سەنات سپيكەرى داريعا نازارباەۆا اگرارلىق سەكتوردى جۇيەسىز رەفورمالاۋدىڭ سوڭى نەگە اكەلىپ سوقتىرعانىن ايتتى، دەپ حابارلايدى Baq.kz پورتالىنا سىلتەمە بەرگەن Oinet.kz.

- «اۋىل شارۋاشىلىعىنىڭ جالپى ىشكى ءونىمىنىڭ ۇلەسى 10 جىل ىشىندە 5 پايىزدان اسقان جوق، ال سوڭعى جىلدارى تۇراقتى تۇردە تومەندەپ كەلەدى. كوبىنە، كەستەلەر مەن سانداردىڭ ارتىندا ادامداردىڭ ناقتى پروبلەمالارى تۇرعانىن كورە بەرمەيمىز. ءبىز سالانىڭ الەۋمەتتىك ولشەمىنە نازار اۋدارۋىمىز كەرەك. اۋىلدىڭ تۇرمىس سالتى مەن ءومىر فيلوسوفياسى قالاداعى ومىردەن مۇلدەم وزگەشە. ستاتيستيكا كوميتەتىنىڭ مالىمەتتەرى بويىنشا، وسى جىلدىڭ 1 قاڭتارىندا ەكونوميكا سالاسىنداعى ەڭ تومەنگى جالاقى اۋىل شارۋاشىلىعىندا بولعان. جۇيەسىز رەفورمالار كەزىندە اۋىل شارۋاشىلىعىندا جۇمىس كۇشى قۇنسىزدانىپ، اۋىلداردا جۇمىس ورىندارى ازايدى. الەۋمەتتىك ينفراقۇرىلىم نىساندارى مەن الەۋمەتتىك-تۇرمىستىق قىزمەتتەر قىسقاردى. اۋىل تۇرعىندارىنىڭ سانى ازايىپ، بىرتىندەپ ءبۇتىن ەلدىمەكەندەر جويىلىپ كەتىپ جاتىر. وسى رەفورمالاۋ كەزىندە ادامي فاكتور ەڭ ۇلكەن دەفورماتسيالاۋعا ۇشىرادى»، - دەدى داريعا نازارباەۆا.

ونىڭ ايتۋىنشا، ۇكىمەتكە الدىمەن مەملەكەتتىك باعدارلامالاردىڭ ءساتتى ءارى ناتيجەلى جۇزەگە اسىرىلۋىنا نە كەدەرگى ەكەنىن ءتۇسىنۋ كەرەك.

- «2010 جىلدان بەرى قازاقستاندا 3 مەملەكەتتىك باعدارلاما قابىلداندى. اگروونەركاسىپتىك كەشەندى دامىتۋدىڭ قولدانىستاعى ءۇشىنشى مەملەكەتتىك باعدارلاماسى 2021 جىلى اياقتالادى. ستاتيستيكا كوميتەتىنىڭ مالىمەتىنشە، 2017 جىلدان باستاپ 2019 جىلعا دەيىن اۋىل شارۋاشىلىعىنىڭ جالپى ءونىمى 4،5 تريلليون تەڭگەدەن اسپاعان. 2021 جىلعا قاراي سالانى دامىتۋ باعدارلاماسى اياسىندا ونى 8،2 تريلليونعا دەيىن ءوسىرۋ جوسپارلانىپ وتىر. باعدارلامانى جۇزەگە اسىرۋدىڭ ءۇش جىلىندا 2 تريلليون تەڭگەگە جۋىق قاراجات تەك اگروونەركاسىپ كەشەنىن سۋبسيديالاۋعا جۇمسالعان. مەملەكەت بۇل سالانى بەلسەندى دامىتۋعا العىشارتتار جاساپ، جاعدايدى جاقسارتۋ ءۇشىن ۇنەمى شارالار قابىلداپ ءجۇر دەپ بىلەمىز. اۋىل تۇرعىندارى جۇزەگە اسىرىلىپ جاتقان مەملەكەتتىك باعدارلامالاردان ەڭ كوپ جەڭىلدىكتەر مەن جاردەماقى الۋشىلار قاتارىندا دەپ ەسەپتەيمىز. ءبىراق ءىس جۇزىندە باعدارلامالار اۋىل تۇرعىندارىنىڭ ءال-اۋقاتىن جاقسارتىپ جاتىر ما؟ بىزگە مەملەكەتتىك باعدارلامالاردىڭ ءساتتى ءارى ناتيجەلى جۇزەگە اسىرىلۋىنا نە كەدەرگى ەكەنىن ءتۇسىنۋ كەرەك"، - دەدى سەنات سپيكەرى.