ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 02:15 - 2019/11/09

Нақты Көзі: http://www.astana-akshamy.kz/qaharmannyng-ush-qyry/

قاھارماننىڭ ءۇش قىرى – استانا اقشامى

پارلامەنت دەپۋتاتى، حالىق قاھارمانى، گەنەرال-لەيتەنانت باقىتجان ەرتاەۆتىڭ اسكەري قىز­مەتىن باستاعانىنا بيىل 50 جىل تولىپ وتىر. مەرەيلى مەجەگە وراي قر ۇلتتىق ارحيۆىندە سالتاناتتى ءىس-شارا ءوتتى. قۇتتىقتاپ كەلۋشىلەر حالىق باتىرىنىڭ جەكە قورىنان قۇراستىرىلعان كورمەنى تاماشالاپ، جۇرەكجاردى لەبىزدەرىن ءبىلدىردى.اسكەري جولى – ءومىر مۇراتى

1969 جىلى تاشكەنت جوعارى جالپى اسكەري ۋچيليششەسىنە كۋرسانت بولىپ قابىلدانعان كەزدەن باستاپ بۇگىنگى كۇنگە دەيىنگى قارۋلى كۇشتەردىڭ قالىپتاسۋى مەن دامۋىنا، قازاقستان اسكەرىن رەفورمالاۋ شارالارىنا ۇلەس قوسىپ جۇرگەن باقىتجان ەرتاەۆ 1952 جىلى 25 ماۋسىمدا جامبىل وبلىسى جۋالى اۋدانىنىڭ كەڭەس اۋىلىندا دۇنيەگە كەلگەن.
مەكتەپتى بىتىرگەن جاس جىگىت اناسىنا سالماق تۇسىرمەۋ ءۇشىن اۋداندىق اسكەري كوميسساريات باستىعىمەن اڭگىمەلەسىپ جاعدايىن تۇسىندىرەدى. سودان كەيىن قۇجاتتارىن جيناپ، ءبىر-اق كۇندە تاشكەنتكە تارتادى. ءسويتىپ، قۇجاتتارىن تاشكەنتتەگى جالپى اسكەري كوماندالىق جوعارى ۋچيليششەگە تاپسىرىپ، وقۋعا تۇسەدى. كەيىن قازاقستاندا 1969 جىلى ورتا ازيا اسكەري وكرۋگى قايتا قۇرىلىپ، سوعان بايلانىستى الماتىدا جالپى اسكەري قولباسشىلىق ۋچيليششەسى اشىلادى. بۇل وقۋ ورنى 1970 جىلى 1 قىركۇيەك­تە العاشقى كۋرسانتتارىن قابىلدادى. ءدال سول جىلى ب.ەرتاەۆ تاشكەنتتەن الماتىعا اۋىسىپ كەلدى. ءسويتىپ الماتى جوعارى جالپى اسكەري كوماندالىق ۋچيليششەسىن، 1985 جىلى م.ۆ.فرۋنزە اتىنداعى اسكەري اكادەمياسىن ءتامامدادى. رەسەي فەدەراتسياسى قارۋلى كۇشتەرىنىڭ باس شتابى اسكەري اكادەمياسىندا ءبىلىمىن جەتىلدىردى. موتواتقىشتار ۆزۆودىنىڭ، روتا كومانديرى مىندەتىن اتقاردى. ال 1980-1982 جىلدارى كەڭەس اسكەرىنىڭ اۋعانستانداعى شەكتەۋلى كونتينگەنتى قۇرامىندا باتالون شتابىنىڭ باستىعى – پولك كومانديرىنىڭ ورىنباسارى، 66-جەكە موتواتقىشتار بريگاداسىندا جانە 68-موتواتقىشتار ديۆيزياسىنىڭ 188-موتواتقىشتار پولكىندا باتالون كومانديرى بولدى. …اۋعان سوعىسىنىڭ وت-­جالىنىندا جۇرگەندە، كەزەكتى ءبىر اتىس كەزىندە اۋعان قىستاعىنداعى ەسكى مەشىتتىڭ ءبىر بۇرىشى قيراپ قالادى. سوندا باقىتجان ەرتاەۆ ءوز جاۋىنگەرلەرىن جۇمىلدىرىپ، سول مەشىتتى كۇردەلى جوندەۋدەن وتكىزىپ، ءزاۋلىم ەتىپ تۇرعىزادى. بۇل ونىڭ ەڭ الدىمەن ءوزىنىڭ مۇسىلماندىق پارىزىن وتەگەنى بولعانىمەن، جەرگىلىكتى اۋعاندىقتار ءۇشىن اسەرى كۇشتى بولعانى سونداي «مۇسىلمان كوماندير» اتانىپ، جۇرتتىڭ سەنىمىنە كىرەدى. جەرگىلىكتى حالىق باتالون ورنالاسقان جەردەگى توعايدى «باقىتجان» دەۋگە تىلدەرى كەلمەي، ونىڭ قۇرمەتىنە «باقتيار توعاي» دەپ اتاعان. بەيبىت حالىق مۇمكىندىكتەرىنشە وزدەرىنىڭ «مۇسىلمان كومانديرلەرىن» قورعاپ، ونىڭ الدى-ارتىن دۇشمانداردان ارشىپ وتىرعان. سوندىقتان دا بولار، باتىر قىس­تاق پەن قالا ىشىندە ەمىن-ەركىن جۇرگەن. اكەنىڭ ايالى الاقانىن اڭساپ وتكەن باتىر اعامىز ەلىنە امان-ەسەن ورالعان سوڭ تۋعان جەرىنە جاڭادان مەشىت تۇرعىزىپ، مۇسىلمان جاماعاتتىڭ يگىلىگىنە تاپسىرادى.

قورعانىس ءمينيسترىنىڭ مىندەتىن اتقاردى

اۋعانستاننان امان-ەسەن ورال­عان سوڭ كەڭەس اسكەرىنىڭ گەر­ما­نيا­داعى توبىندا 35-موتواتقىشتار ديۆيزياسىندا پولك كومانديرىنىڭ ورىنباسارى، كە­يىننەن سول پولك­تىڭ كومانديرى بولدى. 1992 جىل­دان بەرى قازاق­ستان قارۋلى كۇشتەرى قۇرىل­عان­نان باستاپ مەملەكەتتىك قورعانىس كوميتەتىندە اسكەري قىزمەتىن جالعاستىردى. 1992-1997 جىلدارى اسكەري ءبولىم كومانديرى. 1996-1997 جىلدارى 1-اسكەري كورپۋستىڭ كومانديرى. 1997-2000 جىلدارى قورعانىس ءمينيسترىنىڭ ءبىرىنشى ورىنباسارى – قارۋلى كۇشتەردىڭ باس شتابىنىڭ باستىعى، ءۇش اي قورعانىس ءمينيسترىنىڭ مىندەتىن دە اتقاردى. كەيىننەن شىعىس اسكەري وكرۋگىنە قولباسشىلىق ەتتى، اسكەري اكادەميانىڭ باستىعى بولىپ، جاس وفيتسەرلەردى دايارلادى.
باقىتجان ەرتاەۆ 2002-2003 جىلدارى تمد-عا قاتىسۋشى-مەملەكەتتەردىڭ ۇقشۇ اسكەري ىنتىماقتاستىعىن ۇيلەستىرۋ شتابىندا قازاقستان قارۋلى كۇشتەرىنىڭ وكىلى بولدى.

ساياساتتىڭ دا ساردارى

اسكەري قىزمەتتىڭ بارلىق ساتىسىنان وتكەن باقىتجان ەرتاەۆ 2012 جىلى قاڭتاردا قازاقستان رەسپۋبليكاسى پارلامەنتى ءماجى­لىسىنىڭ دەپۋتاتى بولىپ سايلاندى. حالىق قالاۋلىسى رەتىندە سايلاۋ­شىلار اماناتىنا ادالدىق تانىتىپ كەلەدى.
ب.ەرتاەۆ «حالىق قاھارمانى» اتاعىنىڭ يەگەرى، «وتان»، «قىزىل جۇلدىز»، II دارەجەلى «دانق» جانە باسقا دا جاۋىنگەرلىك وردەندەر جانە مەدالدارمەن ماراپاتتالعان.
بۇگىندە قازاقستان رەسپۋبليكاسىنىڭ ۇلتتىق ارحيۆىندە باقىتجان ەرتاەۆتىڭ جەكە قورى اشىلعان. وندا باتىردىڭ ءومىرباياندىق جانە وتباسىنا قاتىس­تى قۇجاتتارى، ناگرادالارى، اۋعان سوعىسىنا قاتىستى، اسكەر سالاسىنداعى باسشىلىق قىزمەتتەرىنە قاتىستى قۇجاتتارى، وزىنە سىيعا بەرىلگەن قانجارلار، اكەسىنىڭ ۇزەڭگىسى، پورترەتتەرى، تاعى باسقا دا جەكە زاتتارى بار. مۇندا كەلگەن جاستاردىڭ ەلىمىزدىڭ اسكەرى، باتىر ءومىرى تۋرالى ماعلۇمات الىپ، رۋحتانىپ قايتارى ءسوزسىز.
وسىنداي وتان ءۇشىن وتقا تۇسەر ەلىن، جەرىن سۇيگەن، ءدىنى مەن ءتىلىن قاستەرلەگەن باتىردىڭ وتكەن جولى وسكەلەڭ ۇرپاقتى پاتريوت­تىق رۋحتا تاربيەلەۋدەگى تەڭدەسى جوق ونەگە بولسا كەرەك. ەلۋ جىلىن ەلىنىڭ مۇددەسىنە ارناعان باتىر اعامىزدىڭ مەرەيى بيىك، عۇمىر عيباراتى ۇزاعىنان بولۋىنا تىلەكتەسپىز.

اسيا كەرىمتاەۆا،
قر ۇلتىق ءارحيۆىنىڭ
ءبولىم باسشىسى


كەلۋ قاينارى: http://www.elarna.net/koru.php?tur=7&id=1069734

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


قمدب-30: ۇمبەتالى ەلدىم 1 مينوت
پاۆلوداردا ەرەكشە قورعا 1 مينوت
اتىراۋعا كوروناۆيرۋستى 1 مينوت
جاسوتاندىقتار دارىگەرلە 1 مينوت
قازاقستان جانارماي يمپو 1 مينوت
قويمالاردان جىبەرىلەتىن 4 مينوت
"قىزىلوردا – كوكشەتاۋ" 7 مينوت
ءومىرزاق شوكەەۆ كارانتي 10 مينوت
ەلوردادا كوپقاباتتى تۇر 10 مينوت
تارباعاتاي ايماقتىق اكى 11 مينوت
ونەرگە تاربيەلەۋ جۇمىست 11 مينوت
جوعارى مەكتەپتەر جۇمىست 11 مينوت
ساۋلە قيسىقوۆا قىزمەتىن 11 مينوت
42 500 تەڭگە: ارۋجان سا 11 مينوت
باۋىرجان يسلامحان كارەر 11 مينوت
تۇركىستان وبلىسىندا دار 13 مينوت
ساۋلە قيسىقوۆا جاڭا قىز 13 مينوت
ۆ ساۋدوۆسكوي اراۆي ۆۆەل 16 مينوت
قمدب-30: جاڭاارقا اۋدان 16 مينوت
تۇرىكمەنستان دەنساۋلىق 19 مينوت
قازا بولعان جامبىلدىق ء 19 مينوت
ەلوردالىق ءتارتىپ ساقشى 19 مينوت
ساۋلە قيسىقوۆا قىزمەتىن 21 مينوت
«بارسەلونا» الەم چەمپيو 21 مينوت
ۋحاننان ستۋدەنتتەردى تا 21 مينوت
«سك فارماتسيا» نومەنكلا 21 مينوت
ەلوردالىق ءتارتىپ ساقشى 25 مينوت
جامبىل وبلىسى ۆەتەرينار 28 مينوت
ءۇي جاعدايىندا كوروناۆي 1 ساعات
شي جينپيڭ تاسقىننان ساق 1 ساعات