ءتۇرى: اقجۇنىس ماقالالارى
جولدانعان ۋاقىتى: 17:01 - 2020/02/28
بەلگىلى كاسىپكەر، "بيزنەس باستاۋدىڭ" قۇرۋشىسى احمەتبەك نۇرسيلا "قالاۋلىم" باعدارلاماسىنىڭ شەف-رەداكتورى شاح-كارىم كارمەندى اۋىر سىنعا الدى. تەكتى اكەنىڭ ۇرپاعى وسىنشا مايدالانعانىنا كۇيىنەتىندىگىن جەتكىزدى. بۇل تۋرالى ول ءوزىنىڭ نۋرسيلا يۋتۋب كانالىندا ايتتى، دەپ حابارلايدى Oinet.kz.
- ەڭ قايعىلىسى ءقازىر "قاراشادا قارا ءۇي تۇر، قارايلاي ءجۇر ارتىڭا. جولداس بولما جامانمەن، كوزىڭ جەتپەي پارقىنا"، "ارمانى بيىك اسىل ەر، ۇرپاقتىڭ قامىن ويلايدى"، - دەگەن ءاندى ايتقان جانىبەك كارمەن ەسىمدى كەرەمەت تۇلعا بولعان. سول كىسىنىڭ بالاسى شاكارىمنىڭ اتىنا قويعان شاح-كارىم سول تۇرىكتەردىڭ قولشوقپارى بولىپ، قازاققا قارسى سويىل سوعىپ جاتىر. قازاقتى ۋلاپ جاتىر. قازاقتى توپاستاندىرىپ جاتىر. اينالايىن شاح-كارىم اقشادان ءولدىڭ با؟ سەنىڭ اتىڭ شاح-كارىم عوي. شاكارىم نە دەيدى: ادامدىق بورىشىڭ، حالقىڭا ەڭبەك قىل. اق جولدان اينىماي، ار ساقتا نەنى ءبىل". ار ساتىپ اقشا تاباتىنداي نە باسىڭا زورلىق كەلدى. تۇرىكتەرگە قوسىلىپ الىپ قازاقتى ۋلايتىنداي اكەڭنەن قانداي ونەگە الىپ، اكەڭنىڭ اتىن بىلعاپ وتىرسىڭ عوي اينالايىن" - دەدى اشۋعا بەرىلگەن احمەتبەك نۇرسيلا.
ەلگە بەلگىلى تۇلعالاردىڭ اشۋىن كەلتىرىپ، ىزا تۋىنداتىپ جاتقان "قالاۋلىم" جوباسى مەن شاح-كەرىم كارمەننىڭ ەندىگى ىس-ارەكەتى قانداي بولارى ازىرگە بەلگىسىز. ەندەشە كۇتەيىك!
