ەلگە بەلگىلى تۇلعا، "بيزنەس باستۋدىڭ" ديرەكتورى احمەتبەك نۇرسيلا "قالاۋلىم" باعدارلاماسىن ۇيىمداستىرىپ وتىرعان كوماندانىڭ حالىققا قارسى شىعىپ جاتقان ساتقىندار دەپ باعالادى. ءتىپتى ولار اقشا ءۇشىن جەرىن، ەلىن ساتىپ جاتقان وپاسىزدارعا تەڭەدى. سونداي-اق، "قالاۋلىم" جوباسىنىڭ قايدان شىققانىن ايتتى. بۇل تۋرالى ول ءوزىنىڭ Nursila يۋتۋب كانالىندا ايتتى، دەپ حابارلايدى Oinet.kz.

- "تۇرىكتەر اقشا جاساۋ ءۇشىن، قازاقستانعا كەلىپ 5 جىل قازاقتاردى زەرتتەگەن. قازاقتىڭ مىنەز-قۇلقىن. بۇلاردى قالاي توپاستاندىرىپ، اقشا جاساۋعا بولادى دەپ زەرتتەگەن. سوندا قازاقتاردىڭ جانجال، وسەك-اياڭعا قۇمار ەكەنىن بىلگەن" - دەيدى كاسىپكەر.

سونداي-اق، قالاۋلىم ءسوزىنىڭ تۇپ-توركىنىنە توقتالعان ول بۇل ءسوزدىڭ انايى ماعىنا بەرەتىندىگىن جەتكىزدى.

- "قالاۋلىم" دەگەن مىناداي ءسوز: "يا تەبيا حوچۋ" دەگەن. قىزعا جىگىت بارىپ "يا تەبيا حوچۋ" دەپ ايتسا انايىلىق قوي. مەن سەنى قالايمىن دەپ ايتقىزادى ەكەن. قىز جىگىتكە بارىپ "مەن سەنى قالايمىن" دەپ ايتادى. بۇل حالىقتى توپاستاندىرۋ. حالىقتىڭ تامىرىنا بالتا شابۋ. مىنا كەڭ بايتاق جەرىمىزدى الىپ قالۋ ءۇشىن. انا اشا ماتاي مەن شاح-كارىم جانە كوماندالار وسى حالىققا قارسى ساتقىندىق جاساپ، اقشاعا ەلىن ساتىپ جاتىر، - دەدى بەلگىلى احمەتبەك نۇرسيلا.

"قالاۋلىم" جوباسىنىڭ ءمان ماڭىزى جوقتىعىن ايتقان ول، ەل پرەزيدەنتىنە باعدارلامانى جابۋ تۋرالى ءوتىنىش ءبىلدىردى.

- "قاسىم جومارت كەمەلۇلى ءبىز حالىقتىڭ توپاس بولعانىن قالامايمىز. حالقىمىزدىڭ سالت-داستۇرىنە قيانات جاساۋدى قالامايمىز. ءبىز بۇل حاباردىڭ جابىلۋىن قالايمىز. بۇل حالىقتىڭ ايتىپ جاتقان ءوتىنىشى. قۇرمەتتى پارلامەنتتە وتىرعان، حالىقتىڭ ءسوزىن سويلەيتىن دەپۋتاتتار وسى ءبىر تۇرىكتەردىڭ كەلىپ حالىقتى توپاستاندىرىپ جاتقان، حالىقتى لايلاپ جاتقان ءبىر حاباردى جابۋعا زاڭ شىعارا الماساڭدار وندا حالىقتىڭ قارعىسىنا قالاسىڭدار. بۇكىل حالىقتىڭ ءوتىنىشى وسى" - دەيدى اشىنىپ بەلگىلى كاسىپكەر.