تاۋەلسىزدىكتىڭ 20 جىلدىعىندا ەلىمىزدىڭ قوعامدىق-ساياسي جانە ءدىني ءىس-شارالارى قاتارىنان ەلەۋلى ورىن العان، قازاقستاننىڭ ءدىني احۋالىنداعى ەرەكشە ساپار رەتىندە تاريح بەتتەرىندە قالعان ەرەكشە وقيعا ءوتتى. 2001 جىلدىڭ 22-25 قىركۇيەگىندە سول كەزدەگى ريم پاپاسى ءىى يوانن پاۆەل مەملەكەتتىك پاستورلىق ساپارى اياسىندا قازاق جەرىنە اياق باستى. ورتا ازيانىڭ جۇرەگىندە ورنالاسقان قاسيەتتى ەلدىڭ استاناسىنا اكەلگەن قۇدايعا ريزاشىلىعىنان باستاعان ۆاتيكان باسشىسى قر پرەزيدەنتى ن.ا.نازارباەۆپەن كەزدەسىپ، وتان-انا الاڭىندا مەسسا اتقاردى.

كورول يۋزەف ۆويتىلا تاريحتا ءىى يوانن پاۆەل دەگەن اتپەن كاتوليك شىركەۋىنىڭ باسشىسى رەتىندە 1978 جىلى 58 جاسىندا قاسيەتتى تاققا وتىرادى. بار عۇمىرىن ادام قۇقىعىن قورعاۋعا جۇمساعان ۆاتيكان باسشىسى اۆتوريتاريزممەن كۇرەستىڭ سيمۆولىنا اينالدى.
1982 جىلى فولكلەند ارالدارىنا قاقتىعىس كەزىندە ول ۇلىبريتانيا مەن ارگەنتيناعا بارىپ، الەمدە بەيبىتشىلىكتى ورناتۋعا شاقىردى. 2003 جىلى يراكتا سوعىس باستالعاندا، ءىى يوانن پاۆەل كاردينالدارىنىڭ ءبىرىن باعداتقا، ەندى ءبىرىن اقش پرەزيدەنتى دجوردج بۋشپەن كەزدەسۋگە جىبەرىپ، امەريكالىقتار مەن بريتانداردىڭ يراكقا شابۋىلىن قاتال ايىپتادى.
كونفەسسياارالىق قارىم-قاتىناستاردا II يوانن پاۆەل الدىندا وتكەن ۆاتيكان باسشىلارىنان كوپ ارتىقشىلىعى بولدى. ول باسقا كونفەسسيالارمەن سىيلاستىق بايلانىس ورناتۋدىڭ ءداستۇرىن جاساپ كەتتى. 1982 جىلى ريم-كاتوليك شىركەۋىنەن اعىلشىن شىركەۋىنىڭ ءبولىنىپ شىققالى بەرى 450 جىل تولعاندا، ەكى شىركەۋ باسشىلارى العاش رەت باس قوسىپ، پونتيفيك پەن ارحيەپيسكوپ كەنتەربەريسكي ەكەۋى بىرلەسىپ قۇدايعا قۇلشىلىق ەتتى.
وسى وقيعادان ءۇش جىل وتكەن سوڭ، تامىزدا ءىى حاسان كورولدىڭ شاقىرۋىمەن ريم پاپاسى ماروككو­دا ەلۋ مىڭعا جۋىق جاس مۇسىلمانداردىڭ الدىندا ءسوز سويلەدى. ول حريستيان مەن مۇسىلماندار اراسىنداعى تۇسىنبەۋشىلىك تۋرالى اڭگىمەلەپ، جەر شارىندا تۇتاس قاۋىمداستىقتى قۇرايتىن ۇلتتار مەن حالىقتار اراسىنداعى بەيبىتشىلىك پەن بىرلىكتى ورناتۋعا شاقىردى.
1986 جىلى كاتوليك تاريحىنداعى العاشقىلاردىڭ ءبىرى بولىپ پاپا سيناگوگانىڭ تابالدىرىعىن اتتادى. وسى جولى ەل اۋزىندا ءجيى ايتىلاتىن: «سىزدەردى ءبىزدىڭ سۇيىكتى جانە ءبىزدىڭ جاسى ۇلكەن باۋىرلارىمىز دەپ ايتۋعا بولادى» دەگەن قاناتتى ءسوزىن ايتقان ەدى. وسىدان كەيىن ءبىراز جىل وتكەندە، ريم پاپاسى يەرۋساليمدە بولىپ، ءيۋدايزمنىڭ قاسيەتتى كوز جاسى قابىرعاسىنا قولىن تيگىزىپ، ياد ۆا-شەم مەموريالىندا بولدى. وسى جىلدىڭ قاراشاسىندا اسسيزيدە ءبىرىنشى ءدىنارالىق كەزدەسۋ ءوتتى. كونفەسسياارالىق قارىم-قاتىناستى قولداۋعا باستاعان پونتيفيكتىڭ شاقىرۋىنا ءتۇرلى حريستياندىق كونفەسسيالاردان 47 دەلەگاتسيا جانە 13 وزگە ءدىن وكىلدەرى ءۇن قاتتى. 2001 جىلى 4 مامىردا ءىى يوانن پاۆەل گرەكياعا بارادى. ريم-كاتوليك شىركەۋى باسشىسىنىڭ بۇل ساپارى نىسانالى بولدى. كونە تاريحقا كوز جىبەرسەك، 1054 جىلى حريستيان شىركەۋى كاتوليكتىك جانە پراۆوسلاۆتىق بولىپ ەكىگە جارىلعان ەدى. وسى وقيعادان ەكى كۇن وتكەندە پاپا داماسك قالاسىنا بارىپ بەيبىتشىلىك ءۇشىن دۇعاسىن وقىپ، ومەيادتار مەشىتىنە كىرىپ شىعادى.
2000 جىلى 12 ناۋرىزدا قاسيەتتى پەتر سوبورىنداعى جەكسەنبىلىك مەسسيا كەزىندە ءىى يوانن پاۆەل كاتوليك شىركەۋىنىڭ ادامزات الدىنداعى بارلىق كۇنالارى ءۇشىن كوپشىلىك الدىندا كەشىرىم سۇرايدى. ول شىركەۋ قىزمەتكەرلەرىنىڭ شىركەۋ­لەردىڭ اراسىن اجىراتقانى ءۇشىن، ءدىني سوعىستارى ءۇشىن، امەريكانى كۇشتەپ ەۆانگەليە دىنىنە كىرگىزگەنى ءۇشىن ءتۇرلى ۇلتتىق، جىنىسىنا قاراپ كەمسىتۋشىلىككە جول بەرىپ، الەۋمەتتىك جانە ەكونوميكالىق ادىلەتسىزدىكتىڭ پايدا بولۋىنا قاتىسى ءۇشىن كەشىرىم سۇرادى. وسىعان دەيىن بىردە-بىر ءدىن نە كونفەسسيا مۇنداي تاۋبەشىلىككە بارماعان ەدى. جەر بەتىندە ىزگىلىك جولى قالعان ءىى يوانن پاۆەل دۇنيە سالعاننان كەيىن اۋليەلەر قاتارىنا ەنگىزىلگەن.
پاپا II يوانن پاۆەل قازاقستان جانە ونىڭ حالقى تۋرالى «سىزدەردىڭ ۇلتتىق تۋلارىڭىزدىڭ تۇسىنە قاراپ تۇرىپ، جاراتۋشى قۇدايدان تۋلارىڭىزدا كوك تۇسپەن نىشاندالعان بەرىكتىك پەن اشىقتىق، التىن تۇسپەن كۇيمەلەنگەن گۇلدەنۋ مەن بەيبىتشىلىك ءتارىزدى يگىلىكتەرگە قول جەتكىزۋلەرىڭىزدى تىلەيمىن» دەدى ريم پاپاسى.