ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:15 - 2020/05/21

Нақты Көзі: https://www.astana-akshamy.kz/sayabaqtarda-kino-korsetiledi/

ساياباقتاردا كينو كورسەتىلەدى – استانا اقشامى

نۇر-سۇلتان قالاسىنىڭ مادەنيەت سالاسىن دامىتۋ ستراتەگياسى ازىرلەندى. اتالمىش قۇجاتتى ەلوردا ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسياسىنىڭ وتىرىسىندا قالالىق مادەنيەت باسقارماسىنىڭ باسشىسى نۇرلان سىدىقوۆ تانىستىردى. جيىندا جالپى ەلوردادا حالىقتىڭ بوس ۋاقىتىن ۇيىمداستىرۋدىڭ بولاشاعى تالقىلاندى.ستراتەگيا بويىنشا باسقارۋدىڭ كورپوراتيۆتىك ادىستەرىن، تەاترلارمەن جۇمىستىڭ جاڭا جۇيەسىن ەنگىزۋ، كورەرمەندەردى، كىتاپحانالار وقىرماندارىن كوبەيتۋ ماقساتىندا قالا تۇرعىندارىمەن كەرى بايلانىستى كۇشەيتۋ، مادەني نىسانداردىڭ ينفراقۇرىلىمىن دامىتۋ، تاريحي جانە رۋحاني مۇرانى ناسيحاتتاۋ جوسپارلانىپ وتىر.
– ءبىر جارىم ايدان كەيىن جاڭا قازاق تەاترىنىڭ اشىلۋى جوسپارلانىپ جاتىر. اباي قۇنانبايۇلىنىڭ 175 جىلدىعىنا وراي تەاتردىڭ تۇساۋكەسەر قويىلىمى ۇلى تۇلعا تۋرالى بولادى. بۇل – مۇلدە جاڭا سپەكتاكل. سونداي-اق ءقازىر بالالار-جاسوسپىرىمدەر تەاترىن اشۋ جۇمىسىمەن اينالىسىپ جاتىرمىز. بوگەنباي باتىر داڭعىلى بويىنداعى كىتاپحانانى جاڭعىر­تۋدى باستاماقپىز. ءماسليحاتتىڭ الداعى سەسسياسىندا بيۋدجەت ناقتىلانعاندا وسى ماسەلەمەن قوسىمشا قارجى سۇرايتىن بولامىز. ساياباقتاردا اشىق اسپان استىندا كينو كورسەتۋدى كوزدەپ وتىرمىز. كينوكورسەتىلىمدەردى كەشكى ساعات 8-دەن 10-عا دەيىن وتكىزبەكپىز، – دەيدى ن.سىدىقوۆ.
ونىڭ ايتۋىنشا، شاھاردا «بوزوق» تاريحي-مادەني قورىق-مۋزەيى سالىنباق. الداعى ۋاقىتتا ءداستۇرلى ونەرگە كوڭىل ءبولىنىپ، ايتىس، كۇي، جىر-تەرمە، ءداستۇرلى ءان جانە قولدانبالى ونەر مەكتەپتەرى اشىلماق.
– مادەنيەت سالاسىن دامىتۋ ستراتەگياسى كوپ جىلعا ارنالادى. ءومىر ءبىر ورىندا تۇرماعاندىقتان، الەمدە وزگەرىستەر ورىن الىپ جاتقاندىقتان، قاجەتتىلىك تۋىنداعان جاعدايدا قۇجاتقا وزگەرتۋلەر ەنگىزىلەتىن بولادى. ياعني وندا قاتىپ قالعان ەشتەڭە جوق، – دەيدى مادەنيەت باسقارماسىنىڭ باسشىسى.
ودان كەيىن ءسوز العان قالالىق دەنە شىنىقتىرۋ جانە سپورت باسقارماسى باسشىسىنىڭ مىندەتىن اتقارۋشى سامات ەرعاليەۆ بۇقارالىق سپورتتى دامىتۋ باعىتتارىنا توقتالدى. سونىڭ ىشىندە بالالار جانە جاسوسپىرىمدەرمەن جۇمىس جوسپارى تۋرالى ايتىپ ءوتتى.
شىلدە ايىندا ەلۋ جاستان اسقان ازاماتتارعا ارنالعان «جاڭا كۇش-جىگەر» جوباسى باستالماق. ول جىل اياعىنا دەيىن جۇرگىزىلەدى. وندا 40 مىڭعا تارتا ادامدى قامتۋ جوسپارلانىپ وتىر. سونىڭ ىشىندە سكانديناۆيالىق ءجۇرۋ، يوگا، ساۋىقتىرۋ جاتتىعۋلارى، اكۆااەروبيكا قامتىلماق. ءتيىستى جاتتىعۋلار جاز مەزگىلىندە ەلوردانىڭ بەس ساياباعىندا، اتاپ ايتقاندا، «استانالىق»، «ستۋدەنتتىك»، ترياتلون، «جەرۇيىق» ساياباقتارى مەن بوتانيكالىق باقتا وتكىزىلەدى.
– بۇل جاتتىعۋلار تەگىن وتەدى. كۇننىڭ سۋىتۋىنا بايلانىستى قىركۇيەك ايىنان باستاپ ءتورت اۋدانداعى جابىق عيماراتتاردا جالعاسادى. قىستا اكۆااەروبيكا باسسەيندەردە ۇيىمداستىرىلادى، – دەدى س.ەرعاليەۆ.
ۇلتتىق سپورت تۇرلەرىن دامىتۋعا توقتالعان بايانداماشى بيىلعى 4-6 شىلدە كۇندەرى «قازانات» اتشابارىندا بايگە تۇرلەرىنەن (الامان، توپ، قۇنان، جورعا جارىس) ەلباسى كۋبوگىن وتكىزۋ جوسپارلانىپ وتىرعانىن ايتىپ ءوتتى. جارىستىڭ جالپى جۇلدە قورى 20 200 000 تەڭگەنى قۇرايدى.
سونداي-اق يپپوتەراپيا ادىسىمەن مۇمكىندىگى شەكتەۋلى بالالاردى وڭالتۋ ءۇشىن ات سپورتى كەشەنىن سالۋ جوسپارلانۋدا. نىسان مەملەكەتتىك-جەكەمەنشىك ارىپتەستىك جوباسى ارقىلى بوي كوتەرەدى. وتكىزۋ قابىلەتى 250 ادام بولماق. تريبۋناسى 600 ادامعا ارنالادى.
ءماسليحات دەپۋتاتتارى بالالاردىڭ تەاترلارعا، تسيرككە، سپورت سەكتسيالارىنا تەگىن بارۋلارىنا قاتىستى ماسەلەلەردى كوتەردى. سونداي-اق قالا شەتىندە تۇراتىن ادامداردىڭ دەمالىسىن، سونداي-اق قارت ادامداردىڭ بوس ۋاقىتىن ۇيىم­داستىرۋ بويىنشا ۇسىنىس­تار ايتتى. سونىڭ ءبىرى اشىق اسپان استىندا شاحمات ويىندارىن ۇيىم­داستىرۋ تۋرالى بولدى.


كەلۋ قاينارى: http://www.elarna.net/koru.php?tur=7&id=1182986

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ىندەتتەن ساقتانۋ - تىزگ 28 مينوت
وتكەن جىلدىڭ سوڭىندا شي 28 مينوت
ليونەل مەسسي جازعى تران 28 مينوت
اقتوبەدە ارمەنيادان اكە 1 ساعات
”زات تانىستىراتىن جۇرگى 1 ساعات
ورتالىق تەلەۆيزياسىنىڭ: 1 ساعات
ءمادريدتىڭ «رەالى» كوما 1 ساعات
رايونىمىز ”1 - ماۋسىم“ 1 ساعات
بيىل جازعى استىقتان مول 1 ساعات
«ۆاسكو دا گاما» فۋتبول 1 ساعات
«بارىستى» ەندى كىم باپت 2 ساعات
تۇركىستانعا ساياحاتتاۋش 2 ساعات
مەملەكەتتىك حالىق قۇرىل 2 ساعات
حالىقارالىق زاڭ ماماندا 2 ساعات
كاميل گادجيەۆ: ابدۋلمان 2 ساعات
پۋتين ءوز وكىلەتىن ارتت 2 ساعات
ۆولونتەرلىك پەن اقشا جي 2 ساعات
دامۋ سىندى وسى ”باس كىل 2 ساعات
ەلىمىزدە كوروناۆيرۋستان 2 ساعات
ەلىمىز ونەركاسىپ ساندى 2 ساعات
سكەيتبوردينگتەن وليمپيا 2 ساعات
بەردىبەك ساپارباەۆ بازا 3 ساعات
ساۋد ارابياسىندا ىشكى ا 3 ساعات
قازاقستانداعى بانكتەر ء 3 ساعات
بلوكبەكەتتە قايتىس بولع 3 ساعات
الماتىدا توي وتكىزۋگە ر 3 ساعات
قازاقستاندا COVID-19 جۇ 3 ساعات
كارانتيندەگى مەرەكە  3 ساعات
جۇڭگونىڭ 5-ايداعى جاساۋ 3 ساعات
قازاقستاندىق حوككەي كلۋ 3 ساعات