ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 17:15 - 2020/02/28

Нақты Көзі: https://www.oinet.kz/e/action/ShowInfo.php?classid=2&id=17041

بۇگىن نۇر-سۇلتان قالاسىنداعى كاسىپوداقتار ۇيىندە قازاقستان رەسپۋبليكاسى كاسىپوداقتار فەدەراتسياسى مەن «قاراشىعاناق پەتروليۋم وپەرەيتينگ ب.ۆ» (قپو) كونسورتسيۋمى اراسىندا ىنتىماقتاستىق جانە ءوزارا ارەكەتتەستىك تۋرالى كورپوراتيۆتىك-الەۋمەتتىك كەلىسىم بەكىتىلدى. بۇل جونىندە فەدەراتسيانىڭ ءباسپاسوز قىزمەتىنە سىلتەمە جاساپ قازاقپارات حابارلايدى.

قازاقستاندا العاشقى كورپوراتيۆتىكالەۋمەتتىك كەلىسىمگە قول قويىلدى

قۇجاتقا قركف ءتوراعاسىنىڭ مىندەتىن اتقارۋشى ساتىبالدى داۋلەتالين مەن

«قاراشىعاناق پەتروليۋم وپەرەيتينگ ب.ۆ» كونسورتسيۋمىنىڭ باس ديرەكتورى ەدۆين بلوم قول قويدى. قر كاسىپوداقتار فەدەراتسياسىنىڭ باسشىسى اتاپ وتكەندەي، بۇل تاۋەلسىز قازاقستان تاريحىنداعى تۇڭعىش كورپوراتيۆتىك-الەۋمەتتىك كەلىسىم.قۇجات ءىرى كومپانيا مەن رەسپۋبليكالىق كاسىپوداق بىرلەستىگى اراسىنداعى الەۋمەتتىك ارىپتەستىكتى دامىتۋداعى نەگىز قۇجات بولماق.

«بىز كورپوراتيۆتىك الەۋمەتتىك جاۋاپكەرشىلىكتى جۇمىسشىلاردىڭ ەڭبەك قۇقىعىن قورعاۋدىڭ تاعى ءبىر قۇرالى دەپ ەسەپتەيمىز. بۇگىن قول قويىلعان كەلىسىم ەلىمىزدەگى الەۋمەتتىك-ەڭبەك قاتىناستارىن دامىتۋدا ايىرىقشا ماڭىزعا يە جانە ءبىز بيزنەستىڭ كورپوراتيۆتىك الەۋمەتتىك جاۋاپكەرشىلىك قاعيداتتارىن جۇزەگە اسىرۋعا دەگەن تالپىنىستارىن ءارقاشان قولدايمىز. بۇل كەلىسىم الەۋمەتتىك-ەڭبەك سالاسىنداعى قارىم-قاتىناستاردى نىعايتۋدا، سالالىق كەلىسىمدەر مەن ۇجىمدىق شارتتاردى دامىتۋدا جاڭا مۇمكىندىك بولماق»، - دەپ اتاپ ءوتتى ساتىبالدى داۋلەتالين.

سونىمەن قاتار، ول وسى كەلىسىمگە قول قويۋعا باستاماشى بولعان قركف بۇرىنعى ءتوراعاسى ەرالى توعجانوۆقا ەرەكشە ريزاشىلىعىن ءبىلدىردى. ساتىبالدى داۋلەتالين سونىمەن قاتار، ەدۆين بلومعا كاسىپوداقتار فەدەراتسياسىنىڭ باستاماسىنا قولداۋ بىلدىرگەنى ءۇشىن جانە كورپوراتيۆتىك الەۋمەتتىك جاۋاپكەرشىلىك يدەولوگياسىن دامىتۋعا قوسىپ جاتقان ۇلەسى ءۇشىن العىسىن جەتكىزىپ، قپو بەكىتكەن ۇجىمدىق كەلىسىمنىڭ تيىمدىلىگىن اتاپ ءوتتى.

«وندا ەڭبەكاقىنى يندەكساتسيالاۋ، دەنساۋلىعىنا بايلانىستى ۋاقىتشا ەڭبەككە جارامسىز كەزىندە تولەنەتىن اقىنى كوبەيتىلگەن كولەمدە بەرۋ، كوپبالالى وتباسىلارىنا ماتەريالدىق كومەك كورسەتۋ، شيپاجايدا ساۋىقتىرۋدى تولەۋ، جۇمىس بەرۋشىنىڭ قابىلدايتىن جەرگىلىكتى اكتىلەرىن كاسىپوداق ۇيىمدارىمەن قابىلداۋ جانە وزگە دە ماسەلەلەردى كەلىسىپ شەشۋ قاراستىرىلعان. وسىنداي الەۋمەتتىك ارىپتەستەر كوپ بولسا ەكەن. بۇل كەلىسىم باسقا دا ءىرى جۇمىس بەرۋشىلەردى قركف باستاماسىن قولداۋعا جانە جاڭا كورپوراتيۆتىك الەۋمەتتىك كەلىسىمدەرگە قول قويۋعا جانە ءوز جۇمىسشىلارى ءۇشىن بۇرىنعىدان دا لايىقتى جاعداي جاساۋعا ىنتالاندىرادى»،-دەيدى ساتىبالدى داۋلەتالين. قپو باس ديرەكتورى ەدۆين بلوم ءوز كەزەگىندە قر كاسىپوداقتار فەدەراتسياسىنا ريزاشىلىعىن ءبىلدىردى.

«بىزدىڭ قپو كورپوراتيۆتىك كەلىسىم جاساۋدا العاشقى كومپانيا رەتىندە تاڭدالىپ الىنۋى مەن ءۇشىن ۇلكەن مارتەبە. ءبىزدىڭ كومپانيا ۇزاق جىلدار بويى قپو-نىڭ 4 مىڭ جۇمىسشىسى مەن كومپانيانىڭ مەردىگەرلىك ۇيىمدارىنداعى 15 مىڭ جۇمىسشىنىڭ مۇددەلەرىن قورعايتىن ءۇش كاسىپوداق ۇيىمىمەن بىرگە جۇمىس ىستەپ كەلەدى. قپو مەن اتالعان كاسىپوداق ۇيىمدارى اراسىندا بەكىتىلگەن ۇجىمدىق شارت بيىل قازاقستان بويىنشا ەڭ ۇزدىك شارتتاردىڭ ءبىرى دەپ تانىلعانى كەزدەيسوق ەمەس»، - دەدى ەدۆين بلوم.

ونىڭ ايتۋىنشا، قپو كادرلاردىڭ اراسىندا قازاقستاندىقتاردىڭ ۇلەسىن كوبەيتۋگە ەرەكشە كوڭىل ءبولىپ وتىر. بۇگىنگى كۇنى كومپانيا وسى باعىتتاعى ءتورتىنشى باعدارلاماسىن جۇزەگە اسىرۋدا. ونىڭ اياسىندا ينجەنەرلىك جانە كاسىبي پوزيتسيالارداعى جەرگىلىكتى كادرلاردىڭ ۇلەسى - 69 پايىز، ال باسقارۋشى قۇرامنىڭ ۇلەسى - 76 پايىزعا جەتكەن. قپو قازاقستاندىق جۇمىسشىلاردىڭ كاسىبي بىلىكتىلىگىن ارتتىرۋ ماقساتىندا ارنايى ترەنينگتەر وتكىزىپ تۇرادى. ءقازىردىڭ وزىندە بۇعان 225 ميلليون اقش دوللارى جۇمسالعان.

«اتالعان كەلىسىمگە قول قويۋ ءبىزدىڭ كومپانيا جۇمىسشىلارىنىڭ الەۋمەتتىك جاعدايىن جاقسارتۋعا ۇلەس قوسادى دەگەن سەنىمدەمىن. بۇل بىزگە ۇجىمدىق كەلىسىمنىڭ كومەگىمەن بيزنەستى ءارى قاراي قالاي جۇرگىزۋ كەرەك دەگەن ماسەلەدە ورتاق كەلىسىمگە كەلۋگە مۇمكىندىك بەرەدى. ءبىز قركف جانە ءوزىمىزدىڭ ءۇش كاسىپوداق ۇيىمدارىمەن الەۋمەتتىك ارىپتەستىكتى ودان ءارى جاقسارتۋداعى جۇمىسىمىزدى جالعاستىرامىز. بۇل جۇمىس قازاقستاننىڭ بولاشاق ۇرپاعى ءۇشىن تۇراقتى مۇرا قالدىرۋعا باعىتتالعان ورتاق ماقساتقا نەگىزدەلەدى»، - دەپ ءسوزىن قورىتىندىلادى قپو باس ديرەكتورى ەدۆين بلوم.

كورپوراتيۆتىك الەۋمەتتىك كەلىسىم ءىرى كومپانيا مەن رەسپۋبليكالىق كاسىپوداق بىرلەستىگى اراسىنداعى الەۋمەتتىك ارىپتەستىكتى دامىتۋداعى نەگىزگى قۇجات. ىنتىماقتاستىق اياسىندا تاراپتار جۇمىسشىلاردىڭ الەۋمەتتىك-ەڭبەك قاتىناستارىن ساقتاۋ مەن قورعاۋ، لايىقتى ەڭبەك جاعدايىن جاساۋ، ەڭبەكتى قورعاۋ، دەنساۋلىق جانە ەكولوگيالىق قاۋىپسىزدىكتى قامتاماسىز ەتۋ سالاسىندا ارەكەتتەستىكتى نىعايتپاق. ىنتىماقتاستىقتىڭ باسىم باعىتتارىنىڭ قاتارىندا ەڭبەك جانجالدارىنىڭ الدىن الۋ مەن بولدىرماۋ جانە قوعامدا الەۋمەتتىك تۇراقتىلىقتى ساقتاۋ بار.


كەلۋ قاينارى: http://www.elarna.net/koru.php?tur=8&id=1123502

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ۇلتتىڭ تراگەدياسى ءالى 2 مينوت
كوپكە بەيمالىم كوكارال 8 مينوت
جەر-جەرلەردە كەلەلى ينج 11 مينوت
ماكگرەگور ورتا سالماقتا 11 مينوت
تارازدا سىيىمدىلىعى 50 26 مينوت
ءۇندىستاندا كۇن 50 گراد 1 ساعات
بيىلعى كوكتەمگى ەگىس جۇ 1 ساعات
رەال – ەۋروپانىڭ ەڭ قىم 1 ساعات
مۇشەلەر دالىزىندە ساياس 1 ساعات
قوستاناي وبلىسىندا پولي 1 ساعات
شەتەلدەگى ٴار سالا قاير 2 ساعات
الەكسەي شپيلەۆسكي: ء«با 2 ساعات
قازاقستاندا كوروناۆيرۋس 2 ساعات
دەنساۋلىق ساقتاۋ سالاما 2 ساعات
اقتوبە حروم قوسىندىلارى 2 ساعات
قازاقستاندىق تورەشى FIF 2 ساعات
جامبىل وبلىسىندا بيىل 1 2 ساعات
بيىل اۋىل تۇرعىندارىنىڭ 2 ساعات
شىمكەنتتە كوروناۆيرۋس ج 3 ساعات
لي جانشۋ 13-كەزەكتى مەم 3 ساعات
الماتىداعى ءبىرقاتار ءى 3 ساعات
قپل-دىڭ ەڭ قىمبات قازاق 3 ساعات
استانا حالىقارالىق قارج 3 ساعات
تانىمال تۇركولوگ كەڭەسب 3 ساعات
اسكەري قىزمەتشىلەرگە زە 3 ساعات
الماتى قالاسىنىڭ مەشىتت 3 ساعات
جاپپاي دوڭگەلەك داۋلەتت 3 ساعات
ورتالىق تەلەۆيزياسى «مە 3 ساعات
اپتاپ ىستىق، بۇرشاق، تۇ 3 ساعات
بارسەلونا قىزمەتكەرلەر 3 ساعات