ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:45 - 2020/05/23

Нақты Көзі: https://www.astana-akshamy.kz/aqsham-mening-omir-mektebim/

اقشام – مەنىڭ ءومىر مەكتەبىم – استانا اقشامى

وتكەن عاسىردىڭ 90-شى جىلدارى كۇللى قازاقستاندى «قىسقارتۋ» دەگەن «دەرت» جايلادى. بۇل ناۋقان اۋداندىق گازەتتىڭ ءتىلشىسى مەنى دە قىرقىپ كەتتى. 1997 جىلدىڭ تامىز ايىندا جۇمىس ىزدەپ اقمولاعا كەلدىم. ءالى ەسىمدە، «كومسومولسكايا 13/1» اتتى كوشەدە قالالىق گازەتتىڭ رەداكتسياسى ورنالاسىپتى. باردىم. ورىن جوق ەكەن. ءبىراق جاڭا جىلدان كەيىن شتات كەڭەيەدى دەدى. كەشىكپەي، ياعني 1998 جىلدىڭ قاڭتار ايىنىڭ 5-كۇنى گازەت رەداكتورى جۇماگۇل ساۋحاتتىڭ ارقاسىندا «اقمولا اقيقاتىنا» ءتىلشى بولىپ جۇمىسقا ورنالاستىم.بار-جوعى بەلگىسىز بىلقىلدىق شىمنىڭ استىندا كوزگە كورىنبەي اعىپ جاتقان تۇما بۇلاق سياقتى كىشكەنتاي گازەت ۋاقىت وتكەن سايىن ارناسى كەڭىپ، اعىنى ەكپىندەپ، داريا­عا اينالدى. سول داريانىڭ ارناسىن كەڭىتىپ، اعىنىن تۇزەگەن ازاماتتار قاتارىندا ءجۇردىم. ءقازىر سول كۇندەردى ساعىنامىن. بىردە باستىقتار «بەكەن قاراعىم، جاعاسى مي باتپاق ەسىلدىڭ ارناسىن تۇزەپ، تابانىنداعى بالدىرىن تازالاۋ جۇمىسى ءجۇرىپ جاتىر ەكەن، بارىپ شولىپ كەلشى» دەپ جىبەردى. ەسىلدى بويلاپ بەس شاقىرىم جاياۋ ءجۇردىم. قاپتاعان ادام داريانىڭ جاعاسىن بەتونداپ، ەرنەۋىن گۇلگە كومكەرىپ جاتىر… ارسىل-گۇرسىل جۇمىس. وسىعان قاراپ تۇرىپ، قازاقيانىڭ جاڭا تاڭى اتىپ، جاڭا داۋرەنى باستالعانىن جان جۇرەگىممەن سەزىندىم…
1998 جىلدىڭ كوكتەمىندە جان-جاقتان جاقسى جۋرنالشىلار اعىلدى. جەتىسۋدان تالعات باتىرحان، جەزقازعاننان ايتقادىر تىلەۋوۆ، ورالدان تاڭاتار تولەۋعاليەۆ، اتىراۋدان رامازان تەمىرحان… بۇلاردان باسقا الماتىدان جانبولات اۋپباەۆ پەن ەرعازى اسەمبەكوۆ كەلدى. ءبىرى – ءبىرىنشى ورىنباسار، ەكىنشىسى – جاۋاپتى حاتشى.
ءبارىمىز ءبىر ءۇيدىڭ بالاسىنداي جارتى ناندى ءبولىپ جەپ، جۇلقىنىپ جۇمىس جاسادىق. كادىمگىدەي شىعارماشىلىق جارىس ورىستەدى. بۇرىن كاسىبي جۋرناليستيكانىڭ قازان-وشاعىنا ارالاسىپ كورمەگەن ماعان ءبارى تاڭسىق. جازعان دۇنيەمدى سالبىراتىپ ورىنباسار تالعاتقا الىپ باردىم. ول كىسى مەنىڭ ماقالامدى ءبىر كوزىن قىسىپ وقيدى دا، سايباق ەتكىزىپ قول قويادى. سوسىن ايتادى: «جۋرناليستيكانى وقىماعان كولدەنەڭدەردەن بىردەڭە شىعادى».
ءقايسىبىرىن ايتايىن. 1998 جىلى كۇزگە سالىم استانادا ورىن تەپكەن اقپارات مەكەمەلەرى اراسىندا فۋتبولدان جارىس ۇيىمداستىرىلدى. سوعان بايلانىستى جۇمىستان كەيىن «اقشامدىقتار» دوپ تەۋىپ جاتتىعۋ جاسايمىز. باپكەرىمىز – عالىم ­قوجابەكوۆ. عالەكەڭ الدىنا كەلگەن دوپتى ەكى كوزى الايىپ سۇزە قاراپ تەبەدى. مەن الدىما دوپ كەلسە، عالىم قۇرداسىم سياقتى الدىمەن كوزىمدى الايتىپ وعان سۇزە قارايمىن… ءسويتىپ تۇرعاندا دوپ لىپ ەتىپ جايىنا كەتەدى. الاڭنىڭ جيەگىندە تۇرعان تاكەڭ (تالعات باتىرحان) ايعايلايدى: «انە ءبىر ادامدى قاي تاۋدان ۇستاپ اكەلگەنسىڭدەر، قۇرتىڭدار». مەن تاكەڭە داۋىس كوتەرمەيمىن جاي عانا ء«سىز كەلگەن تاۋدانمىن» دەيمىن سىپايى.
سودان جارىس بولاتىن كۇنى «اقشام» كومانداسى ساپىنا مەنىڭ ورنىما، مەنىڭ ءاتى-جونىم بويىنشا مىقتى فۋتبولشى وينادى. ونى اكەلگەن باياعى عالىم. جىگىتتەر دوپقا، مەن ۇيگە كەتتىم. كەشكە تەلەديدارعا قاراپ وتىرسام، جۋرنالشىلاردىڭ اياقدوپ جارىسى جايلى حابار بەرىلىپ جاتىر. ءتىلشى ايتادى: «استانا اقشامى» كومانداسىنىڭ ساپىندا ونەر كورسەتكەن جۋرناليست بەكەن قايرات حەت-تريك جاسادى». مەن بەيباق «حەت-تريك» دەگەننىڭ نە ەكەنىن بىلسەمشى. ەرتەڭىندە بارلىق اقپاراتتا ءبىر ماتچ­تا قاتارىنان ءۇش گول سوققان مەنىڭ «ەرلىگىم» الاۋلادى كەپ. وسىندايدا بولادى ەكەن…
2000 جىلدىڭ قىسىندا جانبولات اعامىز «ەگەمەن قازاقستانعا» اۋىس­تى. ونىڭ ورنىنا ديداحمەت ءاشىمحانۇلى كەلدى. وتكىر ادام ەدى. گازەتتى دە قايراپ جىبەردى. بىردە «دەمەۋشىلەر جەتىم بالالارعا شاي-پۇل بەرەدى سونى جاز» دەپ مەنى جىبەردى. باردىم، جازدىم. بار-جوعى – 100 جول. «جەتىمنىڭ ماڭدايىن سيپا، جۇرەگىڭ جۇمسارادى» دەپ تاقىرىپ قويدىم. ديداكەڭ تاقىرىپتى كورىپ سەلك ەتتى. بىردەن «بەكەن سەن نەشە جاستاسىڭ؟» دەگەنى، مەن: «35-تەمىن». باسىن شايقادى. ءالى ويلايمىن باسىن نەگە شايقادى ەكەن…
مىنا ءبىر وقيعا ەسىمنەن كەتپەيدى. گازەتتىڭ «اقپارات» بولىمىنە امانكەلدى قياس كەلە قالدى. ارميادان ورالعان بەتى. ول زاماندا اقپارات تابۋ قيامەت. اۋجەكەڭ جاڭالىق ىزدەپ ورىس گازەتتەرىن اقتارادى. اسا تانىمال كاسىپكەردى اتىپ كەتكەنى جايلى حاباردى كورەدى. سونى پايدالانىپ كاسىپكەرگە وق اتىلعانىن جانە ونىڭ قازا بولعانىن «قايعىرا» وتىرىپ جازباسى بار ما. شىن مانىندە كاسىپكەرگە وق اتىلعانى راس، ءبىراق ول ولمەي ءتىرى قالىپتى. ابەكەڭ ءسويتىپ ءبىر مىقتىنى ءولتىردى دە جىبەردى. ەرتەڭىنە گازەتتى ۇستاپ ساپ-سارى كەمپىر كەلىپ تۇر. «مىناۋ نە؟» دەيدى. امانكەلدى جىپىلىقتاپ كەتتى. اقىرى سول مەكەمە جايلى كولەمدى ماقالا جازىپ ابەكەڭ ارەڭ قۇتىلعانى بار. ايتا بەرسە، «اقشامنىڭ» قىزىقتارى تاۋسىلمايدى…
مەن ءۇشىن «استانا اقشامى» ءومىر مەكتەبىم ەسەبىندە! وسى گازەتتىڭ قابىر­عاسىندا ءجۇرىپ، ەڭسە كوتەردىم، وڭ-سولىمدى تانىدىم. تۋماسا دا، تۋعانداي اعايىن-دوستار تاپتىم. ءقازىردىڭ وزىندە سول كۇندەردى اڭساپ تۇرامىن…

بەكەن قايراتۇلى،
جۋرناليست


كەلۋ قاينارى: http://www.elarna.net/koru.php?tur=7&id=1184778

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


الاش وردا استاناسى – سە 2 مينوت
تۇركىستان: تۇرعىندار 15 2 مينوت
ماسكەۋدىڭ 101 جاستاعى ت 2 مينوت
بوكستان ۆيرتۋال تۋرنير. 2 مينوت
انا مەن بالانى قولداۋعا 2 مينوت
جىل باسىنان بەرى ەلىمىز 5 مينوت
سەنات بيۋروسىندا پالاتا 8 مينوت
مەملەكەتتىك حالىق قۇرىل 10 مينوت
بەردىبەك ساپارباەۆ بازا 11 مينوت
اتىز-ارىق سۋ يگىلىگى قۇ 12 مينوت
شىمكەنتتە زاڭسىز اينالى 12 مينوت
ەكپىندەي ىلگەرىلەۋ ارىن 12 مينوت
1-سىنىپقا قۇجات قابىلدا 14 مينوت
پايعامبارىمىز ﷺ شاشىن ق 17 مينوت
سەمەي مەشىتتەرى 8500-گە 17 مينوت
ەلوردادا بالالاردى قورع 20 مينوت
قوستاناي وبلىسىندا سپور 22 مينوت
كوروناۆيرۋس: قازاقستاند 22 مينوت
كولىك پوليتسەيلەرى ۇيلە 26 مينوت
ۇكىمەت قىزمەتىنەن بايان 30 مينوت
ينتەرنەتتە زات ساتىپ ال 1 ساعات
حالىقارالىق بالالار مەر 1 ساعات
«ويناي بىلگەن – ويلاي ب 1 ساعات
ۆ كازاحستانە پرودولجايۋ 1 ساعات
پاۆلوداردا بالالار ترام 1 ساعات
«مەموريال» ونلاين-سەرۆي 1 ساعات
شولوحوۆ تۆورچەستۆوسى – 1 ساعات
جامبىل وبلىسىنىڭ بايزاق 1 ساعات
ماۋرو يكاردي «پسج-مەن» 1 ساعات
بەيبىت جينالىستار تۋرال 1 ساعات