ءتۇرى: اقجۇنىس ماقالالارى
جولدانعان ۋاقىتى: 14:02 - 2020/02/28
قازاق ەستراداسىنىڭ جارىق جۇلدىزى جازيرا بايىربەكوۆا جاس ەنە اتانۋعا ابدەن دايىن. دەسە دە، ءانشى بولاشاق كەلىنىنىڭ ءوزى سەكىلدى جۋاس بولعانىن قالامايدى. بۇل تۋرالى ول رەۆيۋ جاڭالىقتارىنا بەرگەن سۇحباتىندا ايتتى، دەپ حابارلايدى Oinet.kz.
- ەنە بولۋعا مەن وسى ۇلىم مەكتەپ بىتىرگەلى بەرى دايىندالدىم. وبرازعا كىردىم. كەلىنىممەن قانداي وتنوشەنيەدە بولاتىنىمدى ەلەستەتتىم. مەن ءوزىم قانداي كەلىن بولدىم، سونداي كەلىن بولۋعا تالاپ ەتپەيمىن. قاتالدىقتى كوردىم عوي مەن. مەن ءبىراق قاتال بولا المايمىن. تابيعاتىم باسقا، - دەيدى جازيرا بايىربەكوۆا.
جازيرا حانىم ءوزى گاسترولدىك ساپاردا كوپ جۇرەتىندىكتەن بولاشاق كەلىنىنىڭ اس ۇيگە جاقىن بولعاندىعىن قالايدى.
- ۇيگە قوناقتار كوپ كەلەدى. اپتاسىنا كەمى تورت-بەس ادامنان ەكى-ۇش رەت كەلەدى. سول كوپشىلىككە ۇيرەنگەنبىز. سوندىقتان دا مەن كەلىننەن بووەك تۇرامىن دەپ ايتا المايمىن. مەن كەلىنىممەن، نەمەرەلەرىممەن بىرگە تۇرىپ، ۇلكەن داستارحاننىڭ باسىندا كۇندە وتىرىپ، ءشاي ءىشىپ، اڭگىمە-دۇكەن قۇرىپ، ءومىر سۇرگەندى جاقسى كورەمىن، - دەيدى ءانشى.
