمەيدى. سول كەلىنشەكتى اقىرى اكەمە كەمپىرىنىڭ ۇستىنەن الىپ بەردىم. مەنىڭ شەشەم سەگىز قىز تاپقان. كەيىنگى جاس شەشەمىز ەكى ۇل تۋدى. كەيىن اكە-شەشەمىز ولگەن سوڭ، ول ەكى ءىنىم ءوزىمنىڭ قولىمدا ءوستى. سول ەكى ىنىمنەن اكەمنىڭ ۇرپاعىن جالعاپ وتىرعان ونشاقتى بالا بار، قۇدايعا شۇكىر.
– اپا، بايتىلەس اتامىز سوعىستان قاي جىلى قايتتى؟
– بايەكەڭ 1945 جىلى سوعىستان امان-ەسەن ورالدى، كوممۋنيست بولدى، اۋىلسوۆەت بولدى، پارتورگ بولدى. ۇلكەن قىزمەتتەر اتقاردى. قانداي جۇمىس ىستەسە دە، ادالدىعىنان جازبادى، ەلگە سىيلى، جۇرتقا ابىرويلى بولدى. 1947 جىلى تۇڭعىش قىزىمدى بوساندىم. شالىم سوندا ء«ارۋاققا بەر، اتىن اتاما» دەدى، وسى كۇنگە دەيىن اتىن اتامايمىن، 67-گە كەلەدى. جاس كۇنىندە «تىلەكتىڭ قىزى» دەۋشى ەدىم، كەيىن كۇيەۋگە بەرگەن سوڭ «تىلەكتىڭ كەلىنشەگى» دەيتىن بولدىم. قازالىدا تۇرادى، بالالى-شاعالى. «اپامدى جىبەرىڭدەر، ءوزىم قارايمىن» دەيدى. مەن ءوز ۇيىمە قايتقىم كەپ ءجۇر، وعان بالالار «كۇن جىلىنسىن، جەر قارايسىن…» دەپ جىبەرمەي وتىر…
ودان كەيىن تاعى ءبىر قىز، ون ۇل تاپتىم، اللاعا شۇكىر. بالالارىمنىڭ ءبارى – ەر بالا. ءۇي تىرلىكتەرىنىڭ ءبارىن وزدەرى اتقاردى – ەكى بالادان كەزەكتەسىپ ءۇي تازالايدى، ىدىس-اياق جۋادى، ەكى بالا قورا-قوپسىعا جاۋاپتى، ءشوبىن اكەلەدى، مالعا قارايدى. بۇگىندە ءبارى دە ءۇيلى-باراندى، بارىنەن نەمەرە كورىپ، شوبەرە ءسۇيىپ وتىرمىن، تاۋبە…
00000000003– «اتانىڭ ۇلى بولما، ادامنىڭ ۇلى بول» دەمەكشى، ون ەكى بالانىڭ ىشىندە نۇرتورە ءجۇسىپ دەگەن بالاڭىز بۇگىندە قازاقتىڭ بالاسىنا اينالدى. نۇرتورە اعامىز بالا كەزىندە قانداي ەدى؟
– نۇرتورە كوپ وقيتىن، كىتاپ وقىعاننان شارشامايتىن. باسقا بالالار ويىن قۋىپ جۇرسە، نۇرتورە ەڭ تىنىش، جايلى بولمەگە كىرىپ الىپ، كىتاپ وقىپ وتىراتىن. ءبىر كۇنى نۇرتورەنى جوعالتىپ الىپ، بۇكىل اۋىل بولىپ شۋلاپ ىزدەدىك. ەشكىم كورمەگەن، ەشكىم بىلمەيدى. جانىمدى شۇبەرەككە ءتۇيىپ، قۇدايعا جالبارىندىم. سۋعا كەتتى مە دەپ، وزەنگە قايتا-قايتا بارامىن. ءۇيدىڭ ارتىندا كارى ەمەن بار ەدى، دىڭگەگى قۋىس بولاتىن. كادىمگى ءىن سياقتى ما، ۇڭگىر سياقتى ما… سويتسەك بۇل بالام سول ەمەننىڭ قۋىسىنا ۇيدەن توسەنىش، كورپە-جاستىق، ىدىس-اياق اپارىپ، وزىنە جايلى ءۇي جاساپ الىپتى. سول جەردە كىتاپ وقىپ جاتىپ ۇيىقتاپ قالىپتى. «نۇرتورە!.. نۇرتورە!..» دەپ ءۇيدىڭ ارتىنا اينالىپ تاعى ءبىر ايعايلاعانىمدا، «نە؟» دەپ اعاشتىڭ قۋىسىنان شىعىپ كەلە جاتىر…
نۇرتورەم ساباقتى جاقسى وقىدى، مەكتەپتى التىن مەدالعا ءبىتىردى. ءۇي تىرلىگىنە دە قولعابىس ەتتى، نۇرتورە تاماقتى ءدامدى دايىندايتىن. نۇرتورە قالاعا كەلگەندە 5 قاباتتى بيىك ۇيدە تۇردى، سوندا بالام لاس جەردى باسپاسىن، جولى تازا بولسىن دەپ، الگى ءۇيدىڭ باسپالداعىن تۇگەل كۇندە سىپىرىپ قويامىن. «اپاشكا كۇندە باسپالداق سىپىرادى» دەپ كورشىلەر تاڭعالىپ جۇرەدى. ونىڭ نەسىنە تاڭعالاتىنىن… بالالارىمنىڭ ءبارى دە، قۇدايعا شۇكىر، مەنى جەرگە قاراتقان جوق، ساباقتارى دا، ءتارتىبى دە جاقسى بولدى. ءبارى دە باۋىرمال، مەيىرىمدى، ءتاتۋ-تاتتى، كوپشىل، ەڭبەكقور بولىپ ەرجەتتى. ەندى وسى قۇلىندارىمنىڭ الدىندا السا، ارمانىم جوق…
– ۇزاق جاساۋىڭىزدىڭ سىرى نەدە، اپا؟
– كىم جامان ويدان اۋلاق بولسا، وكپە-رەنىش، كەك ساقتاماسا، كەشىرىمشىل بولسا، كۇندەستىك، كورەالماۋشىلىق دەگەن جامان مىنەزدەردى بويىنا جۋىتپاسا، ادامدارعا تەك جاقسىلىق ويلاپ، قولىنان كەلگەنىنشە جاقسىلىق جاساسا، كوپ ەڭبەك ەتسە، ادال ءجۇرىپ-تۇرسا – سول ادام ۇزاق جاسايدى.
– بالالارىڭىزعا، جاستارعا قانداي وسيەت ايتاسىز؟
– جاس كەزدە ادام كەيىن قالدىم، كەش قالدىم دەپ ويلامايدى، ويتكەنى ۋاقىتتىڭ ءقادىرىن بىلمەيدى. سوندىقتان ۋاقىتتىڭ ءقادىرىن ءبىلۋدى ۇيرەنىڭدەر. جاس كۇنىڭدە وقۋ وقىپ، ءبىلىم ىزدەپ، ونەر ۇيرەنسەڭ قور بولمايسىڭ. ال قارتايعاندا ونىڭ ءبارى كەش بولادى. وكىنىش دەگەن سول. ءبىر-بىرىڭنىڭ ءقادىرىڭدى بىلىڭدەر، بىر-بىرلەرىڭنىڭ كوڭىلدەرىڭە قاياۋ سالاتىن اۋىر ءسوز ايتپاڭدار. تەك جاقسىلىق جاساۋعا ۇمتىلىڭدار. جاقسى ويلاعان ۇزاق جاسايدى. «جاقىنىڭدى جاتتاي سىيلا، جات جانىنان ءتۇڭىلسىن» دەيدى، سىي-قۇرمەتتەرىڭدى جوعالتپاڭدار، اينالايىن. اتا-انالارىڭدى سىيلاڭدار. ءبىز قاشانعى جۇرەر دەيسىڭدەر؟!. كەلمەستىڭ كەمەسى ءبىزدى دە كۇتىپ تۇر… ءتاتۋ-تاتتى بولىڭدار!..

سۇحباتتاسقان
ساۋلە ابەدينوۆا

ء

«اقجۇنىس-استانا» جۋرنالى

www.akjunis.kz

سايتىمىزدىڭ جاڭا ماقالالارىنا جازىلىڭىز

پودەليتسيا ۆ سوتس. سەتياح

وپۋبليكوۆات ۆ Facebook
وپۋبليكوۆات ۆ Google Buzz
وپۋبليكوۆات ۆ Google Plus
وپۋبليكوۆات ۆ LiveJournal
وپۋبليكوۆات ۆ موي مير
وپۋبليكوۆات ۆ ودنوكلاسسنيكي
وپۋبليكوۆات ۆ ياندەكس

كەلۋ قاينارى: http://www.elarna.net/koru.php?tur=8&id=813131

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


جاڭا مينيستر باس مۇفتيى 6 مينوت
وسى ارانى باسىپ كورىڭىز 6 مينوت
وسى ارانى باسىپ كورىڭىز 16 مينوت
الماتى وبلىسىندا 73،2 ش 17 مينوت
گۇل شاھاردىڭ شىرايى  26 مينوت
YouTube Star Logan Paul 26 مينوت
وسى ارانى باسىپ كورىڭىز 26 مينوت
18 ماۋسىم. تۋعان كۇن يە 1 ساعات
تارازدا بيىل گازدىڭ جار 1 ساعات
مۇنايدىڭ باعاسى تومەندە 1 ساعات
ەلىمىزگە كورەيالىق كومپ 1 ساعات
تەننيس: ۆوسكوبوەۆا جۇپت 1 ساعات
Graduating from Chef Sc 1 ساعات
What the Stars of Impra 2 ساعات
18 ماۋسىم. قازاقپارات ك 2 ساعات
باس ءمۇفتي: سىندارلى كە 2 ساعات
چەمپيوندار ليگاسى. «است 2 ساعات
قازالى تۇرعىنى 7 گەكتار 3 ساعات
ء«جيى اشۋلانامىن، نە ىس 3 ساعات
عالىمبەك كەنجەباەۆ ماچت 3 ساعات
قازاقستاندىق دزيۋدوشى ر 3 ساعات
ورالدا ساياجايلاردان 17 3 ساعات
مينيستر يمامداردىڭ قانش 4 ساعات
ميلان رادين «اقتوبەگە» 4 ساعات
4،000 Flights Have Been 4 ساعات
قازاقستان مۇسىلماندارى 4 ساعات
قىتايدان ەلگە زاڭسىز كى 4 ساعات
قازاقستان كۋبوگىنىڭ 1/2 4 ساعات
قايماعى بۇزىلماعان قاير 5 ساعات
قاراعاندى وبلىسىنىڭ پول 5 ساعات