ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23587359638 %62 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:30 - 2019/10/08

ءاندى تابىس ءۇشىن ەمەس، ۇلتتىڭ بولاشاعى ءۇشىن جازامىن – استانا اقشامى

ەرتەڭ ەلورداداعى ۇلتتىق اكادەميالىق كىتاپحانادا قازاق ونەرىنىڭ قايراتكەرى، كومپوزيتور، وقۋشىلار سارايىنداعى ۆوكال ءبولىمىنىڭ جەتەكشىسى كەنتاۋ نازاربەكتىڭ «ۇيىقتاپ جاتقان جۇرەكتى ءان وياتار» اتتى ادەبي-سازدى ءان كەشى وتەدى. وندا ەلىمىزگە بەلگىلى ونەر مايتالماندارى كومپوزيتوردىڭ سىرلى اندەرىن ورىندايدى. ءبىز ءوز كەزەگىمىزدە كومپوزيتورمەن ونىڭ شىعارماشىلىعى جانە قازاقتىڭ ءان ونەرى تۇرعىسىندا سۇحبات قۇردىق.

– كەنتاۋ قۋانتايۇلى، اڭگىمەنىڭ ءالقيسساسىن ادەبي-سازدى كەشىڭىزدەن باستاساق. وندا كورەرمەنگە قانداي جاڭالىق ۇسىنباقسىز؟
– كەشتە «اباي ولەڭى» مەن «قۇنانباي» اتتى ەكى ءان مەن «قازاعىم، جاسا ماڭگىلىك!» اتتى شاعىن كىتاپشامنىڭ تۇساۋكەسەرىن جاسايىق دەگەن نيەتىمىز بار. كىتاپشادا 22 ءانىم مەن 1 كۇيىم ەنگىزىلگەن. جالپى، 100-دەن اسا ءانىم بار.
وسى ۋاقىتقا دەيىن ابايعا ارنالعان ولەڭدەر كوپ بولعانمەن، ءان ارنالماپتى. مەن ءوزىم اباي ەلىنىڭ تۋماسىمىن. سوندا ءوسىپ-ونىپ، ۇلى تۇلعالاردىڭ فيلوسوفياسىن، جازعان دۇنيەلەرىن بويىما ءسىڭىرىپ وسكەندىكتەن، بابالارىمىزعا ءبىر ءان ارناۋىم كەرەك دەگەن ماقساتتا وسى تەكتەس اندەردى زەرتتەدىم. ءبىراق ونىڭ كوبىنىڭ مازمۇنى «بابام وسىنداي ەدى» دەگەن سياقتى ادامنىڭ جەكە باسىنا ارنالىپ جازىلىپتى. بىلاي قاراعاندا، ادامنىڭ دانىشپاندىعى ونىڭ ىسىندە عوي، جازعانىندا، ايتقانىندا. سول سەبەپتى ابايعا ارنالعان ولەڭدەرگە ءۇڭىلىپ، ءادىلعازى قايىربەكوۆ اعا­مىز­دىڭ كىتابىنان كەرەگىمىزدى تاۋىپ، «اباي ولەڭى» دەگەن ءان جازدىق. بىلتىر اباي مۋزەيىنىڭ ۇجىمىنان وسى ءاندى وزدەرىنىڭ ءانۇرانى ەتىپ بەكىتكەندەرى تۋرالى حات كەلدى. جالپى، بۇل ءان بۇرىنعى كەشتەرىمنىڭ بىرىندە ءبىر-اق رەت ورىندالعان. سودان بەرى ەش جەردە ايتىلعان جوق. «قازاق» راديوسىنىڭ التىن قورىندا بار. ءبىراق وندا قانشالىقتى بەرىلىپ جاتقانىن بىلمەدىم.
ال «قۇنانباي» ءانى ءبىر جىلداي بۇرىن جازىلدى. ءماتىنى – تولەگەن جانعاليەۆ اعامىزدىكى. ءقازىر بۇل ءاندى اۋىلداعى شاكىرتىم قونىسبەك دەگەن ءانشى ورىنداپ ءجۇر. اباي ەلىنە بارعان قوناقتاردى قارسى الۋ، شىعارىپ سالۋ كەزدەرىندە وسى ءان ورىندالىپ ءجۇر دەپ ەستىپ جاتىرمىن. سونىمەن قاتار سەمەي وڭىرىندەگى جيىن-تويلارعا دا «قۇنانباي» ءانىن ورىنداۋ ءۇشىن شاقىرتۋلار بولىپ تۇراتىن كورىنەدى.
– جالپى، ءاننىڭ قانداي قۇدىرەتى بار؟ انمەن ۇرپاقتى تاربيەلەۋگە بولا ما؟
– ارينە، ەگەر ەستى ءان بولسا. ءان – حالىقتىڭ رۋحى عوي. ۇستازىم تەمىرجان بازارباەۆ ايتقان ەدى: «انمەن ادامدى ەمدەۋگە، انمەن ادامدى جىنداندىرۋعا، انمەن ادامدى ولتىرۋگە دە بولادى» دەپ. ء«اننىڭ دە ەستىسى بار، ەسەرى بار» دەيدى. ءبىراق بۇرىن تەك ەستى اندەر عانا شىرقالاتىن. ءقازىر ەسەر اندەر كوبەيىپ كەتتى. قازىرگى ەسترادالىق اندەردە ءمان قالماي بارا جاتىر. وزگەنىڭ قاڭسىعىن تاڭسىق قىلىپ اكەلىپ، ساف ونەرىمىزدى بىلعاپ جۇرگەندەر كوپ. تەلەديدار مەن راديودا دا سونداي اندەردىڭ قاتارى كوبەيدى. 2000 جىلداردىڭ باسىندا تەمىرجان اعا ايتىپ ەدى: ء«قازىر جىنداندىرۋ ناۋقانى ءجۇرىپ جاتىر» دەپ. راسىمەن دە ءقازىر جىنداندىراتىن اندەر جاستاردىڭ ساناسىن ابدەن ۋلاپ جاتىر. بۇل ناۋقان ابدەن شەگىنە جەتكەن سياقتى. قۇداي ساقتاسىن، ارينە. دەگەنمەن حالقىمىز ءالى دە قۇلاقتىڭ قۇرىشىن قاندىراتىن ەستى اندەرگە ورالادى دەپ ۇمىتتەنەمىن.
– ءسىز ءوزىڭىز كىمدەردىڭ ءانىن تىڭدايسىز؟ جاستارعا كىم­دەردى تىڭداۋعا كەڭەس بەرەسىز؟
– مەن ءوزىم بۇ­رىنعىلاردىڭ اندەرىن، رەترو اندەردى تىڭدايمىن. قۇبىلام – كەشەگى اقان سەرى، ءبىر­جان سال، ەستاي، اباي مەكتەبى، ودان بەرى ۇستازىم تەمىرجان بازارباەۆ، قا­زاق ءۆالسىنىڭ كورولى ءشامشى قالداياقوۆ، بەكەن جاماقاەۆ اعالارىمىز. ولاردىڭ تۇيدەك-تۇيدەك دۇنيەلەرى – ساف التىنداي تازا ونەر عوي، شىركىن. سونىمەن قاتار شەتەلدىڭ، رەسەيدىڭ كلاسسيكالىق اندەرىن دە تىڭدايمىن. ءان جازامىن دەگەن جاستارعا دا بۇرىنعىلاردىڭ اندەرىن تىڭداۋعا كەڭەس بەرەمىن. سەبەبى قان تامىر ارقىلى تارايدى عوي. سول سياقتى بۇرىنعىلاردىڭ باي مۇراسىن بويىنا ءسىڭىرىپ، ناعىز ونەرگە قانىپ وسكەن وسكەلەڭ ۇرپاق ودان وسال بولمايدى.
– ال قازىرگى ەسترادا انشىلەرىن مۇلدە تىڭدامايسىز با؟
– تىڭدايمىن. ءبىراق بارلىعىن ەمەس. ەسىرتىپ، جىنداندىراتىن اندەردى بىردەن ءوشىرىپ تاستايمىن. ءبىز دە ءقازىر اعا بۋىنعا اياق باسىپ كەلەمىز عوي. ال وزىمنەن كەيىنگى بۋىنعا كەلسەك، مەدەت سالىقوۆ، دوسىمجان تاڭاتاروۆ، سايات مەدەۋوۆ سياقتى باۋىرلارىمنىڭ اندەرىن ۇناتامىن.
وكىنىشتىسى، ءقازىر ۇلتتىق ارنا مەن ۇلتتىق راديودا دا نەشە ءتۇرلى اندەر كوپ بەرىلەتىن بولىپ ءجۇر. سول جاعى قىنجىلتادى. ارينە، ۇلتتىق دۇنيەلەر جوق ەمەس، بار. ءبىراق وندا ءبىرىڭعاي ۇلتتىق ونەرىمىز ناسيحاتتالماسا، ونىڭ نەسى ۇلتتىق تەلە-­راديو؟ ونىڭ «جۇلدىز FM»-نەن قانداي ايىرماشىلىعى بار؟ ونىڭ ۇستىنە، تەلەارنا دەگەن تاساداعى تالانتتاردى تاۋىپ، حالىققا پاش ەتۋى كەرەك ەمەس پە؟ ال تەلەارنالاردا ۇنەمى حالىقتىڭ الدىندا جۇرگەن تانىمال جۇلدىزداردى كورسەتىپ، وزدەرىنە رەيتينگ جينايدى. ونداعى جۇمىستار رەيتينگ ءۇشىن ەمەس، ۇلت بولاشاعى ءۇشىن جاسالۋى كەرەك. كلاسسيكالىق اندەرگە ناسيحات جەتىسپەيدى.
شىنى كەرەك، ءقازىر تويعا ارنالىپ جازىلاتىن جەڭىل-جەلپى اندەر دە كوبەيىپ كەتتى. ونىمەن قويماي، تويدىڭ دا دارەجەسىن ءتۇسىرىپ الدىق. تويدى تۇزەۋىمىز قاجەت. توي دەگەنىمىز – ۇلتتىق تاربيەگە باعىت بەرەتىن جيىن بولۋى كەرەك قوي. بۇرىن تويعا ءار ادام وزىنشە دايىندالىپ باراتىن. ءبىرى ءان شىر­قاسا، ەندى ءبىرى ساليقالى اڭگىمە ايتاتىن. قازىرگى تويلار كونتسەرت سياقتى. كونتسەرت بولعاندا دا «شيپ-شيپ»، «اسپانعا قارايمىن» دەگەن سياقتى داۋرىقپا اندەر ايتىلادى. تويدا ءان ايتۋدى ساحناعا شىققانمەن بىردەي كورەتىندەر دە بار. ءبىراق ول دۇرىس ەمەس. ەكەۋى – مۇلدە ەكى بولەك دۇنيە.
– ءسىز ءوزىڭىز تويلارعا شىقپايسىز با؟ تاپسىرىس­تار ءتۇسىپ تۇرا ما؟
– شاقىرتۋلار بولادى. ەگەر ەستى اندەردى تىڭداعىسى كەلەتىن اعايىندار بولسا، بارىپ تۇرامىن. اراسىندا گيتارامەن ءوزىمنىڭ اندەرىمدى دە ورىندايمىن. ءقازىر بەتاشار ءراسىمى دە شوۋعا اينالىپ بارادى عوي. جاس بالالارعا دەيىن بەت اشىپ ءجۇر. نەگىزى، تويدىڭ ءقادىرىنىڭ تۇسۋىنە ءوزىمىز دە كىنالىمىز. شاما-شارقىمىزعا قاراماي، ۋىستاپ اقشاسىن ۇستاتىپ، اسابا-انشىلەردى جالدايمىز. كەيبىر تويعا جۇلدىزدار كەلسە، قوناقتىڭ كوپشىلىگى سولارمەن سۋرەتكە ءتۇسىپ الەك بولادى دا، توي يەلەرى جايى­نا قالادى. دەگەنمەن توي باسقارۋدى، كەلىننىڭ بەتىن اشتىرۋدى ونەردەگى جولىنا قاراپ شاقىراتىن قازاقى ادامدار دا بار. قاجەت كەزدە سونداي قىزىق-قۋانىشتىڭ كۋاسى بولىپ، توي تورىنەن تابىلىپ، قازاقتىڭ ونەرىن ناسيحاتتاپ، بەت اشاتىن كەزىمىز دە بولادى.
– ءاندى تاپسىرىسپەن جازاسىز با؟ ءبىر ءاندى قانشاعا باعالايسىز؟
– جوق، اندەرىمدى ساتپايمىن. ايتىڭىزشى، «قازاعىمدى» قالاي ساتامىن؟ «اباي ولەڭى» مەن «قۇنان­بايدى» قالاي ساتامىن؟ تەك اراسىندا ءوتىنىش ءبىلدىرىپ جاتسا عانا تاپسىرىسپەن جازۋىم مۇمكىن. مىسالى، جاقىندا عانا ءبىر ءوتىنىش بولدى. ءبىراق تەك تۇزەتىپ، جوندەپ بەرگەندىكتەن، ونى ءوز ءانىم دەپ ەسەپتەمەيمىن.
– قوسىمشا كاسىبىڭىز بار ما؟
– جوق، كاسىبىمىز جوق. جاسىراتىنى جوق، كۇنكورىسىمىز – جالاقى. سونىمەن قاتار اۆتورلىق قاۋىمداس­تىقتان ازداعان قالاماقى تولەنەدى. ءبىراق ول اسا ماردىمدى ەمەس. وكىنىشكە قاراي، بۇل جۇيە شەتەلدەردەگىدەي ەمەس، ءبىزدىڭ ەلىمىزدە ءالى دە جولعا قويىلماعان. زاڭ بار، ءبىراق قاداعالاۋشى ورگان جوق.
– ونەردى تاستاپ، بيزنەس­كە كەتكىڭىز كەلەتىن كەزدەر بولا ما؟
– ارينە، جوق. «اتتەگەن-اي» دەيتىن كەزدەردىڭ بولاتىنى راس. ءبىراق تەمىرجان بازارباەۆ سىندى ءمۇيىزى قاراعايداي ۇستازدارىمىز ونەرگە ادال بولۋدى اماناتتاپ كەتتى. ءبىز دە سول اماناتقا قيانات جاساماي، ادال جولدان اتتاماي، قۇدايدىڭ بەرگەن جولىمەن ءجۇرىپ كەلە جاتىرمىز. شۇكىر، ارىمىز تازا. بيزنەس جاساۋ قولىمىزدان كەلمەيدى دە. ال ونەردى بيزنەسكە اينالدىرۋ ويىمىزدا بولعان ەمەس. جازعان اندەرىمىز بولاشاق ۇرپاقتىڭ كادەسىنە جاراپ جاتسا، سول دا – ۇلكەن ولجا. مەن ءاندى تابىس تابۋ ءۇشىن ەمەس، ۇلت بولاشاعى ءۇشىن جازامىن.
– ۇستانىمىڭىز قانداي؟
– ۇلتقا قىزمەت ەتۋ. ۇرپاق تاربيەسىنە ۇلەس قوسۋ.
– ءقازىر شاكىرت تاربيەلەپ جاتىرسىز با؟
– ءيا. ءبىراق شاكىرت تاربيەلەۋگە كەيىننەن كىرىسە باستادىم. وسى ۋاقىتقا دەيىن بۇل جاۋاپتى ىسكە لايىقپىن با، جوق پا دەپ كوپ ويلاندىم.
– جالپى، اندەرىڭىز قالاي جازىلادى؟ ءبىرىنشى ءان جازىپ، سوعان لايىقتى ولەڭ ىزدەپ، اقىندارعا ۇسىناسىز با؟
– ءان وڭاشادا، وزىڭمەن ۇندەسكەندە تۋادى. كوپ جاعدايدا مەن ءاندى سوزگە جازامىن. ءبىرىنشى ولەڭ تاڭدايمىن. كوبىنە وتانشىلدىق ولەڭدەرگە بوي ۇسىنامىن. اقىنداردىڭ تابيعاتى دا ءارتۇرلى، ءبىر-بىرىن قايتالامايدى. سوندىقتان مەنىڭ شىعارمالارىمنىڭ بولمىسى دا بىر-بىرىنە ۇقسامايدى.
– قاي اندەرىڭىز ءوز ءانشىسىن تاپتى دەپ ەسەپتەيسىز؟
– كلارا تولەنباەۆا ورىندايتىن ء«ۇش باقىتىم»، تول­عانباي سەمباەۆتىڭ ورىنداۋىنداعى «جاستىق»، ەرلان رىسقالي ورىنداپ جۇرگەن «جارىق كۇن»، «بۇگىن مەنىڭ تۋعان كۇنىم وي، ءپالى-اي…»، «مەن قازاقپىن»، رامازان ستامعازيەۆتىڭ ءان قورجىنىنداعى «جۇرەگىم جۇرەگىڭدە»، دوسىمجان تاڭاتاروۆ ايتاتىن «قازاق جەرى»، اسەم وماروۆانىڭ ورىنداۋىنداعى ء«بىر بايتەرەك، ءبىر شىنار»، پەريزات تۇراروۆانىڭ ورىنداۋىنداعى «مەنى ىزدە»، ەسەن ءسادۋاقاسوۆتىڭ ورىنداۋىنداعى «سىيلاسايىق» اندەرى جانە تاعى باسقا دا اندەر بار.
الدا قانداي جوسپارلارىڭىز بار؟
– بالا كۇنىمدە اتا-انا دەگەن ەگىز ۇعىمعا ارناپ ءبۇتىن ءبىر دۇنيە جازسام دەپ ويلادىم. ونى كەيىننەن جۇزەگە اسىردىق. تۋعان اپكەم باقىت نازاربەكوۆا ء«بىر بايتەرەك، ءبىر شىنار» دەپ ولەڭىن جازدى. الداعى ۋاقىتتا دا جازعىم كەلەتىن تاقىرىپتار جەتەرلىك. جۇرەگىم نەنى تەربەيدى، سونى جازىپ كەلەمىن.
ال جوسپارعا كەلسەك، كەلەر جىلى ەلوردادا شىعارماشىلىق كەشىمدى وتكىزسەم دەگەن نيەتىم بار. سوعان قالا باسشىلىعىنان قولداۋ بولىپ جاتسا، قۇبا-قۇپ بولار ەدى.

– سۇحباتىڭىزعا راقمەت.


كەلۋ قاينارى: http://www.elarna.net/koru.php?tur=7&id=1056959

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


تيانشان تورى 4 مينوت
الەمدەگى ميلليونەرلەر س 4 مينوت
ەلباسى تاكەو كاۆامۋرامە 4 مينوت
پۋتين: تۇركيامەن تاريحي 4 مينوت
تۇركىستاندا بيىل 11 نىس 9 مينوت
الماتىداعى اۋەزوۆ اۋدان 18 مينوت
2020-2022 جىلدارعا ارنا 21 مينوت
«پريكاز اميرا — ز 23 مينوت
中国哈萨克语广播网 24 مينوت
تيانشان تورى 24 مينوت
"جۋسان" وپەرا 24 مينوت
ابورت جاساعان اكۋشەر-گي 1 ساعات
تيانشان تورى 1 ساعات
قازاق-وزبەك شەكاراسىندا 1 ساعات
جەرورتا تەڭىزى ديەتاسىن 1 ساعات
وتباسىنداعى ءوزارا ۇيلە 1 ساعات
يسلامي ينتەرناتى ەڭ كوپ 1 ساعات
وسكەمەندە ينۆەستيتسيالى 1 ساعات
ۇلتتىق قۇندىلىقتار ۇلتت 1 ساعات
中国哈萨克语广播网 1 ساعات
اقمولا وبلىسىندا " 1 ساعات
قازاقستان مەن جاپونيا ا 1 ساعات
قۇراننىڭ قاسيەتى نەدە؟ 1 ساعات
ماكگرەگور: قازاقستاننىڭ 1 ساعات
ەلوردا اكىمدىگى مەن ۇكى 1 ساعات
«فوبيا» دەرت پە، داقپىر 1 ساعات
ەر ادامدى ءقادىرسىز ەتە 1 ساعات
الماتىعا رەسەي جەرىندە 1 ساعات
تيانشان تورى 1 ساعات
ساكەن تروتسكيشىل ەمەس ە 1 ساعات