ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-17616200344 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:00 - 2019/11/07

ەسكىنى جاماماي، جاڭادان سالىنادى – استانا اقشامى

مەملەكەت باسشىسى قاسىم-جومارت توقاەۆ ەلوردانى ودان ءارى دامىتۋ جونىندەگى كەڭەستە ورتالىق تەمىرجول اۋرۋحاناسىنىڭ عيماراتى ەسكىرىپ، اپاتتى جاعدايدا ەكەندىگىن ايتتى. 60 جىل ىشىندە اۋرۋحانادا بىردە-بىر كۇردەلى جوندەۋ جۇمىستارى جاسالماعان ەكەن.كوپتەن بەرى قالا باسشىلىعىنىڭ نازارىندا جۇرگەن بۇل اۋرۋحانا 1959 جىلى سالىنعان بولاتىن. ول كەزدە قازكسر جول قاتىناستارى مينيسترلىگىنىڭ بالانسىندا بولدى. وداق ىدىراعاننان كەيىن اۋرۋحانا جەكە يەلىككە، 2009 جىلى قر توتەنشە جاعدايلار قىزمەتىنە ءوتتى. ءقازىر كلينيكا – ىشكى ىستەر مينيس­ترلىگىنىڭ قاراۋىندا. اۋرۋحانادا سەگىز بولىمشە، زەرتحانا مەن تراۆماتولوگيالىق پۋنكت جۇمىس ىستەيدى. راسىندا، ىرگەسى قالانعالى جوندەۋ كورمەگەن اۋرۋحانانىڭ توزىپ، قابىرعالارى قاقىراپ، كىرپىشتەرى ءمۇجىلىپ جاتقانى راس.
ءسوز ەتكەلى وتىرعان مەديتسينالىق مەكەمەنىڭ جايىمەن 2016 جىلى ەلوردا اكىمدىگى سول كەزدەگى پرەمەر-مينيسترگە وتىنىشپەن شىعىپ، اۋرۋحانانى قالانىڭ يەلىگىنە اۋدارۋى تۋرالى ماسەلە قويعان ەدى. ارتىنشا ۇكىمەت قاۋلىسىنا ساي راسىمدەۋدى باستاعان ەدى. وسىلايشا 2018 جىلى اۋرۋحانا استانالىق اكىمدىكتىڭ كوممۋنالدىق مەنشىگىنە اۋىستى. ورتالىقتىڭ باس ديرەكتورى سەرگەي دەموچكين 2011 جىلدان باسشىلىق ەتىپ كەلەدى. مۇندا 600-دەن استام قىزمەتكەر جۇمىس ىستەيدى، ونىڭ جۇزدەن استامى – جوعارى ءبىلىمدى دارىگەرلەر. ولار ەلوردانىڭ سارىارقا جانە بايقوڭىر اۋدانىنىڭ ءبىرشاما بولىگىنە، جالپى سانى 400 مىڭداي تۇرعىنعا قىزمەت ەتەدى. ال كەيبىر مەديتسينالىق باعىتتارى بويىنشا بۇكىل استانانى قامتىپ وتىر.
– راسىندا، بارلىق پروفيل بويىنشا اۋرۋحانا جەدەل جاردەم قىزمەتىن قاتار الىپ ءجۇر دەسە بولادى. سارىارقا اۋدانىن تولىق قامتىپ، پۋلمونولوگيا بويىنشا – بايقوڭىر اۋدانى، نەيروحيرۋرگيا بويىنشا ەسىل اۋدانى تۇرعىندارىنا قىزمەت ەتەمىز، – دەيدى باس دارىگەر.
ورتالىقتىڭ الپىس جىل بو­يىنا قاجەتتى دەڭگەيدە قارجىلانباۋى ونداعى مەديتسينالىق قۇرال-جابدىقتاردىڭ دا ەسكىرۋىنە الىپ كەلەدى. قالا مەنشىگىنە وتكەن كەزدە اۋرۋحاناداعى جابدىقتاردىڭ 70 پايىزى قابىلدانعان ستاندارتتىڭ تالابىنا ساي كەلمەيدى.
ەلىمىزدەگى بارلىق مەديتسينالىق مەكەمەلەر سياقتى بۇل اۋرۋحانادا ەمدەلىپ شىققانداردىڭ كولەمىنە قاراي مينيسترلىكتىڭ مەديتسينالىق قىزمەتتەردى تولەۋ كوميتەتىنەن ءبىرشاما قاراجات تۇسەدى. ءبىراق بۇل تولەمدەر مەديتسينالىق جابدىقتار، دارى-دارمەكتەر، قىزمەتكەرلەردىڭ جالاقىسىن تولەۋگە، ودان باسقا كوممۋنالدى قىزمەتتىڭ اقىسىن جابۋعا كەتەدى. بۇل قاراجات مەديتسينالىق قۇرىلعىلار الىپ، عيماراتتاردى كۇردەلى جوندەۋ وتكىزۋگە باعىتتالماعان.
جاقىندا وسى ماسەلە بويىنشا قالا اكىمى التاي كولگىنوۆ YDا Holding ديرەكتورلار كەڭەسىنىڭ ءتوراعاسى ارسلان حۋسەينمەن كەزدەسىپ، ورتالىق تەمىرجول اۋرۋحاناسىنىڭ قۇرىلىسىن تالقىلادى. ورتالىق تەمىرجول اۋرۋحاناسىنىڭ عيماراتى ەس­كىرىپ، اپاتتى جاعدايدا ەكەندىگىن ەسكەرىپ، اۋدان تۇرعىندارىنا قولايلى بولۋ ءۇشىن اۋرۋحانا سارىارقا اۋدانىندا ورنالاساتىن بولادى دەپ شەشىلدى. 600-700 ورىنعا ەسەپتەلگەن جاڭا عيمارات مەملەكەتتىك-جەكە سەرىكتەستىك اياسىندا سالىنادى. جوباعا تۇركيادان ينۆەستورلار جايدان-جاي تارتىلىپ وتىرعان جوق. وزدەرىنىڭ ينۆەستيتسياسىمەن دارالانىپ، جالپى مەديتسينالىق مەكەمەلەر سالۋدا مول تاجىريبەسى بار تۇرىك كومپانياسى ەلورداداعى قۇرىلىس جۇمىستارىن كەلەسى جىلى باستاماق. جاڭا ورتالىق الەمدىك ستاندارتتارعا سايكەس زاماناۋي جابدىقتارمەن قامتىلاتىن بولادى.
سەرگەي دەموچكين وسى شەشىمدى ماقۇلداي كەلە، عيماراتتى ءسۇرىپ، ورنىنا جاڭا اۋرۋحانا سالىنىپ، ستاتسيوناردى 500 ورىنعا جەتكىزىپ، ەمحانا 680 ناۋقاستى قابىلداي الاتىنىن جەتكىزدى. بۇل ءۇشىن قۇ­رى­لىسشىلار وسى مەكەمەگە تيەسىلى كونە عيماراتتاردى بۇزىپ، تەك حيرۋرگيا كورپۋسىن قالدىرۋ ويدا بار. بۇل بەرتىندە، 1981 جىلى سا­لىنعان، ودان بولەك تاعى بىر-ەكى عيماراتتى كۇردەلى جوندەۋدەن وتكىزەدى.
اۋرۋحانا كەشەنىن بارلىق ماعىناسىنداعى قايتا جاڭعىرتۋ بىرنەشە جىلداردى الادى. «جاڭعىرتۋ ۇدەرىسى بىرنەشە كەزەڭدى قامتيدى. ءبىرىنشىسى – اكىمشىلىك جانە تەراپەۆتىك كورپۋستارىن كوشىرۋ كەرەك. گينەكولوگيا ورنالاسقان عيماراتتى جانە جەڭىس داڭعىلى، 81-ۇيدەگى جەتى قاباتتى عيماراتتىڭ ءتورت قاباتى جوندەۋدەن وتكىزىلەدى. بۇگىندە سمەتاسى دايىن، جاقىن كۇندەرى قالا بيۋدجەتىنەن 380 ميلليون تەڭگە بولىنەدى» دەپ مالىمدەدى سەرگەي دەموچكين.
جوندەۋ جۇمىستارى كەزىندە اۋرۋحانا كەشەنى ءوز قىزمەتىن توق­تاتپايدى. جاڭا ورتالىق ىسكە قوسىلعاننان كەيىن دارىگەرلەر سانى ارتىپ، مەديتسينالىق قىزمەت كولەمى دە قالا تۇرعىندارىنا قاراي ايقىندالاتىن بولادى.
ەلورداداعى بارلىق مەديتسينالىق مەكەمەدەي بۇل جەردە دە دارىگەرلەر تىنىم تاپپايدى. تاۋلىگىنە جۇزدەن استام ادام قابىلداۋ بولىمىنە تۇسەدى. تەراپيا ءبولىمى كۇنىنە 500-گە تارتا ادامدى قابىلدايدى. رەانيماتسيا جانە پۋلمونولوگيا بولىمشەلەرى دە وسىنداي كۇردەلى جاعدايدا جۇمىس ىستەۋدە. وسىنداي تار جاعدايدا، مىسالى، ەكى ادام جاتاتىن جايدا بەس ادام ورنالاستىرىلسا دا، مەديتسينالىق قىزمەتكەرلەر ناۋ­قاستارعا بارلىق جاعداي جاساۋدا. ماماندار تاپشىلىعى بۇل مەكەمەنى دە اينالىپ وتپەگەن. دەسە دە ىرگەسى ەرتەدەن قالانىپ، جارتى عاسىرلىق تاريحىندا وزىندىك ءداستۇرى قالىپتاسقان اۋرۋحانادا ءوز ىسىنە بىلىكتى دارىگەرلەر جۇمىسىن جالعاستىرىپ جاتىر.
بۇل – ەسكىنىڭ ورنىنا جاڭاسى سالىنىپ، پايدالانۋعا بەرىلگەندە ورتالىقتىڭ الەۋەتى ارتىپ، مەديتسينالىق قىزمەتتىڭ كورسەتكىشى جاڭا ساپاعا كوتەرىلەدى دەگەن ءسوز.


كەلۋ قاينارى: http://www.elarna.net/koru.php?tur=7&id=1068820

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اشۋ – دۇشپان، اقى 19 مينوت
2023 جىلعا دەيىن تۇركىس 19 مينوت
«ماقسۇتىم – ءتىل ۇستارت 28 مينوت
اتىراۋلىق وقۋشى پلاستيك 1 ساعات
ستۋدەنت تۋرالى ازىلدەر 1 ساعات
چتو تاكوە ۆرەميا؟ 1 ساعات
قازاقستانداعى اپتا ىشىن 2 ساعات
اسقار التاي "كەنتاۆر" ش 2 ساعات
مەتەوريزم دەگەن نە؟ ءبى 2 ساعات
ۋاقىت-ادام ءومىرىنىڭ ول 2 ساعات
ريازان وبلىسىندا اسكەري 2 ساعات
نۇر-سۇلتان قالاسىندا ەن 2 ساعات
قانت ديابەتىن قالاي ەمد 2 ساعات
قازاقستان جاستارى بوكست 2 ساعات
يتاليا سۋ باسقان ۆەنەتس 2 ساعات
«الەم ارۋى-2019» بايقاۋ 3 ساعات
ترامپ سايلاۋ الدىندا مە 3 ساعات
رولدە وتىرىپ ۇيىقتاپ كە 3 ساعات
سوت بۇرىنعى ۆيتسە-مينيس 3 ساعات
وسى ارانى باسىپ كورىڭىز 3 ساعات
دونالد ترامپ سايلاۋ الد 3 ساعات
پۋتين مەن زەلەنسكي جەلت 3 ساعات
وسى ارانى باسىپ كورىڭىز 3 ساعات
ازيا چەمپيوناتى: قازاقس 3 ساعات
وسى ارانى باسىپ كورىڭىز 3 ساعات
بقو-دا اۆتوكولىك اۋدارى 3 ساعات
باۋىرجان ەسماحان: «تازا 3 ساعات
الداعى قاتەرلى اسۋ 3 ساعات
ديەتولوگ ادام اعزاسىنا 3 ساعات
قمدب: ءپاتۋا ماسەلەسىنە 3 ساعات