باسقا باسپانا، شوتقا نەسيە جابۋعا اقشا دا كەرەك. دەگەنمەن ءبىرىنشى بايلىق بارىنەن ماڭىزدى دەگەندەرگە ۇكىمەت بىلتىرعى قاۋلىعا سايكەس زەينەتاقى قورىنداعى قارجىسىن ءوزى مەن جاقىندارىنىڭ ەمىنە پايدالانۋعا مۇمكىندىك بەردى. حالىق اراسىندا وسى مۇمكىندىكتى پايدالانۋدى كوزدەگەندەر ءۇي الۋعا ۇمتىلعاندارداي كوپ بولا ما، بەلگىسىز. سەبەبى «وتباسى بانكىنە» ەمگە بايلانىستى وتىنىمدەر قابىلداۋ 25 اقپاندا باستالادى.

جالپى ءبىرجولعى زەينەتاقى تولەمدەرىن ەمگە پايدالانۋ تۋرالى بۇيرىق بيىل 15 اقپاندا بەكىتىلىپ، 17 اقپاندا ادىلەت مينيسترلىگىندە تىركەلدى. وتكەن جۇما دەنساۋلىق ساقتاۋ مينيسترلىگىندەگىلەر زەينەت­اقى قورىنان الىنعان قاراجاتتى ازاماتتار قانداي ەمگە جۇمساي الاتىنىن حالىققا ءتۇسىندىردى.

قانداي ەمگە جۇمساي الاسىز؟

سالا مينيسترلىگى بەكىتكەن زەينەتاقى جيناعىن پايدالانۋعا بولاتىن مەديتسينالىق قىزمەتتەر تىزبەسىنە ساي ازاماتتار قورداعى ارتىق قارجىسىن 8 ءتۇرلى ەم بويىنشا مەديتسينالىق قىزمەتتەرگە جۇمساي الادى. اتاپ ايتقاندا، ورفاندىق اۋرۋلاردى دارى-دارمەكپەن قامتاماسىز ەتۋدى قوسا العاندا، ەمدەۋ، سونداي-اق ەمدەۋ تاكتيكاسىن ايقىنداۋ ءۇشىن دياگنوستيكالىق زەرتتەۋلەر، قازاقستان اۋماعىندا ورنالاسقان مەديتسينالىق ۇيىمداردا كورسەتىلەتىن ستوماتولوگيالىق قىزمەتتەر، ونىڭ ىشىندە ءتىستى پروتەزدەۋ جانە يمپلانتاتسيا، وپەراتسيادان كەيىنگى تىرتىقتار مەن تۋا بىتكەن اقاۋلاردى، سونداي-اق ماستەكتوميادان كەيىن تۇزەتۋ ماقساتىندا رەكونسترۋكتيۆتى جانە قالپىنا كەلتىرۋ وپەراتسيالارى، راديونۋكليدتىك جانە راديويودتەراپيا، راديوحيرۋرگيالىق ەمدەۋ، پروتون تەراپياسى، وفتالمولوگيالىق قىزمەتتەر جاتادى. مەديتسينالىق قىزمەتتەردىڭ وسى تىزبەسى حالىقتىڭ قاجەتتىلىگىن ەسكەرە وتىرىپ قايتا قارالۋى مۇمكىن.

وتىنىم بەرۋ جولدارى

دەنساۋلىعىن تۇزەتۋدى ويلاعان ازاماتتار الدىمەن بجزق-نىڭ ينتەرنەت-رەسۋرسى نەمەسە «ەلەكتروندىق ۇكىمەت» ۆەب-پورتالى ارقىلى ءبىرجولعى زەينەتاقى سوماسىن انىقتاۋى قاجەت. ەگەر قورداعى سوما جەتكىلىكتى بولسا، وندا ازامات تىركەلگەن جەرى بويىنشا مەديتسينالىق ۇيىمعا جۇگىنىپ، دارىگەرلىك كوميسسيانىڭ ءبىرجولعى زەينەت­اقى تولەمدەرى ەسەبىنەن ەمدەلۋگە جىبەرۋ تۋرالى قورىتىندىسىن الادى. دارىگەرلىك كوميسسيا ءوتىنىش بەرگەن كۇننەن باستاپ 5 جۇمىس كۇنى ىشىندە زەينەتاقى تولەمدەرى ەسەبىنەن ەمدەلۋگە جىبەرۋ تۋرالى نە مەديتسينالىق كورسەتكىش بولماعان جاعدايدا باس تارتۋ تۋرالى شەشىم قابىلدايدى. قورىتىندى دارىگەرلىك كوميسسيانىڭ وتىرىسى وتكىزىلگەن كۇننەن باستاپ 2 جۇمىس كۇنى ىشىندە بەرىلەدى.
مەديتسينالىق كوميسسيا رۇقسات ەتكەن جاعدايدا ءوتىنىش بەرۋشى مەديتسينالىق ۇيىمدى تاڭداپ، شارت جاساسۋى قاجەت. سودان كەيىن، ەتسق كومەگىمەن ۋاكىلەتتى وپەراتوردىڭ ينتەرنەت-رەسۋرسىندا ءوزىنىڭ جەكە كابينەتىن اشىپ، وندا سوماسىن، پايدالانۋ ماقساتىن كورسەتە وتىرىپ، ءبىرجولعى زەينەتاقى تولەمىنە ەلەكتروندىق ءوتىنىشتى تولتىرۋ، دارىگەرلىك كوميسسيا قورىتىندىسىنىڭ سكانەرلەنگەن كوشىرمەلەرىن، مەديتسينالىق ۇيىممەن ەمدەۋ تۋرالى شارتتى بەكىتىپ جانە ءوزىنىڭ ەتسق-مەن كۋالاندىرۋ قاجەت. بجزق ۋاكىلەتتى وپەراتوردان ەلەكتروندىق حابارلاما العان كۇننەن باستاپ 5 جۇمىس كۇنى ىشىندە ءبىرجولعى زەينەتاقى تولەمىنىڭ سوماسىن ءوتىنىش بەرۋشىنىڭ ۋاكىلەتتى وپەراتوردا اشىلعان ارنايى شوتىنا اۋدارادى.

قولدان ۇرىقتاندىرۋعا تولەنبەيدى

قاڭتاردىڭ سوڭىندا «وتباسى بانك» وكىلدەرى قازاقستاندىقتارعا زەينەتاقى جيناعىنىڭ ءبىر بولىگىن ەكستراكورپورالدى ۇرىقتاندىرۋ (ەكو) پروتسەدۋراسى ءۇشىن پايدالانۋعا رۇقسات بەرىلەدى دەپ سۇيىنشىلەپ ەدى. ءبىراق كەشەگى سوڭعى بۇيرىق بويىنشا جيناقتى ەمگە پايدالانۋ تىزىمىنەن قولدان ۇرىقتاندىرۋعا قارجىنى پايدالانۋعا مۇمكىندىك بەرەتىن «كومەكشى رەپرودۋكتيۆتى ادىستەر مەن تەحنولوگيالار» دەگەن قىزمەتتى كورە المادىق. ارتىنان بانك ءباسپاسوز قىزمەتىندەگىلەر بۇل ۇسىنىستى دەنساۋلىق ساقتاۋ مينيسترلىگى الىپ تاستاعانىن ناقتى ايتتى. «ناۋرىزدىڭ باسىندا شەتەلدىك مەديتسينالىق مەكەمەلەرمەن دە جۇمىس جۇرگىزىلەدى. ياعني قورداعى قارجىنى وزگە مەملەكەتتە ەمدەلۋ ءۇشىن جۇمساۋعا مۇمكىندىك بولادى. تەك ستوماتولوگيالىق ەم-دوم عانا ەلدە جۇرگىزىلەدى. ال باسقا اۋرۋ تۇرلەرىنە، جاساندى جولمەن ۇرىقتاندىرۋعا ءازىر قورداعى قارجىنى الۋ مۇمكىن ەمەس. سەبەبى بيىل بۇعان 7 مىڭ كۆوتا بولىنگەن، – دەدى «قازاقستاننىڭ تۇرعىن ءۇي قۇرىلىس جيناق بانكى» اق ورتالىق فيليالىنىڭ ديرەكتورى جانسۇلتان ماتاەۆ.لاززات يبراگيموۆا، «قازاقستاننىڭ تۇرعىن ءۇي قۇرىلىس جيناق بانكى «وتباسى بانك» اق باسقارما ءتورايىمى

جيناقتاۋشى زەينەتاقى قورىنداعى قارجى جەتكىلىكتى بولسا، ونى بىرنەشە رەت ءتۇرلى اۋرۋعا پايدالانۋعا بولادى. سونداي-اق ەمدەلەتىن مەكەمەنى ءوتىنىش بەرۋشى ءوزى تاڭدايدى، تەك كورسەتەتىن قىزمەتكە مەديتسينالىق ورتالىقتىڭ ليتسەنزياسى بولۋى كەرەك. بۇل تىزىمگە ەمى قىمبات اۋرۋ تۇرلەرى ەنگىزىلگەن.