«30 يگى ءىس» اياسىندا ەلوردالىق قازاقستان حالقى اسسامبلەياسى مۇشەلەرى «قان تاپسىر – ءومىردى قۇتقار» اكتسياسى اياسىندا قان تاپسىردى. قايىرىمدىلىق اكتسياسىنا ەتنومادەني بىرلەستىكتەردىڭ، جاستار ۇيىمدارىنىڭ وكىلدەرى، سونىمەن قاتار اسسامبلەيانىڭ قوعامدىق جانە سالالىق ۇيىم وكىلدەرى قاتىسۋدا.

«تاڭ» تاتار-باشقۇرت مادەني ورتالىعى ءتوراعاسىنىڭ ءبىرىنشى ورىنباسارى راۆيل ۆاليەۆتىڭ ايتۋىنشا، بۇل اكتسيا «30 يگى ءىس» بەكىتىلگەن باعدارلاماسى اياسىندا العاش رەت وتۋدە. ء«بىز قازاقستان حالقى اسسامبلەياسىنىڭ مۇشەسى رەتىندە جۇيەلى تۇردە قان تاپسىرامىز. بيىل بىزدە قالا اكىمىنىڭ ورىنباسارى باقتيار ماكەننىڭ قاتىسۋىمەن قحا كەڭەسىنىڭ وتىرىسى ءوتتى. وتىرىس اياسىندا ءبىز تاۋەل­سىزدىگىمىزدىڭ 30 جىلدىعىنا «30 يگى ءىس» باعدارلاماسىن بەكىتتىك. ال بۇگىنگى اكتسيا «30 يگى ءىس» باعدارلاماسى اياسىندا العاش رەت ءوتىپ تۇر» دەدى ول.
سونىمەن قاتار ول ءار جارتى جىل سايىن ءوتىپ تۇراتىن «قان تاپسىر – ءومىردى قۇتقار» اكتسياسى اياسىندا قحا مۇشەلەرىنىڭ جۇيەلى تۇردە قان تاپسىرىپ تۇراتىنىن اتاپ ءوتتى. «قان تاپسىرۋ تەك قوعامعا عانا ەمەس، سونىمەن قاتار اعزاعا دا پايدالى. مەن وسىمەن ءۇشىنشى رەت قان تاپسىرىپ تۇرمىن. جارتى جىل سايىن وسى اكتسيانى وتكىزىپ تۇرامىز. ەڭ الدىمەن ءبىز تەست تاپسىرىپ، ودان كەيىن قان توبىن تەستىلەۋگە بارامىز. ال ءار اكتسيا كەزىندە 50-70 ادام قان تاپسىرادى» دەدى راۆيل ۆاليەۆ.