ءتۇرى: اقجول تور ماقالالارى
جولدانعان ۋاقىتى: 03:45 - 2021/02/20
بيىل 1 قاڭتاردا COVID-19 ۆيرۋسىنا قارسى ۆاكتسينالاۋ باستالعان بەيجىڭدە ەكپەنى ءبىرىنشى كەزەكتە ەل استاناسىنداعى حالىقتىڭ 9 نەگىزگى توبى الادى. ۆاكتسينانى العاش بولىپ مەديتسينا، پوليتسيا قىزمەتكەرلەرى، ءورت سوندىرۋشىلەر، كەدەن، حالىقارالىق جانە ىشكى قاتىناستارداعى كولىك سالاسىنىڭ قىزمەتكەرلەرى، تاماق ونىمدەرىن ءوندىرۋ جانە جەتكىزۋ سالاسىنداعى جۇمىسشىلار الادى.
قىتاي مەگاپوليسىندە قالا تۇرعىندارىن ۆاكتسيناتسيالاۋعا قاتىساتىن مەديتسينالىق پەرسونال «3 تەكسەرۋ، 7 راستاۋ جانە 1 انىقتاۋدى» قامتيتىن تەحنيكالىق نۇسقاۋلىقتى قاتاڭ ۇستانادى. ءۇش تەكسەرۋگە ۆاكتسينا الۋشىنىڭ دەنساۋلىق جاعدايىن، اللەرگيالىق رەاكتسيالاردىڭ سىرقاتناماسى، سونداي-اق ۆاكتسينانىڭ سىرتقى ءتۇرىن، پارتيا ءنومىرىن، جارامدىلىق مەرزىمى مەن شىعارىلعان كۇنىن تەكسەرۋ جاتادى. حالىقتىڭ ۆاكتسيناتسيا تۋرالى حاباردارلىعىن ارتتىرۋ ماقساتىندا بەيجىڭ اكىمشىلىگى قىتايدىڭ الەۋمەتتىك جەلىلەرىندە ۆاكتسينالار مەن ولاردى قولدانۋ تۋرالى اقپاراتتى قامتيتىن جالپىعا قولجەتىمدى اككاۋنتتار قۇردى.
