ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22272131924 %76 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 23:15 - 2017/06/08

_DSC2275

التىن بالالىق

 

ايگۇل باجانوۆا، سازگەر:

 

 

«قوش، ماحابباتتىڭ» قۇپياسىن اشپايمىن

 

ايدارىمىز «التىن بالالىق» بولعاندىقتان، اڭگىمەمىزدى تۋعان جەر،  بالالىق شاقتان باستاساق…

–  وڭتۇستىكتىڭ سوزاق وڭىرىندەگى تاكەن ءالىمقۇلوۆ دۇنيەگە كەلگەن بابا-اتا اۋىلىندا ءتۋىپ-وستىم. انام اتىرگۇل 11 قۇرساق كوتەرگەن جان.  سەگىزىمىز بارمىز، وسىپ-جەتىلدىك. مەن ءۇيدىڭ كەنجەسىمىن. قاراپايىم وتباسى بولدىق. بىردەن سازگەر بولىپ تۋىلا سالمايسىڭ عوي.  كىشكەنتايىڭنان بويىڭا ءسىڭىرىپ، انگە اۋەس بولماساڭ، ءان جازا المايسىڭ-اۋ… ءبىر راديومىز بولدى. سيمفونيالىق وركەستردىڭ سۇيەمەلدەۋىمەن ءابىلاحات ەسپاەۆ، ءىليا جاقانوۆ، ەسكەندىر حاسانعاليەۆ، ۆەنەرا قارمىسوۆا، نۇرعالي ءنۇسىپجانوۆ، بيبىگۇل تولەگەنوۆا، روزا باعلانوۆا سەكىلدى ۇلى انشىلەرىمىزدىڭ اندەرىن تىڭداپ، بويىما ءسىڭىرىپ، انگە اۋەس بولىپ ءوستىم. انامنىڭ سۋىرىپسالمالىعى بار. ەكى اۋىز ءسوزدى قوسىپ جىبەرىپ، وتىرىستاردا ءان باستاپ جىبەرەتىن. بالاعا ينتەللەكت انادان بەرىلەدى دەيدى عوي. مەنىڭ وسۋىمە ىقپال ەتكەن، كۇش بەرگەن، سەنگەن، دەمەگەن، ماپەلەگەن، وسىرگەن، ونەرگە جەتەلەگەن، قۇشتارلىعىمدى وياتقان جان. مۋزىكاعا دەگەن سۇيىسپەنشىلىك انامنان كەلدى دەپ ويلايمىن. انامنىڭ ءتورت جىلدىق ءبىلىمى بار. ءبىراق، ول كىسىنىڭ وقىعاندارىن مەن وقىعان ەمەسپىن. «قان مەن تەر»، «كوشپەندىلەر»، «الماس قىلىش» سەكىلدى جاۋھارلاردى، كوركەم ادەبيەتتى كوپ وقىعان، وتە ساۋاتتى كىسى. 13 جاسىمدا اعالارىم گيتارا سىيلادى. سول كۇنى تاڭعا دەيىن وتىرعانىم ءالى ەسىمدە. ونىڭ الدىندا انام دومبىرا اكەلىپ بەرگەن بولاتىن. ءبارى سودان باستالدى.

–  دەمەك، ەڭ العاشقى ءانىڭىزدى دە بالا كەزىڭىزدە شىعارعان شىعارسىز؟

– ءيا، سولاي، مەكتەپتە جۇرگەنىمدە انا تۋرالى ءان شىعاردىم. «ون ءتورت جاسار ءسابيدىڭ ءسوزى» دەگەن ۇلكەن رەزونانس تۋدىرعان ءان بولدى. سول ءاندى 1991 جىلى دومبىرامەن «تاماشادا» ورىندادىم. سول كەزدەرى كۇنىنە بۋما-بۋما حات الاتىنمىن. كەيبىرىنە جاۋاپ بەرىپ، كەيبىرىنە جاۋاپ جازبايتىنمىن. «جۇلدىز» اۋرۋىمەن سول كەزدە اۋىرىپ كەتكەنمىن عوي…

18953101_1356934047726971_5154500159762226464_nساباقتى جاقسى وقىدىم. «4» السام جىلايتىنمىن. ول كەزدە مەدالدى ولشەپ بەرەتىن. ءبىر اۋدانعا – ءبىر التىن. مەن بىتىرگەن جىلى ول التىندى اۋداندىق باسشىلىقتاعى ءبىر كىسىنىڭ قىزى الۋ كەرەك بولعان دا، ءومىرى ءتورت الىپ كورمەگەن ماعان ورىس تىلىنەن ءتورت قويىپ، وزگەرتىپ، كۇمىس مەدال بەردى.  مەكتەپ كەزىندە ءتۇرلى «پوحودتارعا» شىعاتىنبىز. مەكتەپارالىق، اۋدانارالىق جارىستاردا ءبىرىنشى ورىن الاتىنبىز. اۋداننان ءبىرىنشى ورىن العاندار وبلىسقا جينالاتىنبىز. كيروۆ اۋدانىنان ءبىر جىگىت كەلدى سول كەزدە. سۋرەتتى كەرەمەت سالاتىن. سول جىگىتتى ۇناتقانمىن. حات جازىسىپ تۇردىق. ول كەزدەگى ماحاببات سونداي، ودان ءارى اسپايسىڭ. كەيىن كورمەدىم. ءبىراق، ول جىگىتتىڭ مىقتى ديزاينەر بولعانىن ەستىدىم. «گاۋھارتاس» فيلمىندە تاستان «مەنىڭ ايەلىمنىڭ سۇلۋ بولۋعا قاقىسى جوق» دەيدى عوي. سول سياقتى، مەن عاشىق بولعان ادامنىڭ تالانتتى بولماۋعا قاقىسى جوق… (كۇلدى) ول جىگىتكە ارنالىپ «بالاۋسا سەزىم» دەگەن، تاعى ەكى-ۇش ءان دۇنيەگە كەلدى. ءبىراق، جارىققا شىقان جوق. قولعا المادىم. مەكتەپتى ءبىتىرىپ، جەنپي-گە كەلىپ، تىڭداۋدان ءوتىپ كەتتىم. ءتورت جىل وقىعانىممەن، ءتۇرلى سەبەپتەرمەن اياعىنا دەيىن اياقتاي المادىم. ءبىراق، ەكى ديپلومىم بار. ۆالەولوگ-بيولوگپىن جانە پەداگوگيكالىق مۋزىكانى اقىرى ءبىتىرىپ الدىم.

ومىردەگى، ونەردەگى ۇستازدارىڭىز كىمدەر؟

– مەكتەپتە مادياربەك دەگەن ۇستازىم بولدى. كونتسەرتىمدە ءتورت ادام توردە وتىرسا دەپ ويلاپ جۇرەمىن. ءبىرى، ارينە انام. كىتاپتى كوپ وقۋىما تۇرتكى بولا ءبىلدى. ول كەزدە قۇربىلارىمىزبەن كىتاپتى جارىسىپ وقيتىنبىز. مىنانى وقىپ جاتىرمىن، مىنانى تاۋىستىم دەپ كوپ پىكىرلەسەتىنبىز. جاقسى كورەتىن جازۋشىم بەكسۇلتان نۇرجەكەەۆتىڭ «ەرلى-زايىپتىلار» رومانىن ءوزىم 4-5 رەت وقىدىم-اۋ. قاتتى قادىرلەيتىنمىن. كۇندەلىك جازسام دا، بىرەۋگە بىردەڭە جازسام دا پاراقتايتىنمىن. مەن ءۇشىن كىتاپ بەينەسىندەگى مەكتەپ. جاقسى كورگەننەن كەيىن بولار، جاقسى كورەتىن ادامدارىما بەرەتىنمىن. ونىڭ وقىپ بىتكەنىن اڭدىپ جۇرەمىن. امانات سياقتى. سوسىن وقىپ بولعان سوڭ قايتىپ الاتىنمىن. ون شاقتى ادامعا وقىتقانمىن. بالا كەزىمدە راديودان نۇرعالي ءنۇسىپجانوۆتىڭ اندەرىن ءسۇيىپ تىڭدايتىنمىن. ونەردەگى ۇستازىم سانايمىن. ءانىمدى ورىنداسا دەگەن ارمانىم بولعان جوق. دەسە دە، بۇيىرتىپ مەنىڭ ءانىمدى ايتقالى جاتىر.  مۇحتار شاحانوۆتىڭ ولەڭدەرى مەن اندەرى مەن ءۇشىن گيمن سياقتى. وتكىر، ەشبىر زاڭدىلىققا باعىنبايتىن ولەڭدەرى بار عوي. وسى جانداردى ۇستاز سانايمىن.

اندەرىڭىز جايلى ايتىڭىزشى. باس-اياعى قانشا ءانىڭىز بار؟

18922084_1356934157726960_4043449608584630719_n– اراسىندا وسىنداي اندەرىم بار عوي دەپ ىشتەي قۋانىپ قالاتىنىم بولماسا، ءوزىمدى اسا مىقتى سازگەرمىن دەي المايمىن. اندەرىمدى ساناماپپىن. ەكى تەلەفون جوعالتتىم، كوپ اندەرىم كەتتى. مەن جازامىن دا قويا سالامىن. قۋمايمىن. جامان ادەتىم بار سونداي. اندەرىم – مەنىڭ بالامداي، مەن انالارى سياقتىمىن عوي. سول كوزقاراسپەن قاراسام، مەنىڭ بالالارىم قاراۋسىز، جەتىم قالعانداي كورىنەدى. بىرەۋلەر ءبىر ءان تۋسا دا، ونى ماپەلەپ، ايالاپ، انشىلەرگە ۇسىنىپ، ايتەۋىر ءبىر ناتيجە شىعارادى عوي. مەندە ونداي جوق. سالعىرتپىن وسىعان كەلگەندە.

«جالعىز دوسىم» ءبيبىسارا دەگەن كلاستاس قۇربىما ارنالعان. اينۇر، جاننا تورتەۋمىز بىرگە جۇردىك. مەن ونى، ول مەنى شىعارىپ سالاتىن. ەكى ءۇيدىڭ ورتاسىندا جۇرەتىنبىز.1989-90 جىلدارى دۇنيەگە كەلگەن ءان. ون جىلدان كەيىن «مۋزارت» توبى قۇرىلعان كەزدە ۇلكەن ساحناعا الىپ شىقتى.  ينستيتۋتتا جۇرگەنىمدە ايتىپ جۇرەتىنمىن. كوپ اندەرىم سولاي اۋىزدان اۋىزعا تاراپ كەتتى. مەيرامبەك پەن توقتارمەن جاقسى ارالاستىق. ەكەۋى جاتاقحانادا وتىرىپ الىپ تىڭدايتىن.

– «قوش، ماحاببات!..» دەپ كىممەن قوشتاسقانىڭىزدى ايتا الاسىز با؟

– «قوش، ماحابباتتىڭ» قۇپياسى اشىلماي كەتەتىن شىعار… ادام جەكە ءومىرىن، ىشكى دۇنيەسىن، تاڭداۋىن، 18951133_1356883971065312_1343426059077886527_nتالعامىن جۇرتقا جاريالاماي، قۇپيا ساقتاۋىنا قاقىسى بار دەپ ويلايمىن. ءان بولسا دا. سەبەبى، ءان دە مەنىڭ ىشىمنەن شىققان دۇنيە. جۇرەگىمدە ساقتالىپ تۇرعان قۇپيام باسقا تۇگىل، وزىمە اۋىر بولۋى مۇمكىن. سوندىقتان مەن «قوش، ماحاببات» جايلى ەشقاشان ەشكىمگە ايتپايمىن…ول ءاندى ءوزىم ورىندايمىن دەپ ارلەۋىن جاساتىپ قويعان ەدىم. جالپى، ءوزىمنىڭ ءوزىم ايتامىن دەگەن اندەرىمدى الىپ كەتەدى. «ەتىكشى ەتىككە جارىمايدى» دەگەن سياقتى. «مىنا ءاندى مەن ايتامىن» دەدى اقبوتا. اقبوتا ايتامىن دەپ تۇرعاندا قانداي ءۋاج ايتامىن؟.. مەن ءۇشىن بىرەگەي، ەرەكشە جاقسى كورەتىن ءانشىم. مەن دە ول ءاندى جەتكىزۋىم مۇمكىن، ءبىراق ءدال اقبوتاداي جەتكىزە الماس ەدىم. ءاننىڭ باعى اشىلدى. مەن قۋانىشتىمىن. «اسىل انا» ءانىن دە ءوزىم جازدىرىپ قويعانمىن. اندەرىمنىڭ ىشىندەگى ەرەكشەلەرى دە سول انا تۋرالى اندەر. سوزدەرى دە تابىلا كەتەدى. سوڭعى كەزدەرى ولەڭدەردى وقىپ، سودان اسەر الىپ، اسەرلەنىپ، اندەر دۇنيەگە كەلىپ ءجۇر. «مۋزارت» 2008 جىلى جەكە كونتسەرتىن بەرگەلى جۇرگەندە ولار ءان ىزدەپ ءجۇردى. ونىڭ الدىندا ول اندەردى تىڭداعان. مەن ارلەۋىن جاساتىپ، تىڭداعاننان كەيىن ساكەن ءاندى ايتاتىنىن ايتتى. ساكەن ايتامىن دەپ تۇرعاندا قارسىلىق بىلدىرمەيمىن عوي.

بۇكىل اندەرىڭىزدىڭ كەيىپكەرلەرى بار ما؟ ويدان الىنعان ەشتەڭە جوق قوي؟

– ويدان قۇرامايسىڭ عوي ەندى. «مەن 20 جىل بويى بۇكىل ءانىمدى ايەلىمە ارنادىم» دەپ جاتادى كەي سازگەرلەر. كوپ بولسا، بىر-ەكەۋى ارنالار، قالعانى وتىرىك سياقتى. ونەر ادامىندا سەزىم بولادى. سۇلۋلىققا اسەرلەنبەسە، سەزىنبەسە قالاي ءان شىعادى؟ ءبارى ماحابباتتان تۋادى دەپ ءبىرجاقتى ايتۋ  دا قيىن. بارلىق اندەرىمنىڭ كەيىپكەرلەرى بار دەمەس تە ەدىم. ءبىراق، جۇرەكتى اۋىرتىپ  شىققان اندەرىمنىڭ كەيىپكەرلەرى بار.

اندەرىڭىزگە قالاماقى الاسىز عوي؟

– الامىن. ونەر ساتىلمايدى دەگەن بار. ءبىراق، ونەر ساتىلمايتىن بولسا، تەگىن ءان ايت، تەگىن كونتسەرت بەر. سول كەزدە ءبىز دە ءان ساتپايمىز. دۇنيە قۋساڭ دا، جەتپەيدى. سوندىقتان بولار، مەن ءاندى قۋىپ جازبايمىن، ادەيىلەپ وتىرىپ جازبايتىنىم دا سودان.

قانداي اندەر جازعىڭىز كەلەدى؟

– مەن كومپوزيتسيا جازعىم كەلەدى. گيتارامەن، بەس اككوردپەن الىسقا بارمايمىن عوي. ول ءۇشىن تەرەڭ ءبىلىم كەرەك. كلاۆيشتى مەڭگەرۋىم كەرەك. ونداي ارمانىم بار. اندەرىمدى «ا-ستۋديو»، لارا فابيان ورىنداسا ەكەن دەپ، كەيدە ەلەستەتىپ كورەمىن. باتىرحان شۇكەنوۆ ورىنداسا ەكەن دەگەن دە ارمانىم بولعان… ءوزىم ورىنداسا ەكەن دەگەن انشىلەرگە اندەرىمدى بەردىم. «زامان» توبىن، باعىم مۇحيتدەنوۆانى جاقسى كورەمىن. بەردىم. ديماش قۇدايبەرگەنوۆ الدى ءبىر ءانىمدى.

تىڭدارمان رەتىندە، ءانشى رەتىندە تاعى كىمدەردى جاقسى كورەسىز؟

– ايگۇل يمانباەۆانىڭ ەڭبەكقورلىعىن قاتتى باعالايمىن. تالانتتى ادامدار كوپ، ءبىراق كوبى جالقاۋ. بالانس ءۇشىن سولاي بولۋى كەرەك شىعار دەپ تە ويلايمىن. تالانتتى ادامدار ولەرمەن بولىپ كەتسە، باسقالارعا مۇمكىندىك تۋماي قالار ما ەدى؟.. بىر-ەكى جىل بولدى ەسترادادان الىستاپ كەتتىم. ءداستۇرلى انشىلەردى تىڭداپ، كورىپ، ارالاسىپ، ولاردىڭ جاندى داۋىستا شارىقتاتىپ، ەركىن ايتاتىنىن، ورىنداۋ شەبەرلىكتەرىن كورگەننەن كەيىن كوزقاراسىڭ وزگەرە باستايدى ەكەن. ەسترادا انشىلەرىندە سىلتاۋ كوپ. جاندى داۋىستا ورىنداۋ ءۇشىن اكۋستيكا ناشار، دىبىس ناشار دەيدى. ولاردى رەتتەمەي-اق ءداستۇرلى انشىلەردىڭ داۋىستارى جەر جارىپ جاتىر عوي.18920131_1356884171065292_646291534588244016_n

جاندى داۋىستا كونتسەرت بەرىپ جۇرگەندەر بار عوي. مىسالعا، «مۋزارت». جاقىندا عادىلبەك جاڭاي بەردى.

– ءيا، ول كونتسەرتتەردە بولدىم. جاندى داۋىستا ايتۋ تەندەنتسياسى بىرتىندەپ بولسا دا قايتىپ، كوبەيىپ كەلە جاتىر. باسەكەلەستىك سوعان الىپ كەلەدى.  قىتايداعى ءان بايقاۋىنان ديماش جارق ەتە قالدى. باسقالار  اياعىن، دەمىن تارتىپ قالعانداي كورىندى ماعان. ويلانىپ، وز-وزدەرىنە ەسەپ بەرە باستاعان سياقتى. جانە ايتاتىنىم، جالپى ارلى ادام جامان نارسەگە، ۇرلىققا بارمايدى. زاتتى ۇرلاساڭ دا، ءاندى ۇرلاساڭ دا، ەكەۋى دە قىلمىس. سول نارسەنى قويۋ كەرەك. سوسىن ءاندى تەگىن العىسى كەلەتىنىن، ءان ساتىپ المايمىن دەيتىندەر بار. ودان دا وزدەرى جانىنان شىعارا سالعاندى، جەڭىل، ءوتىمدى ءاندى جازسا سالعاندى جاقسى كورەدى. مايدالانىپ كەتتىك. ونەردە جۇرگەن سوڭ جانكەشتىلىك، ونەرگە دەگەن سۇمدىق ماحاببات كەرەك. جان-جۇرەگىڭ، تۇلا بويىڭ ونەر دەپ سوعۋى كەرەك. ەلەنبەي قالمايسىڭ. مەنىڭ دە ءبىر ادامداي داۋىسىم بار. انشىلىكتى قۋمادىم ءبىراق.

«91» توبى جايلى پىكىرىڭىزدى بىلگىم كەلىپ وتىر.

– اندەرى وتە  ساپالى. ءقازىر ول توپقا قارسى قۇر ايقاي كوپ ەكەندىگى راس.  ونەر دە ءبىر ورىندا تۇرا بەرمەي ءوسۋ كەرەك، دامۋ كەرەك. قاتتى شۋ بولىپ جاتقان كەزدە ارنايى تىڭداعانمىن. ۇنادى. ستيلدەرىن وزگەرتىپ، سىرعالارىن تاقپاي-اق قويسا، سەبەبى ول مەنتاليتەتىمىزگە كەلمەيدى.

– ول توپتىڭ كوپ اۋديتوريا جيناۋىنىڭ قۇپياسى نەدە دەپ ويلايسىز؟

– سەبەبى… سەبەبىن جۇرەگىممەن تۇسىنەمىن. ءبىراق اۋىزبەن سيپاتتاما بەرە الماي وتىرعانىم. مۋزىكالىق باعىتى، ساپاسى وتە جاقسى.

– ءاندى ءوزىڭىز كۇتكەندەي ەتىپ ورىنداماعان ءانشى بولدى ما؟

(ويلانىپ)… ايتا الماي وتىرمىن. دەمەك، بولماعان. نەگىزى، مەنىڭ اندەرىمدى كىم-كورىنگەن سۇراي دا، ايتا دا بەرمەيدى. قۇداي ءوزى كەشىرسىن، ءانشى دەپ قابىلدامايتىن ادام مەنەن ءان سۇراپ كەلسە، بەرگىم كەلمەيدى. اندەرىمدى ايايمىن، ونەردى ايايمىن. ول ءانشىنىڭ قالاي شىعاراتىنىن، قالاي ايتاتىنىن ءبىلىپ وتىرامىن. ءان جوق ەكەندىگىن ايتامىن، نە 5000 $  دەپ باعاسىن اسىرىپ قويامىن. امال جوق، سونداي قۋلىققا كوشتىك.

سىرىڭىزدىڭ ءبارىن انگە ايتاسىز با، كىمگە ايتاسىز؟

– سىر دەگەنىڭ – سىر عوي. ەشكىمگە ايتىلماۋ كەرەك، مەنىڭ تۇسىنىگىمدە. ايەلدە قۇپيا بولماسا، ايەلدىك قاسيەتىنەن ايىرىلادى دەر ەدىم. «سچاستە ليۋبيت تيشينۋ» دەگەن عوي. ەشكىمگە ەشنارسە ايتپاعان دۇرىس. مەنىڭ ءپرينتسيپىم سونداي. ادام سىردى نە ءۇشىن ايتادى؟  ءبولىسۋ ءۇشىن، تايانىش ىزدەگەن سوڭ، بولماسا اقتالۋ ءۇشىن ايتادى. مەنىڭ اقتالاتىنداي ەشتەڭەم جوق.  ەگەر كۇنام بولسا، ونى تارازىلايتىن ء بىر اللا.

مۇڭايعان ساتتەردە ءوزىڭىزدى قالاي جۇباتاسىز؟ ونداي كەزدەردە ءان تۋى مۇمكىن عوي؟17155749_667433043463866_3176884779754773865_n

– قولىما گيتارا الامىن. ارينە، ءان تۋى مۇمكىن. كىتاپتاردى پاراقتايمىن. قالقاماننىڭ ولەڭدەرى ءان سۇراپ تۇرادى. «اسىل انا»، «اناشىم» دەگەن ولەڭدەرىنە ءان جازدىم. جاراس سارسەك،  باقىتگۇل باباش ولەڭدەرىن، جالپى كەزدەسكەن ولەڭدەردى وقىپ جۇرەمىن. ءوزى كوڭىلدى جۇرەتىن، مۇڭ مەن ليريكانى ولەڭىنە قۇياتىن ايجان تاباراكقىزىن وقيمىن. اقىن تاڭدامايمىن.  ءان ماتىندەرىنە ءمان بەرەمىن. ءوزى ۇياتقا قالعىسى كەلمەيتىن ساۋاتتى انشىلەر دە ولەڭگە دە، ورىندالۋىنا دا ءمان بەرەدى.انشىلەر دە ءان جازعان كەزدەرىندە قاستارىندا بولعاندارىمدى قالايدى، مەن دە بولۋعا تىرىسامىن. ءانشى ءان ايتىپ تۇرعان كەزدەردە كوڭىل-كۇيى بولماسا، ءان باسقاشا شىعادى.

تەاتر، كينوتەاترلارعا بارىپ تۇراسىز با؟

– تەاترعا كوپ بولدى بارماعالى. ءقازىر، وكىنىشكە وراي، ارزان، كوممەرتسيالىق ءوتىمدى بولىپ تۇر. كينونى كورۋ ءۇشىن دە ورە كەرەك.

– دوستارىڭىز كىمدەر؟ ولار ءسىزدى ىزدەي مە، الدە ءسىز ولاردى ىزدەيسىز بە؟

– مەن نەگىزى ەشكىمدى ىزدەمەيتىن اداممىن (كۇلىپ). وزدىگىمنەن بىرەۋدى ىزدەپ حابارلاسپايدى ەكەنمىن. وزىممەن ءوزىم جۇرە بەرەمىن. ءبىراق، دوستارىم بار، شۇكىر. دوستارىم ءۇشىن جان بەرەتىن اداممىن. 10 نە 20 جىل كورمەسەك تە، اينىمايتىن تىلەۋلەس بولىپ جۇرەتىن ادامدار بولادى. ويتكەنى، ولار سەنى، سەنىڭ جاندۇنيەڭدى بىلەدى، ساتپايتىنىڭدى، وزگەرمەيتىنىڭدى بىلەدى. سەنىڭ بولمىسىڭدى تانىعان ادام ەشقاشان دوستىقتان كەتپەيدى. ءبىر-بىرىنىڭ بەتىنەن ءشوپ ەتىپ ءسۇيىپ، قىدىرىپ، ارتىنان جامانداپ وتىراتىن «قۇربىلار» بولادى. وندايلار مەندە جوق. مەن دە ونداي بولا المايمىن. سىيلاسىپ، مەيرامداردا كەزدەسىپ تۇراتىن دوستارىم بار، شۇكىر.

ساتقىندىق كوردىڭىز بە؟

– كوردىم. ءبىراق، كەك تۇتقان ەمەسپىن. جاقسىلىق كورسەم دە، جاماندىق كورسەم دە اللادان قايتسىن دەيمىن. كەشىرەمىن. ءبىراق، ارى قاراي ارالاسا المايتىنىمىز ايدان انىق. ادامنىڭ بولمىسى ءبارىبىر وزگەرمەيدى.

– اناڭىز تۋرالى ايتتىڭىز. اكەڭىز جايلى ايتىڭىزشى.

18952885_1356892567731119_6879948592037038688_n– اكەم مەن 8 سىنىپتى بىتىرگەن جىلى قايتىس بولدى. 14 جاسىنان ەڭبەككە ارالاسقان جان. جۇمىستان قاباعى قاتۋلى كەلسە، تىرپ ەتپەيتىنبىز. دىبىسىمىز شىقپايتىن. ءبىرىمىز يىعىمىزعا سۇلگى اسىنىپ، ءبىرىمىز سابىنىن بەرىپ، ءبىرىمىز قولىنا سۋ قۇيامىز. شەشەمىز تاماعىن دايىنداپ قويادى. جانتايىپ جاتادى. تاماعىن جەپ، ءشايىن ءىشىپ تەرلەي باستاعاندا جىبىرلاي باستايمىز. ول كىسى ۇرمايدى، ۇرىسپايدى. ءبىراق، سونداي قۇرمەت. سول كەزدەگى اكەلەردىڭ بەينەسى سونداي ەدى، ءقازىر مايدالانىپ كەتتىك قوي. «اكەڭ ۇيىقتاپ جاتىر، تىنىش»، «اكەڭنەن سۇرا» دەگەندى شەشەمىزدەن ەستىپ وستىك.  اكەم مەنىڭ العاشقى جەتىستىكتەرىمدى كوردى. ەركەلەتتى. الدىنا وتىرعىزىپ الىپ ءان ايتقىزاتىن. وتە اقكوڭىل جان بولاتىن. قىزىق وقيعالارىن بۇكىل اۋىل بىلەدى. جومارت. ۇيگە كەلگەن ادامدارعا ۇستىندەگى پالتوسىن كيگىزىپ جىبەرەتىن. باسقا پالتوسى بار ما، جوق پا، شارۋاسى بولمايتىن.  اكەمە ارناعان بىرنەشە ءانىم بار. كونتسەرتتە سونىڭ ءبىرىن ينديرا راسىلحان ورىندايدى.

– ءقازىر ۇساقتالىپ كەتتىك دەپ وتىرسىز عوي. قازاق جىگىتتەرى قانداي قاسيەتتەردى جوعالتىپ الدى؟

– ايەلدەرمەن سالعىلاساتىندارى ۇنامايدى. سوسىن بىزدەر ءبارىن ءوز موينىمىزعا الىپ الدىق تا، ولارعا مۇمكىندىك بەرمەي قويدىق. ءوزىم تولەيمىن، ءوز اقشامدى ءوزىم تابامىن دەپ نامىستانامىز. سوسىن ەركەك تە «جارايدى» دەيدى عوي. دەگەنمەن، وتە از بولسا دا، نامىستى جىگىتتەر بار. ايەل نازىك بولعاندا عانا ەركەك ونى قورعاعىسى كەلىپ تۇرادى عوي.

ونەردە جۇرگەن ارۋلاردىڭ كوبىسىنىڭ ونەردە باقتارى جانعانمەن، جەكە ومىرلەرىندە جالعىز. سەبەبى نەدە دەپ ويلايسىز؟

– ونەر ادامدارىنىڭ ويلاۋ جۇيەسى، ءومىر ءسۇرۋ سالتى، تۇرمىس-تىرشىلىگى  ءبارىبىر باسقاشا. ويلارى ۇشقىر، قيالدارى بيىك. الىسقا كەتىپ قالادى. بىرگە بولاتىن ادامدار بىرى-بىرىنە ەمەس، ءبىر باعىتقا قاراۋ كەرەك.

وتباسىڭىز جايلى ايتساڭىز.

– جەكە ءومىرىمدى دە ايتا بەرمەيمىن. كوزىمنىڭ اعى مەن قاراسى – ارلان دەگەن ۇلىم بار. ءوز پىكىرى بار، ايتقانىنان قايتپايدى. ونىڭ دا ويلاۋى باسقاشا. ۇلىمنان كوپ نارسە كۇتەمىن. وتە اقىلدى. ۇلىم نە كەرەك 18921856_1356892617731114_6358663594536783556_nەتەدى، مەن ءارقاشان قولداۋ جاساۋعا دايىنمىن. «ەشقانداي زاڭدىلىقپەن ءومىر سۇرمە. جۇرەگىڭ نە قالايدى، سونى تىڭدا» دەپ ايتىپ وتىرامىن. سەبەبى، بالا ءبىزدىڭ ويىنشىعىمىز ەمەس. تاعدىرىنا ارالاسپاۋىمىز كەرەك. كەي بالالار اتا-انالارىنىڭ ايتقانىمەن ءجۇرىپ، ىشتەي باقىتسىز بولۋى مۇمكىن. ءبىز ومىرگە اكەلۋشى، باعىت-باعدار بەرۋشى عانامىز. جاقسى تاربيە بەرىپ، جاقسى جولعا ءتۇسىرىپ، كامەلەتكە جەتكەنشە ماتەريالدىق قاجەتتىلىگىن وتەسەك، ارى قاراي بالا ء وزى الىپ كەتۋى ءتيىس. روزا ءالقوجانىڭ سوزىنە جازىلعان «ۇلىم مەنىڭ» ءانى ۇلىما دەگەن ماحابباتتان، تولعانىستان تۋعان دۇنيەم. بىردە كوڭىلىم ءتۇسىپ، قاتتى قينالىپ وتىرعان كەزىمدە مەنى جۇباتىپ، ەرەسەك ەكەنىن كورسەتىپ، قۇشاقتاپ، مەنى جۇباتتى. وتىرىپ الىپ جىلادىم. مەنى تۇسىنە الاتىنىن، ەرجەتكەنىن، ماعان قامقور بولا الاتىنىن ءتۇسىندىم. سول ساتتە ءان شىقتى. ءار انا سياقتى ۇلىمنىڭ اماندىعىن، باقىتتى بولعاندىعىن تىلەيمىن. اشىق، مەنىمەن سىرلاسادى. سولاي ۇيرەتتىم. ءبىراق، ونىڭ تەرريتورياسىنا باس سۇقپايمىن. كوزىمنىڭ قىرىن سالىپ جۇرەمىن. اناۋ-مىناۋ ەسسىزدىككە باراتىن جاسوسپىرىمدىك كەزەڭنەن ءوتىپ كەتتى، اقىل تولدى. ۇلىما سەنەمىن.

«جاقسى كورەم» دەپ اتاعان كەشىڭىزدەن نە كۇتەسىز؟

– ءقازىر تالعارداعى مادەنيەت ۇيىندە سۇيەمەلدەۋشى دەگەن قىزمەت اتقارامىن. كونتسەرتىمدى كۇتىپ جۇرگەن ءوز تىڭدارماندارىم بار. ءبىر جاعىنان، سەكسەندەگى انام قۋانسىنشى دەپ، كونتسەرتكە تاۋەكەل ەتتىم. بالاسىنىڭ قۋانىشىنا ءار انا قۋانادى عوي. جارتى زال وتىرسا دا، مەنى تانىماسا دا، مەنىڭ اندەرىمدى ءوز دەڭگەيىندە باعالايتىندار وتىرسا دەپ ويلايمىن. قيناعاننان قۇداي ساقتاسىن. كەلگەنشە رەنجىپ، كورگەسىن كەلگەنىنە قۋانىپ كەتەتىنىنە ءشۇبام جوق. اندەرىمدى انشىلەر ورىندايدى، ءوزىم دە 3-4 ءان ايتامىن. ايگۇل يمانباەۆا ەكەۋمىز «ماحابباتتىڭ باعاسى» ءانىن دۋەتتە ورىندايمىز. سوسىن ادىلەت ابىكەنوۆ، يسا اليمۇساەۆ دەگەن جاستارمەن جاڭا اندەردىڭ تۇساۋىن كەسەمىز.

–  شىعارماشىلىق كەشىڭىز ءوزىڭىز كۇتكەن دەڭگەيدەن دە جوعارى ءوتسىن، شىعارماشىلىعىڭىزعا تابىس تىلەيمىز!

اڭگىمەلەسكەن

ەلەنورا ءامىر

سايتىمىزدىڭ جاڭا ماقالالارىنا جازىلىڭىز

پودەليتسيا ۆ سوتس. سەتياح

وپۋبليكوۆات ۆ Facebook
وپۋبليكوۆات ۆ Google Buzz
وپۋبليكوۆات ۆ Google Plus
وپۋبليكوۆات ۆ LiveJournal
وپۋبليكوۆات ۆ موي مير
وپۋبليكوۆات ۆ ودنوكلاسسنيكي
وپۋبليكوۆات ۆ ياندەكس

كەلۋ قاينارى: http://www.elarna.net/koru.php?tur=8&id=785613

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


الماتىنىڭ مەديتسينا ۇيى 1 مينوت
الماتىلىق مەديتسينا ۇيى 16 مينوت
باس ءمۇفتي قاجىلىق فيرم 19 مينوت
يتاليادا دۇنيەجۇزىلىك م 19 مينوت
اقش-تا داۋىل سالدارىنان 29 مينوت
اتىراۋدا «باستاۋ» تۇلەگ 1 ساعات
برازيليادا ۇشاق اپاتىنا 1 ساعات
وسى ارانى باسىپ كورىڭىز 1 ساعات
وسى ارانى باسىپ كورىڭىز 1 ساعات
22 قازان. تۋعان كۇن يەل 1 ساعات
中国哈萨克语广播网 1 ساعات
نۇر-سۇلتاندا جۇمىسسىز ا 2 ساعات
نۇرتورە ءجۇسىپ دارىگەرل 2 ساعات
中国哈萨克语广播网 2 ساعات
22 قازان. قازاقپارات كۇ 2 ساعات
قازاقستاننىڭ ءۇش قالاسى 2 ساعات
中国哈萨克语广播网 2 ساعات
قازاقستاننىڭ 3 قالاسىند 3 ساعات
中国哈萨克语广播网 3 ساعات
中国哈萨克语广播网 3 ساعات
جامبىل وبلىسىندا 1300-د 4 ساعات
中国哈萨克语广播网 4 ساعات
كەمبريدج ۋنيۆەرسيتەتىنى 4 ساعات
مۇعالىمدەر جاتاقحاناسى 4 ساعات
中国哈萨克语广播网 4 ساعات
بەرليندە جارىق فەستيۆال 4 ساعات
تۇرعىندار ساۋالى جاۋاپ 5 ساعات
ليفتىلەر ساپاسىن باعال 5 ساعات
中国哈萨克语广播网 5 ساعات
ءۇندىستانداعى «قازيند - 5 ساعات