نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 03:00 - 2021/02/20

Нақты Көзі: https://www.astana-akshamy.kz/ekpe-eguding-kelesi-kezenginde-otandyq-vaktsina/

ەكپە ەگۋدىڭ كەلەسى كەزەڭىندە – وتاندىق ۆاكتسينا – استانا اقشامى

ەلىمىزدە كوروناۆيرۋسقا قارسى جاپپاي ۆاكتسيناتسيالاۋدىڭ ءۇشىنشى اپتاسى اياقتالدى. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 77-بابىنا سايكەس جەكە كەلىسىمىمەن ۆاكتسينا سالدىرعاندار سانى 19459 ادامعا جەتتى. ونىڭ ىشىندە ۆاكتسينا سالدىراتىنداردىڭ ەڭ العاشقى لەگىندەگى ەلوردالىق 6 300 مەديتسينا قىزمەتكەرىنىڭ ء1980-ى «سپۋتنيك V» ەكپەسىن الدى. ازىرگە رەسەيلىك ەكپەنىڭ تەرىس اسەرى تۋرالى ايتىلمادى. الدا ەندى وتاندىق ەكپەمەن ۆاكتسيناتسيالاۋ باستالادى. ەكپە ەگۋدىڭ كەلەسى كەزەڭىندە قازاقستاندىق ۆاكتسينا سالىنا باستايتىنىن كەشە ونلاين بريفينگ كەزىندە ەلوردانىڭ العاشقى مەديتسينالىق-سانيتارلىق كومەكتى ۇيىمداس­تىرۋ ءبولىمىنىڭ باسشىسى ءاليا ءومىرزاقوۆا ايتتى. جالپى بارلىق ەكپەلەردىڭ جاڭا پارتياسى وسى ايدىڭ اياعىندا كەلىپ تۇسكەننەن كەيىن مەديتسينا قىزمەتكەرلەرىن ەگۋ ارى قاراي جالعاسادى. دارىگەرلەرمەن قاتار پەداگوگتاردى، كۇشتىك قۇرىلىمدار قىزمەتكەرلەرىن، سوزىلمالى اۋرۋلارى بار ناۋقاستاردى جانە باسقا دا ادامداردى كەزەڭ-كەزەڭىمەن ەگۋ جۇمىستارى جۇرگىزىلەدى. نۇر-سۇلتان قالاسى قوعامدىق دەنساۋ­لىق ساقتاۋ باسقارماسى باسشىسىنىڭ ورىنباسارى ءاليا رۇستەموۆانىڭ ايتۋىنشا، وسىعان وراي قالاداعى العاشقى مەديتسينالىق كومەك بەرەتىن مەكەمەلەردە ارنايى كابينەتتەر جابدىقتالعان. كۇتۋ زالدارى ۇيىمداستىرىلىپ، الەۋمەتتىك اراقاشىقتىق ساقتاۋعا جاعداي جاسالعان. «رەسەيلىك ۆاكتسينا ەكى كومپونەنتتى، ءۇش اپتا ارالىقپەن ەكى رەت ەنگىزىلەدى. ەكىنشى كومپونەنتپەن ۆاكتسيناتسيالاۋ 22 اقپاندا باستالادى. ۆاكتسيناتسيانىڭ تولىق كۋرسىنان كەيىن 1،5 اي ىشىندە اعزانىڭ يممۋندىق رەاكتسياسى پايدا بولادى. سوندىقتان ەكپە العاندارعا الدىن الۋ شارالارىن ساقتاۋدى جالعاستىرۋ قاجەت» دەدى ا.رۇستەموۆا.

شەتەلدە سالدىرسا، ەلدە قايتادان المايدى

ەگەر قازاقستاندىقتار شەتەلدە ءجۇرىپ ۆاكتسينا سالدىرسا، ەلگە كەلگەن سوڭ ەكپە المايدى. نۇر-سۇلتان قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا ارنايى بريفينگتە «شەت ەلدە Pfizer نەمەسە Moderna ۆاكتسينالارى سالىنسا، قازاقستاندا قابىلدانا ما؟» دەگەن سۇراققا وسىلاي جاۋاپ بەردى. «كوروناۆيرۋس ينفەكتسياسىنا قارسى ۆاكتسيناتسيانى العانى قۇجات بويىنشا راستالسا، ارينە، سول جاراي بەرەدى. بۇل رەتتە قانداي ۆاكتسينا سالىنعانى ماڭىزدى ەمەس. Pfizer نەمەسە باسقا دا ۆاكتسينالار ماقۇلدانادى. باستىسى، ول ادام كوروناۆيرۋسقا قارسى ەكپە سالدىرىپ، ءوزىن ۆيرۋستان قورعادى» دەدى ول.

الەكسەي تسوي،
قر دەنساۋلىق ساقتاۋ ءمينيسترى:

«بۇگىندە مەملەكەت الدىندا تۇرعان باستى مىندەت – مەديتسينالىق قىزمەتتەردىڭ ساپاسىن ارتتىرۋ. 2025 جىلعا قاراي قازاقستان حالقىنىڭ ورتاشا ءومىر ءسۇرۋ ۇزاقتىعىن 75 جاسقا دەيىن جەتكىزۋدى دە كوزدەپ وتىرمىز»

ەكپەنى قالاي ساقتايدى؟

قازىر ەلوردادا ۆاكتسينالاردى تاسىمالداۋعا ارنالعان 20 مۇزداتقىش جانە 82 تەرموكونتەينەر بار. قوسىمشا 22 مۇزداتقىش قوندىرعى ساتىپ الىندى. قوعامدىق دەنساۋلىق ساقتاۋ باسقارماسىنىڭ قويماسىنداعى ءتورت مۇزداتقىش قوندىرعىدا ءبىر ۋاقىتتا ەكى مىڭعا جۋىق ۆاكتسينا دوزاسىن ساقتاۋعا بولادى. مامانداردىڭ ايتۋىنشا، «سك-فارماتسيادان» ەكپەلەر ەگۋ كابينەتتەرىنە دەيىن مينۋس 18-20 گرادۋستا ساقتالىپ كەلەدى ەكەن. تاسىمالداۋ كەزىندە ءتيىستى تەمپەراتۋرا ساقتالادى. ودان كەيىن قويماعا دا بارلىق نورمانى ساقتاي وتىرىپ قابىلدانادى. سونىمەن قاتار بۇكىل مەديتسينالىق ۇيىمدار ارنايى توڭازىتقىشتارمەن قامتاماسىز ەتىلگەن جانە وسى باعىت بويىنشا بىلىكتىلىگىن شىڭداعان ماماندار جۇمىس ىستەيدى. ولار تاسىمالداۋدىڭ بارلىق كەزەڭىندەگى ساقتاۋ جولدارىن تەكسەرە وتىرىپ، ءارى قاراي ءتيىستى دەڭگەيدە ساقتاۋدى قولعا الادى.

سالا ارداگەرلەرىنىڭ العاشقى كەڭەسى

دەنساۋلىق ساقتاۋ سالاسىن جاڭعىرتۋدا مەديتسينا پروفەسسورلارىنىڭ تاجىريبەسى مەن ءبىلىمى وتە ماڭىزدى. ءارى سالاداعى رەفورمالاردى ءساتتى ىسكە اسىرۋدا ساباقتاس­تىق بولۋ ءۇشىن قازىرگى بۋىنعا مەديتسينانىڭ كوپتى كورگەن جانە كوپ بىلەتىن مايتالماندارىنىڭ كەڭەسى قاجەت. ەلىمىزدەگى دەنساۋلىق ساقتاۋ جۇيەسى ارداگەرلەرى كەڭەسىنىڭ العاشقى وتىرىسىندا وسىلاي دەگەن دسم باسشىسى الەكسەي تسوي تانىمال وتاندىق كاسىبي مامانداردىڭ كومەگىنە كوپ ءۇمىت ارتىلاتىنىن جەتكىزدى. جالپى اتالعان كەڭەس دەنساۋ­لىق ساقتاۋ سالاسىنداعى مەملەكەتتىك ساياساتتى جاڭعىرتۋ جانە دامىتۋ جونىندەگى كەشەندى شەشىمدەردى ازىرلەۋ ءۇشىن قۇرىلعان ەدى. كەڭەستىڭ ءبىرىنشى جيىنى مەديتسينالىق-سانيتارلىق العاشقى كومەكتىڭ پروگرەسسيۆتى مودەلىن ەنگىزۋ جانە سانيتارلىق-ەپيدەميولوگيالىق قىزمەتتىڭ رەينجينيرينگى ماسەلەلەرىنە ارنالدى.

اقش ەكپەگە 4 ملرد دوللار بولەدى

امەريكا باسشىسى دجو بايدەن الەمدە COVID-19 قارسى ەكپەنى ءادىل تۇردە ءبولۋ ءۇشىن اقش جارناسىن ەكى ەسەلەۋگە شەشىم قابىلدادى. سونىمەن قۇراما شتاتتار وسى ءۇشىن ءتورت ملرد ءتول اقشاسىن بولمەك. اق ءۇي مالىمدەمەسىندە: «كوۆيد الەمدە بىردە-بىر ەل پاندەميامەن جالعىز ءوزى كۇرەسە المايتىنىن كورسەتتى. سوندىقتان وسىنداي شەشىم قابىلداپ وتىرعان اقش 2021-2022 جىلدارعا ارناپ قارجى ءبولدى» دەلىنگەن. ال بىلتىر جەلتوقسان ايىندا امەريكا ددۇ-نىڭ جەر بەتىندەگى ەلدەردىڭ ءقاۋىپسىز دەپ تانىلعان ەكپەگە قولجەتىمدىلىگىن تەڭدەي قامتاماسىز ەتۋگە جۇمىس ىستەيتىن COVAX باعدارلاماسىنا جارنا رەتىندە ەكى ملرد دوللار ءبولۋدى ماقۇلداعان ەدى.


كەلۋ قاينارى: http://www.elarna.net/koru.php?tur=7&id=1357660

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان ەلشىسى ماسكەۋ 1 مينوت
سەناتور ومارتاشىلار مەن 3 مينوت
ورالدا كوپىردىڭ استىنان 4 مينوت
تەڭىز كەن ورنىندا قالدى 4 مينوت
ەلوردانىڭ باس سانيتارلى 6 مينوت
قىزمەت بابىندا قازا تاپ 7 مينوت
ءبىر ءۇي – ءبىر بىرلەست 9 مينوت
قوستاناي: اسپازدار بايق 9 مينوت
جاساندى ەت وندىرىسىندە 9 مينوت
كارانتينگە بايلانىستى ق 9 مينوت
باياناۋىلدا بارىمتاشىلا 9 مينوت
ايماعامبەتوۆ پەداگوگتار 13 مينوت
وبلىستىق ساياسي كەڭەس پ 14 مينوت
مارحابات جايىمبەتوۆ قۇر 14 مينوت
باتىس قازاقستاندا " 14 مينوت
الەۋمەتتىك كاسىپكەرلىك 14 مينوت
نىعماتۋلين: پارتياارالى 15 مينوت
نۇر-سۇلتاندا بازارلاردى 16 مينوت
گەرمانياداعى لوكداۋن 28 18 مينوت
نۇرتورە ءجۇسىپ كىتاپحان 19 مينوت
جاپونيادا ياكۋدزا باندا 19 مينوت
ماماي بيلىكتىڭ تالابىنا 24 مينوت
عالىمدار اتەيستەر مەن ج 24 مينوت
شەكتەۋلەر مەن شارالار 24 مينوت
اقتوبە: رانت مۇشەسى ءتۇ 24 مينوت
ابزال بەيسەنبەكۇلى قارج 24 مينوت
ماجارستان كومپانياسى تۇ 24 مينوت
قازاقستان ازىق-تۇلىك قا 24 مينوت
ورالدا ءجاسوسپىرىم كوپى 24 مينوت
ەۋرو-2022 ىرىكتەۋى: يزر 24 مينوت