ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-191071351946 %54 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 02:00 - 2019/09/12

دەپۋتاتتار داۋسى نەگە باسەڭ؟ – استانا اقشامى

كۇزدە ساياساتتىڭ «قارا» قازانى بۇرق-بۇرق قاينايدى. بيىل دا سولاي بولدى. قوس پالاتالى، ءۇش پارتيالى پارلامەنتتىڭ دەپۋتاتتارى جازعى دەمالىستان ورالىپ، پارتاعا وتىردى. مەملەكەت باسشىسى قاسىم-جومارت توقاەۆ جاڭا سەسسيانى اشىپ، زاڭ شىعاراتىن «ۇلكەن ءۇيدىڭ» تورىنەن العاشقى جولداۋىن جاريالادى. ەندى دەپۋتاتتار كەلەر جىلدىڭ جازىنىڭ ورتاسىنا دەيىن قوس بىلەگىن سىبانىپ، جاڭا زاڭداردى قابىلداۋعا كىرىسەدى.

بۇرىنعى مەن بۇگىنگىنىڭ ايىرماسى قانداي؟

بىزدىڭ ءۇش پارتيالى (شىن ما­نىسىندە ءبىرپارتيالىق) پارلامەنتىمىزدە حالىقتىڭ ءسوزىن باتىل سويلەيتىن دە، بيلىكتىڭ ايتقانىنان شىقپايتىن دا دەپۋتاتتار بار. نازار اۋدارارلىق جايتتىڭ ءبىرى، بۇرىنعى پارلامەنت پەن بۇگىنگى پارلامەنتتىڭ ايىرماسى ايتارلىقتاي. 2000 جىلداردىڭ باسىنداعى پارلامەنت وتە ازۋلى بولدى. قوعامداعى ەڭ تۇيتكىلدى، كۇردەلى ۇلتتىق ماسەلەلەر اۋەلى پارلامەنتتىڭ مىنبەرىنەن كوتەرىلەتىن.
ناقتى مىسال كەلتىرەيىن. 2005 جىلى ماجىلىستە «سايلاۋ تۋرالى» زاڭ جوباسى دۇرىلدەگەن ديسكۋسسيا­عا اينالدى. سول كەزدەگى امانگەلدى ايتالى، مۇحتار شاحانوۆ، بولات ابىشەۆتەر باستاعان ءبىر توپ دەپۋتات: «كەز كەلگەن سايلاۋعا تۇسكىسى كەلەتىن ۇلتى قازاق ۇمىتكەر مەملەكەتتىك ءتىلدى مەڭگەرگەنى جونىندە اۋماقتىق سايلاۋ كوميسسياسىنا انىقتاما قاعاز وتكىزسىن» دەگەن ۇسىنىس جاسادى. بۇعان دەيىن ەكى رەت وتپەي قالعان بۇل ۇسىنىستىڭ «سورى بەس باتپان» ەكەن. سوڭىنان ونى داۋىسقا سالعاندا قوس پالاتانىڭ 78 دەپۋتاتى انا تىلىمىزگە قارسى شىقتى. 10 سەناتور مەن 14 ءماجىلىس دەپۋتاتى عانا مەملەكەتتىك ءتىلدىڭ شاشباۋىن كوتەردى.
ۇسىنىس وتپەي قالعان سوڭ، ا.ايتالى ءماجىلىستىڭ سوڭىن كۇتپەي، زالدى تاستاپ شىققانىن كوزىمىزبەن كوردىك. امانگەلدى اعامىز: «قازاق حالقىنىڭ جۇرەگىنە تاعى ءبىر وق اتىلدى. ول وق پارلامەنتتەن اتىلدى. ءبىزدىڭ دەپۋتاتتار ءالى دە قازاق ۇلتىن، ءتىلىن سىيلامايدى. بۇگىن تاعى سول پيعىل كورىندى. تىلگە شابۋىل – مەملەكەتتىگىمىزگە شابۋىل» دەپ مالىمدەدى. سودان كە­يىن «سايلاۋ تۋرالى» زاڭعا مۇنداي ۇسىنىس ەنگىزىلمەي قالدى.

دەپۋتات دەگەن كىم؟

دەپۋتات دەگەن كىم؟ ول حالىقتىڭ وكىلى، كوزى، قۇلاعى. ونى حالىق سايلاعان. سوڭعى جىلدارى پارتيالىق ءتىزىم قاتارىندا دەپۋتاتتىققا لايىقتى ادامدار دا، اسا لايىقتى ەمەستەر دە ءوتىپ كەتەتىن سياقتى. ويتكەنى سول ادامنىڭ دەپۋتات بولۋعا ءبىلىمى، تاجىريبەسى،ورەسى،كوزقاراسى، كاسىبي دەڭگەيى، ويلاۋ قابىلەتى جەتە مە، جوق پا – ول جاعىنا كوپ باس قاتىرمايتىن كۇنگە جەتتىك. پارتيا تىزىمىندە تۇرعاندار ماجىلىستەن ءبىر-اق شىعادى. ءبىلىمى مەن بىلىگى جوق، ساياساتتان ماقۇرىم ادام اۋزىن بۋعان قۇر داۋىس بەرىپ، ۇندەمەي وتىرعاننان باسقا نە ىستەيدى؟ كەيبىر دەپۋتاتتاردىڭ ءماجىلىستىڭ جۇمساق كرەسلوسىنا جايعاسىپ الىپ، قالىڭ «ۇيقىعا» باتاتىنى وسىدان شىعار.
الايدا «دەپۋتاتتاردىڭ ءبارى ءۇنسىز، ەنجار وتىر» دەۋگە تاعى بولمايدى. «Nur Otan» ۇلكەن كۇشكە يە، ال «اق جول» مەن قازاقستان كوممۋنيستىك حالىق پارتياسى وپپوزيتسيا دەپ ەسەپتەلگەنمەن، بيلىككە ءىشتارتادى. باتىل ءۇن قاتىپ، حالىقتىڭ مۇڭ-مۇددەسىن مىنبەدەن كوتەرىپ جۇرگەن 10-عا جۋىق دەپۋتات بار. «Nur Otan»-نان
نۇرتاي سابيليانوۆتى، ومارحان وكسىكباەۆتى، نۇرلان دۋلاتبەكوۆ­تى، «اق جولدان» ازات پەرۋاشەۆتى، بەرىك دۇيسەمبينوۆتى، كوممۋنيستەردەن ايقىن قوڭىروۆتى سولاردىڭ قاتارىنا قوسۋعا بولادى. ا.قوڭىروۆ – جاقسى ساراپشى، وعان حابارلاسساڭ كەز كەلگەن ۋاقىتتا جاۋاپ بەرەدى.سەناتتا الاششىل مۇرات باقتيارۇلى، ءالىمجان قۇرتاەۆ وتە بەلسەندى.
ءبىر جولى نۇروتاندىق بىرنەشە دەپۋتاتقا كونستيتۋتسياعا ەنگىزىلگەن وزگەرىستەر تۋرالى ءتۇسىندىرىپ بەرۋىن ءوتىنىپ، تەلەفون شالدىم. ءبارى ۋاقىتىنىڭ جوقتىعىن العا تارتتى. ەگەر ولار ساياسي تۇلعا نەمەسە ساياساتكەر بولسا، بىلىكتى مامان بولسا، جاۋاپتان قاشپاس ەدى. بۇل – مانداتتى پارتيالىق تىزىممەن ۇلەستىرۋدىڭ ناتيجەسى.
ءقايبىر جىلى قاي دەپۋتاتقا حالىقتان حات كەلەتىنىن زەرتتەپ كوردىم. داريعا نازارباەۆا مەن نۇرتاي سابيليانوۆ جىلىنا 1 مىڭعا جۋىق حات الىپتى. سول زەرت­­تەۋدە بىردە-بىر حات الماعان، ۇكىمەتكە بىردە-بىر ساۋال جولداماعان دەپۋتاتتار دا بولدى. ولاردى تىلشىلەر قاۋىمى بىلمەسە، بىلايعى جۇرت قايدان تانىسىن؟!. بىرەر جىل بۇرىن ماجىلىستە سپيكەردىڭ ورىنباسارى بولعان ­داريعا ­نازارباەۆانىڭ ۇيىمداستىرۋى­مەن پارلامەنتتىك تىڭداۋ ءوتتى. ­د.نازارباەۆا قۇزىرلى ورگانداردان ەلىمىزدەگى باسىندا باسپاناسى جوق ادامداردىڭ ءتىزىمىن سۇراتىپ، پارلامەنتتىك تىڭداۋدى تۇتاسىمەن سوعان ارنادى. سول كۇنى پارلامەنتتىڭ پارمەنى دە، باق-بەدەلى دە ءوسىپ كەتكەندەي بولىپ كورىنىپ ەدى. ءبىراق وكىنىشتىسى، كوتەرىلگەن ماسەلە سول كۇرمەۋلى كۇيىندە قالدى. سەناتقا كەلسەك، ونداعى احۋال ماجىلىستەن مۇلدەم بولەك. تازا قازاقى ورتا. ساليقالى ساۋالدار. وتكىر پىكىرلەر. ەلدىڭ كوكەيىندەگى تۇيتكىلدى ماسەلەلەر باتىل كوتەرىلەدى. ءبىراق سەناتتىڭ جۇمىسى باق-تاردا از ناسيحاتتالادى.

پارلامەنت پارمەندى بولا الا ما؟

قۇقى جەتىپ تۇرسادا ءماجىلىستىڭ ۇكىمەتكە ء«تىسى باتپايتىنى» بەلگىلى جايت. بۇعان دە­يىنگى شاقىرىلىمداردا پرەمەر-مينيستر پارلامەنتكە كەلگەندە دەپۋتاتتار سۇراقتاردى قارشا بوراتۋشى ەدى. كەيىنگى شاقىرىلىمدا ونداي بەلسەندىلىك جوق. وسىنىڭ ءبارىن كورىپ-بىلىپ كەلگەن تۇڭعىش پرەزيدەنت ­نۇرسۇلتان نازارباەۆ پارلامەنتتىڭ وكىلەتتىلىگىن كوتەرۋگە تاپسىرما بەردى. ءسال شەگىنىس جاساساق، ەكى جىل بۇرىن ەلباسى اتا زاڭىمىزعا وزگەرىستەر ەنگىزۋ تۋرالى زاڭعا قول قويىپ، ۇكىمەت پەن پارلامەنتتىڭ ساياسي ومىردەگى ءرولىن كەڭەيتتى. زاڭ ۇكىمەتتى جاساقتاۋداعى ءماجىلىستىڭ ءرولىن كەڭەيتتى، سونداي-اق پارلامەنتكە مينيسترلەر كابينەتىنىڭ جۇمىسىن باقىلاۋعا كوپ مۇمكىندىكتەر بەرەدى.
سەناتتىڭ دا وكىلەتتىكتەرى كەڭەيدى. قازاقستانداعى ادام قۇقىقتارى جونىندەگى ۋاكىلدى جوعارعى پالاتا 5 جىلعا تاعايىندايدى جانە قىز­مەتىنەن بوساتا الادى. ۇكىمەتتە تاعايىندالاتىن مينيسترلەردىڭ پارلامەنت پالاتالارىنىڭ ءتيىستى كوميتەتتەرىنىڭ ماقۇلداۋىنان ءوتۋى، ۇكىمەتتىڭ پارلامەنتتىڭ الدىندا ەسەپ بەرۋى، مىنە، بۇلاردىڭ ءبارى پارلامەنتتىڭ وكىلەتتىكتەرىن كۇشەيتتى. بۇعان قوسا، قابىلدانعان زاڭداردىڭ، باعدارلامالاردىڭ، ماقۇلدانعان جوبالاردىڭ ىسكە اسىرىلۋىن، ونىڭ تيىمدىلىگىن، قانشالىقتى حالىقتىڭ مۇددەسىنە جۇمىس ىستەيتىندىگىن تەكسەرۋگە دەپۋتاتتار بەلسەنىپ كىرىسۋى ءتيىس. پارلامەنت قوعامنىڭ، مەملەكەتتىڭ دامۋى ءۇشىن وزىنە جۇكتەلگەن ءرولىن تولىق اتقارۋى كەرەك. پارلامەنتتىڭ جا­ۋاپكەرشىلىگى دەگەن – وسى.
پارلامەنتتىڭ ىقپالى مەن بەدەلىن ارتتىرۋعا مەملەكەت باسشىسى قاسىم-جومارت توقاەۆ تا ەرەكشە نازار اۋدارىپ وتىر. جۋىرداعى جولداۋىندا پرەزيدەنت: «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت. ءبىز بۇل ماقساتقا ءالى دە جەتە قويعان جوقپىز. سوندىقتان وسى باعىتتاعى جۇمىسقا بار كۇش-جىگەرىمىزدى سالۋىمىز قاجەت. قوعامدى تولعاندىرىپ وتىرعان نەگىزگى ماسەلەلەر كوشەدە ەمەس، پارلامەنتتە جانە ازاماتتىق ديالوگ اياسىندا تالقىلانىپ، شەشىمىن تابۋى ءتيىس» دەپ مالىمدەدى. دەپۋتاتتاردىڭ ۇكىمەتكە وزەكتى ماسەلەلەرگە قاتىستى ساۋالدار جولداپ، ناقتى شارالار قابىلداۋدى تالاپ ەتە وتىرىپ، وزدەرىنە بەرىلگەن زاڭدى قۇقىقتارىن پايدالانۋى قاجەتتىگىن جەتكىزدى.

ىى دۋمانىڭ دالا ولكەسى مەن سىبىردەن سايلانعان دەپۋتاتتارى. ء1-ىنشى قاتار: وڭنان سولعا قاراي ءبىرىنشى، ءۇشىنشى جانە بەسىنشى وتىرعان ا. ءبىرىمجان، ش. قوسشىعۇلۇلى جانە ت. نۇرەكەنۇلى. سپب، 1907 ج.

دەپۋتاتتار الاش ارىستارىنداي بولسا…

جاسىراتىنى جوق، كەيبىر حالىقشىل دەپۋتاتتاردىڭ داۋىسى اندا-ساندا زاڭ شىعاراتىن «ۇلكەن ءۇي» جاقتان ەستىلىپ قالادى. الايدا «ۇندەمەگەن ۇيدەي بالەدەن قۇتىلادى» دەپ، ءۇن-تۇنسىز، قالعىپ-مۇلگىپ، جوعارى لاۋازىمدى شەنەۋنىكتەردىڭ سوزىنە باس يزەۋ­مەن كۇنىن وتكىزەتىن بويكۇيەز دەپۋتاتتار دا جوق ەمەس. وسىندايدا حالىق قالاۋلىلارى كەشەگى الاش ارىستارىنان نەگە ۇلگى المايدى دەپ قىنجىلاسىڭ. الاش دەپۋتاتتارى الىپ يمپەريا­نىڭ ەزگىسىندە، قۇرامىندا وتىرىپ-اق باستارىن بايگەگە تىگىپ، ۇلت مۇددەسى جولىندا جانقيارلىقپەن كۇرەستى. مىسالى، الاش كوسەمى ءاليحان بوكەيحان مەملەكەتتىك دۋمانىڭ II شاقىرىلىمىنا سايلاۋ ناۋقانى باستالعان 1907 جىلدىڭ قاڭتارىندا ءوزىنىڭ ەكىنشى رەت دەپۋتات بولۋىنا كوزى جەتە وتىرىپ، داۋىسقا تۇسۋدەن باس تارتتى. I مەملەكەتتىك دۋما سايلاۋىندا ا.بوكەيحان 176 سايلاۋشىنىڭ ء175-ى قولداپ، دەپۋتاتتىققا وتسە، 176-داۋىس وزىنىكى بولاتىن. ول ەكىنشى رەت دەپۋتاتتىققا تۇسۋدەن باس تارتتى. مۇنىڭ سەبەبىن ومبىداعى «گولوس ستەپي» گازەتىندە جاريالانعان «سەمەي قازاقتارىنا اشىق حات» اتتى ماقالاسىندا: «مەن ەكىنشى رەت قاتار سايلانعان كۇندە، وعان مەنىڭ كۇمانىم جوق، ۇكىمەت بيلىگى سايلاۋدى جارامسىز دەپ تابادى دا، سەمەي وبلىسى قازاقتارى وكىلىنىڭ مەملەكەتتىك دۋما سەسسياسىنا دەر كەزىندە بارۋىنا كەدەرگى بولادى» ء(اليحان بوكەيحان شىعارمالارى، 8-توم) دەپ جازادى.

الاش ارىسى ءمىرجاقىپ دۋلاتۇلى ءوز زامانىندا: «رەسەي دۋماسىنا قازاقتان دەپۋتات سايلاۋ مۇمكىندىگى بولعاندا، ءبىز قازاققا شىن پايدالى دەپۋتات تاڭداۋىمىز كەرەك. ول اقجۇرەك، تازا بولسا، جۇرتتى يا ساتىپ، يا الداپ كەتپەيتىن بولسا. حالىق ءۇشىن ەرىنبەي قىزمەت ەتەرلىك، ەكىتالاي جەردە جانىن قيارلىق ەرجۇرەكتى بولسا. ءوز پايداسىنان جۇرت پايداسىن ارتىق كورەتىن بولسا. ساياسات ىسىنە جەتىك بولسا، ءبىلىمدى، شەشەن، وقىعان كوسەم بولسا» دەپ جازىپتى. وسىلايشا الاش قايراتكەرلەرى ەلگە، ۇلتقا قالتقىسىز قىزمەت ەتۋ، وتاندى شەكسىز ءسۇيۋدىڭ كەرەمەت ۇلگىسىن كورسەتتى.

اليحانتانۋشى-عالىم سۇلتان حان اققۇلى «الاش قوزعالىسى ءھام مەملەكەتتىك دۋما» اتتى ماقالاسىندا الاش قايراتكەرلەرى حالقىنىڭ ۇلتتىق مۇڭ-مۇددەسى ءۇشىن كۇرەسىن 1905 جىلدان 1917 جىلدىڭ اقپان توڭكەرىسىنە دەيىن تۇڭعىش رەسەي پارلامەنتىنىڭ اياسىندا جۇرگىزگەنىن ايتادى. «مەملەكەتتىك دۋما قۇرىلعان 1905 جىلعى 6 تامىز مانيفەسى جارىق كورگەن ساتتە الاش قايراتكەرلەرى وتارلىق ەزگىدە وتىرعان حالقىنىڭ مۇڭ-مۇقتاجىن قورعاۋ جولىندا جاڭا تۋعان پارلامەنتتىڭ ماڭىزىن تەرەڭ ءتۇسىنىپ، وعان زور ءۇمىت ارتتى. ءوزىنىڭ وتارشىلدىققا قارسى قارۋسىز ازاتتىق، ساياسي قۇقىقتىق كۇرەسىن دۋما مىنبەرىنەن جۇرگىزۋگە بەل بۋدى. وسى ماقساتپەن الاش زيالىلارى «6 تامىز مانيفەسى» جارىق كورمەي تۇرىپ-اق 5 ملن حالقىنا وتارشىل يمپەريانىڭ سلاۆيان حالقىمەن تەرەزەسى تەڭ سايلاۋ قۇقىن الىپ بەرۋ ءۇشىن كۇرەستى. ويتكەنى مەملەكەتتىك دۋماعا سايلاۋ تۋرالى ەرەجە ازىرلەنگەن 1905-1906 جىلداردا قازاق حالقىنىڭ پارلامەنتكە وكىل سايلاۋ قۇقى قىل ۇستىندە تۇردى. سول سەبەپتى الاش زيالىلارى 1905 جىلى دالا جانە تۇركىستان ولكەلەرىنە، ورىنبور، ورال، تورعاي، كاسپي جاعالاۋى (پريكاسپيسكايا) سىندى دەربەس وبلىستار مەن استراحان گۇبەرنەسىنىڭ بوكەي ورداسى بولىپ بولشەكتەنگەن (الاش رەس­پۋبليكاسى قۇرىلعان سوڭ، ونىڭ الاش وردا ۇكىمەتى سەمەي، اقمولا، تورعاي، ورال، سىرداريا، فەرعانا، جەتىسۋ وبلىستارى، استراحان گۇبەرنەسىنىڭ بوكەي نەمەسە ىشكى ورداسى، زاكاسپي وبلىسىنىڭ ماڭعىستاۋ ويازى، سامارقاند وبىسىنىڭ جيزاق ويازى، امۋداريا ءبولىمى، التاي گۇبەرنەسىنىڭ بيسكى، بارناۋل جانە زمەينوگور ويازدارىن الاشتىڭ جەرى دەپ جاريالادى. قازاق ەلىنىڭ تۇكپىر-تۇكپىرىنەن رەسەي ۇكىمەتى مەن سايلاۋ ەرەجەسىن جاساۋ جۇكتەلگەن جەكە-جەكە مينيسترلىكتەرگە قازاققا دۋماعا وكىل سايلاۋ قۇقىن بەرۋدى تالاپ ەتكەن ونداعان قۇزىرحات جولداندى. ۇلت جەتەكشىلەرى حالقىنىڭ ساياسي تالاپ-تىلەكتەرى تىزىلگەن «قارقارالى…»، ء«ىربىت…» سىندى قۇزىرحاتتار وتارشىل يمپەريانىڭ ۇكىمەتى مەن مينيسترلىكتەرىنە مىندەتتى تۇردە جەتسىن دەگەن ويمەن، ولاردى
س.پەتەربورعا پوشتامەن دە جىبەردى، س.پەتەربوردىڭ تاۋەلسىز مەرزىمدى باسپاسوزىنە دە جاريالادى، ۇكىمەتكە، ونىڭ ىشىندە دۋماعا دەپۋتات سايلاۋ ەرەجەسىن ازىرلەۋ مىندەتى جۇكتەلگەن ىشكى ىستەر ءمينيسترى ا.بۋلىگينگە دە ارنايى دەلەگاتسيا جونەلتتى» دەپ جازدى س.اققۇلى.
ونىڭ ايتۋىنشا، وتارشىل رەسەي يمپەرياسىنىڭ اكىمشىلىگى 5 ملن-نان اسقان (سانى جاعىنان رەسەي حالىقتارىنىڭ اراسىنان ء5-ىنشى بولدى. – س.ا.) قازاق حالقىن سايلاۋ قۇقىنان ايىرۋمەن قاتار، «الاش» ۇلت-ازاتتىق قوزعالىسىنىڭ جەتەكشىلەرىن جاپپاي قۋدالادى. مىسالعا، الاش كوشباسشىسى ا.بوكەيحان ءوزى سايلانعان ءى دۋمانى تاراتۋعا نارازىلىق رەتىندە «ۆىبورگ ۇندەۋىنە قول قويعانى جانە تاراتىپ-ناسيحاتتادى» دەگەن ايىپپەن 3 اي تۇرمە جازاسىنا كەسىلىپ، اباقتىدا 3 ايدىڭ ورنىنا 8 اي وتىرىپ شىققان سوڭ، ءوزىن ساياسي ايداۋعا جىبەرەتىنىن سەزىپ، الدىمەن سانكت-پەتەربورعا، ودان ساماراعا ەميگراتسياعا كەتتى. ج.اقبايۇلى الدىمەن ساحا-ياكۋتياعا، ودان تۇركىستانعا جەر اۋدارىلدى، ا.بايتۇرسىنۇلى مەن م.دۋلاتۇلى سەمەي تۇرمەسىنە جابىلىپ، بوساتىلىسىمەن ءبىرى ءوز تاڭداۋىمەن ورىنبورعا، ەكىنشىسى تۇركىستاندا باس ساۋعالاپ ءجۇرىپ، 1913 جىلى عانا ورىنبوردا «قازاق» گازەتىن شىعارا باستاعان ا.بايتۇرسىنۇلىنا كەلىپ قوسىلدى.


كەلۋ قاينارى: http://www.elarna.net/koru.php?tur=7&id=1046899

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ەلميرا سىزدىقوۆا توكيو 6 مينوت
中国哈萨克语广播网 6 مينوت
داۋلەت نيازبەكوۆ الەم چ 6 مينوت
كاسىپكەرلەر ەلوردالىق ب 9 مينوت
«حابار» ارناسىنان «بارى 16 مينوت
اقش اسكەري-تەڭىز كۇشتەر 18 مينوت
جاڭاوزەندە اكىمدىك قىزم 24 مينوت
مۇعالىمدەر ءبىرقاتار جە 26 مينوت
اقمولالىق سامبوشى ازيا 27 مينوت
ارقا تويى اجارلى | ادەب 1 ساعات
中国哈萨克语广播网 1 ساعات
سەنىمدى بەكەمدەپ، قاجىر 1 ساعات
قازاقستاندا تسيفرلىق كو 1 ساعات
اقمولالىق سامبوشى ازيا 1 ساعات
نۇر-سۇلتان بيزنەس قالاس 1 ساعات
مارات شيبۇتوۆ: سوڭعى 10 1 ساعات
قازاقستاندا 20 قىركۇيەك 1 ساعات
پرەزيدەنت بۇقتىرما سۋ ق 1 ساعات
中国哈萨克语广播网 1 ساعات
مەملەكەتتىك كەڭەستىڭ اق 1 ساعات
اقش اسكەري-تەڭىز كۇشتەر 1 ساعات
مەنىڭ جازعى دەمالىسىم. 1 ساعات
جامبىل وبلىسىندا پوليتس 1 ساعات
مامين «بايتەرەك» ۇبح» ا 1 ساعات
اسقار مامين قاراعاندى و 1 ساعات
جۇڭگو مەن سەربيا تۇڭعىش 1 ساعات
ەلىمىزدە تابىسى تومەن و 1 ساعات
اقتوبەدەگى «وق وتپەيتىن 1 ساعات
سەمەيدەگى سپورت كەشەنىن 2 ساعات
中国哈萨克语广播网 2 ساعات