ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-24558186252 %48 %
2019-06-25560281062 %38 %
2019-06-2614337744 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 10:45 - 2017/08/28

ماحاببات

ماحاببات

ء

ومىر دەگەن اقيقاتىندا كۇردەلى. كۇرمەۋىن شەشەم دەپ جۇرگەندە كۇندەرىڭنىڭ ءبىتىپ قالۋى دا عاجاپ ەمەس ەكەن. ادامنىڭ ازدى-كوپتى عۇمىرىن اداسپاي ءجۇرىپ ءوتۋ ءۇشىن اللادان تەك جاڭىلىسپاۋدى سۇراۋ كەرەك سەكىلدى. ءومىر سول قاتەلىكتەرىمەن قىزىق سياقتى كورىنسە دە، ءبىر عانا شالىس قادامنىڭ قاسىرەتى قالعان عۇمىرىڭدى تۇزەتۋگە كەلمەستەي، باسقا ارناعا بۇرىپ اكەتسە شە؟
– اناشىم، مەن بىرەۋدى شىن جاقسى كورىپ قالعانىمدى، ول ادام مەنىڭ شىن ماحابباتىم ەكەنىن قالاي بىلۋگە بولادى؟ – دەيدى قازىرگى زاماننىڭ بۇكپەسىز سويلەيتىن بالاسى.
راسىندا دا، جاي ۇناتۋ، ولەردەي عاشىق بولۋ نەمەسە سول ادامعا ۇيرەنىسىپ قالعانىڭدى ماحاببات ەكەن دەپ قابىلداۋدان قاشۋ ءۇشىن، ءومىردىڭ ءوزى ۇستاز بولعان اششى ساباقتاردان مىندەتتى تۇردە ءوتۋ كەرەك پە؟ ءوزىڭ جاڭىلىستىڭ دەلىك، ءبىراق ەڭ جاقىن ادامدارىڭ جىلت ەتپە سەزىم، اياقاستىنان قۇيىپ كەتكەن وتكىنشى جاڭبىرداي وتپەلى ماحابباتقا ۇرىنباۋى ءۇشىن ۇرپاعىنا ۇلاعات ايتىپ وتىراتىن تاعدىر اتتى اجە بىلاي دەيتىن سياقتى.
– ايتىڭىزشى اجە، مەن ءوزىمنىڭ عاشىق بولىپ قالعانىمدى قالاي تۇسىنەمىن؟
– وپ-وڭاي، بالام، تانىسقان ءساتىڭ ەسىڭدە مە؟
– ارينە، تانىسقان كۇنىمىزدى عانا ەمەس، ءاربىر جولىققانىمىز، ءبىر بىرىمىزگە ىنتىعا قاراپ، العاش رەت قول ۇستاسىپ، سۇيىسكەنىمىز، ءار كەزدەسۋگە قانداي كويلەك كيىپ بارعانىم، ءبارى-بارى ەسىمدە. بۇل ماحاببات پا؟
– جوق، بالام! ماحاببات – ءار كەزدەسۋدە ءوزىڭنىڭ نە كيگەنىڭ ەمەس، ونىڭ نە كيگەنىن ەسىڭدە ساقتاۋ، ال سەنىكى – ۇناتۋ، عاشىق بولۋ عانا.
– اجە، بارلىق جىگىتتەر ماعان بىردەي سياقتى بولىپ كورىنەدى. راسىندا سولاي ما؟ تانىسقاننان كەيىن-اق، ءبارى بىردەي اڭگىمە ايتادى، بىردەي قالجىڭداسىپ، جاناسۋعا ۇمتىلىپ، اقىرىندا كەتىپ تىنادى.

ماحاببات

ماحاببات

– ءاي، بالامىسىڭ دەگەن… ەركەكتەردىڭ ءبارى ەشقاشان بىردەي بولعان ەمەس. بىردەي بولىپ كورىنەتىنى – ايەلدەر ىلعي وزىنە ۇقساس ادامداردى ىزدەيدى. مىسالى، ساعان قاراپايىم، ۇيكۇشىك ەركەكتەر ۇناي ما؟ ولاي بولسا، ءتورت قابىرعادان ۇزاپ ەشقايدا بارعىسى كەلمەيدى، كۇيبەڭ تىرلىگى بىتپەيدى دەپ ىزىڭداما. جۇرگەن ورتاسىندا جارقىلداپ، جورا-جولداس جيىپ، كۇلىپ-ويناعاندى جاقسى كورەتىن جىگىتتەر ۇنايتىن بولسا، وندا ولاردىڭ دوستارىن ءتۇن ورتاسىندا دا كۇتىپ الۋعا، شىعارىپ سالۋعا، ءتىپتى، اراسىندا پايدا بولاتىن «قۇربىلارىمەن» ونى بولىسۋگە دايىن بول. ەگەر رومانتيكتەردى جاقسى كورسەڭ، ول ساعان ايلى تۇندەردە ولەڭ دە وقىپ، شام جارىعىندا شامپان اتىپ، وزىمەن بىرگە شارىقتاتار-اق. الايدا، ونىڭ دا اۋىق-اۋىق جانكۇيزەلىسىنە كونىپ، ءىزىم-قايىم جوعالىپ كەتەتىن كۇندەرىنە توزەسىڭ. بۇل قىلىقتارىن ول تەك «شىعارماشىلىق كۇيزەلىسكە» ءتۇسىپ جۇرگەنىمەن عانا تۇسىندىرەتىن بولادى. ەگەر دە، ارتىڭدا قورعان بولار قامالداي مىقتى جىگىتكە جار بولۋدى اڭساساڭ، وندا ول قابىرعادان ەركىندىككە شىعۋ دا وڭاي بولمايتىندىعىن ەسكە ۇستاعايسىڭ، بالام. ەگەر، بالام، ءوز ادامىمدى تاپتىم، تاعدىرىمدى جولىقتىردىم دەپ ەسەپتەسەڭ، وندا ءۇش قاراپايىم قاعيدانى ەستەن شىعارما! ءبىرىنشى: ەشقاشان دا جانە ەشقانداي جاعدايدا دا ونى الداما. ەكىنشى: ەشقاشان دا جانە ەشقانداي جاعدايدا ونىڭ كوزىنە ءشوپ سالۋشى بولما. ءۇشىنشى: الدادىڭ ەكەن، كوزىنە ءشوپ سالدىڭ با، وندا ەشقاشان جانە ەشقانداي جاعدايدا وعان ايتۋشى بولما. ءبىراق، الدىڭعى ەكى قاعيدانى بۇلجىتپاي ەسىڭدە ساقتايتىن بول، ءۇشىنشىسى سوندا كەلمەيدى.
– ايتىڭىزشى، تاعدىر اجە، ارامىزدا نە بولىپ بارا جاتقا-نىن تۇسىنەر ەمەسپىن. ۇناتقان ادامىم مەنەن سوڭعى كەزدە قاشقاقتايتىن سياقتى. ەشنارسە ايتپايدى، تەلەفونى ءسوندىرۋلى، ءتىپتى بۇرىنعىداي كەزدەيسوق تا كەزدەسىپ قالمايمىز. نەگە؟ قالايدا جولىعىپ، وسىنىڭ ءبارىن بىلگەنشە جانىم بايىز تابار ەمەس.
– ەگەر حابارلاسقىسى كەلمەسە، كەزدەسۋدى قالاماسا، مۇنىڭ سەبەبى قاراپايىم، بالام. مۇنىڭ ءجاي كەشە جاۋعان قار سياقتى ەرىپ كەتكەن سەزىم ەكەنىن ءوزىڭ-اق جانىڭدى ازاپتاماي تۇسىنۋگە تىرىس. بۇل ماحاببات ەمەس ەكەنىن مويىندا. شىن جاقسى كورگەن ازاماتقا سۇيگەنىن ىزدەپ كەلۋگە ەشتەڭە دە كەدەرگى بولا المايدى. ەسسىز عاشىق بولعان ادام كۇندىز كولەڭكەڭ سياقتى قاسىڭنان قالماي، تۇندە تەرەزەڭدى اڭدىعان بولار ەدى. سوندىقتان دا كەزدەسىپ، نەگە قاشقالاقتاپ جۇرگەنىن ءبىلۋدىڭ ەش قاجەتى جوق.
– قالايشا، اجە، مەن ول جىگىتتى ولەردەي سۇيەم. ماحابباتىمدى ساقتاۋ ءۇشىن كۇرەسۋىم قاجەت ەمەس پە؟
– ول جىگىتتى وتىرىك ايتۋعا ماجبۇرلەگىڭ كەلمەسە، ودان ەندى ەشتەڭە سۇراي كورمە. جۇمىس كوپ بولدى، حابارلاسۋعا قول تيمەدى دەگەن سىلتاۋ ايتار. ەڭ بولماعاندا، جانىڭدى جارالايتىن شىندىقتى ەستىمەۋ ءۇشىن ەستى ادام ءوزى ايتپاي تيىلادى.
– قالايشا، اجەتاي، مەنىڭ ءومىر بويى ىزدەگەن ادامىم وسى سياقتى بولدى عوي. مەن ونى ءبىر كورگەننەن ۇناتقام. ونداي ماحابباتتى ۇمىتۋ مۇمكىن ەمەس. شىن عاشىقتار تۋرالى كىتاپتار ءبىزدىڭ ومىرىمىزدەن الىنعان سەكىلدى بولاتىن…
– اقىماعىم-اي، ءقازىر مەن نە ايتسام دا ۇعاتىن كۇيدە ەمەسسىڭ. مەنىڭ ايتقان اقىلىمنىڭ ساعان بۇگىن ءبىر دە بىرەۋى ۇنامايدى. وكىنىشكە قاراي، وسى اقىماقتىق ادامنىڭ جاستىعىمەن، سۇلۋلىعىمەن بىرگە جوعالادى. ءبىراق، ەسىڭدە ساقتا، ماحاببات – بۇل ماڭگىلىككە بىرگە بولۋعا بەل بايلاۋ، بىرگە ءومىر سۇرگەن جىلدار. مۇنى سەن تۇسىنگەن كەزدە كەش بولۋى عاجاپ ەمەس. اۋلەكى سەزىمدى شىنايى ماحابباتتان اجىراتۋدى ۇيرەنگەنشە، ءالى تاۋعا دا تاسقا دا ماڭدايىڭدى ۇرارسىڭ، قاتەلىكتەرىڭ ءۇشىن كوزىڭ جاسقا تالاي مالىنار…
ومىر-اجە وسىلاي دەيدى. ال ءبىز بولساق، ەركەكتەردىڭ شەتتەرىنەن ەرجۇرەك، نامىسقوي، وزدەرىنە وزدەرى سەنىمدى بولعانىن قانشاما قالاساق تا، تىرشىلىكتىڭ اقيقاتى باسقا. ولار كەز كەلگەن قوشتاسۋ مەن اجىراسۋدى ءمىز باقپاي قارسى الاتىن سياقتى كورىنگەنىمەن دە، شىندىعىندا، ىشتەي كۇيرەيدى جانە مۇنى كورسەتپەيدى. ونى ءتۇيسىنۋ ەكى ايەلدىڭ بىرىنە بۇيىرعان ەمەس… ولاردىڭ دا جانى بالا سياقتى ماپەلەۋدى، مۇسىركەۋدە، ايالاپ تۇرعاندى قالايتىنى ءسوزسىز. سوندىقتان ايەل ەركەگىمەن ەكەۋارا ماسەلەنى ورتاعا سالعان كەزدە بارىنشا نازىك، بارىنشا ديپلومات بولعانى ءجون سياقتى. «مەنىكى عانا دۇرىس» دەيتىن بەلدەن باسار بىربەتكەي شەشىم باقىتتىڭ كىلتىن تاۋىپ بەرگەن ەمەس…
مىنە وسىلاي، ءومىر بازارىنان قايتىپ كەلە جاتىپ، سول بازاردان باعىن ىزدەگەن بويجەتكەنگە تاعدىر-اجە تالاي اقىل ايتار. الايدا، ادامدار ءبارىن ءوزى پەنەشەسىنەن وتكەرمەي، وزگەلەردىڭ وسيەتىنە قۇلاق قويۋى نەكەن-ساياق. جازمىش دەگەن بالكىم، وسى بولار.
دەگەنمەن، مىنا قىزىقتى قاراڭىز، وسى ازدى-كوپتى عۇمىردا تالاي حيكايالار مەن وقيعالارعا ورتاق بولىپپىز. ءبىراق، ءبىر ەمەس بىرنەشە رەت قايتالانعان مىنا ءبىر ءجايت ويلاندىرماي قويمايدى…
مەنىڭ ءبىر تانىسىم ءوزىن ەشقاشان تۇسىنبەي وتكەن، ءتىپتى ءسۇيىپ تە كورمەگەن سياقتى كورىنەتىن جارىمەن كۇندەردىڭ كۇنىندە اجىراسىپ تىندى. ۋاقىت وتە كەلە سول جىگىت ىزدەگەن ادامىن تاپقانىن ايتىپ، جاڭادان ۇيلەنگەنىن سۇيىنشىلەدى.
كوڭىلىمىز قالىپ كورمەگەن جاقسى جولداستىڭ شاڭىراعىنا قايتا شۋاق كىرىپ، شاشۋ شاشىپ باردىق. و، قۇدايدىڭ قۇدىرەتى! ول ازاماتتىڭ ەكىنشى العان ايەلى بۇرىنعى ايەلىنە ۇقسايتىندىعى سونشالىقتى، تاڭقالعانىمىزدى جاسىرا المادىق. كۇلگەنى، شاش قويىسى، كەيدە قارادۇرسىندەۋ بولىپ كورىنەتىن قىلىقتارى بۇرىنعى كەلىنشەگىنىڭ كوشىرمەسى سياقتى ەدى؟ مۇنىڭ سىرى نەدە؟..

ايناش ەسالي

ء

«اقجۇنىس-استانا» جۋرنالى

سايتىمىزدىڭ جاڭا ماقالالارىنا جازىلىڭىز

پودەليتسيا ۆ سوتس. سەتياح

وپۋبليكوۆات ۆ Facebook
وپۋبليكوۆات ۆ Google Buzz
وپۋبليكوۆات ۆ Google Plus
وپۋبليكوۆات ۆ LiveJournal
وپۋبليكوۆات ۆ موي مير
وپۋبليكوۆات ۆ ودنوكلاسسنيكي
وپۋبليكوۆات ۆ ياندەكس

كەلۋ قاينارى: http://www.elarna.net/koru.php?tur=8&id=803773

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


”وتان ءۇشىن شەكارا ءوڭى 6 مينوت
پەتروپاۆل پوليتسەيلەرى 6 مينوت
ءاسانالى ءاشىموۆ قوعامد 6 مينوت
جازعى ترەند: سابان tote 6 مينوت
تيانشان تورى 6 مينوت
ۋنيۆەرسيتەتتىڭ دامۋ جوس 16 مينوت
وتاندىق تەلەارنا سابىرو 16 مينوت
دجوردج كلۋني 3 جىل ۇزىل 21 مينوت
وزبەكستان مەن رەسەي اەس 26 مينوت
شي جينپيڭ ۋگاندانىڭ پرە 26 مينوت
تيانشان تورى 26 مينوت
بيلىك ارىستا اپات قايتا 26 مينوت
توقاەۆ جەەنبەكوۆكە جانە 1 ساعات
«نۇر-سۇلتان-توكيو» اۋە 1 ساعات
«جۇڭگو كوممۋنيستىك پارت 1 ساعات
تيانشان تورى 1 ساعات
ارىستى قالپىنا كەلتىرۋگ 1 ساعات
تۇركى الەمىنىڭ اڭىزدارى 1 ساعات
ارىستا جارىلماعان سناري 1 ساعات
«نۇر استانا» ورتالىق مە 1 ساعات
شي جينپيڭ 20 ەل توبى با 1 ساعات
تيانشان تورى 1 ساعات
پارلامەنت دەپۋتاتتارى ح 1 ساعات
ەلوردالىق دەپۋتاتتار ال 1 ساعات
پەرل باك | ادەبيەت پورت 1 ساعات
قازاقستاننىڭ داڭقتى بال 1 ساعات
ستيۆ روللس: GGG الۆارەس 1 ساعات
قۇرىلىم ـ شتات، اۋىل-قى 1 ساعات
ءبىرىنشى توپتاعى نەگىزگ 1 ساعات
"قايرات" سەيداحمەتتى "ۋ 1 ساعات