ءتۇرى: اقجۇنىس ماقالالارى
جولدانعان ۋاقىتى: 14:15 - 2020/02/28
شىمكەنتتە قارجى پيراميداسىن قۇرىپ، تۇرعىنداردىڭ اقشاسىن جىمقىرعان "گارانت 24" جشس باسشىلارى ۇستالىپ، تەكسەرۋ جۇرگىزىلۋدە، دەپ حابارلايدى Baq.kz پورتالىنا سىلتەمە بەرگەن Oinet.kz.
قالا تۇرعىندارىنىڭ سەنىمىنە كىرىپ، 500 ملن تەڭگەدەن استام قاراجات جىمقىرعان “گارانت 24 لومبارد” جشس فيليالىنىڭ ديرەكتورى ۇستالىپ، ۋاقىتشا ۇستاۋ يزولياتورىنا قامالدى.
بۇدان الدىن، سالىمشىلاردى الداپ، 100 ملن تەڭگەدەن استام شىعىن كەلتىرگەن “Estate لومبارد” جشس فيليالىنىڭ ديرەكتورى ۇستالعانى تۋرالى حابارلانعان.
اتالعان فاكتىلەر بويىنشا سوتقا دەيىنگى تەرگەپ-تەكسەرۋ جالعاسۋدا. شىمكەنت قالاسىنىڭ پوليتسيا دەپارتامەنتى اتالعان جشس-لاردان زارداپ شەككەندەردى جاقىن جەردەگى پوليتسيا بولىمدەرىنە حابارلاسۋدى نەمەسە “102” نومىرىنە قوڭىراۋ شالۋدى سۇرايدى.
