ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 00:45 - 2020/05/23

Нақты Көзі: https://www.astana-akshamy.kz/karantindegi-oraza/

كارانتيندەگى ورازا – استانا اقشامى

بۇل ورازا بۇرىنعىدان وزگەرەك…

مۇقىم مۇسىلماندار اسىعا كۇتىپ، قيماي قوشتاساتىن جىل ون ەكى ايدىڭ تورەسى بيىل وزگەشە بولدى. ورازانىڭ باستالۋى COVID-19 ىندەتىنىڭ تارالۋىنا وراي جاريالانعان توتەنشە جاعداي مەن كارانتين ۋاقىتىنا ءدوپ كەلدى. سول سەبەپتەن ورازاعا (ورازا تۇتۋ، اۋىز­اشار بەرۋ، تاراۋىق وقۋ، ءپىتىر ساداقا بەرۋ) قاتىستى ءبىرقاتار شەكتەۋلەر ەنگىزىلدى. ماسەلەن، جاماعات بيىل تاراۋىق نامازىن مەشىتتە ەمەس، ءوز ۇيلەرىندە وتباسىمەن بىرگە وقىدى. ءدامحانا، مەيرامحانالار جابىلىپ، اۋىزاشار بەرۋگە تىيىم سالىنعاندىقتان، كەيبىر مەشىتتەر الەۋمەتتىك جاعدايى تومەن وتباسىلارعا تەگىن اۋىزاشار قالتاشالارىن ۇيلەرىنە جەتكىزىپ بەردى. بيىل قازاقستاندىقتار العاش رەت ءپىتىر ساداقا مەن زەكەتتى kaspi.kz، halykbank.kz، KIWI ءموبيلدى قوسىمشالارى ارقىلى مەشىتتەرگە بەردى. ءبىر ادامنىڭ اتىنان بەرىلەتىن ءپىتىر ساداقانىڭ مولشەرى 370 تەڭگە بولىپ بەكىتىلگەنى ءمالىم.ساۋاپتىڭ ەسىگى جابىلعان جوق

رامازان – جىعىلعاندى دەمەپ، جىلاعاندى جۇباتاتىن، مۇڭلى-مۇقتاجداردىڭ قاباعىن كىربىڭنەن ارىلتاتىن شىنايى جاناشىرلىق ايى. ساۋاپتى ايدا جاقسىلىقتان جارىسۋدى ويلاعان جانداردىڭ ءبارى اۋىز بەكىتكەن ادامدارعا، كومەككە مۇقتاج وتباسىلارعا ازىق-تۇلىك جەتكىزىپ، قارجىلاي قولداۋ كورسەتتى. توتەنشە جاعداي مەن كارانتين ساۋاپتى امالدار مەن يگىلىكتى ىستەرگە كەدەرگى بولعان جوق. مىسالى، ەلىمىزدەگى مەشىتتەر تاراپىنان 100 مىڭعا جۋىق كومەككە مۇقتاج وتباسىلارعا قايىرىمدىلىق كورسەتىلدى.
ورازا ايىمەن تۇسپا-تۇس كەلگەن ماقتاارالداعى سۋ اپاتى دا حالىقتىڭ بىرلىگىنە، تۇتاستىعىنا سىن بولعانى انىق. قازاقستان مۇسىلماندارى ءدىني باسقارماسى (قمدب) «زەكەت» قورىنىڭ ۇيىمداستىرۋىمەن، وبلىستارداعى مەشىتتەردىڭ كومەگىمەن «تۇركىستان كورپوراتيۆتىك الەۋمەتتىك دامۋ قورىنا» 10 ملن تەڭگە اۋداردى. سونداي-اق 30 توننا ۇن جەتكىزىلدى. بۇل جاڭالىقتى جۋىردا ورتالىق كوممۋنيكاتسيالار قىزمەتىندەگى بريفينگتە قمدب-نىڭ ءتوراعاسى، باس ءمۇفتي ناۋرىزباي قاجى تاعانۇلى جاريا ەتتى. باس ءمۇفتي «زەكەت» قورىنىڭ «ەل ۇلەسى – پاتەرگە» جوباسى اياسىندا جۇزەگە اسىرىلعان قايىرىمدىلىق شاراسىنا قاتىسىپ، ماقتاارال اۋدانىنداعى باسپاناعا ءزارۋ ءۇش وتباسىنا ەكى ءۇيدىڭ كىلتىن تاپسىر­دى. قمدب تولەبي اۋدانىنداعى تاسقىن سۋدان زارداپ شەككەن قازاقستاندىقتارعا دا قايىرىمدىلىق كومەك كورسەتتى.

ونلاين قۇران مەن ونلاين باتا

بيىلعى ورازانى «ونلاين-ورازا» دەۋگە بولادى. سەبەبى ورازاعا قاتىستى بارلىق ءىس-شارالار ونلاين تارتىپپەن وتكىزىلدى. قمدب muftyat.kz سايتىندا «رامازان ەنتسيكلوپەدياسى» پاراقشاسىن ىسكە قوستى. ول پاراقشادا ورازاعا قاتىستى تولىق اقپارات ورنالاستىرىلدى. ال قازاق، ورىس تىلدەرىندەگى رامازان ايىنىڭ كەستەسى پورتالعا شىعارىلدى. يمامدار 30 كۇن بويى «حيكمەت» ستۋدياسى ارقىلى «30 كۇنگە – 30 ۋاعىز» اتتى ونلاين-دارىستەر وقىدى. وسى ستۋديا ارقىلى ء24-شى ساۋىردەن باستاپ كۇن سايىن ازىرەت سۇلتان مەشىتىندە كۇنىنە 1 ساعات ارنايى قۇران-حاتىم وقىلىپ، قاسيەتتى ءقادىر تۇنىندە حاتىم دۇعاسى جاسالدى.
ءبىر قىزىعى، بيىل دۇعا جاساۋ ءراسىمى دە ونلاين تارتىپپەن وتكىزىلدى. Muslim.kz سايتى ينستاگرامداعى پاراقشاسى ارقىلى يمامدارمەن بىرگە رامازان ايىنىڭ العاشقى كۇنىنەن باستاپ ءار 15 مينۋت سايىن ازىرەت سۇلتان مەشىتىندە ونلاين تارتىپپەن دۇعا جاساۋ ءراسىمىن وتكىزدى.

ء

قادىر ءتۇنىن ۇيدە وتكىزدى

بيىلعى قاسيەتتى ءقادىر ءتۇنى مامىر ايىنىڭ 19-نان 20-نا قاراعان تۇنگە سايكەس كەلدى. وسىعان وراي قمدب: «19 مامىردا مەشىتتەر تاڭعى ساعات 07:00 مەن كەشكى 20:00 ارالىعىندا جۇمىس ىستەيتىن بولادى. وسى رەتتە بارشاڭىزدى ءقادىر كەشىن ءوز ۇيلەرىڭىزدە وتكىزۋ قاجەتتىگىن قاپەرلەرىڭىزگە سالامىز. تارتىپكە باعىنۋدى سۇرايمىز. بۇل – ءسىز بەن ءبىزدىڭ، ءوز وتباسىمىز بەن ەڭ جاقىن تۋىستارىمىزدىڭ دەنساۋلىعى مەن ءومىرىنىڭ يگىلىگى ءۇشىن قابىلدانعان شەشىم. وسى ۇندەۋگە تۇسىنىستىك تانىتىپ، كارانتين تالاپتارىن ساقتايسىزدار دەگەن سەنىمدەمىز» دەگەن ۇندەۋ جاريالادى.
«حيكمەت» ستۋدياسى ءقادىر ءتۇنىنىڭ قۇرمەتىنە قمدب-نىڭ youtube كانالى جانە Instagram-داعى پاراقشاسى ارقىلى 00:30-دان 02:40-قا دەيىن «مىڭ ايدان دا قايىرلى ءقادىر ءتۇنى» اتتى ونلاين باعدارلاماسىن كورسەتتى. تىكەلەي ەفير قمدب-نىڭ ءتوراعاسى، باس ءمۇفتي ناۋرىزباي قاجى تاعانۇلىنىڭ ءقادىر تۇنىنە ارنالعان قۇتتىقتاۋ سوزىمەن اشىلسا، مىرزاتاي جولداسبەكوۆ، عاريفوللا ەسىم، باقىتجان ەرتاەۆ ت.ب ەل اعالارى مەرەكەلىك لەبىزىن ءبىلدىردى. «ازىرەت سۇلتان» مەشىتىندە 24 ساۋىردە باستالعان «رامازانداعى قۇران حاتىم» اتتى ونلاين حاتىم وقۋ شاراسى تۇيىندەلدى. سونداي-اق، ءقادىر تۇنىندە «Qazaqstan» ۇلتتىق تەلەارناسى جىلداعى يگى داستۇرىنەن جاڭىلماي، 22:00-دەن باستاپ تاڭسارىگە دەيىن تىكەلەي حابار تاراتسا، «Qazaq radiosy» 18:10-نان باستاپ ارنايى شىعارىلىم ۇسىندى.

مەشىتتەر اشىلدى، ءبىراق…

18 مامىر كۇنى ەلىمىزدەگى ءبىرقاتار مەشىتتەردىڭ ەسىگى اشىلدى. الايدا ورازا بىتكەنشە ەشبىر مەشىتتە جاماعاتپەن بەس ۋاقىت، جۇما، تاراۋىق نامازىن وقۋعا رۇقسات بەرىلگەن جوق. اۋەلى باس قالاداعى 12 مەشىت اشىلدى. وندا بارعان ادامدارعا 1،5 مەترلىك ارا قاشىقتىقتى ساقتاپ، تەك 15 مينۋت جەكە قۇلشىلىق جاساۋعا، قۇران وقىتۋعا (بولمەگە 10 ادامنان ارتىق كىرمەيدى)، نەكە قيدىرۋعا (بولمەگە 4 ادامنان ارتىق ) عانا رۇقسات ەتىلدى.
قمدب حابارلاعانداي، كارانتينگە بايلانىستى بيىل ورازا ايت نامازى مەشىتتەردە جاماعاتپەن وقىلمايدى. ءار ادام ايت كۇنى كۇن ۇياسىنان شىققاننان كەيىن ءوز ۇيىندە ەكى نە ءتورت راكاعات ءناپىل نامازىن جەكە وقي الادى.
ايت كۇنى سارەسىن ىشپەيدى، كۇندىز اۋىز اشىق بولادى. ورازا ايتتا اتا-انا، وتباسى، بالالار، تۋعان-تۋىستارعا سىيلىق بەرۋ – ساۋاپ­تى ءىس. بارشاڭىزدى ورازا ايت مەيرامىمەن قۇتتىقتايمىز!

چەللەندجدەرگە تولى اي…

شىنى كەرەك، كارانتيندەگى ورازا ءبىزدىڭ بۇرىنعى ومىرىمىزگە وزگەرىس ەنگىزدى. قاسيەتتى ايدىڭ تابالدىرىعىنان اتتاعانىمىز­عا دەيىن تىيىلۋ، شەكتەۋ تالاپتارىنا بوي ۇيرەتتىك. اۋەلى دۇنيەنىڭ دۇرمەگىنەن الىستادىق. بۇرىن ورازادا كۇن سايىن اۋىزاشارعا بارىپ، قىم-قۋىت تىرلىكتىڭ قازانىندا قايناپ ءجۇرىپ، پەندەنىڭ شىن ىقىلاسىمەن ءتاۋباعا كەلەتىن ايدىڭ قالاي ءوتىپ كەتكەنىن اڭداماي قالاتىنبىز. بۇل ورازادا رۋحاني كەمەلدەنۋگە كوبىرەك كوڭىل بولدىك. ۇيدە وتىرىپ، وي-سانامىز­دى جۇيەلەندىرىپ، ناپسىلىك قالاۋىمىزدى تىزگىندەپ، جاراتقانعا قۇلشىلىعىمىزدى ارتتىردىق.
تاعى ءبىر وزگەرىس، استا-توك استاردان، ىسىراپشىلدىقتان تىيىلدىق. ىسىراپشىلدىق تا – ءناپسىنىڭ ءبىر ءتۇرى. بۇرىن كوپ ادامنىڭ باسىن قوسىپ، ءزاۋلىم مەيرامحانالاردا اۋىزاشار وتكىزەتىن جۇرت بۇل جولى ريزىق-نەسىبەسىن ءوز وتباسىنا جۇمسادى. كارانتيننىڭ ءوزى ءار ادامنىڭ وتباسىنا دۇرىس كوڭىل بولۋىنە، جاقىن-جۋىقتارىمەن ەمەن-جارقىن اڭگىمەلەسۋگە كەرەمەت مۇمكىندىك بەردى. «بۇگىن ۇيدەگىلەرمەن اڭگىمەلەستىم. ءبارى وتە جاقسى ادامدار ەكەن» دەپ جازدى الەۋمەتتىك جەلىلەردى پايدالانۋشىلار قالجىڭعا بۇرىپ.
ورازا ءار وتباسىنداعى تاتۋلىقتى، سۇيىسپەنشىلىكتى، باۋىرمالدىقتى ارتتىرا ءتۇستى. بەلگىلى ءبىر ۋاقىتتا ۇيدەگىلەرمەن بىرگە تاماقتانۋ، ءبىر ۋاقىتتا سارەسىگە تۇرۋ، تاراۋىق نامازىن وقۋ، جاقىن سىرلاسۋ ادامداردى جاقىنداستىرا ءتۇستى. وتباسى مۇشەلەرى ءبىر-بىرىن كۇتۋ، قۇرمەتتەۋ، باعالاۋ سياقتى سەزىمدەرگە ەرەكشە كوڭىل ءبولدى. پايعامبارىمىزدىڭ (س.ا.س.) مىناداي ءحاديسى بار: «بىر-بىرلەرىن جاقسى كورۋدە، بىر-بىرلەرىنە جانى اشۋدا، بىر-بىرلەرىنە مەيىرىمدىلىك تانىتۋدا مۇميندەر تۇتاس ءبىر اعزا سياقتى. دەنەنىڭ ءبىر مۇشەسى اۋىرسا، باسقا مۇشەلەرى دە قوسا سىزدايدى». وسى ورازادا ءبىر داستارحان باسىنا جيىلعان وتباسى مۇشەلەرى بەرەكە، بىرلىكتىڭ ءقادىرىن تەرەڭ ءتۇسىندى.
بۇل جولعى ورازا ءبارىمىزدى كىتاپ وقۋعا، سول ارقىلى سانسىز نىعمەتتەردىڭ ءقادىرىن بىلۋگە ۇندەدى. مۇنىڭ ءبىر دالەلى – الەۋمەتتىك جەلىلەردە «قانداي كىتاپ وقىپ جاتىرسىز؟» دەگەن چەللەندجدەردىڭ بىردەن قولداۋعا يە بولۋى. ساۋاپتى ايداعى ىزگىلىكتى ىستەردى جاريا ەتۋگە ۇمتىلدىق. مىسالى، ءFacebook-تى قولدانۋشىلاردىڭ ءبىرى ەرلان قۇسايىن «جاقسى ىستەردى جاريا ەتۋ» اتتى چەللەندج باستادى. ء«قازىر چەللەندج ءسان بولىپ تۇر عوي. مەن دە بىرەۋىن باستاعىم كەلىپ وتىر. بۇل توتەنشە جاعداي كەزەڭىندە وزدەرىڭىز كۋا بولعان نەمەسە ءبىر باسىلىمنان وقىعان جاقسى ىستەردى جاريا ەتۋ چەللەند­جى. ءوزىڭىز پوست جازىڭىز نەمەسە سىلتەمەسىن سالساڭىز دا مارحابات» دەپ جازدى ول. شىنىن ايتساق، بۇل ايدا جۇرتتىڭ كوپشىلىگى الۋان ءتۇرلى چەللەندجدەرگە دەن قويدى. ونىڭ ىشىندە، ءان سالۋ، ولەڭ وقۋ، ساقال-مۇرتتى قويا بەرۋ، شاشتى تاقىرلاپ الىپ تاستاۋ، ۇيدە سپورتتىق جاتتىعۋلار جاساپ تاڭقالدىرۋ، تابيعات اياسىندا تۇسكەن سۋرەتتى جاريالاۋ، جارتىلاي جالاڭاش جاستىقپەن سۋرەتكە ءتۇسۋ جانە ت.ب. بار.
مىنە، وسىلايشا كارانتيندەگى ورازا دا ءوتتى. حاق-تاعالانىڭ مەيىرىم، شاپاعاتى اسىپ-تاساتىن ارىقشا ايدا جاساعان دۇعالارىمىز بەن قۇلشىلىقتارىمىز قابىل بولعاي! اللا تاعالا جامان ىندەتتى جويىپ، بارلىق مەشىتتەردى جاماعاتقا تولتىراتىن كۇنگە امان-ەسەن جەتەيىك!


كەلۋ قاينارى: http://www.elarna.net/koru.php?tur=7&id=1184760

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


تالپاقتانۋعا نارازىلىق 1 مينوت
قاسيەتتى قالا – بالالار 4 مينوت
ينسپەكتورلار اڭ ەمەس&# 7 مينوت
ەستە قالعان ەرەكشە كۇن 7 مينوت
قازاقستان تەستىلەۋ بويى 8 مينوت
نىشانعا نۇقسان كەلسە، ە 10 مينوت
2،5 مىڭ تۇرعىن جۇمىس تا 13 مينوت
«كۇن تاڭبالى ۇلى دالا 13 مينوت
ءانۇراندى اسقاقتاتىپ، ك 16 مينوت
4 ماۋسىم. تۋعان كۇن يەل 16 مينوت
رامىزدەر پاتريوتيزمگە ۇ 19 مينوت
ء«انۇراندى قوسىلا شىرقا 22 مينوت
جاپونيادا پتر-تەست جۇرگ 25 مينوت
قازاقستاندا كوروناۆيرۋس 25 مينوت
ەلدىك تاڭبا – ەل مۇراتى 25 مينوت
جۇڭحۋا حالىق رەسپۋبليكا 28 مينوت
ورالداعى ساۋدا ورىندارى 28 مينوت
بۇگىن — مەملەكەتت 1 ساعات
تاعىلىمى مول مەرەكە 1 ساعات
كوك تۋدى كورسەتكەن ءسات 1 ساعات
جاڭعىرۋ جاڭعىرىق بولىپ 1 ساعات
ىلە-الاتاۋى ۇلتتىق پارك 1 ساعات
قازىناسى ۇرپاققا مۇرا 1 ساعات
سانيتارلىق نورمالار ساق 1 ساعات
كومينتەرن وكىلى اباي قا 1 ساعات
قالاعا كەتكەن قىر بالاس 1 ساعات
مەديتسينانى تسيفرلاندىر 1 ساعات
...بويىما قۋات بەرەدى 1 ساعات
بوياۋ قولدانبايتىن سۋرە 1 ساعات
«جۇمىسپەن قامتۋدىڭ جول 1 ساعات