ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 03:00 - 2020/05/23

Нақты Көзі: https://www.astana-akshamy.kz/sanitarlyq-epidemiologiyalyq-salagha-reforma-kerek/

سانيتارلىق- ەپيدەميولوگيالىق سالاعا رەفورما كەرەك – استانا اقشامى

قازىر كەز كەلگەن سالانى پاندەمياعا دە­يىنگى جانە پاندەميادان كەيىنگى دەپ ءبولىپ قاراستىراتىن بولدىق. بۇل وزگەرىس ەڭ ءبىرىنشى كەزەكتە دەنساۋلىق ساقتاۋ سالاسىنا قاتىستى بولعانى ءسوزسىز. سونىمەن، مەديتسينا ماماندارىنا قۇرمەتتى ارتتىرىپ، سالاعا ءدۇمپۋ اكەلگەن پاندەميادان كەيىنگى دەنساۋلىق ساقتاۋ قىزمەتىندە نە وزگەرەدى؟توتەنشە جاعداي كەزىندە ەكى اپتادا ەلوردادا سالىنعان ءمودۋلدى جۇقپالى اۋرۋلار اۋرۋحاناسىن كورۋگە بارعان پرەزيدەنت قاسىم-جومارت توقاەۆ سانيتارلىق-ەپيدەميولوگيالىق قىزمەت جۇيەسىن رەفورمالاۋ ماسەلەسىنە توقتالعان ەدى.
– راسىندا، سوڭعى جىلدارى كەيبىر وبەكتيۆتى جاعدايلارعا بايلانىستى سانيتارلىق-ەپيدەميولوگيالىق قىزمەت جۇيەسىن ءوز دەڭگەيىندە ۇستاپ، دامىتۋعا لايىقتى كوڭىل بولىنبەي كەلدى. ءبىز ەندى دەنساۋلىق ساقتاۋ مينيسترلىگىنىڭ جۇمىسىن قايتا قاراستىراتىن بولامىز. سايكەسىنشە رەفورمالار جۇرگىزىلەدى. اسىرەسە، باس سانيتار دارىگەر وكىلەتتىگى كۇشەيتىلەدى، – دەپ مالىمدەگەن ەدى پرەزيدەنت.
ال جالپى پاندەميادان كەيىنگى دەيتىندەي، ءالى ۆيرۋستىڭ تارالۋى توقتاعان جوق. وسى اپتادا بريفينگ وتكىزگەن قر مەملەكەتتىك باس سانيتارلىق دارىگەرى ايجان ەسماعامبەتوۆا الەمدە دەرتكە شالدىعۋ جاعدايى ءالى دە تۇراقسىز ەكەنىن جەتكىزدى. اۋىرعاندار سانى ءوسىپ وتىر. بۇگىنگى تاڭدا جەر بەتىندە 5 ملن-عا جۋىق ادام كوروناۆيرۋسپەن اۋىرىپ، سونىڭ 324 مىڭى قايتىس بولدى. ال قازاقستاندا 6669 اۋرۋ جۇقتىرۋ جاعدايى تىركەلدى. ءبىر قۋانارلىعى، سولاردىڭ تەڭ جارتىسى ەمدەلىپ شىققان. سوڭعى تاۋلىكتە ەلدە 218 جاڭا جاعداي تىركەلدى.– ءوسىم 15 پايىزدى قۇراپ وتىر. بۇعان تەستىلەۋ كولەمىنىڭ ارتتىرىلعاندىعى دا سەبەپ. دەرتكە شالدىققان ەڭ ءبىرىنشى ادامدى تىركەگەلى بەرى وسى كۇنگە دە­يىن 559 مىڭ تەست جۇرگىزىلىپتى. ناۋرىز ­ايىنا قاراعاندا تاۋلىكتىك تەست جۇرگىزۋ 6000-نان 23 مىڭعا دەيىن ارتتى. بۇل اۋرۋ بەلگىسى بولۋى مۇمكىن ادامدار اراسىندا سكرينينگ جۇرگىزۋ ارقىلى ناۋقاستاردى بەلسەندى تۇردە انىقتاۋعا مۇمكىندىك بەردى. ءوسىمنىڭ ەكىنشى سەبەبى – جابىق ۇجىمدارداعى، ياعني ۆاحتالىق كاسىپورىندارداعى جاعداي. ءۇشىنشى سەبەپ – وزدەرى كەلىپ تەكسەرۋشىلەردىڭ كوبەيۋى. اۋرۋدىڭ تارالۋ ءوسىمىن تالداۋ ناتيجەسىندە ونى تاراتۋدىڭ ەكى جولى انىقتالدى. ونىڭ ءبىرىنشىسى – ءتيىستى ساقتىق شارالارىن دۇرىس ساقتامايتىن ەڭبەك ۇجىمدارىنداعى جۇقتىرۋلار. ەكىنشىسى – ادامدار كوپ باس قوساتىن جەرلەردە، ياعني قوناققا بارعاندا، اۋىز­اشاردا، تاعى باسقا كەزدەسۋلەردە ساقتانۋ شارالارىنا نەمقۇرايلى قاراۋ، – دەيدى باس سانيتارلىق دارىگەر.
دەگەنمەن كوروناۆيرۋس مەديتسينا سالاسىنا ءبىراز وزگەرىس اكەلدى. ءالى الەمدە تولىق ەمى تابىلماعان اۋرۋدى انىقتاۋ، تەستىلەۋ، ەمدەۋ سالا ماماندارىنا توسىن جاعداي بولسا دا، اق حالاتتى ابزال جانداردىڭ كۇنى-تۇنى جاساعان قىزمەتتەرى مەن قاتاڭ كارانتيندىك شارالاردىڭ ارقاسىندا ەپيدەميولوگيالىق احۋال تولىق باقىلاۋعا الىندى. قازاقستاندا كوروناۆيرۋس ينفەكتسياسىنا بايلانىس­تى 2 ءمودۋلدى اۋرۋحانا سالىندى. ولار – نۇر-سۇلتان، الماتىدا قالالارىندا. ال شىمكەنتتەگى ءۇشىنشىسىنىڭ ءالى دە قۇرىلىسى جۇرگىزىلۋدە. ءقازىر ەلىمىزدە 5 مىڭنان استام كەرەۋەت بار. سونىڭ 58 پايىزى عانا بوس ەمەس. قالعاندارى اتالعان اۋرۋعا شالدىققانداردى قابىلداۋ­عا جەتكىلىكتى. پاندەميادان كەيىن ءمودۋلدى اۋرۋحانالاردا ءتۇرلى ينفەكتسيالىق اۋرۋلارعا شالدىققان ناۋ­قاستار ەم الاتىن بولادى. ەمدەۋ ورىندارى بۇل رەتتە بارلىق قاجەتتى دياگنوستيكالىق جانە زەرتحانالىق جابدىقتارمەن جاراقتاندىرىلعان.

شۇعىل شارالار مەن شەكتەۋلەر

جىلدىڭ باسىندا قىتايداعى ەپيدەميولوگيالىق جاعدايدىڭ كۇردەلەنۋىنە بايلانىستى قازاقستاندا ينفەكتسيا تارالۋىنىڭ الدىن الۋ ماقساتىندا رەسپۋبليكالىق شتاب قۇرىلدى. ونىڭ وبلىستاردا، نۇر-سۇلتان، الماتى، شىمكەنت قالالارىنىڭ دەنساۋلىق ساقتاۋ باسقارمالارىندا وڭىرلىك شتابتارى اشىلدى. ولار كوروناۆيرۋستىق ينفەكتسياسى تارالۋىنىڭ الدىن الۋ جونىندەگى پروفيلاكتيكالىق جانە ەپيدەمياعا قارسى ءىس-شارالار جوسپارىن بەكىتتى. ەل اۋماعىندا شەكتەۋ ءىس-شارالارى، ونىڭ ىشىندە كارانتيندى جۇزەگە اسىرۋ قاعيدالارى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە سايكەس ازىرلەندى. شەكتەۋلەر قر جانە اۋماقتىق كولىكتەگى باس مەملەكەتتىك سانيتارلىق دارىگەرى نەمەسە ونىڭ ورىنباسارلارىنىڭ شەشىمىمەن ەنگىزىلدى.

سۇبەلى ءسوز

گرەگ گروش، «The Washington Times» گازەتىنىڭ ساراپشىسى:

قازاقستان ۆيرۋسپەن كۇرەس بويىنشا ورتا ازيا ايماعىندا كوش باستاپ تۇر. بۇل تاجىريبە – وزگەلەرگە ۇلگى بولارلىق انتيپاندەميالىق مودەل!
پرەزيدەنت قاسىم-جومارت توقاەۆ اۋرۋدىڭ الدىن الۋ ءۇشىن جانە قازاقستان ەكونوميكاسىن قولداۋ ءۇشىن تاباندى ەڭبەك ەتتى. ەكىجاقتى قولداۋ كوپ كۇتتىرمەي ءوز ناتيجەسىن بەردى. قازاقستاندا COVID-19 پاندەميا­سى الەمنىڭ باسقا ەلدەرىندەگىدەي گەومەتريالىق پروگرەسسيادا ءوسىپ جاتقان جوق. بۇل ارەكەتتى دۇنيە­جۇزىلىك دەنساۋلىق ساقتاۋ ۇيىمى مەن باسقا دا حالىقارالىق ساراپشىلار وڭ باعالادى.

ء

اربىر كەزەڭگە – وزىندىك تاكتيكا

قازاقستاندىق دارىگەرلەر COVID-19 ۆيرۋسىمەن كۇرەس كەزىندە ەمدەۋگە حالىقارالىق حاتتامالار مەن تەحنولوگيالاردى قولدانىپ وتىر. اتاپ ايتقاندا، دەنساۋلىق ساقتاۋ ۇيىمىنىڭ ۇسىنىسى، COVID-19 ۆيرۋسىمەن ناتيجەلى كۇرەسكەن قىتاي، وڭتۇستىك كورەيا ەلدەرىنىڭ تەحنولوگياسىنا سۇيەنۋدە. سونىمەن قاتار ولار ەپيدەميانىڭ بىرنەشە كەزەڭدەردەن تۇرعانىن ايتادى. ماسەلەن، قاڭتار ايىندا باسقاشا شەشىمدەر قابىلداسا، اقپان ايىندا مۇلدەم بولەك باعىتتا جۇمىس ىستەلگەن. بۇل تاكتيكا ۆيرۋستىڭ الەمدە جانە قازاقستاندا تارالۋ قارقىنىنا تىكەلەي تاۋەلدى.

جاعىمدى جاڭالىق

ماماندار وتكەن اپتادا وسى ىندەت بويىنشا ءبىرىنشى بولىپ ەكمو اپپاراتىنا قوسىلعان ناۋقاس ەمدەلىپ شىققانىن قۋانا حابارلادى. ۇلتتىق عىلىمي كارديو­حيرۋرگيا ورتالىعىنىڭ مالىمەتىنشە، بۇل وقيعا رەس­پۋبليكالىق قارقىندى تەراپيا ورتالىعى دارىگەرلەرى مەن توتەنشە جاعداي كەزەڭىنە قۇرىلعان ساراپشىلىق توپتىڭ جەمىستى ءارى بىرلەسكەن جۇمىسىنىڭ ناتيجەسى بولىپ وتىر. ساراپشىلىق توپ كوروناۆيرۋس ينفەكتسياسىنا شالدىققان ناۋقاستارعا قارقىندى تەراپيا كورسەتۋ ءۇشىن قۇرىلعان بولاتىن. ساراپشىلىق توپتىڭ نەگىزگى ماقساتى – ەلىمىزدەگى مەديتسينالىق ۇيىمداردا
COVID-19 جۇقتىرعان اۋىر جاعدايداعى بارلىق ادامداردى ەمدەۋ ءارى دياگنوستيكالىق كومەك كورسەتۋ ءتاسىلىن ۇيلەستىرۋ مەن قاداعالاۋ. ەلىمىزدەگى بارلىق ناۋقاستار ساراپشىلىق توپ پەن رەسپۋبليكالىق قارقىندى تەراپيا ورتالىعى ماماندارىنىڭ تۇراقتى باقىلاۋىندا بولدى. كۇن سايىن كونسيليۋم وتكىزىلىپ، سودان كەيىن ينفەكتسيا جۇقتىر­عان ناۋقاستاردى ەمدەۋگە ­قاتىس­تى شەشىمدەر جاسالىپ وتىر­دى.

ۇلجان
ايتماعانبەتوۆا، كوپسالالى مەديتسينا ورتالىعىنىڭ ينفەكتسيالىق بلوگىندا اۋا-تامشى بولىمشەسىنىڭ مەدبيكەسى:

– كوروناۆيرۋسپەن كۇرەس جۇرگىزۋ ءۇشىن بىرنەشە ارىپتەسىممەن بىرگە قالالىق فتيزيوپۋلمونولوگيالىق ورتالىقتا اشىلعان ينفەكتسيالىق يزولياتورعا جۇمىسقا كەلدىم. مۇنداعى جۇمىس باسقاشا. دۇنيە جۇزىنە تارالعان كوروناۆيرۋس ىندەتى وتە ءقاۋىپتى. اسا ءقاۋىپتى جاعدايدا جۇمىس ىستەيتىن مەديتسينا ماماندارى بولعاندىقتان، كۇن سايىن اۋىر ناۋقاستاردىڭ جاعدايىن كورىپ وتىرمىز. سوندىقتان بىزگە جۇكتەلگەن جاۋاپكەرشىلىك جوعارى. ەپيدەميولوگيالىق تالاپتاردى وتە قاتاڭ ساقتاۋ كەرەك. وتباسىم، 4 بالام بار. ولاردى كارانتين باستالعالى كورمەدىك. ءقازىر قوناقۇيدە تۇرىپ جاتىرمىز. پرەزيدەنتتىڭ پارمەنىمەن 850 مىڭ تەڭگە سىياقى الدىق. ءبىزدى ەلەپ، ەسكەرىپ، قولداپ جاتقان ۇكىمەتكە راقمەت!

ماماندار قىزمەتىنە ماراپات

مەديتسينا پەرسونالىنا ءوز بەتىنشە تەستىلەۋگە رۇقسات ەتىلەدى. بيوماتە­ريالدىڭ سىناماسىن الۋدى وقىتىلعان مەديتسينا قىزمەتكەرى جەكە قورعانىش قۇرالدارىن – مەديتسينالىق ماسكا، قالپاقشالار، ءبىر رەت قولداناتىن قولعاپتار، قاجەت بولعان جاعدايدا بەتتى قورعاۋعا ارنالعان ەكراندار نەمەسە كوزىلدىرىك، تازا، ءبىر رەت قولدانىلاتىن، ىلعالعا ءتوزىمدى حالات پايدالانا وتىرىپ جۇزەگە اسىرادى.
وسىنداي جاۋاپتى كەزەڭدە قىزمەتىنە ادالدىعىنىڭ ارقاسىندا ەڭ ءقاۋىپتى ايماقتاردا ەڭبەك ەتىپ جاتقان مەديتسينا قىزمەتكەرلەرىنىڭ ءقادىرى بار الەمدە ارتا ءتۇستى. ولاردىڭ ەڭبەگىن باعالاعان قازاقستان ۇكىمەتى دە ناۋرىز ايىندا 17425 مەديتسينا قىزمەتكەرىنە 3371 ميلليون تەڭگە قوسىمشا اقى تولەدى.


كەلۋ قاينارى: http://www.elarna.net/koru.php?tur=7&id=1184801

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


دامىلسىز كۇرەس جۇرگىزىپ 10 مينوت
شقو-دا ان-2 ۇشاعى ورتەن 10 مينوت
ساياسي قۋعىن-سۇرگىنگە ۇ 10 مينوت
توقاەۆ ساياسي قۋعىن-سۇر 14 مينوت
بەرىك ءۋالي: الاش ارىست 20 مينوت
سەمەي - ءۇرجار باعىتىند 23 مينوت
الماتىنىڭ مەشىتتەرى جۇم 23 مينوت
رەسەيدە تاۋلىك ىشىندە 8 1 ساعات
ۇلتتىق پاركتەر كاۋاپحان 1 ساعات
اتىراۋدا 5 جىل ۇزىلىستە 1 ساعات
قارجاۋباي سارتقوجا: مەم 1 ساعات
ساياسي قۋعىن-سۇرگىن قۇر 1 ساعات
ۇمتىل زارىققان. جاسىل ت 1 ساعات
"پارلامەنتتىك وپپو 1 ساعات
ساياسي قۋعىن-سۇرگىن قۇر 1 ساعات
شي جينپيڭ 45-ءنومىرلى ء 1 ساعات
20 جىلدىقتارىن تويلاعان 1 ساعات
قازاقستاننىڭ كەي وڭىرىن 1 ساعات
بادمينتوننان الەم چەمپي 1 ساعات
قۋعىن-سۇرگىن قۇرباندارى 1 ساعات
جامبىل ارتىقباەۆ: ىسىرا 1 ساعات
الماتى بازارىندا نەگە ا 1 ساعات
اتىراۋدا 5 جىل ۇزىلىستە 1 ساعات
«تار جول، تايعاق كەشۋدە 1 ساعات
«باۆاريا» رەكوردتىق سوم 1 ساعات
قازىنا بىلىمدەرىن نە ٴۇ 1 ساعات
ماڭعىستاۋ وبلىسىنىڭ قار 1 ساعات
اسكەري مۇلىكتەر جاڭارتى 1 ساعات
ىىم-دە «پيلوتتىق» جوبان 1 ساعات
گولوششەكيننىڭ ءولىمى 2 ساعات