ءتۇرى: اقجۇنىس ماقالالارى
جولدانعان ۋاقىتى: 19:00 - 2020/02/28
پاۆلودار وبلىسىنىڭ اقسۋ قالاسىندا بەلگىسىز ەر ادام گەلي شارلارىنىڭ كومەگىمەن ەۋرازيالىق بانكتىڭ بانكوماتىن جارىپ تاستادى. اتالمىش وپەراتسيا باقىلاۋ كامەراسىنا ءتۇسىپ قالعان دەپ حابارلايدى KAZ.NUR.KZ پورتالىنا سىلتەمە بەرگەن Oinet.kz.
جارىلىس تۋرالى اقپارات الدىمەن پاۆلودار جانە اقسۋعا ارنالعان Instagram پاراقشالاردا جاريالانعان. اksu.ermak Instagram پاراقشاسىنىڭ حابارلاۋىنشا، جارىلىس تۋرالى حابارلاما اقسۋ پوليتسيا بولىمىنە كەشكى ساعات 11-دە تۇسكەن. كۋاگەرلەر بانك عيماراتىنىڭ سىرتىنا ورناتىلعان بانكوماتتىڭ جارىلعانىن ايتقان. وقيعا ورنىنا شۇعىل توپ پەن اقسۋ پروكۋراتۋرا وكىلدەرى دەرەۋ اتتانعان. پاراقشانىڭ مالىمەتىنشە، وقيعا سالدارىنان زارداپ شەككەن ەشكىم جوق.
كەيىنىرەك ءدال وسى توپتا جارىلىس بولعان ءساتتىڭ ۆيدەوسى پايدا بولدى. قۇرىلعىنىڭ وزىنەن-وزى جارىلماعانى انىقتالدى.
بەلگىسىز ەر ادام بانكوماتتى ەكى ۇلكەن شارمەن الىپ كەلگەن گەليگە تولتىرعان. شلانگانىڭ كومەگىمەن گەليدى قۇرىلعىعا جىبەرگەن. وسىدان سوڭ جانعىش سۇيىقتىقتىڭ سالدارىنان جارىلىس پايدا بولعان.
ەر ادام قولعا تۇسكەن-تۇسپەگەنى ازىرگە بەلگىسىز. NUR.KZ رەداكتسياسى پاۆلودار وبلىسى پوليتسيا دەپارتامەنتىنە جۇگىندى. ۆەدومستۆو وقيعاعا قاتىستى پىكىردى كەيىنىرەك بەرۋگە ۋادە بەردى.
