ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22357153025 %75 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 11:30 - 2017/01/17

Gentبەلگيا، گەنت

«ويىنشىق مەملەكەت…»
فلاماندتاردىڭ بەلگياعا بەرگەن باعاسى بۇل. شىنىندا دا، شاپ-شاعىن، مۇنتازداي تازا ەل وسىنداي اسەر قالدىرادى. بەلگيالىقتار ءۇشىن انا ءتىلى – ارداقتى ۇعىم. ءتىلىن بىلمەيتىندەردى ولار سىيلامايدى، جوعالعان ۇلت رەتىندە قابىلدايدى. ەلدە نيدەرلاند، فرانتسۋز، نەمىس ءتىلى رەسمي ءتىل بولىپ ەسەپتەلەدى. ءبىراق، ۇستەمدىك نەگىزگى ۇلتتىڭ انا تىلىنە بەرىلگەن. مەكتەپتەر مەن جوعارعى وقۋ ورىندارىندا ساباق نيدەرلاند ياعني فلامانشا جۇرگىزىلەدى، مەملەكەتتىك ەمتيحان دا وسى تىلدە تاپسىرىلادى. ون ميلليوننان استام حالىقتىڭ  58 پايىزى فلاماندىق، ال 31 پايىزى ۆاللوندىقتار. قالعان 11 پايىزى ەتنيكالىق توپ وكىلدەرى. 75 پايىزى كاتوليك، 500 مىڭ مۇسىلمان بار. يۋديزم، پروۆوسلاۆ، پروتەستانتتار دا جەتەدى. قازاقتار سياقتى ۇلانعايىر القاپتى يەلەنىپ جاتپاسا دا، ەۋروپاداعى باي مەملەكەتتىڭ ءبىرى. ءبىراق بىزگە بەلگيانىڭ بايلىعى ماڭىزدى ەمەس. ءبىزدى الاڭداتاتىنى – بەلگيادان باقىت تاپقان قازاقستاندىق جەتىم بالالاردىڭ جاعدايى…

جانارعا اناسى ءان ايتىپ وتىر. بۇل ءپىلدىڭ بالاسى تۋرالى ءان. «اناڭنان قالما، ايتپەسە اداسىپ قالاسىڭ، اناڭدى تاپپاي قالاسىڭ…» دەگەن ماعىناعا سايادى.
اناسىنان كوز جازىپ قالىپ، بالالار ۇيىندە شىرقىراپ جىلاي بەرەتىن جانارعا ستين حانىم ەڭ العاش وسى ءاندى ايتىپ بەرىپتى. ءسابي بىردەن جىلاۋىن توقتاتىپ، تىنىشتالىپ، بوگدە كوزدەردەن كوزىن ايىرماي قاراپ قالعان. سول كەزدەن باستاپ ەكەۋىنىڭ جۇبى جازىلمادى…
ياننە اۋلادا ماماسىنا سۋ شاشىپ ويناپ ءجۇر.
«وووي، مامالارىڭ ابدەن سۋ بولدى عوي…، ءاي بالالارىم-اي، ءۇستى-باسىمدى سۋ قىلدىڭدار عوي…» دەگەن اناسى دا كوڭىلدى…
مەن «ولار سىزدەرگە ۇقسايدى» دەدىم.

Zhanar Ruslan otbasymen birgeستين مارتەنس، جانار مەن رۋسلاننىڭ اسىراپ العان اناسى:
– يا، ءبارى ايتادى، بىزگە  ۇقسايدى دەپ، شىنىمەن ۇقسايدى يا؟ ءبىراق ولار بىزدەن ادەمى، – دەپ بالالارىنا جىميىپ، مەيىرلەنە قارادى.

ۆيم سەليس، جانار مەن رۋسلاننىڭ اسىراپ العان اكەسى:
– مۇنداي بالاپانداردى الەمدى ءجۇز اينالىپ شىقسام دا تاپپايمىن. اسىرەسە، قىزىم ماعان ۇقسايدى دەگەندى كوپ ەستيمىن… – دەپ مەيىرلەنە قىزىنىڭ شاشىنان يىسكەپ قويادى، الدىنا وتىرعىزىپ العان.
جاقسى كورۋ… ءوز كىندىگىنەن جارالماعان بالالاردى ءوز پەرزەنتىنەن ارتىق ءسۇيۋدى وسى جۇپتان كوردىم. شىنايى، پاك، سۇلۋ سەزىم. بۇل شەتەلدىكتەرگە بۇلدىرشىندەرىمىزدى بەرە بەرەيىك دەگەن ءسوز ەمەس، ارينە. دۇرىس تۇسىنىڭىزدەر. تۋعان اتا-اناسى سىرتقا تەپكەن قاراكوزدەردى كوزىمەن ايمالاپ، سوزىمەن ەركەلەتكەن، ولاردىڭ بالالىق قىلىعىنا تويماي، استى-ۇستىنە ءتۇسىپ، بايەك بولعان وسى ەرلى-زايىپتىلارعا قىزىعىپ تا قارايسىڭ، قازاق بالالارىن قىزعانىپ تا كەتەسىڭ.
ستين مارتەنس: ولاردىڭ انالارىنىڭ تاستاپ كەتكەنىن ويلاعاندا جانىم اۋىرادى، جۇرەگىم ءجۇز بولىككە ءبولىنىپ، شاشىلىپ كەتەدى. تۇسىنەسىز بە؟ قالايشا مۇنداي بالعىنداردان باس تارتۋعا بولادى؟ اقىلعا سىيمايدى… ولاردىڭ انالارىنا مۇنداي شەشىم قابىلداۋ وڭاي بولماعانى انىق. اسىرەسە تۋعان كۇندەرى بولعاندا شەشەلەرى تۋرالى كوپ ويلايمىن. تىم قاتىگەز بولماسا، مۇمكىن، ءدال وسى ساتتە ولار دا ەستەرىنە الاتىن شىعار بالالارىن. ەندى ەكەۋىنىڭ باقىتى ءۇشىن ءبارىن جاسايمىن، ءومىر بويى الاقانىما سالىپ وتەمىن، ولاردى قاراۋسىز قالدىرمايمىن…
ەكى ءبۇلدىرشىننىڭ بىر-بىرىنەن قانى بولەك.
ماشينانىڭ ىشىندە كەتىپ بارامىز… ياننە مەنىڭ شاشىمدى جوندەپ، «جاناع» دەپ قويادى.
– ەكەۋمىز دە جانار ەكەنبىز، ءيا؟! قازاقستانعا باراسىڭ با مەنىمەن؟ ياننە – مەنىڭ اتىم جاناع…
بۇل ەكى بالا دا قازاقستاننان، قاراعاندىداعى بالالار ۇيىنەن اسىراپ الىنعان. مىنا كىشكەنتاي ءبۇلدىرشىنىڭ بۇرىنعى اتى – رۋسلان، ءقازىر ونىڭ بەلگيالىق باسقا اتى بار، دجەف دەگەن…
دجەفتىڭ – مۇقاشەۆ رۋسلاننىڭ تۋعان اناسى قۇرت كەسەلىمەن اۋىرعان ەكەن، ءبىراق بالاعا جۇقپاپتى. ياننە – جاناردىڭ دا دەنساۋلىعىندا كىنارات جوق. ياعني، شەتەلدىكتەرگە تەك اۋرۋ بالالار بەرىلەدى دەگەن ءسوز جاڭساق.
ستين مارتەنس: «ماما، ءبىز سەنىڭ بالاڭ ەمەسپىز بە؟» دەپ كەيدە سۇراپ قالادى. مەن «سەندەر باۋىرسىڭدار، ءبىراق ەكەۋىڭ ءبىر ايەلدىڭ ىشىنەن شىققان جوقسىڭدار» دەپ ايتامىن. ءالى بالا عوي، تۇسىنبەيتىن ءتارىزدى. ءبىراق قۋىرشاقتارىمەن ويناعاندا سونى قايتالاپ وتىرادى… الداعىم كەلمەيدى، قارا باسىمنىڭ قامىن ويلاسام، بالالارىمنان ءبارىن جاسىرىپ، سەندەردى ءوزىم تۋدىم دەپ ايتا سالۋ مەن ءۇشىن جەڭىلىرەك بولار ەدى، ارينە. ءبىراق كەيىن وسكەندە بىلسە، ولار ءۇشىن بۇكىل دۇنيە  جالعان بولادى.
جاناردىڭ توسەگىنىڭ تۇسىندا قۇستاردىڭ كوپتەگەن ۇياشىقتارى ءىلىنىپ تۇر، بولمەسىنە كىرگەن كەزدە بىردەن كوزىمىزگە وسى ءتۇستى. اكەسىنەن «بۇلاردى نە ءۇشىن ءىلىپ قويدىڭىزدار؟» دەپ سۇراپ ەدىم، اكەسى قىزىنا بىلاي تۇسىندىرگەنىن ايتتى: «بۇل ۇياشىقتاردا پەرىشتەلەر ءومىر سۇرەدى. ولار سەنى قورعايدى، قولدايدى جانە كۇندە تاڭەرتەڭ قۇستاردىڭ انىمەن ويانىپ، قۇستاردىڭ انىمەن ۇيىقتايسىڭ» دەپ تۇسىندىرگەن ەكەن.
ال مىنا ساندىقتىڭ ەرەكشە ءمانى بار، ياننە ءۇشىن، بۇل ونىڭ قازاقستانداعى ومىرىمەن بايلانىستى، بۇنىڭ ىشىندەگى دۇنيەلەر ونىڭ قازاقستاندا تۇرعانىن، قازاقستاندا تۋىلعانىن ايعاقتايدى. ءتىپتى، جايالىعىنا دەيىن ساقتاپ قويعان.
جانار:
– فو مەي… (مەنىكى دەيدى – ج.ب.)
– سەن بۇنى قاشان كيىپ ەدىڭ؟.. ءقازىر اياعىڭا سىيا ما بۇل؟
– ني…
– ماعان بەرشى بۇل اياق كيىمىڭدى؟
– بەرە المايمىن، ول مەنىكى. مەن ساقتاپ قويدىم، كەيىن ءوزىمنىڭ بالالارىما كيگىزەمىن.
– ادەمى ەكەن… بۇنى سەن قاي جاقتا كيدىڭ؟
– كازاكحستان…
كيىمدەرىن بۇكتەپ جاتقانىن قاراڭىزشى، قاراپ وتىرىپ سۇيسىنەسىڭ، بوتاقان سول. وكىنىش وزەگىڭدى ورتەيدى…
جانار بوتەن ەلگە كەلگەن سوڭ دا وسى كيىمدەردى سىيماي قالعانشا، ءوزى قالاپ كيىپ شىققان ەكەن. ساعىنعان شىعار. ويتكەنى بۇل كيىمدەرگە بالالار ءۇيىنىڭ ءيىسى، قازاقتىڭ ءيىسى سىڭگەن عوي.
ۆيم سەليس: بەلگياعا الىپ كەلگەندە، تاربيەشىلەرىن ىزدەپ، جىلاي بەرەتىن. سوسىن بولمەسىنە سولاردىڭ سۋرەتتەرىن ءىلىپ قويدىق. قىزىمىز ءوز ۇيىندەي سەزىنىپ، جاڭا ورتاعا تەز بەيىمدەلسىن، بۇل ادامداردىڭ ول ءۇشىن نە ىستەگەنىن ۇمىتپاسىن، قۇرمەتتەپ ءجۇرسىن دەگەن نيەتپەن.
جانار – ياننە «ەللا، جازيرا، جامال، ۆالا، ليۋدميلا» دەپ قازاقستاندا قالعان دوستارىن تۇگەندەپ شىقتى.
– ياننە ولاردى ءالى ۇمىتپاعان با؟
– ۇمىتقان جوق.
اناسى جاناردىڭ – ياننەنىڭ ساندىعىنان تاعى ءبىر قۇندى دۇنيەنى الىپ شىقتى. قازاقستاننىڭ تۋى. ال مىنا كارتينانى الماتىدا ساتىپ الىپتى. جالعىز قازاق ءۇي، بايلاۋلى جىلقى. اسقار تاۋلار «مەن مۇندالايدى» الىستان…
ال ءبىرازدان كەيىن قازاققا ءۇش قايناسا سورپاسى قوسىلمايتىن قوعامدا بوي تۇزەپ كەلە جاتقان قازاق بالاسى قازاقتىڭ تۋىن جامىلىپ ۇزاق جاتتى…

جانار بايسەمىزوۆا،
 «قازاقستان» ۇلتتىق تەلەارناسى

جۋرنالعا دايىنداعان
ابزال نۇرماعامبەت

سايتىمىزدىڭ جاڭا ماقالالارىنا جازىلىڭىز

پودەليتسيا ۆ سوتس. سەتياح

وپۋبليكوۆات ۆ Facebook
وپۋبليكوۆات ۆ Google Buzz
وپۋبليكوۆات ۆ Google Plus
وپۋبليكوۆات ۆ LiveJournal
وپۋبليكوۆات ۆ موي مير
وپۋبليكوۆات ۆ ودنوكلاسسنيكي
وپۋبليكوۆات ۆ ياندەكس

كەلۋ قاينارى: http://www.elarna.net/koru.php?tur=8&id=703420

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


شالقار داۋلەتكەلدى. ءجى 17 سەكوند
ەڭ شىعىنى كوپ جازا – ءو 18 سەكوند
ەلوردادا جۇمىسسىزدار 18 24 سەكوند
وسى ارانى باسىپ كورىڭىز 29 سەكوند
نۇرسۇلتان نازارباەۆ جاپ 3 مينوت
الماتىدا كونفەسسياارالى 6 مينوت
ۇكىمەت وتىرىسىندا «نۇرل 10 مينوت
اعاجاي التاي تورى 10 مينوت
SÙ‰M-كارتا ساتاتىن ساۋد 10 مينوت
قازاقستان 99 حالىقارالى 12 مينوت
ەجەلگى يسلام ورتالىقتار 15 مينوت
قازاقستاندا اقىلى جولدا 15 مينوت
نۇر-سۇلتاندا ورتالىق 10 20 مينوت
قازاقستاندا اقىلى جولدا 21 مينوت
«نۇرلى جول» اياسىندا قا 1 ساعات
ءوزىڭ جارقىراۋ ارقىلى و 1 ساعات
ساپاسىز جول اقتوبەگە جا 1 ساعات
اعاجاي التاي تورى 1 ساعات
تاكفيريتتىك ساناعا توقت 1 ساعات
شىمكەنتتەگى جول جوندەۋ 1 ساعات
نۇر-سۇلتاندا جۇمىسسىزدا 1 ساعات
قورىلدىڭ مي قىزمەتىنە ء 1 ساعات
5 جىلدا كولىك ينفراقۇرى 1 ساعات
اعاجاي التاي تورى 1 ساعات
قر پرەزيدەنتى اكىمشىلىگ 1 ساعات
اعاجاي التاي تورى 1 ساعات
الماتىنىڭ مەديتسينا ۇيى 1 ساعات
الماتىلىق مەديتسينا ۇيى 1 ساعات
باس ءمۇفتي قاجىلىق فيرم 2 ساعات
يتاليادا دۇنيەجۇزىلىك م 2 ساعات