نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 13:45 - 2021/04/08

Нақты Көзі: https://www.astana-akshamy.kz/zhanga-esimderder-zharqyrasa-bolar-edi/

جاڭا ەسىمدەردەر جارقىراسا بولار ەدى… – استانا اقشامى

ەلىمىزدە «قازاقستان 100 جاڭا ەسىم» جوباسى IV ماۋسىمىن باستادى. جەڭىمپازدار ادەتتەگىدەي 100janaesim.ruh.kz سايتىندا ونلاين جيناعان داۋىس سانىنا قاراي ءارى ءادىلقازىلاردىڭ شەشىمىمەن انىقتالادى. بايقايسىز با، جوبا باستالىسىمەن الەۋمەتتىك جەلىلەردە «باۋىرىم ەدى، داۋىس بەرىپ جىبەرشى» دەيتىندەر دە ارتا ءتۇستى. وندايلاردان ءوزىم ۇيالاتىن بولدىم، ءوتىنىشىن ورىنداماسام، دوستىعىما سىزات تۇسەردەي سەزىلەدى. داۋىس بەرە سالايىن دەسەم، سايتى دۇرىس جۇمىس ىستەمەيدى، قاتادى دا قالادى. ايتەۋىر، ءبىر مينۋتتىڭ شارۋاسى ۇزاققا سوزىلادى. ءبىر ەمەس، ءتورتىنشى رەت وتكىزىلىپ وتىر عوي، باياعى جارتاس – سول جارتاس. ال سول جوبانىڭ العاشقى كەزەڭىندە سۋىرىلىپ العا شىققانداردان قايسىسى ەسىڭىزدە؟ ء102-سى توپ جارىپ، جەڭىمپاز اتانىپ ەدى. ءقازىر كىمدى قاي ەڭبەگىمەن تانيسىز؟ ەسىمدەرى ەنگەن «100 جاڭا ەسىم» كىتابى قولىما ءالى تيگەن جوق. ميلليوندار اراسىنان شىققان مىقتىلار جوبادان كەيىن نەندەي جاڭالىق جاسادى؟ حالىق تاڭداۋىمەن تانىمال بولعان، ەل ءۇمىتىن ارقالاعان ەرلەر سەنىمدى قاشان جانە قالاي اقتايدى؟ جىل سايىن ۇزدىكتەردى حالىق بولىپ تاڭداپ الامىز. ولاردى «100 جاڭا ەسىم يەلەرى» دەيمىز. ءبىراق شىنى كەرەك، مەكتەپ وقۋشىلارى، ستۋدەنتتەر «100 جاڭا ەسىم» يەلەرىنە ەمەس، TikTok، Instagram-نان تۇسپەيتىن بلوگەرلەرگە، انشى-بيشىلەرگە قاراپ بوي تۇزەپ ءجۇر ءالى. وسكەلەڭ ۇرپاققا ىسىمەن ۇلگى بولار ناعىز تالانتتارىمىزدى تاۋىپ الساق تا، ويىن-كۇلكىدەن باسقا بەرەرى شامالى جەلىنىڭ جاساندى جۇلدىزدارىنان اتاعى اسا الماي تۇرعان سياقتى. جالپى «100 جاڭا ەسىم» جوباسى ەلگە نە بەرەدى؟ قاتىسۋشىلار جوبادان قانداي پايدا تاپتى، نەندەي ساباق الدى؟

داۋىس سانىمەن انىقتاۋ دۇرىس پا؟

– 7 جىلدان بەرى جاستار ساياساتى، ءبىلىم، عىلىم سالاسىندا جۇرگەندىكتەن، جاستارمەن ۇنەمى بايلانىستا بولعاندىقتان بايقاۋدا باعىمدى سىناپ كورۋگە بەكىندىم. بيىل جوباعا ناسيحات جاعى جەتىسپەي تۇر. اۋىل-ايماقتار اراسىندا كوبىرەك ايتىلماي قالدى. اقپاراتتاندىرۋ جۇمىستارى باسەڭ ءجۇردى. سول سەبەپتى كوپتەگەن اۋىلدىڭ مىقتى جاستارى قاتىسا الماي قالدى. وسى سالادا جۇرگەن مەن كەزدەيسوق، بيلىكتەگى اعالارىمىزدىڭ الەۋمەتتىك جەلىدەگى پاراقشاسىنان كورىپ قالدىم. قاتىسۋعا ءوتىنىش ءبىلدىرۋدىڭ اياقتالۋىنا 3 كۇن قالعاندا ەستىپ، ۇلگەرىپ قالدىم. جەكەمە جازىپ جاتقان ازاماتتار كوپ. اقپاراتتاندىرۋدىڭ تولىق جۇرگىزىلمەگەندىگىنەن قانشاما جاستار تىس قالىپ قويدى.
سايت وتە باياۋ جۇمىس ىستەيدى. سەبەبى 3000-عا تارتا قاتىسۋشى بار. ءبىر مەزەتتە ميلليوننان اسا ادام داۋىس بەرىپ جاتۋى مۇمكىن. وسى ماسەلەنى ەسكەرۋ كەرەك. داۋىس بەرۋ جاعىنان دا قيىندىقتار تۋىنداۋدا. سەبەبى حالقىمىزدىڭ 100 پايىزى زاماناۋي تەحنولوگيالاردى قولدانبايدى نەمەسە الەۋمەتتىك جەلىلەردە وتىرمايدى. ەلەكتروندىق پوشتا بارىندە بار دەپ تە ايتا دا المايمىز.
بايقاۋلار ءبىرجاقتى، ياعني ارنايى كوميسسيانىڭ شەشىمىمەن ناتيجە شىعارىلسا، ادىلەتسىز ءوتۋى مۇمكىن. ال ەندى جالپىحالىقتىق داۋىس سانىمەن تاڭداۋ وتە دۇرىس شەشىم دەپ ەسەپتەيمىن، – دەيدى جوبا قاتىسۋشىسى، قازاقستان ستۋدەنتتەر اليانسىنىڭ پرەزيدەنتى ءىلياس تۇستىكباەۆ.
مىقتىنى جەلىدەگى جيناعان داۋىس سانىمەن انىقتاۋعا تۇبەگەيلى قارسىلار دا تابىلادى. نەگە؟ قالاسا، سايتتىڭ يەلەرى وزدەرى-اق داۋىس سانىن ارتتىرا الادى ويتكەنى. ونلاين بايقاۋلاردىڭ 100 پايىز ءادىل وتەتىنىنە، پىسىقتاردىڭ داۋىس سانىن قولدان كوبەيتىپ، قۋلىققا باسپايتىنىنا كەپىلدىك جوق دەپ ەسەپتەيدى IT مامانى، بالالار جازۋشىسى مەيىرجان جىلقىباي. سوندا قايتپەك كەرەك؟
– مەنى دە ونلاين داۋىس بەرۋ ار­قىلى وتەتىن بايقاۋلارعا شاقىرعان، سىرتىمنان ۇسىنعاندار بولدى، ءبىراق بىردەن باس تارتامىن. سەبەبى كىم تانىمال، كىمنىڭ تۋىسى مەن دوسى كوپ نەمەسە الەۋمەتتىك جەلىدە بەلسەندىلەر جەڭىپ كەتەدى. ءوز باسىم داۋىس تا بەرمەيمىن. IT سالاسىنىڭ مامانى رەتىندە ايتارىم، ءبىر IP-ادرەستەن، ءبىر پروكسيدەن تەك ءبىر داۋىس قابىلدانادى دەگەن تالاپ بار، ءبىراق مۇنىڭ ءبارىن اتتاپ ءوتۋ قيىن ەمەس. ءارتۇرلى IP-ادرەس كورسەتۋ ءۇشىن قانشاما VPN بار. انونيمايزەر ارقىلى دا كىرىپ كەتۋگە بولادى. مۇنداي «ناكرۋتكادان» قور­عالعان تەحنولوگيالار بار ەكەنىن مويىنداۋىمىز كەرەك، ءبىراق ولار 100 پايىز سەنىمدى بولماعان جانە بولمايدى دا، – دەيدى ول.
جوبا 2017 جىلى باستاۋ العان. وسى ۋاقىت ارالىعىندا 163 ازامات جۇيرىك شىقتى. بيىلعى «100 جاڭا ەسىم» جوباسىندا قازىلار القاسىنىڭ قۇرامىنا جوبانىڭ وتكەن جىلدارداعى جەڭىمپازدارى ەندى.
– ارينە، سايىس بولعان سوڭ تەحنيكالىق اقاۋلار بولىپ تۇرادى. جوبانىڭ تەحنيكالىق جاعىنان قامتاماسىز ەتەتىن ماماندار كۇنى-تۇنى جۇمىس ىستەۋ­دە. ءار قاتىسۋشىعا كەلگەن داۋىستى مودەراتسيادان وتكىزىپ، سايتقا وتكىزۋدە. سونىمەن قاتار كەيبىر قاتىسۋشىلاردىڭ اتىنان «ناكرۋتكا» بولىپ جاتىر. ءبىز ۇيىمداستىرۋشى رەتىندە قاتىسۋشىنى ەكى رەت ەسكەرتەمىز، داۋىستارىن شەگەرەمىز. ال ءۇشىنشى رەت قايتالانعان جاعدايدا قاتىسۋشى سايىستان شىعىپ كەتەدى، – دەيدى ۇيىمداستىرۋشى توپ وكىلى بيبىگۇل قۇلامان.

تولىق جەتىلمەگەن جوبا

– ماعان نە وزگەرىس بەردى؟ سۇحباتتارعا شاقىرتۋ الدىم، مەن جايلى دەرەكتى فيلم ءتۇسىردى. ەلباسىمەن كەزدەستىك. «100 جاڭا ەسىم» جوباسى ءالى پىسپەگەن دەپ ەسەپتەيمىن. سەبەبى مىقتىلاردى تاڭداپ الادى، سونىمەن ءبىتتى، ياعني اياقسىز جوبا. ەلباسى ۇسىنعان جوبانى جوعارى دەڭگەيدە وتكىزۋ كەرەك. ءبىراق بىزدە دەڭگەي تومەندەپ بارادى. مەن ەكىنشى كەزەڭدە، ياعني 2018 جىلى قاتىسىپ، جەڭىمپاز اتاندىم. ەسىمدەرىمىز كىتاپقا ەندى، ول كىتاپتىڭ ەلەكتروندى نۇسقاسىن بىزگە جىبەردى. قاعازعا باسىلىپ شىقتى ما، شىقپادى ما، ول جاعى بەلگىسىز. جوباعا بيۋدجەتتەن قارجى ءبولىندى، ۇيىمداستىردى، ۇزدىكتەردى تاڭداپ الدى دا، ءارى قاراي ولارمەن جۇمىس جاسالمادى. جوبانىڭ اسىپ بارا جاتقان ەشتەڭەسى جوق. ءبىرىنشى كەزەڭ جەڭىمپازدارىنىڭ سۋرەتتەرى بيلبوردتارعا ءىلىندى. بىزدىكى ءسوز جۇزىندە قالىپ قويدى، قالادان سۋرەتتەرىمدى كورگەن دە جوقپىن، – دەيدى گيپەر­رەاليست ءمۇسىنشى ايدوس ەسماعامبەتوۆ.
جوبا جەڭىمپازى ۇزدىكتەرگە يدەياسىن ىسكە اسىراتىن ورتالىقتار اشىپ نەمەسە دۇنيەجۇزىلىك دودالارعا قاتىس­تىرىپ، ەلىمىزدىڭ بايراعىن الەمدىك دودالاردا جەلبىرەتۋىنە مۇمكىندىك بەرۋ كەرەك دەيدى.
– ىشتەگى زاتتى الەمگە تانىتىپ، ولاردىڭ ەلگە جەڭىسپەن ورالۋىنا جول اشۋ كەرەك. تاڭداپ العاننان كەيىن جەڭىمپازداردى سوڭىنا دەيىن تانىتۋ كەرەك ەدى. مەن ادامداردىڭ شىنايى مۇسىندەرىن جاسايمىن. مۋزەي اشسىن دەمەيمىن، مۋزەيدىڭ ءبىر بۇرىشىن بەرسە، شاكىرت تاربيەلەۋگە جاعداي جاساسا، جوبا ءسوز جۇزىندە ەمەس، ءىس جۇزىندە ماقساتىن ورىنداعان بولار ەدى. سوندا عانا جوباعا كەتكەن قاراجات اقتالادى.
ءبىر جىلدا مىقتىلاردى ىرىكتەسە، كەلەسى جىلى سولارمەن جۇمىس اتقارىلۋ كەرەك. سولاردان ناتيجە شىقسا، سونى حالىققا كورسەتسە دۇرىس بولاتىن ەدى. «وسكارعا» قول جەتكىزۋ – قيىننىڭ قيىنى. قازاقستاننان ەشكىم الىپ كورگەن جوق. سول سەكىلدى اۋقىمدى ءارى كۇردەلى جوبا كەرەك ەلىمىزگە. بولماسا وسىنى ءۇش جىلدا، يا 5 جىلدا ءبىر رەت وتكىزسىن. ەرەكشە تالانتتار جىل سا­يىن تابىلا بەرمەيتىنىن ءتۇسىنۋ كەرەك. ەگەر ءدال وسىلاي كەتە بەرسە، جوبا ابىرويىن جوعالتىپ الادى، – دەپ تارقاتتى ءمۇسىنشى.

جەڭىمپازدارعا نە پايدا؟

العاشقى جەڭىمپاز اتانعان عالىم دياس تاستانبەكوۆ جوبادان ماتەريالدىق پايدا كۇتەتىنىن جانە ولاردىڭ سول ءۇمىتى اقتالمايتىنىن ايتتى. ءقازىر ءوزى حالىقتان العان «نەسيەسىن» وتەۋ ءۇشىن ايانباي ەڭبەكتەنىپ ءجۇر ەكەن.
– «جوبانىڭ پايداسى جوق» دەگەنمەن كەلىسپەيمىن. پايداسى – جوبا جەڭىمپازدارى تانىمال بولادى. ناتيجەسىندە كاسىپكەر بولسا، تاۋارىنىڭ وتىمدىلىگى ارتادى، ۇسىنىستار كوبەيەدى. ال عالىمدار جوبا ارقىلى اتىن تانىتىپ، جوسپارىن تانىمال قىلىپ، ينۆەستور تارتا الادى.
ماعان تىلشىلەر كوپ حابارلاستى، سۇحبات بەردىم. سول ارقىلى از دا بولسا ەلگە بەلگىلى زەرتتەۋشى رەتىندە قالىپتاستىم. دەسە دە بۇل ماعان بەرىلگەن نەسيە دەپ ەسەپتەيمىن. سەبەبى ءوزىمدى ەڭ مىقتى عالىم دەپ سانامايمىن. ءقازىر حالىقتىڭ سەنىمىن، ءۇمىتىن اقتاۋ ءۇشىن ەڭبەكتەنۋدەمىن.
ەكىنشى پايداسى – جاڭا ورتا قالىپتاستى. ونىڭ ءوزى دە ۇلكەن پايدا. «100 جاڭا ەسىمگە» كىرگەندەر ءارتۇرلى سالانىڭ مىقتىلارى عوي، ولار ءوزارا ءتانىس-بىلىس بولىپ، جاڭا جوبالاردىڭ پايدا بولۋىنا نەگىز بولا الادى. ماسەلەن، كاسىپكەر ارمان توسقانباەۆ پەن ماممولوگ دانا باشەباەۆا بىرىگىپ، ونلاين كەڭەس بەرۋ جۇيەسىن جاساپ شىقتى. ولار وسى جوبادا تانىسىپ، ەكىنشى مۇمكىندىكتى ۇتىمدى پايدالانا ءبىلدى. بىزدە وسى ماقساتتا قۇرىلعان الەۋمەتتىك جەلىلەردە ورتاق چاتتار بار.
ىندەت اسقىنعان تۇستا انتيسەپتيك، ماسكا، مەديتسينالىق قولعاپتاردان جيىنتىق جاساپ، ساتىلىمعا شىعاردىق. ودان تۇسكەن قاراجاتقا ىندەتپەن كۇرەستە ەڭبەكتەنىپ جۇرگەن دارىگەرلەرگە ازىق-تۇلىك الىپ بەردىك. وسى تۇستا «100 جاڭا ەسىم» جوباسىنىڭ ۇيىمداستىرۋشىلارى جيىنتىقتاردى ساتۋعا، اقپارات تاراتۋ جاعىنان قولداۋ كورسەتتى. جوبا يدەياسى مىقتى. الايدا ول وتكەننەن كەيىن جەڭىمپازدارمەن بايلانىس جاعى اقساپ تۇر. دۇرىس باستالدى، ءبىراق دۇرىس جالعاسپاعانىن مويىنداۋ كەرەك، – دەيدى دياس.
ۇسىنىس – جەڭىمپازدارمەن بايلانىستى نىعايتۋ كەرەك. ولار قوعامنىڭ بەلسەندى توبى بولعاندىقتان، بارىنشا مەملەكەتتىڭ وركەندەۋ جولىنا پايدالانۋ كەرەك. ءارقايسىندا تىڭ يدەيالار مەن ەلىمىزگە پايداسىن تيگىزەر جوبالاردىڭ بارىنا كۇمان جوق. دياس باستاعان بەلسەندى توپ ءوز يدەيالارى مەن ەرەكشە جوبالاردىڭ ءتىزىمىن جاساپ، ۇيىمداستىرۋشىلاردىڭ پوشتاسىنا جىبەرگەن ەكەن. الايدا ءارى قاراي ءجوندى ناتيجە بولماپتى.
– ۇيىمداستىرۋشىلار تاراپىنان بەلسەندى ارەكەتتەر جاسالمادى. جوبانى ءالى دە جەتىلدىرۋ كەرەك. ءقازىر تانىمالدار – بلوگەرلەر. جوبا جەڭىمپازدارى سولاردىڭ دەڭگەيىندە تانىمالدىلىققا يە بولۋ كەرەك قوي. سوندا عانا ءوسىپ كەلە جاتقان بۋىن ولارعا ەرمەي، ءار سالانىڭ ۇزدىكتەرىنەن ۇلگى الاتىن ەدى، – دەيدى د.تاستانبەكوۆ.

العىس حات جيناعاندار ەمەس، جەتىستىككە جەتكەندەر جەڭسە…

مۇعالىم اينۇر راسىلحانوۆا جەڭىمپازداردىڭ سۋرەتىن قابىرعالارعا ءىلىپ قويعانمەن ءىس بىتپەيدى دەيدى. كەزىندە جەڭىمپاز اتانعانداردىڭ بىرەۋى قامالىپ كەتتى، ەندى ءبىرى جۇمىستان قۋىلعانىن ايتىپ، قاتىسۋشىلارعا كوڭىلى تولمايتىنىن جەتكىزدى.
– مەنىڭ ويىمشا، العىس حات جيناعانداردى ەمەس، ەڭبەك ادامدارىن تانىتۋ كەرەك. قوي باعاتىن، بيە ساۋاتىن ازاماتتار تاپشى، سولاردى كوپكە كورسەتۋ قاجەت. 200 قويدان كاسىپ باستاپ، ءقازىر ونىڭ سانىن 20000-عا جەتكىزگەن كەلىنشەك بار. سونداي كورسەتكىشكە يە ەڭبەك ادامدارىن ءجۇزدىڭ ءبىرى ەتۋگە بولادى عوي. كۇن سايىن ەفيرگە شىعارسا، ۇلگى الاتىندار ارتادى. نەمەسە 5 پايىزبەن نەسيە بەرسە، سونىڭ ءوزى ۇلكەن كومەك بولار ەدى. قازىرگى باسپاناعا باعىت دەپ جۇرگەن داۋلەت قاتىسسا تۇسىنەر ەدىم. سەبەبى ول ۇلتتىق بانك قىزمەتكەرلەرى، ەكىنشى دەڭگەيلى ونداعان بانك قىزمەتكەرلەرىنىڭ ىستەمەگەنىن جالعىز ءوزى جاسادى. ونى ءجۇزدىڭ ءبىرى ەتسە، قوس قولىممەن داۋىس بەرەر ەدىم. نەگە؟ سەبەبى ول حالىققا قىزمەت ەتەدى. ال بىزدە كىم ەكەنى دە بەلگىسىز ازاماتتار قاتىسادى، سودان كەيىن ولاردىڭ نە بىتىرگەنىن ەشكىم دە بىلمەيدى، – دەيدى ول.
جوبانىڭ ەلىمىز ءۇشىن ماڭىزى جوعارى. ساياساتتا، ونەر، عىلىم مەن بيزنەس جاڭا ەسىمدەرگە مۇقتاج ەكەندىگى داۋسىز. وسى ورايدا ءماجىلىستىڭ بۇرىنعى دەپۋتاتى، «ەل تىرەگى» پارتياسىنىڭ نەگىزىن قالاۋشى، «100 جاڭا ەسىم» جەڭىمپازى نۇرجان التاەۆ جەڭىمپازدارمەن جۇمىس ىستەلمەسە، حالىقتىڭ جوباعا دەگەن سەنىمى جوعالادى دەيدى.
– عالىمدارىمىزدىڭ اراسىندا دۇنيە جۇزىنە بەلگىلى ازاماتتار بار. ولار تانىسپەن ەمەس، بايقاۋلاردا توپ جارىپ، ۇلكەن قىزمەتتەرگە تاعايىندالىپ جاتىر. «100 جاڭا ەسىم» جوباسىنا ەنىپ قانا قويماي، ءاربىر جەڭىمپاز ۇلكەن جاۋاپكەرشىلىك الادى. جوبا ماقساتى – تالانتتى قىز-جىگىتتەردى تاۋىپ، ولاردى حالىققا كورسەتۋ. جاستارىمىزدىڭ اراسىندا تامىر-تانىسسىز بيىككە ۇمتىلۋ قيىن دەگەن پىكىر قالىپتاسىپ كەتكەن. جوبا سونى جوققا شىعارادى. ءاربىر جاس الدىنا ماقسات قويىپ، تالاپتانسا ناتيجە شىعادى.
جوبا جاقسى ءجۇرىپ جاتىر. مەنىڭ جاعىمنان كومەك كەرەك بولسا، قولداۋعا، بىرىگىپ ءىس تىندىرۋعا دايىنمىن. سەبەبى جەڭىمپازداردى كوبىرەك پايدالانۋ كەرەك. كەزىندە جەڭىمپاز بولعان سوڭ ستۋدەنتتەرمەن، وقۋشىلارمەن كوبىرەك كەزدەسۋلەر ۇيىمداستىرىلادى دەپ كۇتتىم. وڭىرلەرگە ساپارلاپ، كەزدەسۋلەر وتەدى دەپ ويلادىم. ءبىراق كەزدەسۋلەردى ەشكىم ۇيىمداستىرعان جوق، – دەيدى ن.التاەۆ.
Ruh.kz پورتالىنىڭ شىعارۋشى رەداكتورى سۇلتان مۇستافين جاڭا ماۋسىمدا جوبانىڭ جەڭىمپازى اتانۋعا لايىق ۇمىتكەرلەر سانىنىڭ كوپ ەكەندىگىن العا تارتادى.
– جوباعا وتىنىمدەردى قابىلداۋ 22 اقپان مەن 22 ناۋرىز ارالىعىندا جۇرگىزىلدى. بيىل جوباعا قاتىسۋعا نيەت بىلدىرگەن ۇمىتكەرلەر سانى رەكوردتىق كورسەتكىشكە جەتكەندىگىن دە اتاپ وتكەن ءجون. ءبىر اي ىشىندە قازاقستاننىڭ بارلىق وڭىرلەرىنەن 2790 ءوتىنىم كەلىپ ءتۇسىپتى. قاتىسۋشىلار، نەگىزىنەن، مادەنيەت جانە سپورت، ءبىلىم جانە قوعام سياقتى سا­ناتتاردا جەڭىستەن ءۇمىتتى، – دەيدى سۇلتان مۇستافين.
وسى جىلى ساۋالنامالار «مادەنيەت جانە سپورت»، «قوعام»، ء«بىلىم»، «مەديتسينا»، «بيزنەس»، «يننوۆاتسيالار» جانە «ەكولوگيا» ساناتتارى بويىنشا قابىلداندى. سوڭعىسى – بيىلعى ماۋسىمنىڭ تاعى دا ءبىر جاڭاشىلدىعى. ال وڭىرلەر اراسىندا وتىنىمدەر سانى بويىنشا شىعىس قازاقستان، ماڭعىستاۋ جانە اقمولا وبلىستارى الدىڭعى قاتاردا. بيىل داۋىس بەرۋ كەزەڭى 12 ساۋىرگە دەيىن سوزىلعاندىقتان، جەڭىمپازداردى انىقتاۋ ءراسىمى ءساۋىر ايىنىڭ ەكىنشى جارتىسىنا شەگەرىلگەن.

نايما نۇرالىقىزى


كەلۋ قاينارى: http://www.elarna.net/koru.php?tur=7&id=1385517

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

جۇرەگىڭ قۇلشىلىقپەن تاز 5 ساعات
توڭمويىن ناپسىمەن ورازا 2 كۇن
اللا مەيرىمى قۇلشىلىعىڭ 7 كۇن
فاتيحا سۇرەسىنىڭ قۇدىرە 14 كۇن
اقاشا ورتەۋ 14 كۇن
جانار - حالىقتىڭ شەكسىز 22 كۇن
ناۋرىز جۇرەگىمدە ءبۇر ج 25 كۇن
ۇستازىڭ بولسىن، ءپىرسىز 29 كۇن
ادەبيەتتىڭ سيقىرى. اڭگى 29 كۇن
ءاز ناۋرىز قۇتتى بولسىن 31 كۇن
قىتايدىڭ مۇسىلمانشىل حا 31 كۇن
قىتاي قازاقتارىنان 18-ع 33 كۇن
ءاربىر ادامعا قۇرمەت كو 34 كۇن
پايعامبارىمىز قازىرەت م 34 كۇن
ءبىلىمنىڭ ەڭ جاقسىسى .. 48 كۇن
ادامنىڭ ەڭ ۇلكەن دۇشپان 48 كۇن
ماڭگىلىك ەلدىڭ تۇعىرى ت 50 كۇن
قاراقۇرىق 58 كۇن
ياسساۋي ءىلىمى قازاق ۇل 61 كۇن
ابەبيەت جايلى وزگە سىر 61 كۇن
تاڭىرشىلدەر -قازاق قالم 66 كۇن
قازاقتىڭ ەتنوتەرريتوريا 67 كۇن
ەجەلگى قازاقتىڭ جەتى ءت 70 كۇن
بارايىنشى 82 كۇن
ءشۇبار ءتىلدى قويايىق 82 كۇن
كەلەمىز ءبارىن تەڭ كورى 83 كۇن
قىتاي ادەبيتىندەگى «بات 83 كۇن
نانىم-سەنىم جانە ونىڭ ق 83 كۇن
ماڭىزدى ماقالانى وقىعان 84 كۇن
قازاۇۋ ستۋدەنتتەرى مەن 84 كۇن

ەڭ جاڭا ماقالالار


الماتىدا حالىققا قىزمەت 1 مينوت
وسكەمەن: جىل قۇستارىنا 4 مينوت
«شاحتەر» كومانداسىنا جا 7 مينوت
كوروناۆيرۋس: «قىزىل ايم 9 مينوت
باتىس قازاقستان وبلىسىن 9 مينوت
بالقاش اۋدانىنداعى ءورت 10 مينوت
اسقار مامين كاسىپكەرلىك 10 مينوت
تەتردا «ماۋگليدىڭ» تۇسا 13 مينوت
ددسۇ باسشىسى: الەمدە CO 16 مينوت
شىمكەنتتە دارىگەرلەر ءۇ 19 مينوت
دەنساۋلىق ساقتاۋ ءمينيس 19 مينوت
ترياتلوننان قازاقستان ق 19 مينوت
ماڭعىستاۋ وبلىسىندا «قا 19 مينوت
قوستاناي: ليساكوۆ مەشىت 19 مينوت
تسيفرلىق اۋتيزم. گادجەت 19 مينوت
سقو-دا 4 جىلدان سوڭ كوك 19 مينوت
ساۋدا مينيسترلىگى: ٴبىر 19 مينوت
ساپارمۇرات نيازوۆتىڭ با 19 مينوت
بۋىرشىن اۋدانى: قىزمەت 19 مينوت
نۇرجان اقىشەۆ اگشين باب 19 مينوت
ءتىپتى دە كوپ امانات – 19 مينوت
كىسى قولىنان قايتىس بول 22 مينوت
شىعىس قازاقستان وبلىسىن 25 مينوت
ەلوردالىق وقۋشى «EGMO-2 28 مينوت
قوعامدىق كەڭەستەر جوعار 29 مينوت
اۋىر اتلەتيكادان ازيا چ 29 مينوت
الماتىدا 116 959 ادام ك 29 مينوت
اسقار مامين كاسىپكەرلىك 1 ساعات
شىعىس قازاقستان وبلىسىن 1 ساعات
فۋتبول: قاراعاندىنىڭ «ش 1 ساعات